मकवानपुर । मकवानपुरको मनहरी गाउँपालिका हाँडीखोलामा स्वास्थ्य शिविर संचालन गरिएको छ ।
हाँडीखोलाको पशुपति माध्यामिक विद्यालयमा संचालन भएको स्वास्थ्री शिविर बस्तीपुर जेसीज हाँडीखोलाको आयोजना, नेपाल परिवार नियोजन संघ मकवानपुरको प्राविधिक सहयोग र मनहरी गाउँपालिका वार्ड नं ४ को समन्वयमा भएको हो ।
स्वास्थ्री शिविरमा महिलाहरुको पाठेघरको मुखको क्यान्सर सम्बन्धी निःशुल्क जाँच गरिएको थियो । शिविरमा ७८ जना महिलाले स्वास्थ्य परीक्षण गराएको थिए । शिविरको समुद्घाटन प्रमुख अतिथि अध्यक्ष कालाखेतीले परीक्षण किट प्राविधिक टोलीलाई हस्तान्तरण गर्दै शिबिर सुरु गरिएको हो ।
बिशेष गरी बनकरिया बस्तीलाई लक्षित गरी आयोजना गरिएको शिबिरमा २ जना सेवाग्राहीले १२ बर्षे परिवार नियोजनको अस्थायी साधनको सुविधा लिएका थिए । शिबिरलाई मनहरी गाउँपालिका र स्व. जानुका रेग्मी स्मृति स्वास्थ्य सेवा तथा सूचना फाउन्डेशनबाट औषधि सहयोग गरिएको थियो ।
मनहरी गाउँपालिका अध्यक्ष रञ्जन कालाखेतीले मानवीय सेवा बोकेको जेसीजले गरेको शिविरबाट स्थानीयलाई बिभिन्न अस्पताल गएर जचाउँदा हुने खर्चबाट बिपन्न बर्गले लाभलिने र मनहरी गाउँपालिकाको अन्य वडामा पनि यस्तै स्वास्थ्य शिबिर संचालनको लागि हातेमालो गर्न सदैब तयार रहेको बताए ।
कार्यक्रममा ४ नम्बर वडा अध्यक्ष प्रकाश थापा, पशुपतिनाथ माविका ब्यवस्थापन समिति अध्यक्ष माधब गौतमले आमाहरु स्वस्थ्य भए बालबालिका पनि स्वस्थ्य हुने बताएका थिए ।
बस्तीपुर जेसीज हाँडीखोला बर्ष–२०२२ का अध्यक्ष तेज प्रसाद उप्रेती(रमेश) को सभाध्यक्ष तथा मनहरी गाउँपालिका अध्यक्ष कालाखेतीको प्रमुख आतिथ्यतामा स्वास्थ्य शिविर संचालन भएको हो ।
मकवानपुर । राष्ट्रिय प्रजातन्त्र पार्टी राप्रपा मकवानपुरले हेटौंडामा राँके जुलुससहित विरोध प्रर्दशन गरेको छ । हालै प्रतिनिधिसभा र राष्ट्रिय सभा दुबै सदनबाट पास गरिएको नागरिक बिधयक विरुद्ध राप्रपाले विरोध गरेको हो ।
शुक्रबार साँझ राप्रपाले नागरिकता विधेयक,भ्रष्टाचार र अन्य समसामयिक विषयमा विरोध प्रदर्शन गरेको हो । उनीहरुले राष्ट्रघाती नागरिक अध्यादेश र संघीयता खारेज गर्न माग गर्दे राँके जुलुस गरेका हुन् ।
हेटौंडा ५ सानोपोखरा स्थित राप्रपाको पार्टी कार्यालयबाट सुरु भएको विरोध प्रदर्शनको यार्ली कान्तिराजथ, बुद्धचोक हुँदै सिमाचोकमा पुगेर कोणसभामा परिणत भएको थियो ।
कोणसभामा राप्रपा नेपालका केन्द्रीय सदस्य दिपक बहादुर सिंहले सम्बोधन गरेका थिए । नागरिकता विधेयक पास गर्न भारतले हाम्रा नेताहरुलाई ठुलो आश्वासन दिएको उनले बताए ।
मकवानपुर । मकवानपुरमा धार्मिक पर्यटन विकास समिति गठन गरिएको छ । जिल्लाभित्रका धार्मिक पर्यटन क्षेत्रको एकीकृत रुपमा विकास गर्ने उद्देश्यले समिति गठन गरिएको हो ।
