मकवानपुर । बागमती प्रदेशका मुख्यमन्त्री राजेन्द्रप्रसाद पाण्डेले प्रदेशलाई प्रविधीसँग जोड्दै प्रदेशलाई डिजिटल बनाउने अभियानमा सरकार रहेको बताएका छन् ।
हेटौंडामा आयोजित डिजिटल बागमती सम्बन्धि आन्तरक्रिया कार्यक्रमलाई संबोधन गर्दै मुख्यमन्त्री पाण्डेले सरकारले ल्याएको नीति तथा कार्यक्रमले डिजिटल बागमती बनाउँने अभियानलाई समेटेको बताए ।
नीती तथा कार्यक्रम सँगै बजेटमा पनि डिजिटल बागमतीको बिषयलाई समेट्ने बताए । उनले प्रबिधीको बिकासबाट समाजमा सकारात्मक परिवर्तन आउँनेमा सरकार स्पष्ट रहेको बताए । कार्यक्रममा सरकारले ल्याएको निती तथा कार्यक्रममा प्रबिधीसँग जोडिएको सबै बिषय मुख्यमन्त्री पाण्डेले जानकारी गराएका थिए ।
कार्यक्रममा हेटौंडा उपमहानगरका मेयर मिनाकुमारी लामाले डिजिटल हुने चाहना जबसम्म मानिसमा हुँदैन तबसम्म परिवर्तन असम्भब भएको बताइन् ।
‘डिजिटल बागमती’ सम्बन्धी कार्यक्रममा प्रबिधीसँग जोडिने चाहना र भावना नभएसँम्म समाज अघि बढ्न नसक्ने बताइन् । समाजले प्राबिधीक परिवर्तनलाई आत्मसाथ गर्दै सिक्ने चाहना नराखेसम्म बिकासमा समस्या आउने बताइन् ।
नगरलाई प्रबिधी मैत्री बनाउँनका लागि अहिले पनि बिद्युतको समस्या रहेको बताइन् । उपमहानगरका सबै वडालाई प्रबिधीमैत्री बनाउने प्रयत्न भएपनि यहाँ बिद्युतको समस्या रहेको उनको भनाइ थियो । बिद्युतको समस्या टरेसँगै प्रबिधीको पाटोमो अघि बढ्ने मेयर लामाले प्रतिवद्धता जनाइन् ।
नगरलाई समृद्ध र सवल बनाउने काममा कुनै कसर बाँकि नराख्ने भन्दै मेयर लामाले उपमहानगरमा सुशासन र पारदर्शिताको साथ काम गर्ने बताइन् । नागरीकलाई सचेत पार्दै जनताको आधारभुत आवश्यकता पुर्तिका लागि सचेत रहेको बताइन् । लिभिङ्ग विथ आइसिटिका अध्यक्ष राजन लम्सालको अध्यक्षतामा भएको कार्यक्रममा आन्तरीक मामिला तथा कानुन मन्त्री कृष्ण शर्मा खनाल, प्रदेश योजना आयोगका सदस्य प्रल्हाद लामिछानेलगाएतको आतिथ्यता रहेको थियो ।
मकवानपुर । बागमती प्रदेश सरकारकाले ३७ जना विभिन्न क्षेत्रका ब्यक्तिहरुलाई सम्मान गर्ने भएको छ ।
प्रदेश सरकारले विभूषण सिफारिस तथा सम्मान र पदक सम्वन्धी ऐन, २०७६ र सम्मान र पदक प्रदान गर्ने मापदण्ड, २०७८ बमोजिम बागमती प्रदेशका ३७ जना सम्मानित गर्ने भएको हो । बागमती प्रदेश आन्तरिक मामिला तथा कानून मन्त्रालयले सोमबार सूचना प्रकाशित सम्मानित हुने ब्यक्तिहरुको नाम सार्वजनिक गरेको हो ।
सार्वजनिक गरेको सूचिमा नेपाल प्रहरी, नेपाली सेना, शैक्षिक ब्याक्तित्व, पत्रकार, समाजिक अभियान्ता लगाएतको क्षेत्रमा क्रियाशिल ब्यक्तिहरु रहेका छन् ।
