मकवानपुर । राष्ट्रिय सभा निर्वाचन अन्तरगत बागमती प्रदेशबाट सत्ता गठबन्धका चारै जना उम्मेदवार विजयी भएका छन् । गठबन्धनबाट महिला कोटामा विष्णु कुमारी पुडासैनी, अल्पसंख्यकरअपाङ्गता कोटामा श्रीकृष्ण अधिकारी, दलितकोटामा धनश्याम रिजाल विश्वकर्मा र अन्य कोटामा जीतजंग बस्नेत निर्वाचित भएका छन् ।
प्रदेशमा अल्पसङ्ख्यक र अपाङ्गता, महिला, दलित र अन्य गरी चार क्षेत्र ९क्लस्टर० का चार जनाका लागि राष्ट्रिय सभा सदस्यमा निर्वाचन भएकोमा अल्पसंख्यक र अपाङ्गताकोटा तर्फ नेकपा माओवादीका अधिकारी महिलाकोटातर्फ नेपाली काग्रेसकी पुडासैनी, दलितबाट नेकपा एकिकृत समाजवादीका विश्वकर्मा र अन्यबाट नेपाली काँग्रेसका बस्नेत निर्वाचित भएका हुन ।
अल्पसंख्यकरअपाङ्गता कोटाबाट विजयी अधिकारीले ६ हजार ४ सय ३६ मतभार प्राप्त गरे भने उनका निकटतम प्रतिद्वन्दी विवेक देवकोटाले २ हजार ७ सय ३४ मतभार प्राप्त गरे । महिला कोटाबाट विजयी पुडासैनीले ६ हजार ६ सय २२ मतभार प्राप्त गरे भने उनका निकटतम प्रतिद्वन्दी नेकपा एमालेकी रोचकुमारी चौलागाईले २ हजार ५ सय ५२ मतभार प्राप्त गरिन् । यसैगरी दलितकोटामा विजयी विश्वकर्माले ६ हजार ५ सय १२ मतभार प्राप्त गरी विजयी हुँदा उनको निकटतम प्रतिद्वन्दी नेकपा एमालेका ध्रुवराज विश्वकर्माले ३ हजार ५२ मतभार प्राप्त गरे । अन्यकोटाबाट विजयी वस्नेत ६ हजार ५ सय ३१ मतभार प्राप्त गर्दा उनका प्रतिद्वन्दी त्रिलोचन निर्मल पौडेलले २ हजार ३ सय ५९ मतभार प्राप्त गरे ।
राष्ट्रिय सभामा बागमती प्रदेशबाट प्रतिनिधित्व गर्ने ४ जना सदस्यको पद रिक्त हुदैछ । आगमी फागुन २० गतेबाट राष्ट्रिय सभाका २० जना सदस्यको पदावधी सकिने भएपछि ७ वटै प्रदेशमा विहीबार निर्वाचन भएको हो । राष्ट्रिय सभा सदस्य रहेका बागमती प्रदेश तर्फका एमालेबाट दिलकुमारी रावल र रामचन्द्र राई, एकीकृत समाजवादीका सिंगबहादुर विश्वकर्मा र सांसद खिमलाल देवकोटाको पद रिक्त हुँदैछ। जस अनुसार महिला, अपांगतारअल्पसंख्यक, दलित र अन्य समूहका १र१ सिटका विहीबारको निर्वाचनबाट निर्वाचित भएका हुन् ।
मकवानपुर । मकवानपुरको मनहरी गाउँपालिका हाँडीखोलामा कोल्डस्टोर निर्माण हुने भएको छ । मनहरी गाउँपालिकाकाे ६ करोडभन्दा बढी रकम लगानीमा कोल्डस्टोर निर्माण गर्न लागेको हो ।
तरकारी उत्पादनको लागि पकेट क्षेत्र मानिने हाडिखाेलामा गाउँपालिकाले बुधबार हिमालयन नमोवुद्ध जेभीसँग ६ करोड २८ लाख ४५ हजारमा कोल्डस्टोर निर्माण गर्ने सम्झौता गरेको छ ।
गत जेठ २ गते नै गाउँपालिकाले कोल्ड स्टोर निर्माणका लागि बोलपत्र आह्वान गरेको थियो । गाउँपालिकाको प्राविधिक मुल्याङ्कन अनुरुप कुल ७ करोड ५७ लाख ९६ हजार लागत अनुमान गरिएकोमा हिमालयन नवोवुद्ध जेभीसँग सबैभन्दा कम ६ करोँड २८ लाख ४५ हजारमा ठेक्का सम्झौता भएकाे थियाे । बोलपत्रमा दोस्रो नम्बरमा परेको कम्पनी हिमाल एमएम जेभीलेले ठेक्का सकार्ने कम्पनीविरुद्ध मुद्दा दायर गरेपछि तत्कालीन समयमा सम्झौताको काम हुन सकेको थिएन ।
