मकवानपुर । निर्वाचन आयोगले आचारसंहिता विपरीत मौन अबधिमा मत मागेकोमा ध्यानाकर्षण गराएको छ । केही व्यक्तिले विज्ञप्ति नै निकालेर मत मागेको भन्दै निर्वाचनले आचारसंहिता पालन गर्न ध्यानाकर्षण गरेको हो ।
नेकपा एमालेका अध्यक्ष एवम् प्रधानमन्त्री केपी शर्मा ओलीले भोलि हुने राष्ट्रियसभा उपनिर्वाचनमा रामबहादुर थापा ‘बादल’लाई मतदान गर्न आह्वान गरेका छन ।
बुधबार एक अपिल जारी गर्दै ओलीले सूर्य चिन्ह लिएर उम्मेद्वारी दिएका थापालाई मतदान गर्न पार्टी पंक्तिलाई आह्वान गरेका हुन् । यसै गरि राष्ट्रिय प्रजातन्त्र पार्टीले समेत आफ्ना प्रदेश सभा सदस्य र स्थानीय तहका निर्वाचित जनप्रतिनिधि लाई बादलको पक्षमा मतदान गर्न विज्ञप्ति निकालेर भनेको छ । एमाले उम्मेदवार रामबहादुर थापा (बादल)को पक्षमा विज्ञप्ति निकालेर मत मागेको दिन आयोगले ध्यानाकर्षण गराउदै चासो देखाएको हो ।



बागमती प्रदेशको भोलि हुने राष्ट्रियसभा उपनिर्वाचनका लागि जेठ ३ गते राति १२ बजेदेखि मौन अवधि सुरु भइसकेको छ ।

मकवानपुर । राष्ट्रियसभा उपनिवाचनको लागि गृहमन्त्रीरामबहादुर थापा ‘बादल’ सहित एमाले नेताहरु हेटौँडा आईपुगेका छन् । भोली जेठ ६ गते हुने राष्ट्रियसभा उपनिर्वाचनको उम्मेद्वार समेत रहेका बादल आज हेटौँडा आएका हुन् ।
बागमती प्रदेश अन्तर्गत रिक्त भएको १ पदको उपनिर्वाचनमा एमालेको तर्फबाट गृहमन्त्री समेत रहेका बादल उम्मेद्वार बनेका छन् । उनको प्रतिस्पर्धीको रुपमा उमेद्वावारी दर्ता गर्दाको समयमा एमालेको नेपाल समूह, नेपाली कांग्रेस, माओवादी केन्द्र तथा जनता समाजबादी पार्टीको तर्फबाट डाक्टर खिमलाल देबकोटा रहेका छन् । बादलसँगै एमाले नेताहरु हेटौंडा आएका छन ।
मकवानपुर । नेकपा एमालेले बागमती प्रदेशको राष्ट्रियसभा सदस्यको उपनिर्वाचनमा रामबहादुर थापा ‘बादल’लाई मत दिन ह्वीप जारी गरेको छ।
महासचिव ईश्वर पोखरेलले प्रदेशसभा सदस्य र बागमती प्रदेश अन्तर्गतका स्थानीय तहका प्रमुख र उपप्रमुखलाई पठाइएको पत्रमा भनिएको छ ‘बागमती प्रदेशको राष्ट्रियसभा सदस्य उपनिर्वाचनमा पार्टीको तर्फबाट आधिकारिक उम्मेदवार क. रामबहादुर थापा भएको जानकारी गराइन्छ । पार्टीको उम्मेदवारको पक्षमा निर्वाचन कार्यक्रम अन्तर्गत मिति २०७८ जेष्ठ ६ गते बिहान ९ बजे देखि दिउँसो ३ बजेसम्म हेटौँडामा हुने मतदानमा अनिवार्य उपस्थित भई पार्टीका उम्मेदवारको चुनाव चिन्ह सूर्यमा मतदान गर्नुहुन पार्टी निर्णयअनुसार निर्देशन गर्दछु।’
यसै बिच जेठ ६ गते हुने राष्ट्रियसभा सदस्य पदको उपनिर्वाचनमा राष्ट्रिय प्रजातन्त्र पार्टी राप्रपाले नेकपा एमालेको तर्फबाट उम्मेदवार बनेका रामबहादुर थापा बादललाई सहयोग गर्ने भएको छ ।
आफ्नो उम्मेदवारलाई मतदान गरी सहयोग गर्नका लागि एमालेबाट औपचारिक पत्र प्राप्त भएकाले राप्रपाले एमालेका उम्मेदवार बादललाई मतदान गर्ने निर्णय गरेको राप्रपाले जनाएको छ ।
राप्रपाले बादलको पक्षमा मतदान गर्न पार्टीका प्रदेशसभाका सदस्यहरु, गाउँपालिकाका अध्यक्ष तथा उपाध्यक्षलाई निर्देशन दिइसकेको छ । राप्रपाको प्रदेशसभामा २ सांसदको प्रतिनिधित्व छ । स्थानीय तहतर्फ धादिङको रुबिभ्याली गाउँपालिकाका अध्यक्ष र उपाध्यक्ष मतदाता हुन् ।
यस्तै राष्ट्रियसभाको उपनिर्वाचनमा मतदान गर्न हेटौँडा आउने प्रदेशसभा सदस्य तथा स्थानीय तहका जनप्रतिनिधिलाई आवास र खानपानको व्यवस्थापनका लागि होटल संचालन गर्न दिइने भएको छ ।
सोमबार जिल्ला प्रशासन कार्यालय मकवानपुरले राष्ट्रियसभा उपनिर्वाचनमा मतदान गर्न हेटौँडा आउने मतदाताहरुका लागि आवास र खानपानको प्रबन्ध मिलाउन होटल संचालन गर्न दिने निर्णय गरेको हो ।
जेठ ६ गते विहान ९ बजेदेखि सुरु हुने मतदानका लागि हेटौँडा उपमहानगरपालिका वडा नम्वर ४ स्थित भुटनदेवि माद्यमिक विद्यालयको भवनमा ३ वटा मतदान केन्द्र स्थापना गरिएको र आवश्यक शान्ति सुरक्षाको समेत व्यवस्थापन मिलाइएको जिल्ला प्रशासन कार्यालय मकवानपुरले जानएको छ ।
निर्वाचनमा बागमती प्रदेशसभाका १ सय ९ जना सांसद्, प्रदेशका १ सय १९ स्थानीय तहका प्रमुख र उपप्रमुखसहित २ सय ३८ जना गरी कुल ३ सय ४७ जना मतदानमा सहभागि हुनेछन् ।
रिक्त राष्ट्रियसभाको १ पदको उपनिर्वाचनमा एमालेबाट थापा, माओबादी केन्द्र सहितको दलको समर्थनमा प्रदेश नीति तथा योजना आयोगका पूर्व अध्यक्षसमेत रहेका डा. खिमलाल देवकोटा र नेमकिपाका कृष्णबहादुर तामाङ उम्मेदवार रहेका छन ।

