मकवानपुर । हेटाैडा उपमहानगरपालिकाकाे पूर्वमा रहेकाे सेन बंशीय राजाकाे मकवानपुरगढी दरवारदेखि दक्षिण पश्चिम जंगलमा रहेकाे छ महादेव गुफा (गुफा थान । महादेव खाेला (खाेल्सा) काे बिचमा गुफा र गुफाकाे शिरबाट पानी झरना बहिरहेकाे देख्न सकिन्छ । गुफा थान संरक्षणकाे पर्खाइमा रहेकाे छ ।
गुफाभित्र रहेकाे सुरूङबाट मकवानपुरगढी दरबारसम्मै पुग्न सकिने तथा गढीमा केही विपत परे यही सुरुङ्ग प्रयोग गरेर सुरक्षित हुन तल (वेशी) आउने गरेकाे किम्बदन्ती रहेकाे छ । साथै गुफा भित्र धुप बाल्दा सुगन्ध गढी दरवारमा रहेकाे महादेब मन्दिरसम्म पुग्ने गरेकाे किंवदन्ती समेत रहेकाे छ । प्रचार प्रसार र संरक्षणकाे पर्खाइमा रहेकाे गुफाथान धार्मिक तथा पर्यटकीय हिसाबले महत्वपूर्ण गन्तब्य बन्न सक्छ ।
थप अनुसन्धान समेत गरी प्रचार-प्रसार र संरक्षण गर्न सके हटिया, हर्नामाडी राजदेवीको मात्र नभई मकवानपुरकै पर्यटक गन्तब्य स्थल बन्न सक्ने देखिन्छ । सम्बन्धित निकायहरूबाट आबश्यक पहल हुने हुनु पर्ने यो स्थान संरक्षकै पर्खाइमा रहेकाे छ । हाल उक्त क्षेत्रमा पिकनिककाे लागि तथा घुमघामकाे लागि विदाकाे दिनमा जिल्ला भित्रबाट मानिसहरु जाने गरेका छन् ।
पिकनिक स्थल बनेकाे भए पनि त्यो पर्याप्त देखिदैन् । तत्कालका लागि गुफाकाे पश्चिम तर्फ भर्याङ र दर्शन गर्न आउने महानुभाबहरूकाे लागि स्थान बढाउनु पर्ने तत्कालकाे आवश्यकता रहेकाे महादेव गुफा संरक्षण समिति अध्यक्ष ज्ञान बहादुर श्रेष्ठ बताउँछन् । स्थानीय गिरश नेपाल गुफाथानकाे संरक्षणकाे लागि पक्कि सडक निर्माण तथा अन्य निर्माणकाे लागि पहल भइरहेकाे बताउँछन् । नेपाल वडा कार्यालय तथा अन्य निकायबाट गुफा थानकाे संरक्षणमा सहयोग हुनेमा विश्वस्त छन् । भन्छन् ऐतिहासिक स्थलकाे संरक्षणमा हामी सबैकाे सहयोग र पहलकाे खाँचो छ ।
विभिन्न चाड पर्वमा मेला समेत लाग्ने उक्त स्थानमा पुग्न हेटौंडाबाट पुर्व चौघडा लेनडाँडा गुरौखाेला राजदेवी गुवावारी हुदै १२ किमि यात्रा मेनरोडकाे गर्नु पर्ने तथा त्यसपछि १ किमि उत्तर शाखा कच्ची सडकबाट जान सकिन्छ । गुफा भ्रमण पश्चात नजिकै राजदेवीमा रहेकाे सेन वंशिय राजकाे इष्टदेवी राजदेवी मन्दिरकाे दर्शन तथा वरपरकाे फाँट र रमणीय दृश्यकाे अवलोकन समेत गर्न सकिन्छ । साथै राजदेवीमा फलेका अर्गानिक तरकारीहरु समेत लिन सकिन्छ । बाटोमा खुवा(कुराउनी)काे लागि प्रख्यात चुच्चेखाेलाकाे खुवाले समेत स्वागत गरिरहेकाे हुनेछ ।