गत माघ ५ गते अदालतले सो रिट निवेदन खारेज गरेपछि गाउँपालिकाले बुधबार कम्पनीसँग सम्झौता गरेको हो । २ वर्षभित्र काम सक्याउने गरी सम्झौतापत्रमा हस्ताक्षर भएको मनहरी ३ का वडाध्यक्ष अनन्तप्रकाश अर्यालले जानकारी दिए । मुद्दाका कारण सम्झौता नै ढिलाई भएको बताउँदै अर्यालले तोकिएको समयभित्रै काम सम्पन्न गर्न ठेकेदारलाई निर्देशन दिए ।
गाउँपालिका अध्यक्ष रन्जन कालाखेतीले हाँडीखोलामा कोल्ड स्टोर निर्माण गर्ने निर्वाचन अघिकै याेजना रहेकोमा त्यो पूरा हुन लागेको बताए । हाँडीखोलामा उत्पादन हुने तरकारी तथा बालीले उचित मूल्य नपाउँदा किसानहरु मर्कामा पर्ने गरेको बताउँदै अध्यक्ष कालाखेतीले कोल्ड स्टोर निर्माण पछि किसानले तरकारी तथा बाली भण्डारण गरी उचित समयमा बिक्री गरी राम्रो मूल्य पाउन सक्ने बताए ।
कोल्डस्टोर निर्माणको लागि गाउँपालिकाले चालु आर्थिक वर्षमा ३ करोड २० लाख रुपैयाँ बिनियोजन गरेको छ । आगामी वर्ष थप बजेटको व्यवस्था गरी कोल्ड स्टोर निर्माण पूरा गर्ने गाउँपालिकाको योजना छ । मनहरी गाउँपालिका वडा नं ३ हाँडीखोलामा कोल्ड स्टोर निर्माण भएपछि त्यस क्षेत्रमा उत्पादित तरकारीको भण्डारण गर्ने र उचित मूल्य प्राप्त भएपछि मात्रै बिक्री गर्ने सुविधा किसानले पाउनेछन् ।
मकवानपुर । राष्ट्रिय सभा सदस्य पदकाे लागि विहीबार भएकाे मतदान दिउँसाे ३ बजे सकिएकाे छ । बामगती प्रदेशकाे ४ सहित १९ सदस्य पदका लागि भएको निर्वाचन सातै प्रदेशमा शान्तिपूर्ण रूपमा मतदान सम्पन्न भएको हाे ।
आगमी फागुन २० गतेबाट रिक्त हुने २० राष्ट्रिय सभा सदस्य पदमध्ये १९ पदका लागि सातै प्रदेशमा शान्तिपूर्ण मतदान सम्पन्न भएको हो । १ पदमा भने राष्ट्रपतिबाट मनाेनित हुनेछ । बागमती प्रदेश अन्तरगत हेटौडाकाे भुटनदेवी माविमा भएकाे मतदानमा ३ सय ४२ मतदाताले मतदान गरेका छन् ।
प्रदेश सभाकाे १ सय १० र स्थानीय तहका २ सय ३७ मतदातासहित ३ सय ४७ मतदाता रहेको बागमतीमा काठमाडौँका मेयर बालेन शाहसहित ५ जना मतदानमा अनुपस्थित भए । प्रदेश तर्फ १ सय ८ र स्थानीय तर्फ २ सय ३४ मतदाताले मतदान गरे । प्रदेश तर्फ २ र स्थानीय तर्फ ३ मत खसेन । प्रदेश तर्फ हाम्राे नेपाली पार्टीका शैलेन्द्र बज्राचार्य र सरिता खड्की र स्थानीय तह तर्फ नुवाकाेट किस्पाङ गाउँपालिका अध्यक्ष बिरबल तामाङ र काभ्रे चौरी देउराली गाउँपालिका उपाध्यक्ष शेरबहादुर तामाङ मतदानमा सहभागी नभएकाे निर्वाचन अधिकृतकाे कार्यालय हेटौडाले जनाएकाे छ ।
