काठमाडौं । मकवानपुर–काठमाडौं सदभाव समाजको तदर्थ समिति गठन गरिएको छ । शनिबार काठमाडौंको बुढानिलकण्ठमा भएको प्रथम प्रारम्भिक भेला तथा वनभोज कार्यक्रममा उक्त समाजको तदर्थ समिति गठन गरिएको हो ।
भेलाले बलराम फुयाल (हेटौंडा ४) को अध्यक्षतामा ११ सदस्यीय तदर्थ समिति गठन गरेको छ । तदर्थ समितिको उपाध्यक्षमा बिनोद दुलाल(हेटौंडा), सचिवमा केदार पन्त (हेटौंडा १७), कोषाध्यक्षमा रश्मी घिमिरे (हेटौंडा), सहसचिवमा सरिता आचार्य (हेटौंडा) तथा सदस्यहरुमा लक्ष्मण बानियाँ ( हेटौंडा १८), अनिता दाहाल(हेटौंडा १६), विष्णुदेव भण्डारी (हेटौंडा १७), दीपा न्यौपाने (हेटौंडा), दिनेश बर्ताैला (थाहा नगरपालिका) र निर्जल घिमिरे (हेटौंडा १८) रहेका छन् ।
मकवानपुर जिल्लाबाट काठमाडौं उपत्यकामा आई विभिन्न पेशा व्यवसाय गर्दै आएका तथा स्थायी बसोबास गर्ने मकवानपुरेहरुको भेलाले समाज गठन गरिएको बताइएको छ । यसैगरी भेलाले अधिवक्ता बसन्तराज फुयाल(बागमती फापरवारी) को संयोजकत्वमा ३ सदस्यीय विधान मस्यौदा समितिसमेत गठन गरेको छ । समिती सदस्यमा पत्रकार तथा प्रेस काउन्सिल नेपालका बोर्ड सदस्य शन्तराम विंडारी (थाहा टिष्टुङ) र अधिवक्ता भावेश गौतम (हेटौंडा) रहेका छन् । विधान मस्यौदा समितिले कार्य सम्पन्न गरेपछि जिल्ला प्रशासन कार्यालय काठमाडौंमा विधिवत रुपमा संस्था दर्ता गर्ने सर्वसम्मत निर्णय गरेका छन् ।
‘मकवानपुरमा जन्मिएर काठमाडौंलाई प्रत्यक्ष वा परोक्ष रुपमा कार्यक्षेत्र बनाइ उपत्यकामा बसोबास गर्दै आएकाहरुको तदर्थ समिति गठन गरिएको हो’ हेटौंडा १७ हटिया घर भइ काठमाडौं बस्दै आएका विनोद भन्डारीले भने ‘मकवानपुरेहरुसँग लामो समयदेखि एकआपसमा भेटघाट नभइरहेको अवस्थामा भेटघाट गर्ने, चिनजान गर्ने, वर्षौदेखि सम्पर्कविहीन भएकाहरुबीच पुनर्मिलन गराउने उदेश्यले समाज गठनको पहल गरिएको छ ।’
सामाजिक, सांस्कृतिक तथा मानवीय सदभाव, एकता र आपसी सहकार्य प्रवर्धन गर्न वैधानिक रुपमा सामाजिक संस्था दर्ता गरी भेटघाट तथा सहयोगलाई निरन्तरता दिन प्रारम्भिक भेला गरि तदर्थ समिति गठन गरिएको तदर्थ समिति अध्यक्ष फुयालले जानकारी दिए ।
मकवानपुर । मकवानपुरकाे हेटौंडा ११ थानाभर्याङमा सुरक्षाजाँचका लागि खटिएका ट्राफिक प्रहरीलाई घाइते बनाएर भागेको कारसहित चालकलाई मकवानपुर प्रहरीले नियन्त्रणमा लिएको छ ।
बिहीबार राजमार्गमा सुरक्षाजाँचका लागि हेटौँडा–११, थानाभ¥याङस्थित ट्राफिक प्रहरी कार्यालय अगाडि जाँचका लागि खटिएको प्रहरीसँग भाग्ने क्रममा कारको सिसामा अल्झिएर झण्डै १० मिटर टाढासम्म प्रहरी जवानलाई घिसारेको प्रहरीको भनाइ छ । मापसे जाँच गर्ने ब्रेथलाइजर पनि कारमै छुटेको थियो ।
