मकवानपुर । महालक्ष्मी साहित्य पुरस्कार, २०८० महाकाव्यकार मुना अर्याललाई प्रदान गरिने भएको छ । मातृभूमि साहित्य समाज मकवानपुर र महालक्ष्मी विकास बैंकले संयुक्त रुपमा प्रदान गर्ने उक्त पुरस्कारबाट मकवानपुरकी साहित्यकार अर्याललाई सम्मान गरिने आइतबार हेटौडामा पत्रकार भेटघाट गरी जानकारी दिइएकाे हाे ।
भाषा, साहित्यको क्षेत्रमा योगदान पुऱ्याउने साहित्य सेवीहरूलाई २०५९ सालदेखि प्रत्येक वर्ष निरन्तर रूपमा प्रदान गरिँदै आएको उक्त पुरस्कारको राशी ५१ हजार रहेको छ । हालसम्म उक्त पुरस्कारबाट २० जना साहित्यकार सम्मानित भइसकेका छन् । समाजले २०५९ सालमा यती फाइनान्ससँगकाे सहकार्यमा उक्त साहित्य पुरस्कारको स्थापना गरेकाे हाे । यती फाइनान्स महालक्ष्मी विकास बैंकसँग मर्ज भएपछि २०७४ सालबाट साहित्य पुरस्कारको नाम महालक्ष्मी साहित्य पुरस्कार भएको हाे ।
त्यस्तै, समाजसेवी ईश्वर मैनालीले आफ्नो बुबाको स्मृतिमा स्थापित केशवलाल स्मृति मातृभूमि पत्रकारिता पुरस्कार २०८० हेटौंडा सन्देश दैनिकका सम्पादक माधवप्रसाद न्यौपानेलाई प्रदान गरिने भएको छ । उक्त पुरस्कारका राशी भने नगद १० हजार रहेको छ । यसैगरी मकवानपुर श्री सम्मानबाट मकवानपुरका अग्रज शिक्षाप्रेमी बद्रीनाथ शर्मा अर्याललाई सम्मानित गरिने भएको छ ।
सम्मान तथा पुरस्कार ५ असोज शनिबार हेटौंडामा एक कार्यक्रमकाे आयोजना गरी प्रदान गरिने समाजका अध्यक्ष कृष्ण प्रसाद दाहालले जानकारी दिए । मातृभूमि साहित्य समाज, मकवानपुर भाषा, साहित्य, कला, सङ्गीत र संस्कृतिको संरक्षण/संवर्द्धन गर्ने उद्देश्यले २०५६ सालमा स्थापित संस्था हो। भाषा, साहित्यको क्षेत्रमा सामाजिक उत्तरदायित्व मार्फत यथासम्भव योगदान पुऱ्याउने उद्देश्यले बैंकले उक्त पुरस्कार स्थापना गरेकाे हाे ।
कार्यक्रममा समाजका प्रमुख संरक्षक मुक्तिगोविन्द वैद्य, संस्थापक अध्यक्ष ह्यग्रीव आचार्य, वैंकका शाखा प्रवन्धक अनन्तराज धिताल लगायतकाकाे उपस्थिती रहेको थियो ।
मकवानपुर । नेपाली काँग्रेसका महामन्त्री विश्व प्रकाश शर्माले सरकारले पूरा कार्यकाल काम गर्न सक्ने व्यवस्था बनाउनु पर्ने बताएकाे छन् ।आइतबार पार्टीले हेटौँडामा आयोजना गरेको अभिमुखीकरणमा महामन्त्री शर्माले यस्तो बताएका हुन् ।
‘अहिले देशमा संविधान संशोधनको विषय आइरहेको छ’ शर्माले भने ‘विभिन्न पाटोबाट संविधान संशोधन गर्न सकिन्छ ।’ संविधान अझै आकर्षक, लोकप्रिय र मुलुकमा स्थिर सरकार दिन सक्ने गरी नयाँ कुरा राखेर मात्र संविधान संशोधन गनुपर्ने उनकाे भनाइ रहेकाे छ । उनले भने ‘संविधानमा कुनै पनि दल निर्वाचनमा गइसकेपछि दोस्रो, तेस्रो र बाँकी दलहरु सरकारमा नजाने र लोकप्रिय मतसहित बहुमत ल्याउने पहिलो दलले नै सरकारको नेतृत्व गर्न पाउने व्यवस्था स्पष्ट लेख्नुपर्छ ।’