निर्वाचन आयोगले बिहान नौ बजेदेखि ३ बजेसम्म मतदानको समय निर्धारण गरेको थियो । १९ पदका लागि ५१ जना उम्मेदवार चुनावी प्रतिस्पर्धामा थिए । बागमतीमा मतगणना बारे सर्वदलीय सर्वपक्षिय बैठक बस्ने तयारी भइरहेकाे छ । बैठक पछि आजै मतगणना सुरु गरिने निर्वाचन अधिकृत श्रीप्रसाद सञ्जेलले जानकारी दिए । संभवत आजै मतपरिणाम समेत सार्वजनिक हुनेछ ।
राष्ट्रिय सभा सदस्य निर्वाचनमा प्रदेशसभा सदस्य र नगरपालिका प्रमुख–उपप्रमुख, गाउँपालिका अध्यक्ष–उपाध्यक्षले मतदाता रहन संवैधानिक प्रावधन बमाेजिम मतदानमा सहभागी भएका हुन् ।
कोसी प्रदेशमा कुल ३ सय ६७ मतदाता रहेकोमा ३ सय ६४ मत खसेकाे छ । धरानका हर्क साम्पाङ र मोरङ ग्रामथान गाउँपालिकाका अध्यक्ष जयप्रकाश गच्छदार अनुपस्थित भएका छन् । झापा गाउँपालिकाका जयनारायण साह भ्रष्टाचार मुद्दामा निलम्बित भएकाले उनी पनि मतदानमा सहभागी भएनन् ।
मधेस प्रदेशमा एक जना मतदाता बाहेक सबैले मतदान गरेका छन् । प्रदेशमा ३ सय ७४ मतदाताले मतदान गरेका छन् । त्यस्तै गण्डकीमा २ सय २९ जनाले मतदान गरे । सहकारी ठगी काण्डमा फरार रहेका ढोरपाटनका मेयर देवकुमार नेपाली भने मतदानमा सहभागी भएनन् । त्यस्तै लुम्बिनीमा ३ सय ५ जना मतदाता रहेकोमा स्थानीय तहकाे दुइ जनाले मतदान गरेनन् ।
यसैगरी १ सय ९६ मतदाता रहेका कर्णालीमा शत प्रतिशत मतदान भएको निर्वाचन आयाेगले जनाएकाे छ । सुदूरपश्चिममा २ सय २६ मतदाताले मतदानमा सहभागी जनाएका छन् । निर्वाचन आयाेगले सात प्रदेशमा एक–एक मतदान स्थल र दुई–दुई मतदान केन्द्र कायम गरेर मतदानको व्यवस्था गरेको थियो ।
बागमती प्रदेशबाट अल्पसङ्ख्यक र अपाङ्गता, महिला, दलित र अन्य गरी चार क्षेत्र (क्लस्टर) का चार जनाका लागि राष्ट्रिय सभा सदस्यमा मतदान भएकाे हाे । राष्ट्रिय सभा सदस्य रहेका बागमती प्रदेशका एमालेबाट दिलकुमारी रावल र रामचन्द्र राई, एकीकृत समाजवादीका सिंगबहादुर विश्वकर्मा र सांसद खिमलाल देवकोटाको पद रिक्त हुँदैछ। जस अनुसार निर्वाचनमा महिला, अपांगता÷अल्पसंख्यक, दलित र अन्य समूहका १/१ सिटका लागि प्रतिस्पर्धा भएकाे हाे ।
मकवानपुर । मकवानपुरकाे हेटौडामा माघ १२ गते बृहत शैक्षिक प्रदर्शनी तथा साँस्कृतिक कार्यक्रम हुने भएकाे छ । हेटौंडा उपमहानगरपालिका ४ नम्बर वडा कार्यालयकाेआयोजना तथा शैक्षिक गुणस्तर सुधार समितिकाे व्यवस्थापनमा बृहत शैक्षिक प्रदर्शनी तथा साँस्कृतिक कार्यक्रम हुने भएको हाे ।
सामुदायिक तथा संस्थागत विद्यालयहरुबिच प्रतिस्पर्धा, शैक्षिक अध्ययन तथा गुणस्तर सुधार एवम् विद्यार्थीको सिर्जनशील प्रतिभाको उजागर गर्ने उद्देश्यले कार्यक्रम गर्न लागिएकाे मंगलबार हेटौडामा पत्रकार भेटघाट गरी जानकारी दिइएकाे हाे । हेटौडा वडा ४ का अध्यक्ष नविन सिग्देलका अनुसार वडा भरीका संस्थागत तथा सामुदायिक गरी ८ वटा विद्यालयहरुको सहभागीतामा शैक्षिक प्रदर्शनी तथा साँस्कृतिक कार्यक्रम आयोजना गर्न लागिएको हाे ।
