मकवानपुर । मकवानपुर प्रहरीले लागुऔषध नाईट्रोभेट र गाँजासहित ३ जनालाई पक्राउ गरेको छ । लागुऔषध नाईट्रोभेटसहित २ र गाँजासहित १ जनालाई मकवानपुरको दुई छुट्टाछुट्टै स्थानबाट पक्राउ गरिएको जिल्ला प्रहरी कार्यालयले जनाएको छ ।
लागुऔषध नाईट्राभेटसहित पक्राउ पर्नेमा देवघाट गाउँपालिका ४ बस्ने २१ वर्षका सरोज भुजेल र धुलिखेल नगरपालिका ९ बस्ने २३ बर्षिय जग बहादुर तामाङ रहेका छन् । यसैगरी लागु औषध गाँजासहित पक्राउ पर्नेमा राक्सिराङ गाँउपालिका १ स्थायी ठेगाना भई बकैया गाउँपालिका ५ कर्मचुली बस्ने फुलमाया भुलुन रहेको जिल्ला प्रहरी कार्यालय मकवानपुरका प्रवक्ता प्रहरी निरीक्षक रामचन्द्र घिमिरेले जानकारी दिए ।
जेठ २८ गते ईलाका प्रहरी कार्यालय भिमफेदी मकवानपुरबाट खटिएको प्रहरी टोलीले भिमफेदी गाउँपालिका ६ स्थित सडकमा बिरगंजबाट काठमाडौं जाँदै गरेको ना १ ज ३५५३ नं. को यात्रुबाहक सुमो चेकजाँच गर्दा सुमोमा सवार भुजेल र तामाङको साथबाट लागु औषध नाईट्राभेट ५ सय ३८ ट्याबलेट फेला परेको थियो । भुजेल र तामाङलाई उक्त लागु औषध सहित नियन्त्रणमा लिई थप अनुसन्धान भईरहेको घिमिरेले बताए ।
यसैगरी जेठ २८ गते विशेष सूचनाको आधारमा प्रहरी चौकी हात्तीसुडे मकवानपुरबाट खटिएको प्रहरी टोलीले भुलुनको घरमा चेकजाँच गर्दा घर भित्र लुकाई छिपाई राखेको अबस्थामा लागु औषध गाँजा १ किलो ४ सय ग्राम फेला परेको प्रहरीले जानकारी दिएको छ । भुलुनलाई उक्त लागु औषध सहित नियन्त्रणमा लिई थप अनुसन्धान भईरहेको प्रवक्ता घिमिरेले जानकारी दिए ।
- मन्दिरा चापागाईं
अचानक भास्कर गाउँ आएको देखेर दङ्ग भए भगिरथ बाजे । टुकुटुकु हिड्ने थिईस् शहर जाँदा । नातीको टाउको सुम्सुम्याउँदै भने बाजेले ।
अर्गानिक खानपिनको स्वादमा पल्किदै गयो ऊ । उकालोओरालो गर्दा गर्दै प्याट्ट लागेको पेट र भद्दा शरीर साईजमा आयो । धान गहुँबाली देखेपछि चामल र पीठोका कच्चापदार्थ चिन्यो उसले ।
“चिउराको बोट खै त ?”भन्दा पेट मिचिमिची हाँसेका थिए उसका साथीसङ्गी ।
चराको चिरबिर हावाको शीतलता झरीको झंकार र लहलह बाली देख्दा कोठाभित्र गुम्सिएको मन प्रफूल्लित भयो । ताजा सागसब्जी फलफूल सहयोगी र मिजासिला मानिसहरू देखेर छक्क पर्यो भनें बाँझा जमिन रित्ता घरहरू देख्दा दुखि पनि ।
