मकवानपुर । पाँचौ राजर्षि जनक कप फुटबल प्रतियोगिता–२०७७ काे उपाधी पिप्ले युवा क्लब हेटौंडाले जीतेकाे छ । चैत ३० गते भएकाे फाइनलमा आयाेजक बागमती युवा क्लबलाइ सडनडेथमा ५–४ गाेल अन्तरले हराउँदै उपाधीमा कब्जा जमाएकाे हाे ।
प्रतियोगिताको विजेता बन्दै पिप्लेले १० लाख १ हजार नगर, प्रमाण पत्र शिल्ड प्राप्त गरेकाे छ । आयाेजक बागमतीले उपविजेतामा चित्त बुझाउँदै ५ लाख ५ सय नगद प्रमाण पत्र प्राप्त गरेकाे छ ।
निकै प्रतिस्पर्धात्मक भएकाे खेलकाे पहिलाे हाफमा दुबै टाेलीबाट २ –२ गाेल भएकाे थियाे । खेलकाे दाेस्राे हाफकाे अन्तिम समयमा बागमतीले १ गाेल गर्दै खेलमा अग्रता लिएकाे थियाे । दाेस्राे हाफकाे इन्जुरी समयमा पिप्लेकाे तर्फबाट जवाफी गाेल प्रहार भए पछी खेल टाइबेकरमा धकेलिएकाे थियो । टाइबेकरमा समेत अंक बराबरी भएपछि सडेन डेथमा पिप्ले बिजयी भएकाे हाे ।
पिप्ले युवा क्लब हेटौंडाका समिराज थोकरले खेलको ५ औँ मिनेटमा गोल गर्दै अग्रता दिलाएका थिए । आयोजकका स्टेफनले ११ औँ मिनेटमा गोल गर्दै खेल बराबरीमा ल्याए । यस्तै, स्टेफनले १६औँ मिनेटमा ब्यक्तिगत दोस्रो गोल गर्दै आयोजकलाई अग्रता दिलाए । पिप्लेका ग्लोरीले खेलको २६औँ मिनेटमा गोल गोल गर्दै बराबरीमा फर्काए । आयोजकका रित्तिक खड्काले खेलको ८९औँ मिनेटमा गोल गर्दै अग्रता दिलाए पनि हेटौंडाका ग्लोरीले इन्जुरी समयमा गोल गर्दै खेल बराबरीमा फर्किएकाे थियाे ।
फाइनल खेलमा म्यान अफ द म्याच पिप्ले युवा क्लव जर्सी नं. १९ नं.का ग्लाेरी भए । उनले नगद १० हजार प्राप्त गरेका छन् । प्रतियोगिताको बिधागत तर्फ पिप्ले हेटौंडाका प्रशिक्षक सुविन घिमिरे उत्कृष्ट प्रशिक्षक, हेटौंडाकै राजेन्द्र रावल उत्कृष्ट मिडफिल्ड, आयोजक बागमतीका गोलरक्षक अरुण ब्लोन उत्कृष्ट गोलरक्षक र सर्वाधिक गोलकर्ता आयोजककै स्टेफन घोषित भएका थिए । उनीहरुले जनही २०–२० हजार प्राप्त गरेका छन् । प्रतियोगिताको उत्कृष्ट खेलाडी आयोजकका कप्तान विजय घलान घोषित भए । उनले नगद ५१ हजार हातपारेका छन् । राइजिङ प्लेयर आयोजकका गोलरक्षक अरुण ब्लोन घोषित भए । उनले एक थान पल्सर मोटरसाइकल जित्न सफल भए ।
बागमती नगरपालिका सर्लाही र बागमती युवा क्लबकाे आयाेजनामा चैत २१ गते शनिबारबाट सुरू भएकाे प्रतियाेगितामा पिप्ले युवा क्लब अफ्रिकन रुट्स एसोसिएसन क्यामरुनलाई २–१ गाेल अन्तरले हराउँदै फाइनल प्रवेश गरेकाे हाे । त्यस्तै शसस्त्र प्रहरीकाे एपीएफ क्लबलाइ ४–० गाेल अन्तरले पराजीत गर्दै आयाेजक बागमती युवा क्लब फाइनल प्रवेश गरेकाे थियाे ।
