मकवानपुर । बागमती प्रदेशका मुख्यमन्त्री डोरमणि पौडेलले धार्मिक एवं सांस्कृतिक विविधता नै नेपालीहरुको पहिचान भएको बताएका छन् । फागु पूर्णिमाको अवसरमा आज आक्षतबार एक शुभकामना सन्देश जारी गर्दै मुख्यमन्त्री पौडेलले प्रेम, सद्भाव र भाइचाराको भावनासहित आपसमा रङहरु लगाएर मनाइने यस पर्वले पहाड र तराईलाई जोडेको उल्लेख गरेका छन्।
‘रङहरुको पर्व फागु पूर्णिमा अर्थात् होलीको अवसरमा स्वदेश तथा विदेशमा रहेका सम्पुर्ण दिदीबहिनी तथा दाजुभाइमा सुख, शान्ति एवं समृद्धिको शुभकामना व्यक्त गर्दछु । प्रेम, सद्भाव र भाइचाराको भावनासहित आपसमा रङहरु लगाएर मनाइने यस पर्वले पहाड र तराईलाई जोडेको छ । त्यसो त धार्मिक एवं सांस्कृतिक विविधता नै हाम्रो पहिचान हो । यसले नै सम्पूर्ण नेपालीलाई एकताको सूत्रमा जोडेको छ । यही एकताको जगमा ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्नु नै आज हामी सबैको प्राथमिक दायित्व हो’, मुख्यमन्त्री पौडेलको सन्देशमा उल्लेख छ ।
पौडेलले कोरोना महामारीको सम्भावित दोस्रो लहरका कारण यस वर्षको होली विगतको जस्तो गरी मनाउन सकिने अवस्था नरहेको उल्लेख गरेका छन् । उनले आवश्यक सावधानीसहित आफ्नो घर परिवारमा सीमित भई होलीपर्व मनाउन अनुरोध गर्दै समृद्ध नेपाल निर्माणको अभियानमा यस पर्वले थप उत्साह एवं उत्प्रेरणा प्रदान गर्ने विश्वास व्यक्त गरेका छन् ।
मकवानपुर । बागमती प्ररदेश आर्थिक मामिला तथा योजना मन्त्री कैलाश ढुङ्गेलले आफन्तको कारण नै मानव बेचबिखन बढेको बताएका छन् । खुल्ला सिमाना भएको कारण बेचविखनको समस्या बढी चुनौती भएको उनलेे बताएका हुन् । तर सिमाना खुल्ला हुदैमा बढेको समस्या सम्बोधन गर्न सरकारले उचित नीति बनाउनु पर्ने उनले बताए ।
मकवानपुरको हेटौंडामा मंगलबार आयोजित वैदेशिक रोजगारको चुनौती र सरोकारवाला पक्षको भूमिका बिषयक प्रदेश स्तरीय अन्तरक्रिया कार्यक्रममा मन्त्री ढुङ्गेलले यस्तो बताएका हुन् । स्वयम् व्यक्ति आफैं चलाख नभएसम्म यो चुनौती सरकारको एकल प्रयासले मात्रै समाधान गर्न नसक्ने मन्त्री ढुङेलले बताए । आफूसँग भएको सिपको प्रयोग नगरेर वैदेशिक रोजगारमा आकर्षण हुने ट्रेन घटाउन सकेमा बिस्तारै वैदेशिक रोजाईको समस्यामा कमि ल्याउनु पर्ने ढुङ्गेलले बताए । वैदेशिक रोजगारबाट सीप सिकेर आएकालाई स्वदेशमा बस्नको लागि आयमुलक योजनामा प्रदेश सरकारले काम गरेको मन्त्री ढुङ्गेलले बताए । वैदेशिक रोजगारको समस्या सम्बोधन गर्न आमनागरिकलाई चनाखो बनाउनको लागि सरकारले ध्यान दिनुपर्ने उनले बताए ।