“यहि माटोको तागत पिएका बलिस्ठ पाखुरी बिश्व बजारमा बिक्री भए । पैसा नै सबथोक हो भनेर बल बैंस विवेक बिदेशी भूमीमा खर्चिए युवाहरूले । हाम्रा कर्मशील पाखुराहरुले बिदेशी मरुभूमिलाई उद्धान बनाए हाम्रा उद्घान मरुभूमि बन्दैछन् । मलिला जमिनमा बिद्युतका पोल कालोपत्रे सडक फले। रेडियोले वैदेशिक रोजगारीको सुबर्ण अवशर ….आकर्षक घडेरी बिक्रीमा बजायो । खेतबारी बाझैं राखि झोलामा खानेकुरा बोकि ल्याउँने संस्कृति भित्रियो । अहिले गाउँघरमा अन्न भन्दा पनि खेतीयोग्य जमिन कोतेरेर विकास फलेको छ ।”बाजे भन्दै गए । उसले चाख मानेर सुनिरह्यो ।
माटोमै छ जीवनको सार्थकता ।” जब आफ्नै भूमिमा पसिना पोखिन्छ त्यो पसिना माटोको गन्धमा मिसिएर सुगन्धित हुन्छ । पाखुरीहरु कुटोकोदालो सहित खेतबारीमा पौठेजोरी खेल्छन् बालीहरु लहलहाउछन् ।”यी जमीनले अन्न नदिए प्रयोगशालाबाट निकाल्न सकिन्न । कि डाउनलोड गर्दा हुन्छ ? ” भास्कर मुसुस्क हाँस्यो । खाद्यान्न आयात गर्नु नपरे मात्र पनि हाम्रो स्वभिमान उँचो हुनेथियो ।
यतिकैमा जिल्ला कृषि बिकास कार्यालयका कर्मचारीले भगिरथ बाजेलाई निमन्त्रणा पत्र थमाएर गए । गाउँ समूदायमा कृषि सम्बन्धी जनचेतना जगाएको र बृद्धावस्थामा नमूना कृषक बनेर योगदान दिएको सम्मानमा बाजेलाई नगद पुरस्कार दोसल्ला प्रमाणपत्र सहित सम्मानित गरियो ।
सबै नियालीरहेको भास्करले “आजसम्म मलाई कसैले कृषक हुनु किन भनेनन् बा ? किन डाक्टर पाईलट र ईन्जिनियर हुनु भने ? किताबमा पनि डाक्टर इन्जिनियर पाईलटका सुकिला मुकिला फोटा र किसानका झुत्रेझाम्म्रे फोटा मात्रै राखिन्छ । हजुरले जस्तै पुरस्कार पाएको फोटो किन नराखिएको बा किन ?” भन्दै सोध्यो ।
सभापोखरी -१, संखुवासभा
मकवानपुर । नवसर्जक साहित्य चौतारी नेपालले आयाेजना गरेकाे प्रथम राष्ट्रिय बालसाहित्य उत्सवमा ८ जना स्रष्टा सम्मानित भएका छन् । नवसर्जक साहित्य चौतारीले शनिबार हेटौंडामा आयोजना गरेको बालसाहित्य उत्सवको अवसरमा ८ जना स्रष्टालाई सम्मान गरिएको हो ।
१५ हजार ५ सय ५५ रुपैयाँ राशीकाे लोकनाथ न्यौपाने स्मृति अग्रज बालसाहित्यकार सम्मान–२०७९ बाट प्रमोद प्रधान सम्मानित भएका छन् । यस्तै प्रदेश–१ नवसर्जक सम्मान–२०७९ बाट अन्वेषा चापागाई, मधेस प्रदेश नवसर्जक सम्मान–२०७९ बाट अभिजित राम, बागमती प्रदेश नवसर्जक सम्मान–२०७९ बाट अनुज्ञा नेपाल सम्मानित भएका छन् ।
यसैगरी गण्डकी प्रदेश नवसर्जक सम्मान–२०७९ बाट अनुराग सापकोटा, लुम्बनी प्रदेश नवसर्जक सम्मान–२०७९ बाट पवन अधिकारी, कर्णाली प्रदेश नवसर्जक सम्मान–२०७९ बाट नवीन पाण्डे, सुुदुरपश्चिम प्रदेश नवसर्जक सम्मान–२०७९ बाट ऋष्टिना करिया प्रधान थारुलाई सम्मान गरिएको छ । जनही ७ हजार ७ सय ७७ रुपैयाँ राशीसहित उक्त सम्मानबाट सम्मानित गरिएको हो ।
