
सरास्वती तिवारी
१.
चाडबाड आयो हर्ष खुशि उमङ्ग छायो देशमा
तिज गयो, तिहार आउदैछ दशैं आयो देशमा
बाटोहेर्दै आँखा पाटिए प्रदेशी कहिले आउछ ?
नआउने खबरले बा आमालाई रुवायो देशमा ।
२.
दिनभरी गर्थी कमाई बेलुकी खान पुग्दैन नआउ दशैं
टीकाथाप्न गाडी भाडा महंगो जान पुग्दैन नआउ दशैं
बजार महंगाईले डाडो काट्यो पहुँच बाहिर सबै कुरा,
अलिकति फलफुल पाउर लैजान पुग्दैन नआउ दशै ।
बासा, नवलपरासी

सतीश पण्डित
दशैँ आयो तिहार नि आउँदै छ
गाउँघर जाउँ झै नि लाउँदै छ
चाडबाडको रमैलो यही नै हो
हुँदा सँगै परिवार रमैलो छाउँदै छ।
भानु ६ चुँदी तनहुँ, हाल मातातीर्थ काठमाडाैं

खुसी ‘कला’
दसैँ, तिहार, गाउँघर सम्झी परदेशी रूँदैछ
दुख र पीडा मनको घाउ चोट आँसुले धुँदैछ
ती बुढी आमा छोराको बाटो हेर्दै टोलाइ बस्दि हुन,
स्वास लामो फेर्छ साहुको ऋण केही जम्मा हुँदैछ।
लेखनाथ पाेखरा हाल जर्मनी

प्रकाश ‘निश्चल’
धनिका लागि दसैं तिहार शुभ दिन हुन्छ
गरिबको टाउकोमा साहुको ऋण हुन्छ
आउन आयौ रमझम गर्दै झुपडीमा पनि
परिबर्तन लिएर आउ पठाउन कठिन हुन्छ ।
जाजरकोट

नानु राना थापा
मालश्री धून रोटेपिङ रमणीय वातावरण दशैं आगमनको
कति छन् कति अविस्मरणीय क्षण आनन्दित मनको
त्यो खुशी आज कहाँ गयो जीन्दगीले कोल्टे फेर्दा
पूनारावृति भईदिन्छ मानसपटलमा त्यो बालापनको !
स्याङ्जा, हाल बेलायत

गणेश तिमल्सिना
याे दसैं कसैलाई मासु त कसैलाई आँसु नहाेस् ।
कसैका जवान छाेरा कसैका बुढी सासू नहाेस् ।
हे माँ ! सबैका आँखामा खुसी छर्दै पेट भरियाेस् ।
काेही मेस्तर काेही सुब्बा साहेब नासु नहाेस् ।
गाेदार, धनुषा

भावना बिष्ट
जान पाइन के गर्ने हो दशैमा घर यसपाली
कहिल्ये भाग्य सात दिदैन कहिल्ये घरको माली
सात बर्ष भो भाई बहिनीको टिका नलागेको,
हरेक बर्ष हुन थाल्यो अभागीको निधार खाली ।
अछाम

सुधिर थापा
रोक्नै सकिएन आँसुको सागरलाई
काम्मा नै लगाएँ ती थुप्रै जाँगरलाई
ठूलो माग त का’ हो र यो महान चाड्मा
ल्याउ नै सकिएन सानीको घाँगरलाई ।
काठमाडाैं

सुविद्या सिग्देल
यस पटक त चुहिनी छाना छाउनु छ
आमाको हातको टीकाजमरा लाउनु छ
बुद्धि बोकेर विदेश आइयो हण्डर खाइयो ,
अब परिश्रम गर्न मातृभूमि मै आउनु छ ।
काठमाडाै

