मकवानपुर । मकवानपुरको बकैयामा मिक्सरमाथि टिपर खस्दा २ जना घाइते भएका छन् । हेटौडा काठमाडाै कान्तिलोकपथ अन्तरगत बकैया– ११ घट्टेपाखा मिक्सरमाथि टिपर खसेकाे थियाे ।
तराई–मधेस दुर्तमार्ग निर्माणकालागि बाराको निजगढबाट गिट्टि बोकेर आएको ना ८ ख ४९९० नम्बरको टिपर अनियन्त्रित भई सडक बाट अन्दाजी १०/१२ मिटर तल दुर्तमागको सुरुङ्मार्गबाट कान्तीलोकपथ तर्फ निस्कदै गरेको बागमती प्रदेश ०१-००४ ख ०२८५ नम्बरको मिक्सर माथी खसेको हाे ।
दुर्घटनामा मिक्सर चालक मकवानपुर गढी–१ पुतलीडाडाका ३३ बर्षीय जित बहादुर भोलन र टिपर चालक मकवानपुगढी– ४ का ३३ बर्षीय सन्तबहादुर भोलन घाइते भएको मकवानपुर प्रहरीले जनाएकाे छ । मिक्सर चालक भोलनको कम्मरको भागमा चोट रहको र टिपर चालक भोलनको दुबै खुट्टा र छातिमा चोटले अवस्था गम्भीर रहेको जनाइएको छ ।
घाइते दुवै जनालाई हेटौँडामा उपचार सम्भव नभएपछि थप उपचारको लागि चितवन रिफर गरिएको प्रहरीले जानकारी दिएकाे छ ।