नवसर्जक साहित्य चौतारी नेपालकी अध्यक्ष प्रशन्ना चौलागाइँको सभाध्यक्ष तथा नेपाल प्रज्ञा प्रतिष्ठानका बालसाहित्य तथा लोकवार्ता विभाग प्रमूख प्राज्ञ डा. देवी नेपालको प्रमुख आतिथ्यमा कार्यक्रम भएको हो । रमेशमोहन अधिकारी, विष्णुप्रसाद न्यौपाने, डिबी बर्तौला, पत्रकार सुरेश श्रेष्ठ, अर्चना दाहाल जयन्ती आचार्य, ओमकुमारी बन्जारा रानाभाट, रुबिना शर्मा, प्रभा पौडेल, पुस्कल नेपाल, सञ्जय साह, जागेश्वर नेपाल, अजमत अली अन्सारीको निर्णयबाट उक्त सम्मानबाट स्रष्टाहरुलाई सम्मान गरेका हुन् ।
नवसर्जक साहित्य चौतारी स्थापनाको प्रथम वार्षिकोत्सवको अवसरमा गत पुसमा आयोजना गर्ने योजना बनाइएको कार्यक्रम कोभिडको दोस्रो लहरसँगै स्थगित गरिएको थियो । हेटौंडा स्कुल अफ म्यानेजमेन्ट मुख्य प्रायोजक रहेको कार्यक्रममा प्याब्सन मकवानपुर र हेटौँडा नगर समितिकाे सहकार्य रहेकाे छ ।
मकवानपुर । पूर्व पश्चिम राजमार्ग अन्तर्गत हेटौंडा-९ पशुपतिनगरमा ग्यास बुलेटको ठक्करबाट मोटरसाइकल चालक र सवार १ गरी २ जनाको मृत्यु भएको छ।
केहिबेर अघि हेटौंडा आउदै गरेको भारतीय एन एल ०१ एल २९७१ नम्बरको ग्यास बुलेटले विपरीत दिशाबाट आउदै गरेको ना ६१ प ४५९७ नम्बरको मोटरसाइकललाई ठक्कर दिदा मोटरसाइकलमा रहेका हेटौंडा-९ का ५५ बर्षीय इश्वर तामाङ्ग र २६ बर्षिया अमिना तामाङ्गको मृत्यु भएको हो।
दुर्घटनामा घाइते भएका दुबैलाई उपचारको क्रममा हेटौंडा अस्पतालमा ल्याईएकोमा अस्पतालले मृत्यु घोषणा गरेको मकवानपुर प्रहरीले जनाएको छ।
मकवानपुर । हेटाैडा उपमहानगरपालिका वडा नम्बर १७ मा अंगारेश्वर टोलविकास समिति गठन गरिएको छ। हेटौंडा १७ स्थित ठूलोगंगटेमा स्थानीय समाजसेवी ईश्वर बहादुर बिष्टको अध्यक्षतामा शनिबार सम्पन्न भेलाले सिताराम वाइबा (सुरज)को अध्यक्षतामा टोलविकास समिति गठन गरेको हो।
वडा नं १७ का अध्यक्ष उद्धव सत्यालको प्रमुख आतिथ्यता र हेटौंडा उपमहानगरपालिका सामाजिक विकास महाशाखाका अधिकृत भैरव बहादुर कुमालको विशेष आतिथ्यतामा भएको भेलाले वाइबाकाे अध्यक्षतामा १३ सदस्यीय समिति गठन गरेकाे हाे । १३ सदस्यीय अंगारेश्वर टोविस उपाध्यक्षमा रमा खड्का, कोषाध्यक्ष विणा दाहाल, सचिव सन्तोषी खड्का, सह-सचिव राजेन्द्र श्रेष्ठ चयन भएका छन् ।
यसैगरी समिति सदस्यहरूमा उमेश गोन्बा, सन्तबहादुर विश्वकर्मा, शारदा अधिकारी, सीता दाहाल, अनिता भुजेल, अर्चना पुडासैनी (थापा), सेती कुमारी गोन्बा र गोमा तिमल्सिना रहेका छन् । कृष्णदेव भण्डारीले सञ्चालन गरेको भेलामा भैरव बहादुर कुमालले हेटौंडामा टोलविकास समितिको इतिहास, यसको उद्देश्य, महत्व र समितिले गर्नुपर्ने कार्यहरू बारेमा जानकारी गराएका थिए ।