मकवानपुर । जुवा खेल्ने खेलाउनेमा सक्रिय रहेको आरोपमा जिल्ला प्रहरी कार्यालय मकवानपुरले १८ जनालाई पक्राउ गरेको छ ।
मकवानपुर प्रहरीले हेटौंडा-६ चौघडामा जुवा खेलिरहेको अवस्थामा उनीहरूलाई पक्राउ गरेको हो । चौघडा स्थित धुर्ब राईको घरमा जुवा खेलिरहेको बेला उनीलाई पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।
उनीहरुको साथबाट कौडा १७ थान र नगद ३१ हजार ८२० रुपैयााँ बरामत गरिएको प्रहरीले जनाएको छ ।कौडा खेल्ने, च्याखे थाप्ने, हेर्ने १७ जना पुरुष र घरबेटी १ जना पुरुष गरी जम्मा १८ जनालाई नियन्त्रणमा लिइएको प्रहरीले जनाएको छ ।
सीता आस्था ढुंगेल
१.
दुःख पर्दा ज्यान दिनु त्यत्ति भन्या त हो
गाली गर्नु र ज्ञान दिनु त्यत्ति भन्या त हो
सन्चो बिसन्चो के छ, खायो खाएन
हर कुरामा ध्यान दिनु त्यत्ति भन्या त हो ।
२.
तल झर्नु पर्दो रैछ चुनाब आएपछि
विकास गर्नु पर्दो रैछ चुनाब आएपछि
अघिपछि सहर नै सबैभन्दा ठूलो लाग्ने
गाउँमा सर्नु पर्दो रैछ चुनाब आएपछि ।
३.
प्रयास गर्नु हार होइन छोड्नु हार हो
गन्तव्यमा नपुगी बाटो मोड्नु हार हो
सोचेर मात्र सम्बन्ध जोड्नु राम्रो हुन्छ
जोडेपछि मनमुटावले तोड्नु हार हो ।।
इलाम हाल काठमाडौ
मकवानपुर । हेटौंडा उपमहानगरपालिकामा वडा नम्बर–१० मा रहेको तरकारी बजारमा विहीबार आगोलागी भएको छ । हेटौंडा १० स्थित टीसीएनमा रहेको तरकारी बजारमा आगोलागी भएको हो । टिसिएन तरकारी बजार संगै रहेको एक होटलबाट सल्किएको आगो तरकारी बजारमा फैलिएको मकवानपुर प्रहरीले जनाएको छ ।
तरकारी बजारमा लागेको आगो प्रहरी, दमकल र स्थानीय वासिन्दाहरुको सहयोगमा नियन्त्रणमा लिइएको जिल्ला प्रहरी कार्यालय मकवानपुरका प्रहरी नायब उपरिक्षक टेक बहादुर कार्कीले बताए । प्रहरीका अनुसार आगलागीबाट आधा दर्जन बढी तरकारी पसल जलेर नष्ट हुनुका साथै लाखौ रुपैयाँ बराबरको सामान क्षेती भएको छ ।
तरकारी बजार लागेको आगो हेटौंडा उपमहानगरपालिकाको दमबल, एक्साभेटर, ससस्त्र, जनपथ प्रहरी, स्थानीयहरुको सक्रियतामा करिब एक घण्टापछी नियन्त्रणमा आएको छ । आगोलागीबाट कुनै मानवीय क्षेती नभएको प्रहरीले जानकारी दिएको छ ।

मकवानपुर । मकवानपुरको भीमफेदीमा भिरबाट लडेर १ जनाको मृत्यु भएको छ । भीमफेदी गाउँपालिका वडा नम्बर–१ बाघचौरमा देउसी खेल्न जानेक्रममा भिरबाट लडेर स्थानीय सुकमान गोलेको मृत्यु भएको मकवानपुर प्रहरीले जनाएको छ ।
बाघचौरका ४१ वर्षिय गोले देउसी खेल्दै अर्को घरमा जाने क्रम्मा बाघचौरको भिरबाट लडी घम्भिर घाइते भएका थिए । घाइते गोलेलाई हेटौडा अस्पताल ल्याएकोमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक टेकबहादुर कार्कीले जानकारी दिए । गोलेको गएराती हेटौंडा अस्पतालका डाक्टरले मृत्यु घोषणा गरेका थिए ।
