मकवानपुर । अञ्जली थापाको अध्यक्षताम प्रेस सेन्टर नेपाल मकवानपुरले नयाँ कार्यसमिति चयन गरेको छ । उत्तरी मकवानपुरको थाहा नगरपालिकामा आयोजित प्रेस सेन्टर मकवानपुरको पाँचौ जिल्ला सम्मेलनले पुनः थापाकाे नेतृत्वमा २१ सदस्सीय कार्यसमिति सर्वसम्मत चयन गरेको हो ।
समितिको उपाध्यक्षमा राजकुमार केसी र शुभलक्ष्मी विश्वकर्मा, सचिवमा एमपी शर्मा, कोषाध्यक्षमा अशोकसुजन श्रेष्ठ, सहसचिवमा रुपा गुरुङ र दिलबहादुर लामा, सदस्यहरुमा सरला अधिकारी, नवराज वाईबा, उमेश राई, अर्जुन संजेल, नुजाता सुवेदी, मुकेश गोले, पविना लामा, ओम फुयाँल, राजेश गरिब, मञ्जु मैनाली, मनिता दानी, सानुबाबु मुक्तान र मुक्तिनाथ उप्रेती रहेका छन् ।
त्यस्तै, सम्मेलनले प्रेस सेन्टरको केन्द्रीय प्रतिनिधितर्फ कौशल पाण्डे, नवराज शर्मा तिमल्सिना, कमलचन्द्र सुमन, ऋषिराम पोखरेल, भानुभक्त आचार्य र कृष्ण सारु मगरलाई चयन गरेको छ भने प्रदेश प्रतिनिधितर्फ ध्रुब अधिकारी, राजु शाश्वत लामिछाने, ईच्छापूर्ण कार्की, यादब चौलागाई, मिना श्रेष्ठ, अशेष ढुङ्गाना, भावना रिजाल, रञ्जिता डंगोल र अजिव भट्टराई चयन गरिएको छ ।
मकवानपुर । हेटौँडा उपमहानगरपालिकाका जनप्रतिनिधिले यातायात पूर्वाधार निर्देशनालय बागमती प्रदेशकाे ध्यानाकर्षण गराएका छन् । उपमहानगरपालिकाका ३ जना वडा अध्यक्षहरुले यातायात पुर्वाधार निर्देशनालय हेटौडामा पुगेर ध्यानाकर्षण पत्र दिएका छन् ।
हेटौँडा उपमहानगरपालिका वडा नंबर २, ४ र १० का वडा अध्यक्षहरुले निर्देशनालयमा पुगेर निमित्त निर्देशक सहदेब भण्डारीलाई ध्यानाकर्षण पत्र दिएका हुन् । हेटौडा ४ हुप्रा क्षेत्रको ४ किमि सडक कालोपत्रे गर्ने, पेटि ढल निर्माण गर्ने कार्यकाे लागि खनि छाडेको सडकमा मानविय दुर्घटना भई रहेको तथा हुन सक्ने, हेटौडा १० को टिसियन रोड, हेटौडा २ को मानस चोक देखी मनकामना चोक र वनस्खण्डी सड़क कालो पत्रे यातायात पुर्वाधार निर्देशनालय हेटौडाद्वारा बोलपत्र भई सम्झाैता भएकाेमा सम्पन्न हुन नसकेकेा लगायतकाे विषयमा ध्यानाकर्ष गरिएकाे हाे ।
उक्त कार्य सप्तकोशी जलाधार ओम साई, जे भि तिनकुने काठमाण्डौले २०७८ मंसिर २ गते सम्म निर्माण कार्य सम्पन्न गर्ने सम्झौता गरे पनि हालसम्म काम सुरु नगरेको वडा नंबर ४ का वडा अध्यक्ष नविन सिग्देलले बताए । वडा अध्यक्षले पेश गरिएको ज्ञापनपत्रमा भनिएको छ ‘ उक्त सडक क्षेत्र अत्यन्त जिर्ण भई मानिस आवत जावत गर्न समस्या परेको, बातावरणीय प्रतिकुलता उत्पन्न भएको र दुर्घटना ग्रस्त क्षेत्र रहेकोले तत्काल निर्माण कार्य अगाडि बढाउनुको लागl आवश्यक कार्वाहीको प्रकृया अगाडि बढाउन सम्बन्धित कार्यालयको गम्भिर ध्यानाकर्षण गर्दछौं साथै सरकारी नीति नियम अनुसार आवश्यक कार्वाहीको प्रकृया अगाडि बढाउन समेत अनुरोध गर्दछौ ।’