अन्जिता राउत क्षेत्री
किन आउँछ बेकार यो दशैं तिहार
सारा पर्देशीलाई रुवाउन बारम्बार
आफ्नै गाउँघर बाबा आमा सम्झेर
रुँदैरुँदै बस्नुपर्छ यहाँ खाली निधार।।
सोलुखुम्बु
मकवानपुर । मकवानपुरको भिमफेदीस्थित बाल मन्दिरमा शुक्रबार बालमन मार्केट आयोजना गरिएको छ । दशैं, तिहार, छठ तथा ल्होसारको अवसरमा आयाेजना गरिएकाे बालमन मार्केट कार्यक्रममा बालमन्दिरमा आश्रित बालबालिकाकाको लागि लत्ताकपडा, स्टेशनरी, मिठाई, खानेकुरा लगायत वितरण गरिएको थियो ।
बालमन्दिरमा आश्रित अभिभावकविहिन बालबालिकालाई चाडपर्वको खुशियाली दिन कार्यक्रम आयोजना गरिएको नेपाल बाल संगठनका जिल्ला सचिव आशिष अस्लामी मगरले बताए । नेपाल बाल संगठन मार्फत् भिमफेदीसहित नेपालका १० स्थानमा बाल मन्दिर संचालित छ । कार्यक्रममा भिमफेदी गाउँपालिका, कृति फाउन्डेशन, किवानिस क्लब, भिविना फाउण्डेशन, मदन भण्डारी स्पोट्र्स एकेडेमी, हेरिटेज भिमफेदी स्काउट क्रयु लगायतले सहयोग गरेका थिए ।
कार्यक्रममा नेपाल बाल संगठनका केन्द्रीय अध्यक्ष विद्या न्यौपानेको प्रमुख आतिथ्य तथा भिमफेदी गाउँपालिकाकी उपाध्यक्ष पार्वती रानाको विशेष आतिथ्य रहेको थियो । नेपाल बाल संगठन मकवानपुरका अध्यक्ष अशोक सारु मगरको अध्यक्षतामा भएको कार्यक्रममा बाल संगठन मकवानपुरकी उपाध्यक्ष दिलु घर्ती, भिविना फाउण्डेशनका अध्यक्ष विकेशलाल श्रेष्ठ लगायतले मन्तव्य व्यक्त गरेका थिए ।

