मकवानपुर । हेटौंडा भेट्रान्स क्लब हेटौंडाको ८ औं वार्षिक साधारण सभाबाट अध्यक्षमा रमेश उप्रेती सर्वसम्मत चयन भएका छन् । शनिबार हेटाैडामा भएकाे साधारण सभाबाट उप्रेतीकाे अध्यक्षतामा १३ सदस्यीय समिति गठन भएकाे हाे ।
४० वर्ष नाघेका पूर्व खेलाडी तथा फुटबलप्रेमीहरुको क्लब हेटौंडा भेट्रान्सकाे कार्यसमितिको प्रथम उपाध्यक्ष नवराज बज्राचार्य र द्वितीय उपाध्यक्ष ज्ञान बहादुर क्षेत्री, सचिव कविन सांगामी, सह–सचिव अतुल शर्मा र कोषाध्यक्ष सरोज राजथला चयन भएका छन् । यस्तै सदस्यहरुमा अनुप लामा, प्रशान्त पाख्रिन, राज कुमार श्रेष्ठ (ए), राजकुमार श्रेष्ठ (बी), अजय मानन्धर, मणिराज गौतम र सञ्जय थापा चयन भएका छन् ।
भेट्रान्सकाे ८ औं वार्षिक साधारण सभाकाे उद्घाटन सत्रमा बोल्दै प्रमुख अतिथि हेटौंडा उपमहानगरपालिकाकी नगर प्रमुख लामाले फुटबल एकेडेमी निर्माणका लागि उपमहानर लागि परेको बताइन् । लामाले क्लबसँगको सहकार्यमा विभिन्न खेलसँग सम्बन्धित कार्यक्रम गरिने जानकारी दिइन् ।
क्लबका अध्यक्ष दीपक बज्राचार्यको सभाध्यक्षता भएको कार्यक्रममा हेटौंडा–५ का वडाध्यक्ष सुशील घिमिरे, ६ नम्बर वडाध्यक्ष विष्णु बहादुर दाहाल, जिल्ला खेलकुद विकास समितिका अध्यक्ष वेश खड्की र जिल्ला फुटबल संघका उपाध्यक्ष युवराज लामा लगायतको आतिथ्य रहेको थियो ।
मकवानपुर । मनहरी गाउँपालिका वडा नम्बर ४ हाडिखाेला स्थित पशुपतिनाथ माध्यामिक विद्यालयले आफ्नाे स्थापनाकाे ४८ औं दिवस मनाएकाे छ । विद्यालय स्थापनाको ४८ औं बर्षको अवसरमा कक्षा १ देखि १० सम्मका बालबालिका बिच बिभिन्न मनोरन्जनात्मक खेलकुद प्रतियोगिताको आयोजना गरिएकाे थियो ।
स्थापना दिवसकाे अवसरमा आयोजना गरेकाे बिबिध खेलकुद प्रतियोगिताका बिजेतालाई पुरस्कृत समेत गरेकाे छ । खेलकुद प्रतियोगिताका बिजेता विद्यार्थीलाई गाउँपालिका ४ नम्बर वडा अध्यक्ष प्रकाश थापाले पुरस्कृत गरेका थिए । विद्यालयको स्थापना दिवसको अवसरमा आयोजित कार्यक्रममा विब्यस अध्यक्ष माधब गौतमलाई सम्मानीत गरिएको छ । विद्यालयका शिक्षक परिवारको तर्फबाट प्रधानाध्यापक भानुभक्त आचार्यले वडाअध्यक्ष थापाले गौतमलाई सम्मान गरेका हुन् ।

विद्यालय ब्यवस्थापन समितिमा रहेर उत्कृष्ठ कार्य गरेको भन्दै केही महिना अघि बागमती प्रदेश सरकारले अध्यक्ष गौतमलाई प्रदेश दीपप्रदान गरेको थियो । अध्यक्ष गौतम पछिल्लो ६ बर्षदेखि विद्यालयब्यवस्थापन समितिको अध्यक्ष रहेर विद्यालयमा योगदान गरिरहेका छन् । अध्यक्ष गौतमको योगदानको कदर गर्दै गाउँपालिकाले शिक्षा समितिको सदस्यमा मनोनित गरेको छ ।
२०२७ सालमा स्थानीय समाजसेबीहरुले ब्यक्तिगतखर्चबाट संचालन गरेको यस विद्यालयलाई २०३२ सालमंसिर १५ गते तत्कालीन सरकारले अनुमति दिएको थियो । पछिल्लो एक दशकदेखि विद्यालयले नियमित रुपमा स्थापना दिवस मनाउँदै आएको छ ।
मकवानपुर । कम्युटर एशोसियसन नेपाल महासंघ क्यान मकवानपुरको १६ औं वार्षिक साधरणसभा शनिवार हेटौंडामा भएको छ । साधरणसभाको उद्घाटन पछि बोल्दै हेटौंडा उपमहानगरपालिकाकी मेयर मिना लामाले हेटौंडालाई सूचना प्रविधिमैत्री बनाउन क्यानसंग सहकार्य गरेर काम गर्ने बताइन् ।
साधारण सभामाक्यान मकवानपुरका जेष्ठ सदस्य योगेश्वर बहादुर श्रेष्ठलाई कार्यक्रममा सम्मान गरिएको थियो । सभामा क्यान मकवानपुरका कार्यवाहक सचिव गोविन्द चौलागाईले संस्थाका गतिविधिहरू समेटिएको प्रतिवेदन प्रस्तुत गरेका थिए ।
क्यान मकवानपुर अध्यक्ष पुष्पराज पुडासैनीको सभाध्यक्षतामा भएको कार्यक्रममा उद्घाटन कार्यक्रममा क्यानका केन्दीय सचिव चिरन्जिवि अधिकारी, पत्रकार महासंघ बागमती प्रदेश समितिका महासचिव कृष्ण सारू मगर, क्यान मकवानपुरका संस्थापक अध्यक्ष नेत्रबहादुर श्रेष्ठ, पुर्व अध्यक्ष श्यामकल श्रेष्ठ, दिपेन्द्र रेग्मी लगायतको आतिथ्यता रहेको थियो।
२०६३ सालमा स्थापना भएको क्यान मकवानपुरमा १०५ जना संस्थागत र व्यक्तिगत साधरण सदस्य छन् । साधरणसभाको बन्दसत्रबाट नयाँ नेतृत्व पनि चयन हुने बताइएको छ ।