गठित धार्मिक पर्यटन विकास समिति संयोजकमा नेपाली कांग्रेस जिल्ला सचिब तथा युवा नेता भीमसेन महत चयन भएका छन् । मंगलबार भएको भेलाबाट महतको नेतृत्वमा धार्मिक पर्यटन विकास समिति मकवानपुर गठन गरिएको हो ।
समितिमा सहसंयोजक इश्वरीप्रसाद न्यौपाने, सचिव विनोद महत, सहसचिव बासुदेव खतिवडा र कोषाध्यक्ष राममान श्रेष्ठ रहेका छन् । यस्तै, सदस्यहरुमा क्रमशः केदार चौलागाईं, रामानुज वाग्ले, चित्रप्रसाद भट्ट, जगन्नाथ पाण्डे, शालिकराम अधिकारी, अर्जुनप्रसाद तिमल्सिना, राजीव सुवेदी र रविन्द्र घिमिरे रहेका छन् ।
समितिले पहिलो चरणमा हेटौंडाभित्रका संरचना निर्माण भएका मन्दिरको गुरुयोजना बनाउने र स्थानीय तथा प्रदेश सरकारलाई बजेट विनियोजन गर्न आग्रह गर्ने महतले जानकारी दिए । ‘अब स्थानीय र प्रदेश सरकारलाई छिटपुट रकम विनियोजित नगरी एकीकृतरुपमा गुरुयोजना अनुसार बजेट छुट्याउन हामी अनुरोध गर्नेछौं ।’ महतले भने
महतले भारतीय सीमा क्षेत्रका धार्मिक पर्यटकलाई मकवानपुर भित्र्याउन आवश्यक प्रचारप्रसार कार्य समितिले अगाडि बढाउने जानकारी दिए ।
मकवानपुर । बागमती प्रदेश सभाको १० औ अधिवेशन अन्त्य भएको छ ।
प्रदेशसभा सचिवालका सचिव कृष्ण हरि खड्काले सूचना जारी गर्दै प्रदेश सभाको जारी अधिवेशन अन्त्य भएको जानकारी दिए । बागमती प्रदेश सरकारको सिफारिसमा प्रदेश प्रमुख यादवचन्द्र शर्माले सोमबार राती १२ बजेदेखि लागु हुने गरी प्रदेश सभाको दशौं अधिवेशन अन्त्य गरेका हुन् ।
प्रदेश सभाको १० औँ अधिवेशन बजेटमा केन्द्रीत थियो । बजेटका साथै बागामती सरकारले जारी गरेका केही अध्यादेशको बिधेयकमा समेत सभा छलफल भइ स्वीकृत भएका थिए । १० औँ अधिवेशनले गरेको कामकारबाहीको विषयमा मंगलबार पत्रकार सम्मेलन मार्फत जानकारी दिने सभामुख सानुकुमार श्रेष्ठले बताए ।

मकवानपुर । नेपाल प्रेस युनियनको अध्यक्षमा शिव लम्साल विजयी भएका छन् । अध्यक्षकी प्रत्यासी अनिता विन्दूलाई हराउँदै लम्साल विजयी भएका हुन् । नेपाली कांग्रेसको सुभेच्छुक संस्था नेपाल प्रेस युनियनकाे हेटाैडामा भएकाे ९ औं अधिवेशनबाट संस्थापन इतर समुहका लम्साल अध्यक्षमा विजयी भएका हुन् ।
काग्रेसकाे शेखर कोइरालासमूहबाट लम्साल अध्यक्षमा प्यानल बनाएर चुनावी मैदानमा उत्रिएका थिए । अन्य पदाधिकारीमा पनि लम्साल प्यानलकै बाहुल्य भएको छ । युनियनको ९ औं अधिवेशनमा भएको मतदानबाट बरिष्ठ उपाध्यक्षमा प्रेम केसी विजयी भएका छन् । केसीले प्रत्यासी सरोज अधिकारीलाई हराउएका हुन् । त्यस्तै महासचिवमा दिलिप पौडेल विजयी भएका छन् । उनले संस्थापन पक्षका जगन्नाथ दुलाललाई पछि पारेका हुन् ।
त्यस्तै खुला उपाध्यक्षमा लम्साल प्यानलबाट उम्मेदवार बनेका नकुल अर्याल निर्वाचित भए । खुला उपाध्यक्षमै अर्को एक कोटामा संस्थापन पक्षका भिष्मराज ओझा बिजयी भएका छन् भने कोषाध्यक्षमा पनि संस्थापन पक्षका माधव धिताल बिजयी भएका छन् ।
अहिले मतगणना सकिएकाे छ । तर मत परिणाम भने गरिएको छैन ।