मकवानपुर । सर्लाहीमा जारी छैठौं संस्करणको राजर्षी जनक गोल्डकप प्रतियोगितामा मकवानपुरको पिप्ले युवा क्लब फाइनल प्रवेश गरेको छ । विहीबार भएको पहिलो सेमीफाइनल खेलमा आयोजक बागमती युवा क्लबलाई टाइब्रेकरमा ४–२ गोल अन्तरले स्तब्ध पार्दै पिप्ले फाइनलमा प्रवेश गरेको हो ।
खेलकाे निर्धारित ९० मिनेट गोलरहित बराबरीमा सकिएपछि पेनाल्टी सुटआउटमामा धकेलिएको थियो । पेनाल्टीमा पिप्लेका ४ जना खेलाडीले गोल गरेका थिए । यसैगरी बागमती युवा क्बलका २ खेलाडीले मात्रै गोल गरेका थिए । बागमतीकाे एक पेनाल्टी पोष्ट बाहिर प्रहार भएकाे थियाे । पिप्लेका गोलरक्षक अनिष देउलाले एक बल बचाउ गरेसँगै पिप्लेले फाइनल यात्रा तय गरेको हो । पिप्लेका गोलकिपर देउला म्यान अफ द म्याच चयन हुँदै १० हजार रुपैयाँ नगद प्राप्त गरेका छन् ।
खेलाडीको मिहिनेतका कारण फाइनल यात्रा तय गर्न सफल भएको पिप्ले युवा क्लबका प्रशिक्षक सुविन घिमिरेको भनाइ छ । प्रशिक्षक घिमिरेले लगातार दोस्रो पटक उपाधि उचाल्ने लक्ष्य नजिक पुगेको बताए ।
प्रतियोेगिताको फाइनल खेल आइतबार हुनेछ । यसअघि पिप्ले युवा क्लब ‘ए’ डिभिजन हिमालय शेर्पालाई हराउँदै सेमिफाइनलमा प्रवेश गरेको हो । प्रतियोगिताको विजेताले १० लाख १ हजार र उपविजेताले ५ लाख ५ सय पुरस्कार प्राप्त गर्नेछन् ।
मकवानपुर । हेटौंडामा व्यक्तिगत घटना दर्ता र सामाजिक सुरक्षा सम्बन्धी शिविर सुरु भएकाे छ । हेटौंडा उपमहानगरपालिकाको आयोजना र राष्ट्रिय परिचयपत्र तथा पञ्जीकरण विभागको समन्वयमा बुधबारबाट हेटौंडामा दर्ता शिविर सञ्चालन गरिएको हाे ।
व्यक्तिगत घटना दर्ता गर्न छुटेकाहरुलाई स्थानीय स्तरबाटनै सेवा लिनका लागि शिविर सुरु गरिएकाे मेयर हरि बहादुर महतले बताए । शिविरको उद्घाटन् गर्दै मेयर महतले व्यक्तिगत घटना दर्ता गर्ने काम सानो देखिएपनि ठुलो प्रभाब पार्ने भएकाले स्थानीय स्तरमानै दिइएको सेवा लिनका लागि आग्रह समेत गरे ।
बुधबार हेटाैडा उपमहानगरपालिकाकाे वडा नं. ५ बाट शिविरकाे सुरुवात गरिएकाे हाे । हेटौंडा–५ को पीप्ले सामुदायिक वन उपभोक्ता समितिको सभाहलमा शिविर भएको हो । हेटौंडाका १९ वटै वडाका ५७ स्थानमा घटना दर्ता शिविर हुनेछ । बुधबारबाट हेटौंडाकाे ६, १७ र १८ मा शिविर सञ्चालन हुने छ ।
व्यक्तिगत घटना दर्ता तथा सामाजिक सुरक्षा सम्बन्धी दर्ता शिविर सञ्चालन हुने भएको हुँदा वडा कार्यालयको पहुँच बाहिर रहि समयमा सेवा लिन नसकेका तथा सेवा प्राप्त गर्न छुटेका लाभग्राहीहरुले आफुलाई पाएक पर्ने शिविरसम्म आई व्यक्तिगत घटना (जन्म, विवाह, सम्बन्ध विच्छेद, मृत्यु र वसाइसराई) दर्ता तथा सामाजिक सुरक्षा सम्बन्धी दर्ता गराउन उपमहानगरपालिकाका सूचना अधिकारी भानुभक्त थपलियाले आग्रह गरेका छन् ।