मकवानपुर । बागमती प्रदेशभित्र निर्माण भएका पुल र झोलुङ्गे पुलको आज बाट एकै साथ उद्घाटन् गरिएको छ । १० वटा पक्की पुल र १ वटा झोलुङ्गे पुलको मुख्यमन्त्री डोरमणि पौडेलले भर्जुअल माध्यमबाट आज हेटौंडामा एक साथ उद्घाटन् गरेका छन् ।
भौतिक पूर्वाधार विकास मनत्रालय बागमती प्रदेशको आयोजनामा भएको उद्घाटन कार्यक्रममा सिन्धुपाल्चोक मेलम्ची चोक्यु पुल, भक्तपुरको महादेब खोला पुल, सिन्धुपाल्चोकको याम्वालिंग झोलुङ्गे पुल, भक्तपुरको मजुवा खोला पुल, काठमाडौको बिष्णुमति खोला पुल र धोबी खोला पुल, चितवनको भवानीपुर उत्तराखण्ड भण्डार सडक पुल र चानौनी अमृतनगर दाद्रेनी पुल, नुवाकोटको ढुंगे खहरे कल्भर्ट लिखुखोला पुल, धादिङको डुडुरे खोला पुल र पलाखु खोला पुल निर्माण सकिएपछी आज एकै साथ उद्घाटन् गरिएको हो ।
३ सय ९७ मिटर लम्बाइको एक दर्जन पुल निर्माण गर्नका लागि प्रदेश सरकारको २५ करोड ३८ लाख ५३ हजार रुपैयाँ खर्च गरेको छ ।

पुल उद्घाटन् गर्दै प्रदेशका मुख्यमन्त्री पौडेलले प्रदेश सरकारको तीन वर्षको अवधिमा ४४ वटा पुल निर्माण गरिसकेको बताए । बागमती प्रदेशका अस्पतालमा अक्सिजनको ब्यवस्थापन, एच.डि.यु र आइसियुको ब्यबस्थापनमा प्रदेश सरकार २४ घण्टानै लागिपरेको भन्दै उनले प्रदेश सरकार जनस्वास्थ्यप्रती अत्यन्तै गम्भिर रहेको बताए ।
कार्यक्रममा भौतिक पूर्वाधार विकास मन्त्री रामेश्वर फूयालले कोरोनाको महामारीको समयमा समेत बिकास निर्माणका कामहरु भइरहेको बताए। ५ वर्ष भित्रमा १ सय वटा पुल र सय वटा ठुला महत्वका सडक निर्माण गरिएको उनले बताए।
मकवानपुर । नेपाली काँग्रेसले आज जेठ २ गते आइतबारदेखि सातै प्रदेशमा काेराेना भाइरसकाे अवस्था र कांग्रेसको भूमिका’ विषयमा प्रदेशस्तरीय अन्तरक्रिया गर्ने भएको छ । पार्टीको कोभिड–१९ अनुगमन समितिको आयोजनामा सातै प्रदेशका पार्टीका सम्बन्धित नेता–कार्यकर्ताको संलग्नतामा जुम प्रविधिमार्फत कार्यक्रम गर्न लागिएको पार्टी कार्यालयले जनाएको छ ।
कार्यक्रममा सम्बन्धित प्रदेशका केन्द्रीय सदस्य, जिल्ला सभापति, प्रतिनिधिसभा तथा प्रदेशसभाका सदस्य, पार्टीको क्षेत्रीय कार्यसमितिका सभापति, पालिकाका सभापति तथा कांग्रेसका तर्फबाट स्थानीय तहमा निर्वाचित प्रमुख, उपप्रमुख, अध्यक्ष, उपाध्यक्षलगायतको सहभागिता रहनेछ ।
कार्यक्रमको प्रमुख अतिथि कांग्रेसका सभापति शेरबहादुर देउवा र विशिष्ट अतिथिका रुपमा वरिष्ठ नेता रामचन्द्र पौडेललगायत अन्य नेतासमेत सहभागी हुने पार्टी कार्यालयका सचिव प्रेम केसीले जानकारी दिए । सबै प्रदेशको संयोजन कांग्रेसका सहमहामन्त्री तथा समितिका संयोजक डा. प्रकाशशरण महतले गर्नेछन् ।