पछिल्लो समय पिप्ले युवा क्लबले खेलकुदकाे गतिविधीबाट मकवानपुर जिल्लाकाे चिनारी गराउन र खेलकुद क्षेत्रको विकासमा आक्रामक ढङ्गले गतिविधि गर्दै आएको छ । मोफसलकै प्रतिष्ठित राजर्षि जनक कप फुटबल प्रतियगितामा उत्कृष्ट प्रदर्शन गर्दै उपाधी जितेर फुटबलमा आफ्नो बलियो दाबेदारी पनि पेस गरेको छ ।
फाइनल प्रतिस्पर्धामा उपाधि जित्दै मकवानपुरबासी लाई गौरवान्वित बनाएकाे प्रशिक्षक सुविन घिमिरेले बताए । उनले ‘विदेशी र नेपालका चर्चित खेलाडीको समिश्रण रहेको पिप्ले क्लबकाे खेलाडीको मेहेनतका कारण जीत सम्भव भएको बताए ।
प्रतियोगितामा कञ्चनजंघा एफसी सिलगुढी, बागमती युवा क्लब सर्लाही, अफ्रिकन रुट्स एसोसिएसन क्यामरुन, सेन्ट्रल कलेज बीएफसी चितवन, एपीएफ क्लब, नवजनजागृति युवा क्लब सिमरा, सुदुरपश्चिम ११ र बागमती नगरपालिका सर्लाहीले सहभागिता जनाएका थिए ।
मकवानपुर । पाँचौ राजहर्षि जनक कप फुटबल प्रतियोगिता–२०७७ मा हेटौंडाको पिप्ले युवा क्लबले आज जीतका फाइनलमा भिड्ने भएका छन् । बागमती नगरपालिका सर्लाही र बागमती युवा क्लबकाे आयाेजनामा चैत २१ गते शनिबारबाट सूरू भएकाे प्रतियाेगितामा पिप्ले युवा क्लब अफ्रिकन रुट्स एसोसिएसन क्यामरुनलाई २–१ गाेल अन्तरले हराउँदै फाइनल प्रवेश गरेकाे हाे ।
प्रतियाेगित अन्तरगत चैत २७ गते भएकाे पहिलाे सेमिफाइनल खेलमा क्यामरुनलाई हराउँदै फाइनल प्रवेश गरेकाे पिप्ले युवा क्लब र चैत २८ गते भएकाे दाेस्राे सेमीफाइलन खेलमा शसस्त्र प्रहरीकाे एपीएफ क्लबलाइ ४–० गाेल अन्तरले पराजीत गर्दै फाइनल प्रवेश गरेकाे आयाेजक बागमती युवा क्लबकाे खेल निकै प्रतिस्पर्धात्मक रहने छ ।
प्रतियाेगिताकाे उद्घाटत खेलमा चन्द्रागिरी नगरपालिका काठमाडौंलाई २–० गाेलले हराउँदै पिप्ले क्लब सेमिफाइनल प्रवेश गरेकाे थियाे । पछिल्लो समय पिप्ले युवा क्लबले खेलकुदकाे गतिविधीबाट मकवानपुर जिल्लाकाे चिनारी गराउन र खेलकुद क्षेत्रको विकासमा आक्रामक ढङ्गले गतिविधि गर्दै आएको छ । हाल मोफसल कै प्रतिष्ठित राजर्षि जनक कप फुटबल प्रतियगितामा उत्कृष्ट खेल खेली फाइनल प्रवेश गर्दै आफ्नो बलियो दाबेदारी पनि पेस गरेको छ ।
आज हुने फाइनल प्रतिस्पर्धामा उपाधि जित्दै मकवानपुरबासी लाई गौरवान्वित बनाउने कुरामा आफु विश्वस्त रहेकाे प्रशिक्षक सुविन घिमिरेले बताए । उनले भने ‘विदेशी र नेपालका चर्चित खेलाडीको समिश्रण रहेको पिप्ले टोली उपाधि जित्ने गरी प्रतियोगितामा सहभागी भएको हाे ।’ स्थानीय केही खेलाडीलाई समेत प्रतियोगितामा पिप्लेले सहभागी गराएको छ । घिमिरेले अहिलेसम्म खेलाडीको मेहेनतका कारण जीत सम्भव भएको बताए ।