प्रत्येक वडामा ३ स्थानमा दर्ता शिविर सञ्चालन हुने छ । नेपाल सरकारको नीति तथा कार्यक्रम अनुसार व्यक्तिगत घटना दर्ता शतप्रतिशत दर्ता गराउने उद्देश्यका साथ हेटौंडाका वडा वडामा गएर घटना दर्ता शिविर सञ्चालन गर्न लागिएको सूचना अधिकारी थपलियाले जानकारी दिए । सरकारले नागरिक पहुँच नपुगेकै कारण सामाजिक सुरक्षा भत्ता प्राप्त गर्न छुट भएको भए सोको दर्ता गराउन सहज पहुँच पुर्याउने उद्देश्य अनुरुप स्थानीय तहका प्रत्येक वडाका फरक फरक स्थानमा दर्ता शिविर संचालन गर्न लागिएकाे हाे ।
दर्ता शिविरकाे लागि सरकारले चालू आर्थिक वर्षमा वित्तीय हस्तान्तरण मार्फत स्थानीय तहमा बजेट व्यवस्था गरेकाे छ । घटना दर्ताकार्यको लक्ष्य प्राप्तीको निम्ती सामाजिक सुरक्षा तथा व्यक्तिगत घटना दर्ता प्रणाली सुदृढीकरण आयोजना संचालन निर्देशिकाको संसोधन अनुसार काम सुरु गरिएको हो । शिविर संचालन गर्दा दर्ता शत प्रतिशत हुने गरी योजना तयार गरी सोही अनुसार कार्यान्वयन गर्ने तयारी थालिएको उपमहानगरपालिकाका एमआइएस अप्रेटर दिपेन्द्र विश्वकर्माले जानकारी दिए ।
बुधबारकाे शिविर उद्घाटन कार्यक्रममा उपमहानगरपालिकाका प्रमुख प्रशासकिय अधिकृत शिबराज चौलागाई, योजना बजेट, सूचना तथा तथ्याङ्क महासाखाका प्रमुख भीम प्रसाद तिमल्सीना लगायतको आतिथ्यता रहेको थियो ।
मकवानपुर । नेकपा (एमाले) मकवानपुरमा मनोनित गरिएका जिल्ला सदस्यले सपथ लिएका छन् । मंगलबार हेटौंडा–५ स्थित पार्टी कार्यालयमा उनीहरुले पद तथा गाेपनियताकाे सपथ लिएका हुन् ।
बिधान अनुसार एमाले मकवानपुरको दोस्रो बैठकले जिल्ला सदस्यमा २७ जनालाई मनोनित गरेको थियो । जिल्ला कमिटि सदस्यमा मनाेनित हुनेहरुमा बिष्णु ढकाल, नरेन्द्र रिजाल, ईश्वर मैनाली, उपेन्द्र अधिकारी, कुमार केसी, जगन्नाथ पाण्डे, टेकबहादुर डिमडुङ, धरम लामा, प्रेम बोलखे, बखतलाल चेपाङ, मिलन पाठक रहेका छन् ।
यसै गरी राजन दंगाल, विमला बर्तौला, शालिकराम ढकाल, शिवहरि दाहाल, शुभराज थिङ, सन्तोष चौलागाई, सन्तोष पौडेल, सरिता परियार, सानुभाई विष्ट, सुधिर थापा, सुनिल लोप्चन, सुरेन्द्र विष्ट, सुवोध रिमाल, विष्णु चौंलागाई, रामचन्द्र न्यौपाने, शिशिर सुवेदी पनि मनोनित सदस्यमा रहेका छन् । उनीहरुलाई नेकपा एमाले जिल्ला अध्यक्ष एकलाल श्रेष्ठले पद तथा गोपनियताको सपथ गराएका थिए ।
एमालेले पछिल्लो समय जिल्लाभर निर्वाचन अभियान सञ्चालन गरिरहेको छ । जिल्ला अध्यक्ष श्रेष्ठको सभाध्यक्षतामा भएको भएको सपथ ग्रहण कार्यक्रममा पूर्वमुख्यमन्त्री डोरमणि पौडेल, संविधानसभा सदस्य अनन्त पौडेल,राष्ट्रियसभा सदस्य रामचन्द्र राई, जिल्ला समन्वय समिति प्रमुख रघुनाथ खुलाललगायतको उपस्थिति रहेको थियो ।
मकवनपुर । मकवनपुर प्रहरीले ४२ किलाे गाजाँसहित ४ जनालाई पक्राउ गरेकाे छ । प्रहरीले मकवानपुरकाे मनहरीबाट मंगलबार उक्त परिमाणकाे गाजाँसिहत उनीहरुलाई पक्राउ गरेकाे जिल्ला प्रहरी कार्यालय मकवानपुरले जनाएकाे छ ।