वडाभित्रका संस्थागत र सामुदायिक विद्यालयहरुबीच अझ बढी भाइचाराको सम्बन्ध स्थापित गर्ने विद्यार्थीकाे प्रतिभाकाे आदान प्रदानकाे उद्देश्यले कार्यक्रम गर्न लागिएकाे श्रमिक माविका प्रध्यानाध्यापक तथा शैक्षिक गुण्स्तर सुधार समिति हेटौंडा–४ का अध्यक्ष श्रीराम दाहालले बताए । कार्यक्रममा प्रत्येक विद्यालयहरुबाट बढीमा १० जनाको समूहले निर्माण गरेको विज्ञान, गणित र सामाजिक विषयसँग सम्बन्धित सामग्रीहरुको स्टल राखिने छ । यस्तै मौलिक नेपाली गित तथा विभिन्न जातजाती नाँच र भेषभुषा झल्काउने गरी प्रतियोगितात्मक सामूहिक नृत्य र एकल गायन प्रस्तुति गरिने दाहलले जानकारी दिए । वडाभरीका सबै विद्यालयका कक्षा ६ देखि माथिका विद्यार्थीहरुले गरेका प्रतिभा प्रदर्शनीकाे विद्यार्थी, शिक्षक तथा अभिभावकलगायत गरी करिब १० हजारले अवलोकन गर्ने अनुमान गरिएको छ ।
गत वर्ष पनि वडा कार्यालयले सुधार समितिसँगकाे समन्वयमा बृहत शैक्षिक प्रदर्शनी तथा साँस्कृतिक कार्यक्रम आयोजना गरिएकाे थियाे । माघ १२ गते हुने दोस्रो बृहत शैक्षिक प्रदर्शनी तथा साँस्कृतिक कार्यक्रमको उद्देश्य प्रस्ट्याउदै अध्यक्ष सिग्देलले आफूहरु शैक्षिक गुणस्तर सुधार अभियान निरन्तर लागिपरेको दावी गरे । ‘संस्थागत र सामुदायिक विद्यालयहरुबीच समन्वयन र प्रतिस्पर्धा दुवै हुनुपर्छ’ उनले भने ‘सरोकारवालाहरुले बजेट विनियोजनको पहिलो प्राथमिकता शिक्षालाई दिनुपर्छ ।’ बृहत शैक्षिक प्रदर्शनी पछि वडाले वडा स्तरीय खेलकुद कार्यक्रम, जिल्ला स्तरीय शिक्षक भलिबल कार्यक्रम, इसीडी शैक्षिक सामाग्री निर्माण तालिम, शिक्षक, विद्यार्थी तथा अभिभावक सम्मान लगायतका कार्यक्रमहरुको आयोजना गर्ने सिग्देलले जानकारी दिए ।
उक्त शैक्षिक प्रदर्शनी तथा साँस्कृतिक कार्यक्रममा ५ लाख रुपैँया खर्च हुने अनुमान गरिएकाे छ। शैक्षिक क्षेत्रको विकासमा लम्किरहेको मकवानपुर जिल्लाको हेटौंडा उपमहानगरपालिका वडा नं. ४ मा मात्रै झण्डै १६ हजार विद्यार्थीहरु छन् । हेटौंडाकाे याे वडामा मात्रै ५ वटा संस्थागत गरी ८ वटा स्कुलहरु छन् । गतबर्ष पनि सामुदायिक तथा संस्थागत विद्यालयबीच प्रतिस्पर्धा, शैक्षिक अध्ययन तथा गुणस्तर सुधार एवम् विद्यार्थीको सिर्जनशील प्रतिभाको उजागर गर्ने उद्देश्यले ४ नम्बर वडा कार्यालयले शैक्षिक मेला आयोजनामा गरेको थियो ।