ज्ञापनपत्र लिदै निमित्त निर्देशक भण्डारीले तत्काले ति ठेकेदार कम्पनीका प्रतिनिधिलाई बोलाएर बैठक गरिने बताए । सरकारले पनि कोरोनाको कारण यो वर्षको अन्तिमसम्म काम गर्न समय दिएको भन्दै उनले निर्माण कम्पनीले आफुहरुले दिएको तालिका बमोजिम काम गरेको नपाईएमा तुरुन्तै कारबाहीको प्रक्रिया सुरु गर्ने बताए ।
ज्ञापनपत्र बुझाउने कार्यक्रममा वडा नंबर २ का वडा अध्यक्ष हरि राउत, १० का वडा अध्यक्ष कितापसिंह लामा सहितका वडा सदस्य, टोल विकास सस्थाका प्रतिनिधिहरु लगायतकाको उपस्थिति रहेको थियो ।

मकवानपुर । मंसिर ३ गते शुक्रबार हुने निर्वाचनको लागि नेपाली कांग्रेस मकवानपुर क्षेत्र नम्वर १ प्रदेशसभा (क) मा युवा नेता एवम् जिल्ला सदस्य सुशान्तकुमार श्रेष्ठको नेतृत्वमा चुनावी टिम घोषणा गरिएको छ । विहीबार हेटौंडामा पत्रकार सम्मेलन गरी श्रेष्ठको नेतृत्वमा टिम घोषणा गरिएको हो । उनको नेतृत्वमा उपसभापतिमा गोपाल न्यासुर र कमला वाइबा रहेका छन् ।
त्यसैगरी सचिव पदमा भुमिनन्द गौतम र शंकर पराजुली, सह–सचिव पदमा दिपक ढकाल र अमर सोराइली रहेका छन् । महाधिवेशन प्रतिनिधिहरुमा महिला खुल्लातर्फ जानुका ठकुरी, समिक्षा बिक, छाँया अधिकारी रहेका छन् भने पुरुषतर्फ खुल्ला सदस्य पदमा उद्धव सत्याल, सचित थापा, नवराज खतिवडा, तेजप्रसाद घिमिरे, मोहनप्रसाद ढकाल र धुर्व दुलाल उम्मेदवार छन् ।
खसआर्यतर्फ पुरुष सदस्यमा बालकृष्ण सापकोटा आदिवासी जनजातीबाट महिलातर्फको सदस्यमा कृति घलान, भानु सोराइली, पुरुषतर्फ भक्त बहादुर राई, दिपक सिं घलान, नरबहादुर पुलामी, दलिततर्फ अनिल विक र अल्पसंख्यकतर्फ रामशरण माझी उम्मेदवार हुने छन् ।
टिम सार्वजनिक कार्यक्रममा बोल्दै सभापति पदका उम्मेदवार श्रेष्ठले सहमतीबाटै अधिवेशन सम्पन्न हुनेमा आफु विश्वस्त रहेको बताए । कार्यक्रममा हेटौंडा उपमहानगरपालिका वडा नम्वर ६ का अध्यक्ष अर्जुन प्रसाद चौँलागाई, वडा नं १६ का अध्यक्ष रामकृष्ण कोइराला, ५ नम्वर वडा अध्यक्ष राजेश बानियाँ, १५ नम्वर वडा अध्यक्ष महारत्न लामालगायत कांग्रेसका नेताहरुको उपस्थिति रहेको थियो ।
मकवानपुर । नेपाली काङ्ग्रेसको आसन्न महाधिवेशन अन्तरुत मंसिर ३ गते हुने निर्वाचनको लागि नेपाली कांग्रेस मकवानपुर क्षेत्र नम्वर १ प्रदेशसभा (ख) मा युवा नेता एवम् हेटौंडा उपमहानगरपालिका वडा नम्वर ५ का अध्यक्ष राजेश बानियाँको नेतृत्वमा चुनावी टिम घोषणा गरिएको छ । बुधबार हेटौंडामा पत्रकार सम्मेलन गरी बानियाँको नेतृत्वमा चुनावी टिम घोषणा गरिएको हो । उनको नेतृत्वमा उपसभापतिमा विनोद शर्मा र शुक्र जोशी रहेका छन् ।