हेर्नुहाेस भिडियोः
मकवानपुर । नेपाल राष्ट्रिय शिक्षक सङ्गठन भिमफेदी गाउँपालिका अध्यक्षमा मधुसुधन पुडासैनी चयन भएका छन् । पालिकाकाे संगठनकाे तेस्रो अधिवेशनले पुडासैनिकाे नेतृत्वमा कार्यसमिति चयन गरेकाे हाे ।
शनिबार भएकाे अधिवेशनबाट उपाध्यक्षमा अनिशा डोटेल र सूर्य ब.तितुङ, सचिवमा राजेन्द्र ढकाल, कोषाध्यक्षमा जीत बहादुर कार्की सहसचिवमा राधिका आचार्य सहकोषाध्यक्षमा रोजिता रोक्कालाई चयन गरेकाे छ । यसैगरी सदस्यहरूमा उमेश थिङ,मीन बहादुर रजान मगर, सुनीता थापा, भवानी सापकोटा, सुदर्शन पुडासैनी, मीना गुरुङ, शिवकुमार आचार्य, पुष्प अधिकारी, मानबहादुर नेगी, मन्जु सापकोटा, कोसेली रुम्बा, सुस्मिता बर्तौला, मेनु तामाङ, रमेश बल, निर्मला धिताल, पूजा चौधरी र अनिता वाइबा चयन भएका छन् ।
यसैगरी संगठनका पालिकाका ९ वटा वडा मध्ये ८ वटा वडाकाे अध्यक्षहरू चयन गरिएकाे छ । ४ नम्बर वडाकाे अध्यक्ष चयन हुन् बाँकी रहेकाे छ । वडा अध्यक्षहरुमा मञ्जु गुरुङ, शान्ति राना, सरस्वती तामाङ, शर्मिला अधिकारी, निर्मला राजथला, रामलाल बज्यु, सोमबहादुर भ्लोन र गौरी कँडेल चयन भएका छन् ।
कार्यक्रममा भिमफेदी गाउँपालिका सङ्गठन सचिव मधुसुधन पुडासैनीले प्रगति प्रतिवेदन प्रस्तुत गरेका थिए । यसैगरी कोषाध्यक्ष आइपी दाहालले आर्थिक प्रतिवेदन प्रस्तुत गरेका थिए । अधिवेशन कार्यक्रममा स्थायी शिक्षक, निवृत्त शिक्षक तथा बढुवा भएका शिक्षकहरूलाई सम्मान समेत गरिएकाे प्रचार विभाग प्रमुख डीबी बर्तौलाले जानकारी दिए ।
यसैगरी नेपाल राष्ट्रिय शिक्षक संगठन बकैया गाउँपालिका समितिको तेस्रो अधिवेशनले छवि राईको अध्यक्षतामा नयाँ कार्यसमिति चयन गरेको छ । शनिबार बकैयाको हात्तीसुँडेमा सम्पन्न अधिवेशनबाट अध्यक्षमा राई चयन भएका हुन् ।संगठनको महिला उपाध्यक्षमा तिलकुमारी गुरूङ, उपाध्यक्षमा दीपक दुलाल, सचिवमा हीरालाल जिम्बा, सहसचिवमा बालकुमार दहाल, कोषाध्यक्षमा मधुसूदन हुमागाईं र सहकोषाध्यक्षमा नानीमैयाँ बजगाईं चयन भएका छन् ।
यस्तै, सदस्यहरुमा देव लामा, पवनसिंह घलान, प्रकाश थापा मगर, राजकुमार तिमल्सिना, लोकेन्द्र घलान, विद्या भण्डारी, हरिशरण न्यौपाने, भवानी तिमल्सिना न्यौपाने, प्रमिला तिमल्सिना, सुनिता भोम्जन र सविना ढकाल चयन भएका छन् ।
यसैबीच, भिमफेदी गाउँपालिकाका अध्यक्ष हिदम लामाले शिक्षकले सामाजिक चेतना विस्तारमा ठूलो योगदान दिएकाे बताए । ‘लोकतन्त्र स्थापना तथा परिवर्तनका निम्ति शिक्षककाे अमुल्य त्याग रहेकाे छ’ उनले भने ‘समाजमा केही नै भएको छैन भन्ने भाष्य तोड्नु पर्ने र शैक्षिक गतिविधिमा निरन्तर लाग्दै शैक्षिक उन्नयनतर्फ क्रियाशील हुनु पर्छ ।’