प्रतियोगितामा कञ्चनजंघा एफसी सिलगुढी, बागमती युवा क्लब सर्लाही, अफ्रिकन रुट्स एसोसिएसन क्यामरुन, सेन्ट्रल कलेज बीएफसी चितवन, एपीएफ क्लब, नवजनजागृति युवा क्लब सिमरा, सुदुरपश्चिम ११ र बागमती नगरपालिका सर्लाहीले सहभागिता जनाएका छन् ।
प्रतियोगिताको विजेताले १० लाख १ हजार र उपविजेताले ५ लाख ५ सय रुपैयाँसहित ट्रफी प्राप्त गर्नेछ । सर्लाहीका सर्वोत्कृष्ट खेलाडीले पल्सर मोटरसाइकल र प्रतियोगिताको सर्वोत्कृष्ट खेलाडीले ५१ हजार तथा विधागत उत्कृष्ट खेलाडी एवम् प्रशिक्षकले नगदसहित ट्रफी प्राप्त गर्नेछ ।
मकवानपुर । मकवानपुरको जिल्ला स्तरीय ११ औ राष्ट्रपति रनिङशिल्ड खेलकुद प्रतियोगिता सुरु भएको छ । चैत २९ गते अाइतबार पहिलो दिनको प्रतियाेगिता अन्तरगत बुद्ध माविका आयुस नेगीले ४ सय र ८ सय मिटर दौडमा स्वर्ण पदक पाएका छन् । यस्तै ४ सय मिटर दौड र ज्याभलिङ थ्रोमा जनक मावि बकैयाकी पविना दार्जी प्रथम हुदै २ स्वर्ण जितिन् ।
पहिलो दिनको खेलमा ज्याभलिङ थ्रो,सटपुट,४ सय मिटर दौड,८ सय मिटर दौड, ४ सय मिटर रिले तथा १५ मिटर दौडका फाईनल खेल सम्पन्न भएका छन् । यस्तै ८ सय मिटर दाैड छात्रामा नाटेश्वर थाहाकी सुजना विक प्रथम भएकी छन् । १५ सय मिटर दौडमा छात्र तर्फ राजन गोले सुन्दरी देवी मावि, थाहा नगरपालिका र छात्रामा सरिता हुमागाई सारदा मावि गढी गाउपालिका विजयी भएका छन् । रिले मा ४ * ४०० छात्र बुद्ध मावि र छात्रा तर्फ नाटेश्वर मावि प्रथम भएका छन् ।
भलिवलमा छात्रा तर्फ ७ र छात्रमा ९ वटा विद्यालयले सहभागी जनाएका छन् भने कवड्डीमा ८ पालिकाका विद्यालयहरु सहभागी भएका छन् । भलिवल र कव्वडीका पहिलो चरणका खेलहरु सकिएका छन् । चैत ३० गते सेमिफाईनल र फाईनल खेल हुने बताईएको छ ।
कोभिडको सन्त्रासका कारण दुई दिनमा नै प्रतियोगिता समापन गर्न लागिएको जिल्ला खेलकुद विकास समितिका कार्यालय प्रमुख राजन दाहाल खुशराजले जानकारी दिए । जिल्लाका सबै १० वटै स्थानिय तहले भाग लिएको प्रतियोगितामा ८ सय ७५ जना खेलाडी सहभागी रहेका जिल्ला खेलकुद विकास समितिले जनाएको छ ।
४८ स्वर्ण पदकका लागि हुने प्रतियोगितामा भलिवल, एथलेटिक्स, कवड्डी, कराते, तेक्वान्दो र उसुका खेलहरु भएका छन् । समग्र खेलमा मेडलका आधारमा प्रथम हुने विद्यालयले रनिङ शिल्ड प्राप्त गर्ने छ भने अन्य टीम गेम विजेताहरुलाई शिल्ड पदान गरिने जिल्ला खेलकुद विकास समितिका अध्यक्ष सानुकुमार लामाले जानकारी दिए ।