समावेशी सहभागिताको जग काँग्रेसले नै बसालेकाे बताएका छन् । संविधान संशोधन गरेर समावेशी सहभागिता हटाइन्छ भन्ने माओवादी केन्द्रले आरोप लगाउँदै आएकाे भन्दै उनले उक्त विषयमा भ्रममा नपर्न आग्रह गरे । अग्रगामी काम हुने गरी मात्र संविधान संशोधन हुुने उनले बताए । देशमा दुई पटकभन्दा बढी राष्ट्रपति बन्न नपाउने, तीन पटक भन्दा बढी प्रधानमन्त्री बन्न नपाउने व्यवस्था संविधानमा उल्लेख गरी हालको व्यवस्थालाई परिमार्जन गर्नुपर्ने उनले बताए ।
महामन्त्री शर्माले निर्वाचन मार्फत चौथो दलकाे हैसियतमा प्रतिनिधित्व गर्ने दलहरु नैतिकताले समेत सरकारमा जान नहुने बताए । आफ्नो पार्टी सरकारमा हुँदा आफ्नो पालो भएपनि गगन थापा र आफू सरकारमा नगएको स्पष्ट पारे । पहिलो पटक जितेर आएको नयाँ दलले संसद छिर्ने बितिक्कै गृहमन्त्री नै चाहिन्छ भन्दै बार्गेनिङ गरेको आरोप रास्वपालाई लक्षित गर्दै लगाए । सभापतिलाई सहकारी ठगीको आरोप लाग्दा रास्वपाका पदाधिकारीहरुले आफ्नो सभापतिको छानबिन गर्न अवरोध गरेको र आफूले काँग्रेस उपसभापति धनराज गुरुङलाई आरोप लाग्दा गहिरो रुपमा छानबिन गर्नुपर्ने आवाज उठाएको समेत बताए ।
पार्टी सभापति शेरबहादुर देउवाले मुलुक र पार्टीका लागि अहिलेसम्म गरेका योगदानभन्दा फरक ढंगबाट त्याग गर्नुपर्ने उनले बताए । ‘हाम्रो सभापतिको नेतृत्वमा धेरै काम भएका छन्। उहाँले देश र पार्टीका लागी धेरै योगदान गर्नुभएको छ। अब उहाँले त्याग गर्ने वेला आएको छ’ उनले भने आगामी दिनमा आफू प्रधानमन्त्री नबनेर पार्टीका आफ्नै समकालीन कसैलाई प्रधानमन्त्री बनाउनु पर्छ ।’ उनले २०८४ पछि प्रधानमन्त्री बन्ने मानिस मुलुकले चिनिसकेको दावी गर्दै त्यसका लागी आफू त्याग गर्न तयार रहेको बताए ।
देशमा रुपान्तरणको आवश्यक रहेको भन्दै यसको जिम्मा काँग्रेसले लिनुपर्ने उनले बताए । सामाजिक विसंगति अन्त्य गर्न जनप्रतिनिधिले महत्वपूर्ण भूमिका हुने बताउँदै उनले पार्टीबाट निर्वाचित जनप्रतिनिधिहरुलाई नागरिकको मन जित्ने गरी काम गर्न आग्रह गरे । मकवानपुर जिल्लामा स्थानीय तह निर्वाचन २०७९ को समीक्षाको लागि महामन्त्री शर्मा हेटौंडा आएका हुन् । कांग्रेसको स्थानीय तह केन्द्रीय समन्वय विभागले आफ्नो पहिलो कार्यक्रम बागमती प्रदेशको राजधानी मकवानपुरको हेटौंडाबाट सुरु गरेको हो ।
मकवानपुर । मकवानपुरकाे हेटौडामा जारी तेस्रो राष्ट्रिय रोटरी भेट्रान्स फुटबल प्रतियोगितामा झापाको पूर्वेली भेट्रान्स क्लब फाइनलमा प्रवेश गरेको छ ।