सदैव शैक्षिक गतिविधिमा साथ दिने तथा शैक्षिक सुधारमा पालिका सकारात्मक रहेको उनले बताए । अध्यक्ष लामाले गरिबका छोराछोरीलाई विश्व प्रतिस्पर्धात्मक रूपमा अगाडि बढ्ने शिक्षा प्रदान गर्न र आआफ्नो विषयमा उत्कृष्ट नतिजा ल्याउन मिहिनेत गर्न आग्रह गर्दै नयाँ कार्यसमितिलाई शुभकामना समेत दिए ।
कार्यक्रमका शिक्षक सङ्गठन जिल्ला समिति मकवानपुरका अध्यक्ष श्रीराम दाहालले पालिकामा सङ्गठनको गतिविधिलाई तीब्र रुपमा अगाडि बढाउनु पर्ने बताए । उनले सदस्यता नवीकरण,शैक्षिक तथा रचनात्मक कार्यक्रममा जोड दिनु पर्ने,शिक्षक महासंघ गठनतर्फ ध्यान केन्द्रित हुनु पर्ने र शिक्षकका वास्तविक समस्यामा केन्द्रित हुँदै समाधान गर्न एकताबद्ध हुनु पर्ने जानकारी दिए । दाहालले शिक्षकहित साकोसमा समेत आबद्ध हुन अनुरोध समेत गरे ।
राष्ट्रिय शिक्षक सङ्गठन भिमफेदीका का.वा. अध्यक्ष अनीता डिम्डुङको सभाध्यक्ष तथा पालिका अध्यक्ष हिदम लामाको प्रमुख आतिथ्यतामा कृष्ण मावि भैसेमा भएकाे अधिवेशनमा जिल्ला समिति अध्यक्ष श्रीराम दाहाल, उपाध्यक्ष कृष्ण पौडेल, सह कोषाध्यक्ष सविता लामिछाने, सचिवालय सदस्य तथा भिमफेदीका उत्प्रेरक डीबी बर्तौला, जिल्ला सदस्य तथा भिमफेदी इन्चार्ज अन्जित यादव, शिक्षक बचत हित तथा ऋण सहकारीका सचिव कृष्ण पोखरेल र सहकारीका सहकोषाध्यक्ष अमृता भट्ट लगायतको उपस्थिति रहेको थियो।
मकवानपुर । राष्ट्रिय दलित आयोगले आर्थिक वर्ष २०८०।०८१ को प्रतिवेदन बागमती प्रदेश प्रमुख दीपक प्रसाद देवकोटालाई बुझाएको छ ।
आयोगका सदस्य एवम् प्रवक्ता सुन्दर पुर्कुटीले प्रदेश प्रमुख देवकोटालाई प्रतिवेदन बझाउनु भएको हो । नेपालको संविधानको धारा २९४ (३) बमोजिम राष्ट्रिय दलित आयोगको आ.ब. २०८०/०८१ प्रतिवेदन आइतबार पेश गरिएको प्रदेश प्रमुख कार्यालयका प्रवक्ता देवेन्द्र सापकोटाले बताउनु भयो ।
आयोगले पहिलो वार्षिक प्रतिवेदन २०७८ कार्तिक ११ गते, दोस्रो २०७९ मङ्सिर २५ गते, तेस्रो २०८० फागुन २३ गते गते पेस गरिसकेको भए पनि त्यस उपर सुनुवाइ नभएको भन्दै आयोगमा प्रवक्ता पुर्कुटीले अबको सरकारले यसमा ध्यान दिने अपेक्षा प्रकट गर्नुभयो । प्रतिवेदन ग्रहण गर्नुहुुँदै प्रदेश प्रमुख देवकोटाले दलितको सवालमाथि सकारात्मक सन्देश कार्यन्वयनमा ल्याउनको लागि सरकारलाई प्रेरित गर्ने बताउनु भयो ।