सरकारले प्रदेश परोकार सेवा पदक बाट डाक्टर सन्दुक रुइत, राजाराम ठकुरी, रिता कार्की, शुसिल घिमिरे, इन्दिरा न्यौपाने, डाक्टर चन्द्रमणी अधिकारी, नव प्रर्वद्धक पदकबाट डाक्टर महाबिर पुन, प्राध्यापक डाक्टर दिनेश भुजु सहित, पत्रकारिता क्षेत्रबाट कौशल पाण्डे, प्रताप विष्ट, कृष्ण सारुमगर लगायत २२ वटा विधामा ३७ जनालाई सम्मान गरिने भएको हो ।
आन्तरिक मामिला तथा कानुन मन्त्रालयले सम्मानित हुने ब्यक्तिको नाम सार्वजनिक गरेको भएपनि सम्मान गर्ने मिति भने पछि तय गर्ने बताएको छ ।
हेर्नुहोस सम्मानित हुनेहरुको सुची
मकवानपुर । पन्ध्रौं गणतन्त्र दिवसको अवसरमा बागमती प्रदेश प्रमुख यादवचन्द्र शर्मा र मुख्यन्त्री राजेन्द्र पाण्डेले शुभकामना व्यक्त गरेका छन् । संघीयता, धर्मनिरपेक्षता, समानुपातिक एवं समावेशीता सहितको संविधानको मर्म र भावनालाई आत्मसात गर्दै समृद्ध राष्ट्रको निर्माण गर्नु सबैको दायित्व भएको उल्लेख गर्दै शर्मा र पाण्डेले यसतर्फ लागि पर्न सबैलाई शुभकामना दिएका छन् ।
प्रदेश प्रमुख शर्माले लोकतान्त्रिक गणतन्त्रले हामीलाई अधिकार सम्पन्न मात्र नबनाई मुलुकमा सुशासन, विकास एवं समृद्दिको आधार समेत तयार गरिदिएको उल्लेख गरेका छन् । नेपाली जनताका प्रतिनिधिमार्फत २०६५, जेठ १५ गते संविधानसभाको पहिलो बैठकबाट संघीय लोकतान्त्रिक गणतन्त्रात्मक मुलुक घोषणा गरिएको दिनको स्मरणमा जारी गरिएको शुभकामना सन्देशमा प्रमुख शर्माले स्वदेश तथा विदेशमा रहनुभएका सम्पूर्ण नेपाली दाजुभाई एवं दिदीबहिनीहरुमा बधाई तथा शुभकामना व्यक्त गरेका हुन् ।
गणतन्त्र स्थापनाका लागि विभिन्न कालखण्डमा भएका आन्दोलनहरुमा आफ्नो अमूल्य जीवन उत्सर्ग गर्ने ज्ञात, अज्ञात अमर शहीदहरूप्रति श्रद्दासुमन अर्पण गर्दै बेपत्ता, घाईते तथा अपाङ्ग योद्धाहरुमा उच्च सम्मान प्रकट गर्दै शर्माद्वारा जारी सन्देशमा भनिएको छ “ऐतिहासिक जनआन्दोलन २०६२/०६३ को जगमा शाहवंशीय राजतन्त्रात्मक शासन व्यवस्थाको अन्त्य भई जनताको प्रतिनिधि जनता आफैंले छनौट गर्न पाउने लोकतान्त्रिक गणतन्त्रात्मक व्यवस्था स्थापना भएको पन्ध्रौ वर्षमा प्रवेश गरिरहँदा संविधानसभामार्फत संविधान निर्माण गरी जनताका हक अधिकारहरु सुनिश्चित गरिसकिएको छ । ’
यस्तै, सन्देशमा सार्वभौमसत्ता पूर्ण रुपमा जनतामा निहित रही जननिर्वाचित प्रतिनिधिबाट शासन र सरकार सञ्चालन हुने उत्कृष्ट प्रणालीको संस्थागत विकास भएको पनि उल्लेख छ । उनले भनेका छन् “यो हामी नेपालीका लागि सुखद् र अत्यन्त गौरवको विषय हो । लोकतान्त्रिक गणतन्त्रले हामीलाई अधिकार सम्पन्न मात्र बनाएको छैन, मुलुकमा सुशासन, विकास एवं समृद्दिको आधार समेत तयार गरिदिएको छ ।”