प्रदर्शनी अन्तरगत नृत्य र शैक्षिक समाग्री प्रदर्शनीमा छुट्टाछुट्टै प्रतिस्पर्धा गराइने छ । नृत्य र शैक्षिक सामग्री प्रदर्शनीमा प्रथम हुने प्रत्येक समूहलाई १० /१० हजार नगदसहित प्रमाणपत्र प्रदान गरिने आयाेजकले जनाएकाे छ । यसैगरी प्रतिस्पर्धाका विधागत प्रथम हुने सहयाेग शिक्षकलाई समेत ३ हजार नगदले सम्मान गरिनेछ । यसैगरी द्वितीय हुने प्रत्येक समूहले ७/७ हजार तथा द्वितीय हुने सहयाेग शिक्षकलाई २ हजार नगदद्वारा सम्मानित गरिने आयाेजकले जानकारी दिएकाे छ । यस्तै तृतीय हुने प्रत्येक समूहले ५/५ हजार तथा तृतीय हुने सहयाेग शिक्षकलाई १ हजार नगदद्वारा सम्मानित गरिनेछ ।
गायन तर्फ प्रथम स्थान प्राप्त गर्ने १ जनालाई ५ हजार, प्रथम सहयाेग शिक्षकलाई ३ हजार द्वितीय हुनेले ४ हजार द्वितीय सहयाेग शिक्षकले २ हजार तथा तृतीय हुनेले ३ हजार र सहयोग शिक्षकले १ नगद सहित प्रमाणपत्र प्राप्त गर्ने छन् ।
पत्रकार भेटघाटमा वडाअध्यक्ष नवीन, शैक्षिक गुण्स्तर सुधार समितिका अध्यक्ष दाहाल, राष्ट्रिय परीक्षा बोर्डका प्रमुख कृष्ण प्रसाद घिमिरे, हेटौंडा–४ का वडा सदस्य जनरल श्रेष्ठ, वडा सचिव पुष्पराज पौडेल, श्रमिक माविका व्यवस्थापन समिति अध्यक्ष विवेक कार्की, भुटनदेवी माविका प्रधानाध्यापक माधव दाहाल, आधुनिक माविका प्रधानाध्यापक रामसागर गुरागाईं, प्याप्सन अध्यक्ष विनाेद सुवेदीलगायतकाे उपस्थिति रहेको थियो ।
मकवानपुर । मकवानपुरकाे २ छुट्टाछुट्टै स्थानबाट लागुऔषधसहित ३ जनालाई प्रहरीले नियन्त्रणमा लिएकाे छ । मकवानपुरको थाहा नगरपालिका वडा नम्बर ८ दामगडेबाट लागुऔषध गाजाँसहित सहित २ जना तथा हेटौडा उपमहानगरपालिका वडा नं. १५, रातोमाटेबाट लागुऔषध खैराे हिराेइनसहित १ जनालाई नियन्त्रणमा लिइएकाे जिल्ला प्रहरी कार्यालय मकवानपुरले जनाएकाे छ ।
थाहानगर ८ बाट लागुऔषध गाँजासहित रसुवा पार्वतीकुण्ड गाउँपालिका–५ घर भई हाल थाहा नगरपालिका–९ नारायणहिटी बस्ने २७ बर्षीय प्रभात घले र थाहा नगरपालिका–३ दमकी घर भई हाल वडा नं.६ बज्रबाराही बस्ने ३२ बर्षीय रण बहादुर थिङलाई नियन्त्रणमा लिइएकाे प्रहरीले जनाएकाे छ । सोमबार दामगडेस्थित भित्री सडकखण्डमा गल्छीबाट पालुङतर्फ आउँदै गरेको बा १५ च ३९२९ नम्बरको बोलेरो इलाका प्रहरी चौकीबाट खटिएकाे टाेलीले जाँच गर्दा दुईवटा बोरामा ५० किलो लागुऔषध गाँजा सहित चालक घले र थिङलाई नियन्त्रणमा लिइएकाे मकवानपुर प्रहरी प्रवक्ता लक्ष्मी भण्डारीले बताए ।
यस्तै मकवानपुर प्रहरीले हेटौडा १५ बाट लागुऔषध खैरो हिरोइनसहित काठमाडौंको बागेस्वरी नगरपालिका–७, थलीका २१ वर्षीय उमेश परियारलाई नियन्त्रणमा लिएकाे हाे । आइतबार पूर्व–पश्चिम राजमार्गअन्तर्गत हेटौंडा–१५, रातोमाटेबाट खटिएको सुरक्षाजाँच टोलीले बीरगन्जबाट हेटौंडातर्फ आउँदै गरेको ना १ ज ६१५५ नम्बरको सुमोमा सवार परियारलाई लागुऔषध खैरो हिरोईन २५ ग्राम एक सय मिलिग्रामसहित नियन्त्रणमा लिइएकाे हो ।
लागुऔषध गाँजासहित घले र थिङलाई बलेरो गाडीसहित र लागुऔषध खैरो हिरोइनसहित परियारलाई नियन्त्रणमा लिई अनुसन्धान भइरहेको प्रहरीले जनाएको छ ।