आयोगले ७ वटा परिच्छेद र ६ वटा अनुसूची समेटी तयार गरिएको प्रतिवेदनमा बुझाएको हो । जसमा आयोगको परिचय, दलितको हक, हित र अधिकार सम्बन्धि व्यवस्था, दलितको अवस्था र राज्यका निकायमा प्रतिनिधित्व आयोगको वार्षिक कार्यक्रम कार्यान्वयनको स्थिती, आयोगका सिफारिस तथा सुझाव र कार्यान्वयनको अवस्था, आयोगका अवसर, चुनौती र भावी कार्यदिशा लगायतका विषय समेटिएको छ ।
छुवाछूत भेदभाव प्रथाको सुरुवात र त्यसको अन्त्यका लागि कानूनी व्यवस्थाहरुमा नेपालमा जातीय भेदभाव तथा छुवाछूत प्रथाको सुरुवात, अन्तर्राष्ट्रिय कानूनमा छुवाछूत तथा भेदभाव विरुद्धको व्यवस्थाहरु, नेपालको संविधान तथा कानुनमा दलित हक, हित सम्बन्धी भएका व्यवस्थाहरु, जातीय भेदभाव तथा छुवाछूत अन्त्यका लागि ऐन, कानुनमार्फत भएका राज्यका प्रयासहरु, अन्य ऐन कानूनमा भएका दलित अधिकार सम्बन्धी व्यवस्था, जातीय भेदभाव अन्त्यका लागि सरकारका लोकप्रिय घोषणाहरु तथा दलित लक्षित कार्यक्रमहरुलाई उल्लेख गरिएको छ ।
संविधान, ऐन, कानून मार्फत जातीय भेदभाव तथा छुवाछूत अन्त्यका लागि जातीय आधारमा हुने सबै प्रकारका विभेद, कुरीति, अन्धविश्वास, अपराध, बहिष्करण, वञ्चितीकरण र हिंसालाई संवैधानिक र कानूनी रुपमा अन्त्य गर्दै सम्मानित जीवन यापन गर्न सक्षम तुल्याउन सरकारले लिएको नीति तथा तत्परतालाई प्रतिवेदनले समेटेको प्रवक्त पुर्कुटीले बताउनु भयो ।
राष्ट्रिय जनगणनामा दलित समुदायको संख्यात्मक अवस्थाको विवरण, वित्तीय संस्थाहरुको पहु“चबाट टाढा रह“दा भोग्नु परेको पीडा, मानव विकास सूचांक, वार्षिक आय, शिक्षा, स्वास्थ्य र सरसफाई क्षेत्रहरुमा अझै पनि दलित समुदायहरु पछाडि नै परेको उहा“ले बताउनु भयो ।
नेपालको संविधानले छुवाछुत तथा सबै किसिमका विभेदको अन्त्य गर्दै समानता, समृद्धि र सामाजिक न्याय सुनिश्चित गर्ने र समानुपातिक समावेशी सिद्धान्तका आधारमा राज्यका सबै संरचनामा दलित दायको प्रतिनिधित्वको सुनिश्चिता गरेको छ । संविधानका मौलिक हक अन्तर्गत धारा २४ मा छुवाछुत समुदायको तथा भेदभाव विरुद्धको हक र धारा ४० मा दलितको हकको व्यवस्था छ । धारा २४ को प्रावधानलाई कार्यान्वयन गर्न जातीय तथा अन्य सामाजिक छुवाछुत र भेदभाव (कसुर सजाय ऐन) २०६८ समेत लागु भएको छ ।