प्रतियोगिताको उद्घाटन जिल्ला समन्वय प्रमुख रघुनाथ खुलालले गरेका थिए । खेलकुद विकास सििमतिका अध्यक्ष लामाको अध्यक्षतामा भएको कार्यक्रममा एशियाकै उत्कृष्ट प्रधानअध्यापक आधुनिक राष्टिय माविका प्रधानअध्यापक विर बंश बैठालाई सम्मान गरिएको थियो ।
मकवानपुर । बागमती नगरपालिका सर्लाहीकाे आयाेजनामा चैत २१ गते शनिबारबाट सूरू भएकाे पाँचौ राजहर्षि जनक कप फुटबल प्रतियोगिता–२०७७ मा हेटौंडाको पिप्ले युवा क्लब फाइनलमा प्रवेश गरेकाे छ । चैत २७ गतेकाे भएकाे पहिलाे सेमिफाइनल खेलमा अफ्रिकन रुट्स एसोसिएसन क्यामरुनलाई २–१ गाेल अन्तरले हराउँदै पिप्ले फाइनलमा प्रवेश गरकाे हाे ।
निकै प्रतिस्पर्धात्मक खेलमा पिप्ले युवा क्लबका जर्सी नं. १४ का राजेन्द्र रावलले २ गाेल गरेका थिए । अफ्रिकन रुट्सले खेलकाे अन्तिम समयमा जवाफी १ गाेल फर्काएर खेल २–१ गाेलमा सिमित गरेकाे थियाे । प्रतियाेगिताकाे उद्घाटत खेलमा चन्द्रागिरी नगरपालिका काठमाडौंलाई २–० गाेलले हराउँदै पिप्ले क्लब सेमिफाइनल प्रवेश गरेकाे थियाे । पिप्ले युवा क्लबले चैत २८ गते शनिबार हुने दाेस्राे सेमिफाइनल खेलकाे विजेतासँग फाइनल खेल्नेछ ।

दाेस्राे सेमिफाइनल खेल शशस्त्र प्रहरीकाे एपीएफ क्लब र बागमती नगरपालिकाकाे टिम बीच हुने आयाेजकले जनाएकाे छ । सेमिफाइनलमा क्यामरून विरूद्ध २ गाेल गरेका पिप्ले युवा क्लबका राजेन्द्र रावल खेलको म्यान अफ दी म्याच घोषित भए । उनले नगद १० हजार रुपैयाँ प्राप्त गरेका छन् ।
विदेशी र नेपालका चर्चित खेलाडीको समिश्रण रहेको पिप्ले टोली उपाधि जित्ने गरी प्रतियोगितामा सहभागी भएको प्रशिक्षक सुविन घिमिरेले बताए । स्थानीय केही खेलाडीलाई समेत प्रतियोगितामा पिप्लेले सहभागी गराएको छ । घिमिरेले खेलाडीको मेहेनतका कारण जीत सम्भव भएको बताए ।

आगामी चैत्र ३० गते फाइनल खेल हुने प्रतियोगितामा कञ्चनजंघा एफसी सिलगुढी, बागमती युवा क्लब सर्लाही, अफ्रिकन रुट्स एसोसिएसन क्यामरुन, सेन्ट्रल कलेज बीएफसी चितवन, एपीएफ क्लब, नवजनजागृति युवा क्लब सिमरा, सुदुरपश्चिम ११ र बागमती नगरपालिका सर्लाहीले सहभागिता जनाएका छन् ।
प्रतियोगिताको विजेताले १० लाख १ हजार र उपविजेताले ५ लाख ५ सय रुपैयाँसहित ट्रफी प्राप्त गर्नेछ । सर्लाहीका सर्वोत्कृष्ट खेलाडीले पल्सर मोटरसाइकल र प्रतियोगिताको सर्वोत्कृष्ट खेलाडीले ५१ हजार तथा विधागत उत्कृष्ट खेलाडी एवम् प्रशिक्षकले नगदसहित ट्रफी प्राप्त गर्नेछ ।
मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा भएकाे चौथो बागमती गोल्डकपकाे उपाधी थ्रीस्टार क्लब ललितपुरले कब्जा जमाएकाे छ । जनता मावि फापरवारीकाे खेल मैदानमा चैत २३ गते भएकाे फाइनल खेलमा अफ्रिकन रुट् एसोसिएसन, क्याम्रुनलाई ३–२ गाेल अन्तरले हराउँदै थ्रीस्टारले उपाथी अाफ्नाे पाेल्टामा पारेकाे हाे ।
पहिलो हाफमा २ गोलले पछि परेको अवस्थाबाट उत्कृष्ट पुनरागमन गर्दै रुस्लान थ्री स्टार क्लबले चौथो बागमती गोल्डकप फुटबल प्रतियोगिताको उपाधि जितेको छ । इन्ज्युरी समयमा एनआरएका खेलाडीले पेनाल्टी बक्समा ह्यान्ड गरेपछि प्राप्त पेनाल्टीलाई कप्तान रुपेश केसीले गोलमा परिणत गर्दै टोलीलाई जित दिलाएका थिए । प्रशिक्षक उज्जन श्रेष्ठले थ्री स्टारको प्रशिक्षकका रुपमा पहिलो प्रतियोगितामा नै उपाधि जितेका छन् । बागमती गोल्डकप खेल्नु अघि थ्री स्टारले उनलाई प्रशिक्षक नियुक्त गरेको थियो ।
खेलको १२ औं मिनेटमा एमफोमले गोल गर्दै अफ्रिकी टोलीलाई अग्रता दिलाएका थिए । २९ औं मिनेटमा मौसाले गोल गर्दै क्यामरुनी टोलीलाई २–० ले अघि बढाए । पहिलो हाफमा केहि कमजोर प्रदर्शन गरेको थ्री स्टारले दोस्रो हाफमा भने सानदार पुनरागमन ग¥र्यो । मनिष डाँगीले ५८ औं मिनेटमा गोल गर्दै ललितपुरे टोलीलाई खेलमा फर्काए । त्यसको तीन मिनेटपछि नै निशान खड्काले फ्रिकिकमा गोल गर्दै २–२ को बराबरीमा ल्याए ।
थ्रीस्टार क्लब, बागमती युवा क्लब सर्लाहीलाइ हराउँदै र अफ्रिकन रुट् एसोसिएसन, क्याम्रुन जाबलाखेल युथ क्लबलाइ हराउँदै फाइनल प्रवेश गरका थिए । विजेता वन्दै थ्रीस्टारले नगद ८ लाख शिल्ड र प्रमाण पत्र हात पारेकाे छ । अफ्रिकन रुट् एसोसिएसन उपविजेतामा चित्त बुझाउँदै नगर ४ लाख प्राप्त गरेकाे छ ।

अफ्रिकन रुट्स् एसोसिएसनका गोलकिपर डीए सिल्भा प्रतियोगिताका उत्कृष्ट किपर, अफ्रिकन रुट्स् एसोसिएसनकै आखामी उत्कृष्ट मिल्डफिल्डर, उत्कृष्ट वेस्ट फरवार्ड माउसा बन्न सफल भए भने सर्वोकृष्ट डिफेण्डर थ्रीस्टारका जीवन गुरुङ र थ्रीस्टारकै उर्जन थापा उत्कृष्ट कोच बन्न सफल भए ।
प्रतियोगिताका सर्वोकृष्ट खेलाडी थ्रीस्टारका निशान खड्का बन्न सफल भए । प्रतियोगिताका विधागत सर्वोत्कृष्ट खेलाडीले ५१ हजार, विधागत उत्कृष्ट खेलाडीले प्रतिखेलाडी १० हजार र म्यान अफ दी म्याचले प्रतिखेलाडी ५ हजार प्रदान प्राप्त गरेका छन् ।
खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियाेगितामा अायाेजक बागमती खेलकुद विकास समिति , नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका थिए ।