हेटौंडामा चक्कु प्रहारबाट १ जना गम्भीर घाइते
यसैगरि हेटौंडा उपमहानगरपालिका वडा नम्बर–९ कर्रापुल नजिकै अज्ञात व्यक्तिको चक्कु प्रहारबाट गएराती एक जना युवक गम्भिर घाइते भएका छन् । स्थानीय २८ वर्षिय अजित लामा चक्कु प्रहारबाट घाइते भएका प्रहरीले जनाएको छ ।
चक्कु प्रहार गर्ने युवक भने फरार रहेको बताइएको छ । जिल्ला प्रहरी कार्यालय मकवानपुरका प्रहरी नायब उपरिक्षक टेकबहादुर कार्कीका अनुसार घाइते लामाको हेटौंडा अस्पतालमा प्राथमिक उपचारपछी भरतपुर रिफर गरिएको छ ।
लामालाई चक्कु प्रहार गर्ने व्यक्तिको खोजी कार्य भइरहेको प्रहरीले जनाएको छ । चक्कु प्रहार गर्नेको पहिचान भने भएको र खोजी भइरहेको कार्कीले जानकारी दिए ।
प्रीति आत्रेय ज्ञवाली
लक्ष्मीपूजाको दिनमा जन्मिँदा
तिमी लक्ष्मीको प्रसाद भएर
नेपालमा भित्रियौ
नामकरण भयो लक्ष्मीप्रसाद ।
तिमी देवीको प्रसादले गर्दा दानी भयौ
कसैको दुुःख देख्न नसक्ने विवेकी बन्यौ
सरस्वतीका वरद पुुत्र भनी दरियौ
“जहाँ पुग्दैनन् रवि
त्यहाँ पुुग्छन् कवि ” भनेझैं
अरूले बोध गर्न नसक्ने कुरा
चाँडै बुझ्न सक्ने भयौ
सूक्ष्मदेखि विशाल तहका
अनेक कुुरा बुझ्न सक्यौ
तिमी आशुुकवि बन्यौ ।
तिम्रो क्षमतालाई खुट्ट्याउन नसक्दा
तिमीले पागलको पगरी भिर्नुुपर्यो
मनमा तनाव हुँदा
“पागल” कविता लेख्यौ
अरूको परवाह नगरी
तिमीले लेखनीलाई निरन्तरता दियौ
आफ्नो स्वभावलाई कायम राख्यौ
महाकवि भयौ ।
हे देवकोटा !
तिम्रो कुुरा कसैले नबुझ्दा
जीवनमा तिमीले धेरै दु:ख खेप्यौ
अब त
सबैले तिम्रो महत्व बुुझिसके
हरेक वर्ष
विभित्र समारोह गरेर र कविता लेखेर
तिम्रो गुनगान गाउँछन् ।
म अनुरोध गर्छु तिमीलाई
मिल्छ भने तिमी
फेरी आऊ यस धर्तीमा
यहाँ तिमीजस्ता
मनका कुुरा नबुझिएका
धेरै कलिला पागलहरू छन्
जसलाई विना कुुनै कारण
मनका भावना नबुझी
रहर र चाहना नसुनी
ठुलाठालु व्यत्ति एवं नेताहरूले
आफू अनुरूप तह लगाउन खोज्छन्
अनि नसके
पागलको संज्ञा दिन्छन्
व्यक्तित्वमाथि प्रश्न गर्छन् !
यहाँ
अहिले पनि पागल भएका छन्
धेरै देवकोटा र रिमालहरू
साकार नदेखेर
आफ्नो र आमाको सपना
त्यसैले तिमीजस्तो
दिव्य व्यक्तित्वको
खाँचो छ, यस धर्तीमा ।
नत्र,
धेरै पागलहरू जन्मिन्छन्
अनि सपना नमौलाउँदै ओइलिन्छन् ।
कृपया फेरी आऊ
सबैमा चेतनाको लहर फिँजाऊ
ताकि सबैले स्वच्छ मनले
आफ्नो काम गर्न सकून्
सधैँ प्रसन्न रहन सकून् ।
लक्ष्मी र सरस्वतीका
वरद पुुत्र—पुत्री भनी
निर्धक्कतया चिनिन सकून्
हे देवकोटा ! तिमी फेरी जन्म लेऊ ।
बुटवल हालः न्होम पेन्ह, कम्बोडिया