आइतबार हेटौंडा–५ स्थित पिप्ले–क्याम्पा रंगशालामा भएको सेमीफाइनलम खेलमा नवजनजागृति भेट्रान्स सिमरालाई १–० गोलले हराउँदै पूर्वेली भेट्रान्स फाइनलमा प्रवेश गरेको हो । प्रतियोगितामा पूर्वेली भेट्रान्सकाे तर्फबाट रमेश गुरुङ्गले गोल गरेका थिए । गरुङ्गकाे गोल नै निर्णायक बन्न पग्यो । म्यान अफ द म्याच गुरुङ्ग घोषित भए ।
रोटरी क्लब अफ मकवानपुरकाे आयोजनामा भएकाे प्रतियोगिता अन्तरगत दोस्रो सेमीफाइनल खेल सोमबार बिहान हुनेछ । सोमबार काठमाडौंको फ्रिडम फाइटर भेट्रान्सले सर्लाहीको हरिवन भेट्रान्सकाे सामना गर्नेछ । प्रतियोगिताको फाइनल खेल ३१ गते हुने भनिएपनि वर्षाको कारण खेल तालिकामा परिवर्तन भएकाे आयोजकले जनाएकाे छ । प्रतियाेगिताकाे फाइनल १ असोजमा हुनेछ ।
प्रतियोगिताको १५ टिमले सहभागिता जनाएका छन् । जलन प्राथमिक उपचार केन्द्र निर्माण सहयोगकाे लागि आयोजना गरिएकाे प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँ प्राप्त गर्नेछ । प्रतियोगिताको उत्कृष्ट प्रशिक्षकले १० हजार प्राप्त गर्नेछन् भने उत्कृष्ट खेलाडी, गोलरक्षक, डिफेन्डर, मिडफिल्डर र फरवार्डले जनही नगद ५ हजार रुपैयाासहित ट्रफी प्राप्त गर्ने छन् ।
रोटरी मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता संचालन भएकाे थियाे । हेटौंडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।
मकवानपुर । मकवानपुरकाे हेटौडामा सुरु वडास्तरीय टी २० क्रिकेट प्रतियाेगितामा आयोजक नेपाल खेलकुद महासघ वडा नम्बर ८ ले विजयी सुरुवात गरेकाे छ ।
शनिबार उद्घान गरिएकाे प्रतियोगिताकाे आइतबारबाट सुरु खेलमा आयोजक महासघ ८ नम्बरले र ५ नम्बर वडा ए टिमलाई ३ रनले जितेकाे हाे ।आयोजक टिमले टस जितेर बलिङ राेजेकाे थियाे । निर्धारित ओभरमा वडा नम्बर ५ ए ले ९५ रनकाे लक्ष्य दिएकाे थियाे । आयोजकले निर्धारित ओभरमा ९८ रन बनायाे । खेलकाे म्यान अफ दि म्याज ५ ए एकाे सुवर्ण भट्ट घाेषित भए ।
यसैगरी आइतबार भएकाे वडा नम्बर ३ र ९ नम्बर ए बिच भएको खेलमा वड नम्बर ९ ए बिजय भएको छ । खेलमा ९ ए ले टस जितेर ब्याटिङ राेजेकाे थियाे । खेलकाे निर्धारित औभरमा ३ नम्बरले ९१ रन बनायाे । ९ ए ले निर्धारित समयमै २४१ रन बनाउँदै फराकिलाे जीत निकालेकाे हाे । खेलकाे म्यान अफ द म्याच ९ एका रबिन गुरुङ घोषित भए ।
यस्तै तालिका अनुसारकाे तेस्राे खेल वडा नम्बर ४ र वडा नम्बर १ बीच रहेकाेमा बर्षाको कारण स्थगित भएको क्रीकेट प्रतियोगिता व्यवस्थापन समिति सदस्य गोकर्ण तिवारीले जानकारी दिए । ४ र बिच भएको खेलमा वडा न ४ ले १७५ रनको लक्ष्य दिएको थियाे । दोश्रो पालीकाे २.४ ओभर खेल्दै गर्दा पानीको कारण खेल स्थगित भएकाे थियाे । उनका अनुसार आज रोकिएकाे खेल १ असोज विहान हुने छ ।