कार्यक्रममा कार्यपत्र प्रस्तुत गर्दै सेन्टर फर माईग्रेशन एण्ड इण्टरनेशनल रिलेशन्सको प्रतिनिधि बिभुती किरण घिमिरेले विकेन्द्रीकरण शासन व्यवहारमा नदेखिएको बताइन् । कोभिडको कारण समस्या परेर फर्केकाहरुलाई सम्बोधन गर्ने योजना नभएकोले समस्या भएको उनले बताइन् । अनुसन्धानको क्रममा भेटिएका सहभागीले सरकारद्वारा वैदेशिक रोजगार भन्दा स्वदेशी रोजगारलाई प्राथमिकता दिनुपर्ने माग गरेको उनले बताइन् । “स्थानीय सरकारले सरोकारवाला र नीति नियम तहमा समेत सहकार्य गरोस् भन्ने राय आएको छ” घिमिरेले भनिन् । स्थानीय तहको सरकारलाई सशक्त बनाउनु पर्ने माग स्थानीयहरुले गरेको उनले बताइन् ।
कार्यक्रममा माइती नेपाल मकवानपुर प्रमुख माया लामाले पासपोर्ट बनाउन आएका महिला पुरुषलाई परामर्श दिने क्रममा धेरै चुनौती रहेको बताइन् । सामाजिक सन्जालबाट भेटिने व्यक्तिको भरमा परेर वैदेशिक रोजगारमा जाँदा समस्या बढी भएको लामाले बताइन् । मानव तस्करीमा आफैं पनि जोखिम मोल्न तयार हुने गरेको पीडादायी घटना रहेको लामाले बताइन् ।
समता फाउन्डेसनको आयोजना र मानव अधिकार तथा जातीय भेदभाव सरोकार केन्द्र हेटौंडाको संयोजकमा कार्यक्रम भएको थियो ।
मकवानपुर / पत्रकारिताले समाजमा सकारात्मक सन्देश दिनुपर्ने बागमती प्रदेशको प्रमुुुख सचिव डा. मानबहादुर बिकले बताएका छन् । आमसन्चारले स्थानीय क्षेत्रको दुरदराजको खोजमुलक समाचारलाई उच्चप्राथमिकता दिनुपर्ने प्रमुख सचिव बिकले बताए ।
सञ्चार रजिष्टार कार्यालय बागमती प्रदेशको समन्वय तथा आन्तरिक मामिला तथा कानुन मन्त्रालय बागमती प्रदेशको आयोजनामा मल्टिमिडिया तथा अनलाइन पत्रकारिता सम्बन्धि मकवानपुरगढी गाउँपालिकामा बिहिवारबाट सुरु भएको तालिमको उद्घाटन गर्दै प्रमुख सचिब बिकले यस्तो बताएका हुन् ।
कहिलेकहि सकारात्मक समाचारले पनि नकारात्मक छाप छाड्न सक्ने भएकोले यस्ता त्रुटी प्रती चनाखो हुनुपर्ने उनले बताए । ब्रेकिङ्ग न्युजको होडबाजीको कारण पत्रकारितामा समस्या भएको बिकले बताए । “फ्याक्ट चेक गर्ने धैर्यता चाहियो” बिकले भने “सोसल मिडियाको लागि सबै व्यक्ति पत्रकार भए,अब यसलाई कसरी व्यवस्थित गर्नेभने तर्फ सोच्नुपर्छ ।”
कार्यक्रममा आन्तरिक मामिला तथा कानुन मन्त्रालयका सचिब मदन भुजेलले पत्रकारितामा धेरै कमजोरी पाटाहरु भएकोले सच्याउन तर्फ लाग्नु पर्ने बताए । पत्रकारलाई टिकाउनको लागि सीप अत्यावश्यक पाटो भएको पत्रकार महासंघ बागमती प्रदेश अध्यक्ष प्रताप बिष्टले बताए । निरन्तरता र कृयाशिलता भएमा पत्रकारितामा भविष्य धेरै राम्रो भएको बिष्टले बताए । सञ्चार माध्यम र सन्चारकर्मीले आमपाठकसामु बिश्वासनियता कायम राख्नुपर्ने उनले बताए । “हाम्रो समाचार समाजमा बिकाउनको लागि विश्वासनीयता चाहिन्छ” बिष्टले भने “हामी साझा जीवनशैली बिताऔं ।”