नवलपुरबाट हेटौँडा बजारतर्फ आउँदै गरेको कारका चालकको मापसे जाँच गर्न खोज्दा भागेको कारलाई प्रहरीले शुक्रबार चितवन जिल्लाको भरतपुर महानगरबाट बा ६ च ८४०९ नम्बरको कार र चालक हेटौँडा–५, गर्दोइ बस्ने ४६ वर्षीय बासुदेव आचार्यलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
प्रहरीले आचार्यको साथबाट ब्रेथलाइजर मेसिन पनि बरामद भएको छ । प्रहरीले आचार्यलाई हिरासतमै राखेर थप अनुसन्धान गरिरहेको जनाएको छ ।
मकवानपुर । राष्ट्रिय पर्या कविता प्रतियोगिताका लागि उत्कृष्ट १० कविता र कविहरुको नामावली सार्वजनिक गरिएकाे छ । साहित्य सङ्गम मकवानपुरको आयोजनामा हुने पर्या कविता प्रतियोगिताकाे लागि मंगलबार सङ्गमले १० वटा कविता र कविको नामावली प्रकाशन गरेको हो ।
प्रतियोगिताका लागि १ सय ६४ वटा कविता प्राप्त भएकाे मध्ये अन्तिम चरणको प्रतियोगिताका लागि १० वटा कविता छनोट गरिएकाे संगम अध्यक्ष डीबी बर्तौलाले जानकारी दिए । उनका अनुसार प्रतियोगितामा प्रथम, द्वितीय र तृतीय हुनेले क्रमशः ३० हजार, २० हजार र १० हजार रुपैयाँ पुरस्कारबाट सम्मान गरिनेछ भने चौथो र पाँचौं हुनेलाई प्रोत्साहन स्वरुप समान ५/५ हजार रुपैयाँ प्रदान गरिने छ ।
अन्तिम चरणमा छानिएका कविहरुले प्रतियोगितामा भाग लिने छन् । वाचनका लागि छनोट भएका कवि तथा कविताहरुमा मकवानपुरका किशन पौडेलकाे दोहन र सुवास सजलकाे मौनधारण रहेका छन् । यसैगरी सुनसरीका किरन सिवाकाे मौन प्रकृती, तनहुँका नरोत्तम श्रेष्ठकाे विउकाे रक्तिम घोषणापत्र, सिन्धुलीका निरुपम श्रेष्ठकाे हरियाे विद्राेह, कास्कीका मदन घिमिरेकाे एक आरोहीकाे डायरी, कैलालीका मोहित जोशी समयकाे अन्त्यकाे किनारमा उभिएर, काठमाडौंका यशोदा अधिकारीकाे धर्तीकाे विघटन, धादिङका राजु झल्लुप्रसादकाे तर र लमजुङका सुरेशचन्द्र घिमिरेको प्रकृति र जीवन कविता छनोट भएकाे हो ।
उत्कृष्ट १० मा पर्न सफल भएका कविहरुबीच पुस २६ गते अन्तिम चरणको प्रतियोगिता हेटौंडामा हुने संगमका उपाध्यक्ष तथा कार्यक्रम संयोजक मनाेज पोखरेलले बताए ।
मकवानपुर । मातृभूमि साहित्य समाज मकवानपुरले एकै मञ्चमा ६ जना व्यक्तित्वलाई सम्मान तथा पुरस्कृत गर्ने भएकाे छ । मातृभूमिले मकवानपुरकाे हेटौंडामा पुष १९ गते शनिबार ‘स्रष्टा सम्मान, परिचर्चा एवम् रचना वाचन कार्यक्रम’ गर्दै विभिन्न क्षेत्रमा योगदान पुर्याउने ६ जनालाई सम्मान तथा पुरस्कृत गर्ने भएकाे हाे ।
मकवानपुर श्री सम्मान, २०८२ बाट सामाजिक अभियन्ता विश्व कान्ति कलावती सुमार्गी पराजुली सम्मानित हुने भएकी छिन् । यसैगरी मातृभूमि राष्ट्रिय पुरस्कार, २०८१ बाट साहित्यकार प्रा.डा. लक्ष्मणप्रसाद गौतम सम्मानित हुने भंएका छन् । २५ हजार रुपैयाँ राशीकाे उक्त पुरस्कार गौतमलाई प्रदान गर्न लागिएकाे समाजका सचिव किशन पौडेलले बताए ।