मनहरी ६ स्थित पूर्व पश्चिम सडक खण्डमा चितवन तर्फ जाँदै गरेको ना ६ ख ४४०९ नं. को ट्रकलाई जाचँ गर्दा चालक बस्ने सिट पछाडी लुकाई ल्याएको लागुऔषध गाँजा ४२ किलो फेला गरेको मकवानपुर प्रहरी प्रवक्ता जयश्वर रिमालले जानकारी दिए । पक्राउ पर्नेमा ट्रक चालक मनहरी गाउँपालिका वडा नं. ६ बस्ने ३१ बर्षको ईश्वर पाठक, सहचालक हेटौंडा ११ बस्ने २२ बर्षको सागर थिङ, सोही ट्रकमा सवार नवलपरासी रामग्राम १२ बस्ने ६० बर्षको राजेश प्रसाद रौनियार र सोही स्थान बस्ने ४० बर्षकी रेश्मा भरलाई उक्त लागुऔषध गाँजा, ट्रक सहित नियन्त्रणमा लिइएको हो ।
४ जनालाई लागुऔषध गाँजा र ट्रकसहित नियन्त्रणमा लिइएको विषयमा थप अनुसन्धान भईरहेको मकवानपुर प्रहरीले जनाएको छ ।
मकवानपुर । नेपाल डेरि एसोसिएसन लुम्बिनी प्रदेश अध्यक्षमा थानेश्वर न्यौपाने निर्वाचित भएका छन् । चैत ९ गते बुधबार रुपन्देहीको बुटवलमा भएकाे नेपाल डेरि एसोसिएसन लुम्बिनी प्रदेशको तेस्रो साधारण सभा एवं दोस्रो अधिवेशनबाट न्याैपाने अध्यक्ष चयन भएका हुन् ।
यसैगरी उपाध्यक्षमा घननाथ पौडेल सचीवमा बिजय सापकोटा सह सचीवमा कमल भुषाल कोषाध्यक्षमा लेखनाथ भण्डारी सदस्यहरुमा कृष्ण बस्याल रबिराज पन्त नवराज सापकोटा पवन भट्टराई सावित्री भुषाल प्रकाश देवकोटा मान बहादुर बुढाथोकी मिना कडेँल चयन भएका छन् ।
कार्यक्रमका प्रमुख अतिथि राष्ट्रिय दुग्ध बोर्डका कार्यकारी निर्देशक डा. राजेन्द्र प्रसाद यादवले नेपाल डेरी एसोसिएसन देश भरि छरिएर रहेका डेरी व्यावसायीहरुको राष्ट्रिय संगठन भएकोले राष्ट्रिय दुग्ध विकास वोर्ड र डेरी एसोसिएसन हरेक कुरामा सहकार्य गर्ने गरेको बताए । लुम्बिनी प्रदेश कृषि मन्त्रालयका तुलसीराम भण्डारीले हामी सबै मिलेर काम गरे डेरी सेक्टरमा राम्रो गर्न सक्ने बताउँदै मन्त्रालय एसोसिएसनसंग सधैं मिलेर काम गर्ने बताए ।
कार्यक्रममा उत्कृष्ट कृषक सम्मान उमादेवी पशु विकास फर्मका संचालक यज्ञमुर्ति खनाल, व्यवसायी मध्येबाट सुजल डेरी कपिलवस्तुका संचालक सावित्री भुषाललाई सम्मान गरिएको थियो । कार्यक्रममा निर्वाचित सबै पदाधिकारीहरु एवं सदस्यहरुलाई प्रमाणपत्र वितरण सहित सपथ ग्रहण केन्द्रिय महासचिव प्रल्हाद दाहालले गराएका थिए ।
कार्यक्रममा लुम्बिनी प्रदेश कृषि मन्त्रालयका तुलसीराम भण्डारी, मानव अधिकार शान्ति समाजका सभापति गोबिन्द खनाल , बुटवल उद्योग वाणिज्य संघका वरिष्ठ उपाध्यक्ष दिनेश कुमार श्रेष्ठ, रुपन्देही उद्योग संघका वरिष्ठ उपाध्यक्ष दिलिप सापकोटा, रुपन्देही मिष्ठान्न तथा क्याटिरङ ब्वासायी संघका अध्यक्ष लक्ष्मण पोख्रेल, पत्रकार कृष्ण खनाल, तेजन्द्र के.सी, नेपाल डेरी एसोसिएसनका महासचिव प्रल्हाद दाहाल, केन्द्रिय काेषाध्यक्ष दयाराम भण्डारी एसोसिएसनका पुर्ब केन्द्रिय अध्यक्ष मेघराज भन्डारी लगायतकाे उपस्थिती थियोे ।
राष्ट्रिय दुग्ध बोर्डका कार्यकारी निर्देशक डा. राजेन्द्र प्रसाद यादवज्युको प्रमुख आतिथ्यता एवं लुम्बिनी प्रदेश अध्यक्ष कृष्ण भट्टराईज्युको अध्यक्षतामा डेरि एसोसिएसन लुम्बिनी प्रदेशको तेस्रो साधारण सभा एवं दोस्रो अधिवेशन भएकाे हाे ।