त्यस्तै सचिव पदमा प्रदिप कंडेल र गोकर्ण सुवेदी, सह–सचिव पदमा केदार ढोडारी र सानुकान्छा दोङ रहेका छन् । प्रतिनिधिसभा १ को प्रदेशसभा (ख) को प्रदेश प्रतिनिधितर्फ शर्मिला श्रेष्ठ, लक्ष्मी श्रेष्ठ , गिता न्यौपाने महिला खुल्लातर्फको सदस्य पदका उम्मेदवार रहेका छन् ।
पुरुषतर्फको खुल्ला सदस्य पदमा भवनाथ अधिकारी, गुरुप्रसाद गोपी, दीपक तिवारी, सुनिल गिरी, अचुत शर्मा, ऋषिराज बानियाँ र अभय श्रेष्ठ उम्मेदवार हुँदैछन् । खसआर्यतर्फ (महिला)सदस्यमा प्रमिला खतिवडा र पुरुष सदस्यमा रामहरी आचार्य र भरतराज न्यौपाने रहेका छन् । आदिवासी जनजातीबाट महिलातर्फको सदस्यमा विमला थिङ, पुरुषतर्फ महारत्न लामा अर्जुन कुमार थिङ, दलिततर्फ कृष्ण नेपाली र अल्पसंख्यकतर्फ सविन भट्टाचार्य उम्मेदवार हुने जनाइएको छ ।
घोषणा कार्यक्रममा बोल्दै सभापति पदका उम्मेदवार बानियाँले कांग्रेस लोकतन्त्रको अध्यास गर्ने पार्टी भएकोले सकभर पार्टी नेतृत्व सहमतिबाटै मिलाएर लैजाने प्रयासमा रहेको बताए । कार्यक्रममा कांग्रेस हेटौंडा उपमहानगरपालिकाका सभापति उत्सव इटेनी हेटौंडा उपमहानगरपालिका वडा नम्वर ६ का अध्यक्ष एवम् कांग्रेस नेता अर्जुन चौँलागाईलगायतका नेता तथा कार्यकर्ताहरुको उपस्थिति रहेको थियो ।
मकवानपुर । हेटाैडा उपमहानगरपालिकामा सवारी दुर्घटनामा १ जनाकाे मृत्यु भएकाे छ । पूर्वपश्चिम राजमार्ग अन्तरगत हेटौंडा उपमहानगरपालिका वडा नम्वर–९ हनुमानगेट नजिकै बाेलेराे गाडीले माेटरसाइकललाई ठक्कर दिंदा कैलाश गाँउपालिका ४ कालिकाटारका अवबरल रिजालकाे ज्यान गएकाे मकवानपुर प्रहरीले जनाएकाे छ ।
पथलैयाबाट हेटौंडातर्फ आइरहेको ना ३ च ११९३ नम्वरको बाेलेरो गाडीले राति १२ः४५ बजेको समयमा हेटौंडाबाट पथलैयातर्फ जाँदै गरेको ना ३४ प ६०४४ नम्वरको मोटरसाइकललाई ठक्कर दिएको थियो । बोलेरोको ठक्करबाट मोटरसाइकल चालक कैलाश गाउँपालिका वडा नम्वर ४ कालिकाटार निवासी २४ बर्षीय रिजाल घाइते भएका थिए ।
घाइते रिजाललाई उपचारको लागि मदन भण्डारी स्वास्थ्य विज्ञान प्रतिष्ठान हेटौंडा अस्पतालमा लगिएकाेमा चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी नायव उपरिक्षक जयश्वर रिमालले जानकारी दिएका छन् । मृतक रिजालको शव पोष्ट मार्टमको लागि अस्पतालको शव गृहमा राखिएको र घटनाबारे थप अनुसन्धान भइरहेको प्रहरीले जनाएको छ ।