यसैगरी बागमती प्रदेशका मुख्यमन्त्री राजेन्द्र प्रसाद पाण्डेले शहिदहरुको सपना साकार गर्न सबैबीच एकता, सहकार्य र सहमति हुनु आवश्यक रहेको बताएका छन् । पन्ध्रौँ गणतन्त्र दिवसका अवसरमा आज शुभकामना सन्देश दिदै उनले लोकतन्त्रिक गणतन्त्रात्मक शासन व्यवस्था स्थापनाका लागि पटक–पटक भएका आन्दोलन तथा विभिन्न आरोह–अवरोह पार गर्दै गणतन्त्रसम्म आइपुगेको पनि आज चौध वर्ष पूरा भएको बताएका छन् ।
गणतन्त्र स्थापना पश्चात भर्खरै सम्पन्न स्थानीय तहको दोश्रो निर्वाचन सफलतापूर्वक सम्पन्न भई सकेको अवस्थामा सम्पन्न स्थानीय तहको निर्वाचनले संघीय गणतन्त्रको आधारभूत तहलाई मजबुत र संस्थागत गर्न मद्दत पुर्याएको मुख्यमन्त्री पाण्डेले बताएका छन् । उनले हालै सम्पन्न स्थानीय तहको निर्वाचनबाट नवनिर्वाचित जनप्रतिनिधिहरुलाई बधाई दिंदै सफल कार्यकालका लागि शुभकामना समेत दिएका छन् ।
राज्य सञ्चालनका सन्दर्भमा आम नेपालीको अपेक्षा तथा वीर अमर शहिदका सपना साकार पार्नु तीनै तहको सरकार सहित हामी सबैको सामुहिक दायित्व र कर्तव्यको रुपमा ग्रहण गर्न आवश्यक रहेको उनले सन्देशमा उल्लेख गरेका छ । लामो संघर्ष पश्चात संविधान सभाबाट जारी भएको संघिय¸ लोकतान्त्रिक गणतन्त्र नेपालको संविधानको रक्षा¸ समावेशी लोकतन्त्रको रक्षाका लागि अझै पनि संगठित हुदैँ संविधान विरोधी¸ लोकतन्त्र विरोधी तत्वहरुलाई टाउको उठाउन नसक्ने बनाउन अरु बढि चनाखो हुन जरुरी रहेको पाण्डेले बताए । संघर्षबाट प्राप्त उपलब्धीको रक्षाका लागि अझै निरन्तर लागि रहन आवश्यक रहेको मुख्यमन्त्री पाण्डेले बताएका छन् ।
मकवानपुर । बागमती प्रदेशसभामा १६ गते प्रदेश सरकारको नीति तथा कार्यक्रम प्रस्तुत हुने भएकाे छ । प्रदेश प्रमुख यादव चन्द्र शर्माले प्रदेश सरकारको नीति तथा कार्यक्रम प्रस्तुत गरिने प्रदेश सभा सचिवालयले जनाएकाे छ ।
प्रदेश सभाको आज शनिबारको बैठकमा सरकारको आगामी आर्थिक वर्ष २०७९/०८० को विनियोजन विद्येयक २०७९ को सिद्धान्त र प्राथमिकता माथि छलफल भएको थियो । छलफलको क्रममा सांसदहरुले उठाएका जिज्ञासाको जवाफ आर्थिक मामिला मन्त्री शालिकराज जम्मकट्टेलले दिएका थिए । त्यस पछी प्रदेशसभाका सभामुख सानुकुमार श्रेष्ठले अर्को बैठक जेठ १६ गते दिउँसो २ बजे बस्ने तथा उक्त बैठकमा सरकारको नीति तथा कार्यक्रम प्रस्तुत गरिने जानकारी सदनलाई गराएकाे थिए ।
शनिबारको बैठकमा सांसदहरुले सरकारले ल्याएको विनियोजन विद्येयक २०७९ को सिद्धान्त र प्राथमिकता माथि आफ्नो धारणा राखेका थिए । प्रदेश सरकारका आर्थिक मामिला तथा योजनामन्त्री जम्मकट्टेलले सदनमा छलफलमा उठाइएका विषयमा जवाफ दिएका थिए ।