यसैगरी नित्य गोविन्द स्मृति-मातृभूमि सङ्गीत पुरस्कार, २०८१ गायिका कुन्ती मोक्तानलाई सम्मानित गरिने भएकाे छ । २५ हजार रुपैयाँ राशीकाे उक्त पुरस्कार नेपाली सुगम संगीतकी सुप्रसिद्ध गायिका मोक्तानलाई प्रदान गरिने पौडेलले जानकारी दिए । यस्तै २१ हजार रुपैयाँ राशीकाे मायादेवी मातृभूमि पुरस्कार, २०८१ नियात्राकार भवानी खतिवडा, १५ हजार रुपैयाँ राशीकाे श्याम श्रेष्ठ स्मृति मातृभूमि पुरस्कार २०८१ बाट युवा कवि रोशन परियार तथा १० हजार रुपैयाँ राशीकाे शारदा उप्रेती स्मृति मातृभूमि सम्मान २०८१ बाट कला-साधक जीवन के.सी. सम्मानित हुने उनले जानकारी दिए ।
सचिव पौडेलका अनुसार समाजले आगामी शनिबार सम्मानसहित नारी स्रष्टा र सिर्जना परिसंवाद तथा नारी स्रष्ट्रा विशेष रचना वाचन कार्यक्रम समेत गर्नेछ । नेपाली भाषा, साहित्य र कलाको संरक्षण र संवर्द्धन गर्ने उद्देश्यसहित २०५६ सालमा स्थापना भएकाे मातृभूमि साहित्य समाजले विभिन्न विधामा १७ वटा पुरस्कार एवम् सम्मान प्रदान गर्दै आइरहेको छ ।
मकवानपुर । राष्ट्रिय प्रजातन्त्र पार्टी (राप्रपा) मकवानपुरले प्रतिनिधिसभा निर्वाचनका लागि जिल्लाकाे २ वटै निर्वाचन क्षेत्रबाट उम्मेदवारहरुकाे सिफारिस गरेकाे छ । निर्वाचनका लागि मकवानपुरकाे २ वटै क्षेत्रबाट प्रत्यक्ष र समानुपातिक तर्फका उम्मेदवारकाे नाम सिफारिस गरिएकाे हाे ।
आगामी २१ फागुनकाे लागि ताेकिएकाे निर्वाचनकाे लागि क्षेत्र नम्बर १ बाट प्रत्यक्षमा दीपक बहादुर सिंहको एकल नाम सिफारिस गरेकाे छ । सिंह पार्टीका केन्द्रिय कार्य सम्पादन समिति सदस्य छन् । २०७९ सालमा भएकाे प्रतिनिधि सभा निर्वाचनमा सिंह जिल्लाकाे क्षेत्र नम्बर १ बाटै प्रतिनिधि सभा सदस्यमा निर्वाचित भएका सिंहले प्रतिनिधि सभामा पूर्वाधार विकास समितिको सभापतिको रुपमा जिम्मेवारी सम्हाली सकेका छन् ।
यसैगरी क्षेत्र नम्बर २ काे लागि प्रत्यक्ष तर्फ २ जनाकेा नाम सिफारिस भएकाे छ । प्रत्यक्षमा राम बहादुर थोकर र श्याम सुन्दर बर्तौलाकाे नाम सिफारिस गरिएकाे हाे ।
क्षेत्र नम्बर १ काे समानुपातिक तर्फ खस/आर्यमा उमेश थापा र नवराज थपलिया, आदिवासी जनजातिमा अरुण लामा, मनोज कुमार मोक्तान, बालकृष्ण श्रेष्ठलाई सिफारिस गरेको छ । यस्तै पिछडिएकाे वर्ग तर्फ शुक्रराज प्रजा, जनजाती महिला तर्फ सरस्वती कुमारी थिङ र मनिषा स्याङतान महिला तर्फ हिरा कुमारी भट्ट र हिरा चौरेल, दलित तर्फ सन्देश परियार र दिपु सुनारकाे नाम सिफारिस गरिएकाे क्षेत्रीय अध्यक्ष उमेश थापाले जानकारी दिए ।
यसैगरी क्षेत्र नम्बर २ काे समानुपातिक तर्फ खस/आर्यमा दिपक थापा र ज्ञानेन्द्र राज ढुङ्गेल, आदिवासी जनजातिमा पूर्ण सिंह तामाङ, पूर्णमान तामाङ र बेलमान पाख्रिनकाे नाम सिफारिस गरिएकाे छ । यस्तै जनजाती महिला तर्फ पूर्णिमा लोप्चन, महिला तर्फ अन्जु कार्की खुसी दलित तर्फ बिवेक रसाइली विककाे नाम सिफारिस गरिएकाे पार्टीले जनाएकाे छ ।