कार्यक्रममा भिमफेदी गाउँपालिकाका शिक्षा शाखाका शैक्षिक सुपरिवेक्षक गोविन्द चौलागाई, नेपाल बाल संगठनका गृह प्रशासन प्रमुख सविता लम्साल, प्रशासन विभागकी दिपशना डल्लाकोटी, अजय शाह, हेटौंडा लेडी जेसिजकी पूर्व अध्यक्ष रश्मी बस्नेत लगायतको आतिथ्यता रहेको थियो ।
मकवानपुर । मकवानपुरकोे बकैया गाउँपालिकामा नेपाली काङ्ग्रेसले चियापन कार्यक्रम गरेको छ । हिन्दुहरुकाे महान चाड बडादशै, तिहार र छठ पर्वकाे अवसरमा चियापान कार्यक्रम गरिएकाे हाे ।
नेपाली काङ्ग्रेस बकैया गाउँ कमिटीका सभापति दिल बहादुर भोम्जनकोे सभाध्यतामा भएको कार्यक्रममा बकैया गाउँपालिकाका अध्यक्ष दामोदर खनालको प्रमुख आथित्यता रहेको थियो । कार्यक्रममा काङ्ग्रेस बकैयाका निवर्तमान अध्यक्ष भुमी नन्द गौतम, महासमिति सदस्य धर्मराज लामिछाने लगायतको उपस्थिती रहेको थियो
मकवानपुर । प्रधानमन्त्री शेर बहादुर देउवाले प्रधानमन्त्री भएकाे करिब ३ महीनापछि मन्त्रिपरिषद् विस्तार गरेका छन् । सत्ता साझेदार दलहरुसँगकाे सहमति पछी शुक्रबार राष्ट्रपति विद्यादेवी भण्डारीले प्रधानमन्त्री शेरबहादुर देउवाको सिफारिशमा मन्त्रिपरिषद् विस्तार गरेकी हुन्।
नवनियुक्त मन्त्री तथा राज्यमन्त्रीले शुक्रबार साँझ पद तथा गोपनीयताको शपथ लिएका छन्। राष्ट्रपति कार्यालय शीतल निवासमा शुक्रबार साझँ आयोजित शपथ ग्रहण समारोहमा राष्ट्रपति विद्यादेवी भण्डारीले नवनियुक्त मन्त्रीलाई पद तथा गोपनीयताको शपथ गराएकी हुन्। त्यस्तै, राज्यमन्त्रीहरूलाई प्रधानमन्त्री शेरबहादुर देउवाले शपथ गराएका छन्।
नवगठित मन्त्रिपरिषद्मा ११ जना नयाँ अनुहार आएका छन्। २९ असारमा गठन भएको देउवा नेतृत्वको सरकार आज चौथो पटक विस्तार भएको हो। सरकार गठन भएकै दिन कांग्रेस र माओवादी केन्द्रका तर्फबाट दुई/दुई जना मन्त्री भएका थिए। स्वास्थ्य राज्यमन्त्रीमा उमेश श्रेष्ठ र पछिल्लो पटक परराष्ट्र मन्त्रीमा नारायण खड्कालाई नियुक्त गरिएको थियो।
मन्त्रिपरिषद्मा कांग्रेसका तर्फबाट एक राज्यमन्त्री सहित नौ, माओवादीका तर्फबाट एक राज्यमन्त्री सहित ६, एकीकृत समाजवादीका तर्फबाट एक राज्यमन्त्री सहित पाँच र जनता समाजवादीका तर्फबाट चार मन्त्री छन्। नवगठित मन्त्रिपरिषद्मा ६ जना महिला छन्।
समारोहमा उपराष्ट्रपति नन्दबहादुर पुन, सभामुख अग्निप्रसाद सापकोटा, राष्ट्रिय सभाका अध्यक्ष गणेशप्रसाद तिमिल्सिना, नेकपा (माओवादी केन्द्र)का अध्यक्ष पुष्पकमल दाहाल, नेकपा (एकीकृत समाजवादी)का अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव, संवैधानिक अङ्गका प्रमुख, मुख्यसचिव, प्रधान सेनापति लगायत शीर्ष नेता उपस्थित थिए।
पाँच दलीय गठबन्धनमा रहेको राष्ट्रिय जनमोर्चाले भने सरकारमा सहभागी नभई समर्थन गर्ने भएको छ।
भावना बिष्ट
१.
तिम्रो हाँसो असाध्यै नै सुहाएको भन्छ
बैसालु ती नजरले यो मन रुवाएको भन्छ
जसलाई दिएकी थे मैलै चोखो प्रेमको रस,
आज उसै अमृत भनी जहर खुवाएको भन्छ ।
२.
खुट्टा तानेर नसोध उसको इच्छा
जाने जति साबित गर्ला नखोज शिक्षा
पैसाकाे नगर गरिबसंग घमण्ड महोदय,
करोड सकिएर मागेर खानु पर्ला भिक्षा ।
३.
प्रेम गर्न सिकाउछन् अचेल कलिला नानी
शान्त रहन पाठ सीकाउँछ सागरको पानी
जिन्दगी त हाँसो संगै आँसुको मिश्रण रहेछ,
दुःखमा संघर्ष गर्दै हिड्दै छ याे जिन्दगानी ।
४.
कहिले काँही यात्रा एक्लै हिडनु पर्दो रहेछ
हिड्दा हिड्दै खाली पाईलाहरु छेड्नु पर्दो रहेछ
जीवनभर साथमा र हातमा कोहि हुदैन यहाँ,
जस्तोसुकै दुख कष्टसंग एक्लै भिड्नु पर्दो रहेछ ।
अछाम