पार्वती भट्ट
कि जूनमा, कि भने तारामा पाेखिनु पर्थ्याे
कि माझमा, कि किनारामा पाेखिनु पर्थ्याे
खाेल्दा प्रेमकाे स्निग्ध पाठशाला,कमसेकम
विज्ञापनका लागि, इसारामा पाेखिनु पर्थ्याे ।

मिना चौलागाईं
कुनै कुरामा विरोध कुनैमा समर्थन हुन्छ
कहिले मिठा कहिले नमिठा वचन हुन्छ
कसले भन्छ झगडा हुन्छ दुश्मनसँग मात्रै
शङ्का र गालीभित्र झन् आफ्नोपन् हुन्छ ।

ज्याेती घिमिरे
सामानको किनबेच गर्न पसल चाहिन्छ।
बीउ जोगाउन सप्रीएको फसल चाहिन्छ।
तिमी कालो छौ या गोरो केही छैन मलाइ,
बोली अनि व्यवहार पो असल चाहिन्छ।।
मकवानपुर । बागमती प्रदेशका स्वास्थ्य मन्त्री निमा लामाले एड्स रोग रोकथामको लागि जनचेतना सबैभन्दा महत्वपूर्ण भएकाे बताएका छन् । विहीबार डिसेम्बर १ तारिख अर्थात विश्व एड्स दिवस २०२२ मा भएकाे प्रभातफेरी पछिकाे काेणसभामा बाेल्दै मन्त्री लामाले भने ‘जनचेतनाको अभावमा यस्ताखाले संक्रमण हुने भएकाेले सरकारले जनचेतनालाई प्राथमिकतामा राखेको छ ।’
दिवसकाे अवसरमा बागमती प्रदेश स्वास्थ्य निर्देशनालयको आयोजनामा “ एड्स अन्त्यका लागि समानताको सुनिश्चितता” भन्ने नाराका साथ हेटौँडामा प्रभातफेरी कार्यक्रम गरिएको छ । हेटौँडा अस्पतालबाट सुरु भएकाे प्रभातफेरी हेटौँडा १० बसपार्कमा कोणसभामा परिणत भएको थियो । कार्यक्रममा स्वास्थ्य राज्यमन्त्री कल्पना नेपाली, बागमती प्रदेश स्वास्थ निर्देशनालयका निर्देशक महेश्वर श्रेष्ठ लगायतले मन्तव्य राखेका थिए । कार्यक्रममा एड्सबारे जनचेतना फैल्याईरहेका विभिन्न संघसस्थाका प्रतिनिधि, प्रहरी तथा आम सर्वसाधरणको सहभागिता रहेको थियो ।

यसैगरी ३५ औं विश्व एड्स दिवसको अवसरमा मदन भण्डारी स्वास्थ्य विज्ञान प्रतिष्ठान हेटौंडाले जनचेतना अभिबृद्धि कार्यक्रम गरेको छ । प्रतिष्ठानले जनचेतनाको लागि र्याली, फल्यास मुभ र एड्स भएकाहरुको अनुभव साटासाट गरेको हो ।
जनचेतनामुलक र्यालीलाई सम्बोधन गर्दै प्रतिष्ठानका उपकुलपति विश्वराज जोशीले एड्स नियन्त्रणमा रहेपनि नसकिएकाले जनचेतनामुलक कार्यक्रमले अझैं चेतना फैलाउन मदत गर्ने बिश्वास व्यक्त गरे । उनले एड्स बारे आम जन समुदायले सही जानकारी पाउनुपर्नेमा जोड समेत दिए ।
हेटौंडा १० टिसिएनमा रहेको प्रतिष्ठानको कार्यालय अगाडिबाट सुरु भएको र्याली बसपार्क, जिल्ला प्रहरी कार्यालय परिसर, राप्ती रोड, बुद्ध चोक, सिमाचोक हुँदै सितलमहल चोक हुँदै हुप्रा चौरमा पुगेर कोणसभामा परिणात भएको र्याली एड्स संक्रमितले अनुभव साटा साट गरे पश्चात समापन भएको हो ।
र्यालीमा सहभागि प्रतिष्ठानमा अध्ययनरत बिद्यार्थीहरुले जनचेतनामूलक प्ले कार्डको प्रर्दशन गर्नुका साथै एड्सबाट बच्न र बचाउन आग्रह गरेका थिए । कार्यक्रममा प्रतिष्ठानका पदाधिकारी, प्राध्यापक, बिद्यार्थी, कर्मचारी लगायतकाको सक्रिय सहभागिता रहेको प्रतिष्ठानका सुबोध आचार्यले जानकारी दिए ।
