मकवानपुर । मकवानपुरको बकैयामा मिक्सरमाथि टिपर खस्दा २ जना घाइते भएका छन् । हेटौडा काठमाडाै कान्तिलोकपथ अन्तरगत बकैया– ११ घट्टेपाखा मिक्सरमाथि टिपर खसेकाे थियाे ।
तराई–मधेस दुर्तमार्ग निर्माणकालागि बाराको निजगढबाट गिट्टि बोकेर आएको ना ८ ख ४९९० नम्बरको टिपर अनियन्त्रित भई सडक बाट अन्दाजी १०/१२ मिटर तल दुर्तमागको सुरुङ्मार्गबाट कान्तीलोकपथ तर्फ निस्कदै गरेको बागमती प्रदेश ०१-००४ ख ०२८५ नम्बरको मिक्सर माथी खसेको हाे ।
दुर्घटनामा मिक्सर चालक मकवानपुर गढी–१ पुतलीडाडाका ३३ बर्षीय जित बहादुर भोलन र टिपर चालक मकवानपुगढी– ४ का ३३ बर्षीय सन्तबहादुर भोलन घाइते भएको मकवानपुर प्रहरीले जनाएकाे छ । मिक्सर चालक भोलनको कम्मरको भागमा चोट रहको र टिपर चालक भोलनको दुबै खुट्टा र छातिमा चोटले अवस्था गम्भीर रहेको जनाइएको छ ।
घाइते दुवै जनालाई हेटौँडामा उपचार सम्भव नभएपछि थप उपचारको लागि चितवन रिफर गरिएको प्रहरीले जानकारी दिएकाे छ ।
मकवानपुर । मकवानपुर प्रहरीले हेटौँडाबाट लागूऔषध गाँजा १० केजी सहित २ जनालाई नियन्त्रणमा लिएकाे छ । प्रहरीले हेटौंडा उपमहानगरपालिका ११ थानाभर्याङ स्थित पूर्व–पश्चिम सडक खण्डमा लागूऔषध गाँजा सहित उनीहरुलाई नियन्त्रणमा लिएकाे जनाएकाे छ ।
मंगलबार राति मनहरी तर्फबाट बिरगंज तर्फ जादै गरेको ना ६ ख १५८६ र ग ७ ख २२४० नम्बरको बसलाई जाँच गर्ने क्रममा १५८६ नम्बरको बसलाई नियमित जाँच गरेकाे थियाे । साे क्रममा १५८६ नम्बर बसमा सवार पर्सा मधुवन गाउँपालिका–२ का ४० वर्षीय सलामा खातुनकाे साथबाट लागुऔषध गाँजा ३ केजी १ सय ग्राम फेला परेकाे प्रहरीले जनाएकाे छ ।
यसैगरी २२४० नम्बरको बसमा सवार हेटौंडा–१५ का ३२ वर्षीया सामुएल प्रजाकाे साथबाट ७ केजी २ सय ५० ग्राम गाँजा फेला परेकाेले नियन्त्रणमा लिइएकाे प्रदेश प्रहरी कार्यालयले जनाएकाे छ । खातुन र प्रजाले बाेकेकाे झोलाबाट उक्त परिमाणकाे गाँजा फेला परेकाे हाे । दुवै जनालाई गाँजा सहित नियन्त्रणमामा लिइ आवश्यक अनुसन्धान भइरहेको जनाइएको छ ।
मकवानपुर । हेटौडा १२ का राजेश प्रधानको परिवारकाे न्यायका लागि जिल्ला प्रशासन कार्यालय मकवानपुरमा ज्ञापन पत्र बुझाइएको छ । न्यायिक समिति पदमपोखरी संघर्ष समिति १२, १३ र १४ नम्बरले प्रधानले न्याय पाउनु पर्ने तथा परिवारकाे सदस्यलाई रिहा गर्नु पर्ने भन्दै मंगलबार ज्ञापनपत्र बुझाएकाे हाे ।