५ असोजसम्म सञ्चालन हुने प्रतियाेगितामा प्रथम हुने टिमले ५० हजार रुपैंया पुरस्कार सहित शिल्ड र प्रमाणपत्र प्राप्त गर्ने छन् । द्वितीय हुने टिमले २५ हजार रुपैंया, शिल्ड र प्रमाण र पत्र वितरण प्राप्त गर्ने छन् । ‘खेलकुदको विकासको लागि स्थानीय तहदेखि केन्द्रसम्म भौतिक पूर्वाधार, व्यवसायीक र प्रतिस्पर्धा खेलकुद गतिविधि हाम्रो आधार’ भन्ने अभिप्रायले टि–२० क्रिकेट प्रतियोगिता आयोजना गरिएकाे प्रतियोगितका संयोजक धर्मराज पुडासैनीले जानकारी दिए । प्रतियोगितामा १९ वटा वडास्तरीय टाेलीकाे सहभागिता रहेकाे छ ।
मकवानपुर । मकवानपुरकाे हेटौंडामा जारी तेस्रो रोटरी मकवानपुर पिप्ले क्याम्पा राष्ट्रिय फुटबल प्रतियोगिताको सेमिफाइनल समिकरण पुरा भएको छ । आइतबार बिहान प्रतियाेगिता अन्तरगत क्वाटरफाइनलकाे अन्तिम खेलमा हरिवन भेट्रान्स सर्लाही विजय भएसँगै सेमिफाइन समिकरण पुरा भएको हो ।
बगरभाइ खलक भेट्रान्स पोखरालाई सडन डेथमा हराउँदै हरिवन सेमिफाइन प्रवेश गरेको हो । निर्धारित समयको खेल १–१ गोेलको बराबरीमा सकिए पछि खेल टाइब्रेकरमा धकेलिएकाे हाे । टाइब्रेकरमा ४–४ गोल भएपछि सडनडेथबाट निर्णय लिदाँ ६–५ ले हरिवन सेमिफाइन प्रवेश गरेकाे हाे । यसैगरी शनिबार भएकाे क्वाटरफाइनलबाट नवजनजागृति सेमिफाइनल प्रवेश गरेकाे हाे ।
नवजनजागृति भेट्रान्स र निजगढ भेट्रान्सबीच भएको खेल निर्धारित समयको खेल गोलरहित बराबरीमा सकिएको थियो । खेलकाे निर्णय टाइब्रेकरमा लिइएकाे थियाे । नवजनजागृतिले ४-३ गोलले निजगढलाई पराजित गरि सेमिफाइनल यात्रा तय गरेकाे हो ।
सेमिफाइनलमा आइतबार दिउँसो पुर्वेली भेट्रान्स क्लब, झापा र नवजनजागृति भेट्रान्स, सिमरा भिड्ने छन् । यसैगरी सोमबार बिहान प्रतियाेगिताकाे दोस्रो सेमिफाइनलमा फ्रिडम फाइटर भेट्रान्स, काठमाडौं र हरिवन भेट्रान्सले भेट पक्का गरेका छन् । प्रतियोगिताको फाइनल खेल ३१ गते हुने भनिएपनि वर्षाको कारण खेल तालिकामा परिवर्तन भएकाे आयोजकले जनाएकाे छ । प्रतियाेगिताकाे फाइनल १ असोजमा हुनेछ ।
प्रतियोगिताको १५ टिमले सहभागिता जनाएका छन् । जलन प्राथमिक उपचार केन्द्र निर्माण सहयोगकाे लागि आयोजना गरिएकाे प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँ प्राप्त गर्नेछ । प्रतियोगिताको उत्कृष्ट प्रशिक्षकले १० हजार प्राप्त गर्नेछन् भने उत्कृष्ट खेलाडी, गोलरक्षक, डिफेन्डर, मिडफिल्डर र फरवार्डले जनही नगद ५ हजार रुपैयाासहित ट्रफी प्राप्त गर्ने छन् ।
रोटरी मकवानपुरको आयोजनामा २०७२ सालमा पहिलो पटक राष्ट्रिय र २०७३ सालमा दोस्रो पटक अन्तराष्ट्रिय प्रतियोगिता संचालन भएकाे थियाे । हेटौंडामा नै पहिलो पटक आयोजना गरिएकाे ८ ए साईड भेट्रान्स प्रतियोगिताकाे पहिलाे र दोस्राे संस्करण चितवन भेट्रान्स क्लबले हात पारेकाे थियाे ।