मन्त्री जम्मकट्टेलले सरकारले जनतालाई लक्षित गरेर कार्यान्वयन हुने प्रकृतिको नीति तथा कार्यक्रम र बजेट ल्याउने गरी आफ्नो सिद्धान्त र प्राथमिकताहरु तयार पारेको बताए । उनले सोही अनुसार सरकारको बजेटले जनतालाई सम्बोधन गर्ने र कार्यान्वयन हुने प्रकृतिको नीति तथा कार्यक्रम ल्याउन सरकार सक्रिय रहेको बताए ।
मन्त्री जम्मकट्टेलले भने ‘केही रचनात्मक सुझावहरु पनि प्राप्त भएका छन् । केही असन्तुष्टिहरु पनि व्यक्त भएका छन् । समग्रमा सबैको मतको सम्मान गर्दै प्राप्त सुझावलाई नीति तथा कार्यक्रममा समावेश गरेर अघि बढ्छौँ ।’ उनले वर्तमान सरकारले मन्त्रालय थप गरी प्रशासनिक खर्च बढाएको भन्दै असन्तुष्टि व्यक्त गर्नु स्वभाविक भएको बताए ।
उनले प्रतिपक्षले भने झै सरकारले कुनै पनि योजनाहरु कटौती नगरेको प्रष्ट पारे । मन्त्री जम्मकट्टेलले सरकारले कार्यान्वयनमा आउन नसक्ने योजनाहरुलाई रोकेर त्यसको सट्टामा अन्य योजनाहरु अघि सारेको बताए ।
उनले काठमाडौको चेभारबार हेटौडासम्म सिधै हेटौडा सुरुङ मार्ग बन्ने गरी योजना कार्यान्वयन गरिने गरी कार्यक्रम समावेश गरिएको बताए । यसैगरी प्रदेश सरकारले बस किन्ने हाम्रो फरक मत रहेके बताए । सरकारले बस किनेर घाटा हुने छ । यसको लागि पब्लिक क्षेत्रलाई दिने हो । यो निजी क्षेत्रको काम हे । सरकारले विद्धुतीय सवारी साधनको लागि चार्चिङ सेन्टर खोलिसकेकोले निजी क्षेत्रले वस चलाउने गरी कार्यक्रम ल्याउने बताए ।
उनले राजनीतिक नियुक्ती गरेको व्यक्ति अर्को सरकार आउँदा स्वतः छोडेर जानु पर्ने उनले बताए । एउटा सरकारले नियुक्ती गरको व्यक्तिसँग अर्को सरकार आउँदा स्पिड नमिल्ने भएकोले छोड्नु पर्ने उनको धारणा थियो । उनले श्रमिक, बेराेजगार, कृषि, शिक्षा, दलित समुदाय, जन आन्दाेलनको घाइतेहरु लगायतको समस्या समाधान हुने गरी केही नयाँ पन समेत दिने गरी कार्यक्रम ल्याइने बताए ।
मकवानपुर । बागमती प्रदेशसभाको दशौं अधिवेशनको तेस्रो बैठक जारी छ । शुक्रबारको बैठकमा प्रदेश आर्थिक मामिला मन्त्री शालिकराम जमकट्टेलले प्रि वजेट पेश गरपछी समामुख सानु कुमार श्रेष्टले आज विहान ११ वजे सम्मको लागि बैठक स्थगित गरेका थिए ।
विहान ११ वजेको लागि बोलाइएको प्रदेश सभाको दशौं बैठक केही ढिला सुरु भएको थियो । बैठकमा विनियोजन विद्येयक २०७९ को सिद्धान्त र प्राथमिकता सम्बन्धमा प्रमुख प्रतिपक्ष दलका सांसद तथा सत्ता पक्षिय सांसदले आआफ्नो धारणा राखिरहेका छन् ।