गत साउन २५ गते उपचारकाे क्रममा चितवनमा प्रधानको मृत्यु भएको थियो । डाक्टरकाे हेलच्याक्राई तथा लापरबाहीको कारणले समयमा पाउनु पर्ने उपचार नपाएकोले प्रधानको निधन भएको पिडित परिवारले बताएकाे छ । प्रधान परिवारले डाक्टरमाथि हातपात गरेकाे विषयलाई लिएर चिकित्साक संघले आन्दोलन गरी प्रधानका परिवारलाई कानुनी दायरामा ल्याउन समेत माग गरेका छन् । हातपात गर्ने प्रधानका परिवारका ४ सदस्य प्रहरी हिरासतमा रहेका छन् भने अन्य व्यक्तिलाई पक्राउ पुर्जी जारी गरिएकाे प्रहरीले बताएकाे छ ।
स्वर्गीय प्रधानका परिवारका सदस्यले प्रधानलाई चितवन रेफर गर्ने हेटौंडा १ मा रहेकाे सन्चो हस्पिटलमा कार्यरत् डाक्टरमाथि हातपात गरेका थिए । तर स्वर्गीय प्रधानका परिवार भने हामी पिडक होइन पीडित हो भन्दै आएका छन् । सम्बन्धित निकायले सत्य तथ्य पत्ता लगाई दोषीमाथि कारबाही गरि पाउनको लागि अनुरोध गर्दा समेत वेवास्था गरिएको प्रशासन कार्यालयमा बुझाइएकाे विज्ञप्तिमा भनिएकाे छ ।
सन्चाे हस्पिटलका संचालक समितिको पदाधिकारीसँग छलफल गर्न जादाँ उपस्थित नभई डाक्टर विकास थापा र प्रशान्त विडारीलाई पठाइएकाे भन्दै प्रधानकाे श्रीमतीले श्रीमान गुमाएको आवेगमा सामान्य हातपात समेत गर्नुपर्ने अवस्था आएकाे तर उक्त घटनालाई सामन्यीकरण, समन्वय नगरी मिडियामा वढीचढाउ गरी सूचना सम्प्रेषण गरेको समेत विज्ञप्तीमा उल्लेख छ ।
सोहि घटनालाई सामाजिक संजालमा वास्तविक सत्य तथ्य कुरै नबुझी समग्र पदमपोखरीबासीलाई आँच आउन, सामाजिक साँस्कृतिकमा विचलन ल्याउने खालकाे अभिव्यक्ति सामाजिक सञ्जालमा पाेष्ट गर्ने कृष्ण थापालाई कारवाही गर्न समेत विज्ञप्तिमा भनिएकाे छ ।
साथै पिडित स्वर्गीय प्रधानको सपरिवारलाई यथाशीघ्र निसर्त रिहा गर्नु पर्ने न्यायिक समिति पदमपोखरी संघर्ष समिति १२, १३ र १४ नम्बरका संयोजक सुर्यबहादुर थोकरले बताए ।
मकवानपुर । बागमती प्रदेश प्रमुख यादवचन्द्र शर्माले संविधानले परिकल्पना गरेको विकास र समृद्धिको शिखरमा पुग्ने अभियानमा निरन्तर अघि बढ्न संविधान दिवसले सबैलाई प्रेरित गरोस् भन्ने कामना गरेका छन् । ‘संविधान दिवस २०८०’ का सन्दर्भमा शुभकामना सन्देश जारी गर्दै प्रदेश प्रमुख शर्माले हामीले प्राप्त गरेको संविधानले केन्द्रीकृत र एकात्मक राज्य व्यवस्थाद्वारा सिर्जित सबै प्रकारका विभेद र उत्पीडनको अन्त्य गर्दै जातीय, भाषिक, धार्मिक, सांस्कृतिक तथा भौगोलिक विविधतायुक्त नेपाली समाजलाई बृहत् राष्ट्रिय एकताको सुत्रमा बाँध्ने काम गरेको बताएका छन् ।