यसैगरी प्रदेशको सञ्चार रजिष्टार रेवती सापकोटाले पत्रकारको सीप र दक्षता वृद्धिको लागि तालिम उपयोगी भएको बताए । पत्रकारको लागि साना साना लाग्ने तर जीवनपयोगी सीप सिकाइने सापकोटाले बताए । नेपालको ५० प्रतिशतभन्दा बढी पत्रकार बागमती प्रदेशमा कृयाशिल रहेकोले देशलाई नै निर्देशित गर्न जिम्मेवार पत्रकार बन्न सापकोटाले अनुरोध गरे । कार्यालयले प्रदेशमा हालसम्म १ सय २० जना पत्रकारलाई यो तालिम प्रदान गरिसकिएको सापकोटाले बताए ।
तालिममा बागमती प्रदेशको ११ जिल्लाका २० जना पत्रकारहरु सहभागी रहेको आन्तरिक मामिला तथा कानुन मन्त्रालय बागमती प्रदेश शाखा अधिकृत ज्ञानदीप राई जानकारी दिए ।
मकवानपुर /सुरक्षित सिकाई वातावरण बारे प्रदेश स्तरीय नीतिगत संम्बाद कार्यक्रम हेटौंडामा भएको छ ।
बिद्यालयमा सुरक्षित सिकाई वातावरण बारे बागमती प्रदेशको धादिङ जिल्लाको १३ वटा बिद्यालयमा पाईलट परियोजना सन्चालित छ । बालबालिकाहरुलाई घरबाट बिद्यालय र बिद्यालयबाट घरसम्म कसरी सुरक्षित राख्न सकिन्छ भन्ने बारे बहस आवश्यक भएको सहभागीहरुले बताएका थिए ।
बिगत ९ महिनादेखि सन्चालित यो कार्यक्रम अन्तरगत बिद्यालयहरुको बिद्यालय प्रशासन र व्यवस्थापनलाई सुरक्षित वातावरणको लागि उत्तरदायी बनाउने, शिक्षकहरु बिच सुरक्षित व्यबहारका लागि प्रेरित गर्ने, हिंसा, उत्पीडित तथा बदमासीको बारेमा सीप र ज्ञान वृद्धि गर्ने, लैङ्गक तथा गुनासो सम्बन्धी घटनाको तथ्यांक सुरक्षित राख्ने जस्ता कार्य गरिएको कार्यपत्र प्रस्तोता बसन्त पराजुलीले बताए ।
कोभिडको कारण फिल्डमै पुगेर काम गर्न समस्या भएको र पछिल्लो ३ महिना सम्बन्धित बिद्यालयमा नै पुगेर कार्यक्रम गरिएको अर्का कार्यपत्र प्रस्तोता सन्तोष महतोले बताए । छात्रछात्राहरुले सिकाइको क्रममा भएका समस्या बारे गुनासो पेटिका मार्फत उजुरी गर्ने गरेको पराजुलीले बताए । भिएसओ नेपालको सहयोगमा आस्मान नेपाल र शिक्षा पत्रकार समाजको आयोजनामा भएको सुरक्षित सिकाई सम्बन्धि प्रदेश स्तरको कार्यशाला मंगलबार हेटौंडामा भएको थियो ।
बागमती प्रदेशमा प्रदेश स्तरको शैक्षिक नीति लागू भएको छैन । शिक्षा नीतिबारे अझै पनि सुझाव ग्रहण गर्ने सकिने भएकोले यो अवसरलाई सदुपयोग गर्न सामाजिक विकास मन्त्रालयका शाखा अधिकृत श्रीकृष्ण आचार्यले बताए । बिद्यालयको सिकाइलाई प्रभावकारी र सुरक्षित गर्न अभियान नै सुरु गरिएको उनले बताए । प्रदेश सरकारले प्रदेशको २ सय ५९ बिद्यालयमा बिद्यालय नर्स कार्यरत रहेको उनले बताए । बिद्यालय नर्सको कारण पनि छात्रछात्रालाई मनोसामाजिक परामर्श हुने गरेको आचार्यले बताए ।
बिद्यालय सिकाइको वातावरणलाई सुरक्षित राख्न अभिभावक शिक्षा कार्यक्रम ल्याईएको प्रदेश शिक्षा निर्देशनालय शारदा कुमारी मैनालीले बताइन् । छात्रछात्रालाई हिंसा र उत्पीडितबाट बचाउन महिला शिक्षकको भूमिका महत्वपूर्ण हुने बताइएको थियो । महिला शिक्षकको सक्रियतामा छात्राहरूमा हुने संभावित हिंसा कम हुने शिक्षा पत्रकार समाजका बागमती प्रदेश संयोजक वसन्त पराजुलीले बताए ।