बैठकमा प्रमुख प्रतिपक्षी दल नेकपा एमालेका नेता एवं बागमती प्रदेशका पूर्व अर्थमन्त्री कैलाशप्रसाद ढुंगेलले हालै सम्पन्न स्थानीय निर्वाचनलाई प्रभावित पार्न बागमती प्रदेश सरकारले २३ सय टुक्रे योजना ऐन विपरित बाँढेको बताएका छन् ।
शनिबार बागमती प्रदेश सभामा बोल्दै उनले संसद हुँदा हुँदै चल्ने सक्ने अवस्था हुँदा हुँदै पनि प्रदेश सरकारले संसदलाई छलेर निर्वाचन प्रभावित पार्न २३ सय योजना ल्याएको आरोप लगाए । उनले २३ सय योजना बाढ्दा पनि गठबन्धन प्रदेश सरकारले चालु वर्षको पुजिगत खर्च २८ प्रतिशत भन्दा माथि जान नसकेको बताए ।
ढुंगेलले प्रदेश सरकारलाई मन्त्रीकै लागि खर्च गर्न बजेट नपुगेको भन्दै जनताको समस्याको लागि कुनै ध्यान नगएको टिप्पणी गरे । बागमती प्रदेश सरकारलाई १८ मन्त्री आवश्यक छ ? प्रश्न गदै उनले भने यि सबैको भरणपोषण गर्दा बिउ कहाँबाट ल्याउनु, मल कहाँ बाट ल्याउनु ?
उनले गठबन्धन सरकारले निर्वाचनमा गठबन्धनले नजिते वडामा बजेट नदिने भन्ने अभिव्यक्तिले निर्वाचन प्रभावित भएको दाबी गरे । उनले प्रदेश सरकारले जनपक्षीय कामको लागि कुनै पनि योजना ल्याउन नसकेको दाबी गरे । उनले पेट्रोलियम पर्दाथको मूल्य बढीरहेको अवस्थामा अघिल्ल्लो प्रदेश सरकारले विद्युतिय सवारी साधन चलाउन योजना ल्याउँदा अहिलेको सरकारले वेवास्था गरेको बताए ।
यसैगरी बागमती प्रदेशसभा सदस्य प्रेमबहादुर पुलामी (छिन्तु) ले गठबन्धनको उद्देश्य सत्ता हत्याउने भन्दा पनि प्राप्त उपलब्धीहरुलाई जोगाउने बताएका छन् । शनिबार बसेको प्रदेशसभाको दशौँ अधिवेशन अन्तर्गतको तेस्रो बैठकमा विनियोजन विद्येयक २०७९ को सिद्धान्त र प्राथमिकतामा भाग लिँदै पुलामीले नेपाली जनताले प्राप्त गरेको उपलब्धी, संघीय लोकतान्त्रिक गणतन्त्र र संविधानको रक्षाको लागि गठबन्धन गरिएको बताए ।
‘यहाँ गठबन्धन किन गरियो भन्ने पनि प्रश्न आयो । हाम्रो उद्देश्य सत्ता हत्याउने होइन, उपलब्धी जोगाउने हो । यो त सुरुवात मात्रै हो । हेर्दै जानुहोला, जनताले प्राप्त गरेको उपलब्धी रक्षाको लागि हामी निरन्तर लागिरहनेछौँ ।’ उनले भने ।
उनले सरकारले ल्याएको प्रि बजेटमाथि प्रतिपक्षीले विरोध गर्नकै लागि विरोध गरेको बताए । ‘ विनियोजन विद्येयक २०७९ को सिद्धान्त र प्राथमिकता मैँले पनि पढेको छु । यसमा महिला विकासमा पहिला, बा र आमा हाम्रा, भगवानभन्दा पनि राम्रा भन्ने भाव झल्किएको छ ।’ उनले भने ।
यसै गरी विवेकशील साझा पार्टी बागमती प्रदेश संसदीय दलका नेता रमेश पौड्यालले सरकारले बजेटको प्राथमिकताको क्षेत्र खोज्नु भन्दा पनि बजेट खर्चतर्फ ध्यान दिनुपर्ने बताएका छन् ।