प्रमुख शर्माले नेपाली जनताको लामो सङ्घर्ष, त्याग र बलिदानपछि जननिर्वाचित प्रतिनिधीहरुले संविधान निर्माण गरी जारी गरेको ऐतिहासिक दिन आश्विन ३ गते रहेकाले यो दिनलाई भरपुर उत्साह र उमङ्गका साथ ‘संविधान दिवस’ का रुपमा मनाईरहेका उल्लेख गरेका छन् । प्रमुख शर्माले संविधान दिवस सम्पूर्ण नेपालीहरुले राष्ट्रिय पर्वका रुपमा मनाउने गरिएको बताउँदै शुभकामनामा विभिन्न आन्दोलनहरुमा आफ्नो अमूल्य जीवन उत्सर्ग गर्नुहुने वीर सहिदहरुप्रति गहिरो सम्मान प्रकट गर्दै भावपूर्ण श्रद्धाञ्जली समेत अर्पण गरेका छन् ।
जनताको प्रतिस्पर्धात्मक बहुदलीय लोकतान्त्रिक शासन प्रणाली, नागरिक स्वतन्त्रता, मौलिक अधिकार, मानव अधिकार, बालिग मताधिकार,आवधिक निर्वाचन, पूर्ण प्रेस स्वतन्त्रता तथा स्वतन्त्र निष्पक्ष र सक्षम न्यायपालिका र कानुनी राज्यको अवधारणा लगायत लोकतान्त्रिक मूल्य र मान्यतामा आधारित समाजवादप्रति प्रतिबद्ध रही समृद्ध राष्ट्र निर्माण गर्ने संकल्पसहित संविधान जारी भएको प्रमुख शर्माको भनाई छ ।
जनजीविकाको लागि अपरिहार्य शिक्षा, स्वास्थ्य र रोजगारीको हकसहित ३१ वटा मौलिक हकको व्यवस्था गरी नागरिकहरुलाई यो संविधानले अधिकार सम्पन्न बनाएको छ साथै, लोकतान्त्रिक गणतन्त्रात्मक शासन व्यवस्थाको माध्यमद्धारा दिगो शान्ति, सुशासन, विकास र समृद्धिको आकांक्षा पूरा गर्ने मार्गरेखा समेत यही संविधानमार्फत कोरिएको पनि प्रमुख शर्माको शुभकामना सन्देशमा उल्लेख छ ।

मकवानपुर । साहित्य सङ्गम मकवानपुर अक्षयकोष निर्माण अभियानमा जुटेकाे छ । नयाँ कार्य समिति चयन भएपछि संगम अक्षय काेष निर्माणमा लागि परेकाे हाे । नवनिर्वाचित अध्यक्ष डीबी बर्तौलाको नेतृत्वमा सुरु भएकाे अक्षय काेष निर्माण अभियानमा विभिन्न क्षेत्रका व्यक्तिहरूबाट आर्थिक सहयोग प्राप्त हुने क्रम जारी रहेकाे बताइएकाे छ ।
संगमका नवनिर्वाचित अध्यक्ष बर्तौलाले सङ्कलित रकमलाई अक्षयकोषमा जम्मा गराई सोबाट प्राप्त व्याजमार्फत् संस्थाको साहित्य सन्ध्या, पुस्तक विमर्श, रचना वाचन जस्ता नियमित गर्ने कार्यक्रम तथा आन्तरिक खर्च व्यवस्थापनमा सघाउ पुग्ने र यसबाट साहित्यिक उन्नयनमा सहयोग पुग्ने बताए । केही सर्जक तथा साहित्यसेवीले आफ्नो नाम उल्लेख नगर्नेगरी सहयोग गरेकाे समेत बताइएकाे छ ।