मकवानपुर । मकवानपुरगढीदेखि सिन्धुलीगढीसम्मकाे लागि तय गरिएकाे साइकल यात्रशनिबारबाट सुरु गरिएको छ । आन्तरिक पर्यटन प्रवर्ध्दन गर्ने र ऐतिहासिक गढीहरुको संरक्षणका लागि सम्बन्धित निकायहरुको ध्यानाकर्षण गराउने उद्देश्यले साइकल यात्रा सुरू गरिएकाे हाे ।
बागमती प्रदेशका मुख्यमन्त्री डोरमणि पौडेलले शनिबार मकवानपुरगढीमा साइकल यात्री पुस्कर शाहलाई साइकल र राष्ट्रिय झण्डा हस्तान्तरण गरेर साइकल यात्राको शुभारम्भ गरेका छन् ।

शुभारम्भ कार्यक्रमका मकवानपुरगढी गाउँपालिकाका अध्यक्ष विदुर हुमागाईले साइकल यात्रीहरुको स्वागत गर्दै ऐतिहासिक गढीको बारेमा जानकारी गराएका थिए । बागमती प्रदेश सरकारको उद्योग पर्यटन, वन तथा वातावरण मन्त्रालयको संयोजकत्वमा गढीदेखि गढीसम्मको साइकल यात्रा आयोजना गरिएको हो ।
उद्योग पर्यटन मन्त्रालय, गढी गाउँपालिका, बाटोमा पर्ने स्थानीय तह, जिल्ला खेलकुद विकास समिति, राइडर्स क्लब, साइकल संघ र पंर्वतीय खेलकुद महासंघको साझेदारीमा भएकाे साइकल यात्रीहरुको धरान—चतरा– हेटाैडा मार्ग अन्तर्गत हेटौंडा—फापरबारीको सडकखण्ड हुँदै शनिबार बेलुका सिन्धुलीको हरिहरपुरगढी पुगेर बाँस बस्ने मन्त्रालयका सचिव डा सिन्धु ढुंगानाले बताए ।

शनिवार मकवानपुरगढीबाट सुरू भएकाे साइकल यात्रा २४ गते सिन्धुलिगढीमा झण्डोत्तोनल गरि समापन गरिने मन्त्रालयका सचिव डा शिन्धुप्रसाद ढुंगानाले बताए । साईकल यात्राको माध्यमबाट नयाँ गन्तव्यहरुको खोजि हुने तथा ऐतिहासिक पुरातात्त्विक गढिको सम्बर्द्धन,पहिचान, गन्तव्यको रुपमा विकास गर्नमा सहयोग पुग्ने मन्त्रालयको सचिब ढुङ्गानाले जानकारी दिए ।
नमुना पर्यटन क्षेत्र बनाउने योगदान पुर्याउन मन्त्रालयले साइकल यात्राको क्रममा जोडिने स्थानीय तहहरूसँग समन्वय गरिने बताइएकाे छ । मन्त्रालयले यस कार्यक्रमको लागि ११ लाख ५० हजार बार्षिक कार्यक्रम बाट छुट्याइएको बताईएको छ । बागमती प्रदेशमा रहेको ९ मध्ये ३ वटा गढी छुने गरि ट्रयाक तयार भएकोले हाल ३ वटा गढीको मात्रै यात्रा गरिने छ ।
यसैगरी आयोजक र सहयोगी गरि अन्य ६० जना सहभागी भएकाे मन्त्रालयका सूचना अधिकृत नवराज पुडासैनीले बताए । साइकल यात्रा कार्यक्रमबाट गढीहरुको पहिचान तथा प्रबर्द्धनमा वृद्धि हुने, आन्तरिक पर्यटनमा वृद्धि हुने, गढीलाई नमुना पर्यटकीय क्षेत्रको रुपमा विकास गर्न सहज हुने सूचना अधिकृत पुडासैनीले बताए ।
विश्व यात्री पुस्कर शाहको अगुवाइमा ३ जना महिलासहित १ सय २२ जना साइकल यात्रीहरु मकवानपुरगढीबाट यात्रा सुरु गरेको मन्त्रालय पुडासैनीले बताए । मकवानपुरगढीबाट सिन्धुलीगढीको दूरी १ सय ३१ किलोमिटर रहेको छ ।