सरकारले प्रस्तुत गरेको आगामी आथिर्क वर्ष २०७९/०८० को विनियोजन विद्येयक २०७९ को सिद्धान्त र प्राथमिकतामाथि आफ्नो धारणा राख्दै पौड्यालले प्रदेश सरकारको बजेट खर्च गर्न नसकेका कारण योजनहरु प्राथिमिकतामा पर्न नसकेको बताए । उनले सरकारले बजेट खर्च गर्न नसक्नुको कारण खोज्नुपर्ने अवस्था आएकोले त्यस तर्फ ध्यान दिनुपर्नेमा जोड दिए ।
सरकारले ११ महिनाको अवधिमा वार्षिक बजेटको आधा रकम मात्रै खर्च गर्ने गरेको र आर्थिक वर्षको अन्तिममा असर महिनामा मात्र आधा बजेट खर्च गर्नुपर्ने बध्यता रहेको उनले बताए । ‘विगतमा हामीसँग एकल बहुमतको सरकार थियो । त्यसले पनि काम गर्न सकेन । अहिले गठबन्धनको सरकार छ । त्यसले पनि काम गर्न नसकेको प्रष्ट छ । यसलाई गम्भिर रुपमा हेर्नुपर्छ ।’ उनले भने, ‘हामीले मन्त्रालय विभाजन गर्दां पनि काम गर्न सकेनौ । यसबारेमा हामीले गम्भिर समिक्षा गर्नुपर्छ ।’
उनले विगतदेखि नै विभिन्न बहानामा बजेट खर्च गर्न नसकेको र हरेक वर्ष बजेट र त्यसका प्राथमिकता मात्र प्रस्तुत गरेको बताए । कर्मचारीके अभावले हामीले बजेट खर्च गर्न सकेनौँ भनि रह्यौ । कर्मचारी अभावलाई कहिलेसम्म बहाना गर्ने । त्यस विषयमा पनि सोच्नुपर्ने देखिएको छ । बागमती सरकारले चालु आवमा पुँजीगत तर्फ २८ र चालु तर्फ ४१ प्रतिशत बजेट खर्च गरेको छ । आगामी १ महिनामा त्यसलाई जसोतसो ७० प्रतिशत बनाइन्छ । यो हाम्रो ठूलो समस्या हो ।’ उनले भने ।
यसैगरी बागमती प्रदेशसभा सदस्य एवम् विवेकशील साझा पार्टीकी नेतृ शोभा शाक्यले प्रदेश सरकारलाई टर्च लाईट बालेर खोज्नुपर्ने अवस्था आएको बताएकी छिन् । प्रदेश सभामा विनियोजन विद्येयक २०७९ को सिद्धान्त र प्राथमिकतामाथि प्राथमिकता माथि छलफलमा भाग लिँदै उनले सरकार हराएकाले टर्च बालेर खोज्नुपर्ने अवस्था आएको बताइन् ।
उनले जनताले सरकारको महशुससमेत गर्न नसकेको बताइन् । नेतृ शाक्यले सरकारले जनताको जीवनलाई सहजता प्रदान गर्नुपर्ने भएपनि त्यसतर्फ काम गर्न नसकेको बताइन् ।
विगत ५ वर्षको अवधिदेखि सरकारको बजेट र प्राथमिकताको विषयमा धेरै कुराहरु आए पनि त्यसको कार्यान्वयन भने हुन सकेको छैन । उनले सरकारको कमजोरी हाम्रा वरपर भइरहेको अस्वभाविक विकासको प्रणालीले प्रष्ट पारेको बताइन् ।
‘जनताले सरकार भेटेका छैनन् । त्यसको प्रमाण काठमाडौं–हेटौंडाको बाटोमा हेर्दा हुन्छ ।’ उनले भनिन्, ‘प्रदेश सरकार टर्च बालेर खोज्नुपर्ने अवस्था आएको छ । विगत ५ वर्षमा सरकारले कति काम ग¥यो त्यसको समिक्षा गर्नुपर्ने उनले बताइन् ।
विनियोजन विद्येयक २०७९ को सिद्धान्त र प्राथमिकतामाथि प्रदेश सभामा छलफल जारी रहेको छ ।