सङ्गमको मासिक सन्ध्या, विमर्श, एकल तथा संयुक्त विशेष कार्यक्रमहरू, खानेपानी, बिजुली, सरसफाइलगायतका नियमित खर्च व्यवस्थापनका लागि अक्षयकोषमा रकम जम्मा गरी सोबाट प्राप्त व्याज रकमले व्यवस्थापनमा सहज हुनेछ । स्थापित पूरानो संस्था भएकोले नवपुस्ताहरू केन्द्रित गतिविधि सञ्चालनमा समेत सघाउ पुग्ने उपाध्यक्ष सानु खनालले बताए । सहयोगी दाताहरूसँग निरन्तर सम्पर्कमा रही आर्थिक स्रोत जुटाउने कार्यमा संस्थाका अध्यक्षको सक्रियता रहेको साथै धेरैको सहयोग प्राप्त भइरहेकाेले अभियानले सार्थकता पाउनेमा खनाल विश्वस्त छन् । ‘कोषको व्याजबाट संगमले हरेक गतिविधि गराउन सके सके संस्थाले लिएका लक्ष्य तथा उद्देश्य पूरा हुनेछ’ अध्यक्ष बर्तौलाले भने अक्षयकाेषकाे स्थापना पछि हरेक कार्यक्रममा सहयोगी दाताहरू खोज्दै हिँड्नुपर्ने अवस्थाको अन्त्य गर्न सहयाेग पुग्नेछ।’
संगम कार्यसमितिका अध्यक्ष बर्तौला, उपाध्यक्ष खनाल, सचिव मनोज पोखरेल सदस्य कुबेर पराजुलीबाट प्राप्त भएकाे रकमबाट सुरू भएको अभियानमा गैँडाकोट, नवलपुर स्थायीबासी हाल अष्ट्रेलिया निवासी नवराज भट्टराई तथा दीपेन्द्र यादवले जन्मदिनको अवसरमा सहयोग गरेका छन् । यसैगरी हेटौँडा ९ निवासी व्यावसायी नरेन्द्र भण्डारी, हेटौँडा ४ निवासी स्वास्थ्यकर्मी निर्मला भ्लोन, हेटौँडा १ का रामकुमार बर्तौलाले र राजकुमार तिमल्सिनाबाट पनि अक्षय काेषकाे लागि आर्थिक सहयोग प्राप्त भएकाे अध्यक्ष बर्ताैलाले जानकारी दिए ।
आफ्नाे छोरा रिदम घिमिरेको जन्म दिनको अवसर हेटौँडा ५ निवासी रजनी पौडेल तथा मातृभूमि साहित्य समाजका महासचिव हेटौँडा ४ का हेमन्त ढुङ्गेलले छोरी सँस्कृति ढुङ्गेलको शुभ जन्मदिनको अवसर, साइराम राकोसका व्यवस्थापक हेटौँडा ५ का राजकुमार तिमल्सिनाले पनि संगमकाे अक्षयकाेषकाे लागि रकम उपलब्ध गराउनु भएको छ ।
नेपाल सरकारका अधिकृत ठाकुरराम भण्डारीले आफ्नी छोरी सर्जु भण्डारीको उज्ज्वल साहित्यिक जीवनको कामनाका साथ सहयाेग गर्नु भएकाे अक्षयकाेषमा बालजागृति सेकेण्डरी इङ्लिस बोर्डिङ स्कुलका प्रिन्सिपल विनोद सुवेदी तथा हेटौँडा निवासी शिवहरि प्याकुरेल थप टेवा पुर्याउनु भएकाे छ । मुक्तक मञ्च काठमाडाै अध्यक्ष तथा मुक्तककार राजेन्द्र घिमिरे र कृष्ण पौडेलबाट साहित्यिक उन्नयनका सहयाेग प्राप्त भएकाे छ भने हेटौँडा १३ पदमपोखरी निवासी शिक्षक केशव न्यौपानेले आफ्नो श्रीमती रमा न्यौपानेको जन्मदिनमा अक्षय काेषकाे लागि सहयोग गरेका छन् ।
संगमकाे अक्षय काेषकाे लागि अन्य सहयोगी दाताहरूमा केशव सञ्जेल, नारायण बर्तौला जनप्रिय माध्यमिक विद्यालयका प्रधानाध्यापक भुपेन्द्र चौलागाईँ, झम्क तिमल्सिना, आधुनिक राष्ट्रिय माविका शिक्षक कृष्णगोपाल श्रेष्ठ साहित्य सर्जक, समालोचक महेश पौड्याल, सङ्गमको पूर्व उपाध्यक्ष ईन्द्रजीत शर्मा धरान निवासी कवि चन्द्र गुरूङ रहेका छन् ।