यसका साथै संसदले नेपाललाई छुवाछुतमुक्त राष्ट्र घोषणा गरेको छ । सरकारले मानवअधिकार सम्वन्धी विभिन्न प्रतिवद्धता समेत गरेको छ। तर, यी प्रावधानहरुलाई कार्यान्यन गर्न संघीय, प्रदेश र स्थानीय सरकारस“ग आवश्यक नीति, कानुन, रणनीतिक योजना र कार्यक्रम तथा बजेटको कमी रहेको उहाँले बताउनु भयो ।
राष्ट्रिय जनगणना, २०७८ अनुसार बागमती प्रदेशको कुल जनसंख्या ६१ लाख १६ हजार ८ सय ६६ जना रहेकाेमा दलितको जनसंख्या ३ लाख ५९ हजार ५ सय ११ जना रहेका छन् ।
मकवानपुर । बागमती प्रदेशको राजधानी हेटौंडामा लागुऔषध प्रयोगकर्ताकाे लागि सिप मुलक तालिम सञ्चालन गरिएकाे छ ।
सिआन पुनःस्थापना केन्द्र हेटौंडाले लागुऔषध प्रयोगकर्तालाई समाजमा पुनःस्थापित गराउने उद्देश्य बागमती प्रदेशको उद्योग, वाणिज्य, भूमि तथा प्रशासन मन्त्रालयको सहयोगमा २७ मंसिरदेखि सिप मुलक तालिम संचालन गरेकाे हाे । १ १० जनालाई थ्रीडी पेन्टिङ, कफी बनाउने सीप, र मौरीपालन जस्ता व्यावसायिक सीपकाे तालिम प्रदान गरिएकाे हाे ।
उक्त तालिमकाे शनिबार समापन गरिएकाे छ । तालिम समापनमा बागमती प्रदेशकी उद्योग, वाणिज्य, भूमि तथा प्रशासन मन्त्री शुकमाया तामाङले सिपमुलक तालिमले लागु औषधको दलदलमा परेकालाई नयाँ जीवन दिने विश्वास व्यक्त गरिन्। “सिआन पुनःस्थापना केन्द्रले समाज सुधारका लागि उत्कृष्ट काम गरेको छ। आगामी दिनमा पनि यस्ता कार्यक्रमलाई प्रोत्साहन गर्नेछौं,” उनले भनिन्।
तालिमले लागु औषध दुरुपयोगको समस्या समाधान गर्न मात्र नभई समस्यामा परेकालाई आत्मनिर्भर बनाउन महत्वपूर्ण भूमिका खेल्ने अपेक्षा गरिएको कार्यकारी निर्देशक सौजन डी.सी.ले जानकारी दिए । सिआन पुनःस्थापना केन्द्रका अध्यक्ष बिजेन्द्र अग्रवालको सभाध्यक्षतामा भएकाे कार्यक्रममा गैसस मकवानपुरकी अध्यक्ष रमिला सापकोटालगायतकाकाे उपस्थिति रहेकाे थियाे ।
मकवानपुर । हेटौंडा अटो मोबाईल्स एशोसियसनको भवन उद्घाटन गरिएको छ । एशोसियसनको २४ औं साधारण सभाका अवसरमा शनिबार हेटौंडा ११ थानाभर्याङमा नाडा अटो मोबाईल्स एशोसियसन अफ नेपालका अध्यक्ष करण कुमार चौधरीले भवन उद्घाटन गरेका हुन् ।
भवन उद्घाटन पछिकाे सभालाई सम्बोधन गर्दै अध्यक्ष चाैधरीले अटो मोबाइस्स एशोशियसनमा आवद्ध ब्यवसायीहरु संस्थागत उद्देश्य पुरा गर्न एकजुट हुनुपर्ने बताए । ‘सबैभन्दा पीडित अटाेमाेवाइल्स क्षेत्र रहेकाे छ’ उनले भने ‘ विदेशिने युवाशक्ति मध्ये अटाेमाेवाइल क्षेत्रबाट मात्र ३२ प्रतिशत युवा जनशक्ति रहेका छन् ।’ अटाेमाेवाइल क्षेत्रलाई सरकारले हेर्ने दृष्टिकाेण गलत भएकाे कारण समस्या सिर्जना भएकाे उनले बताए । ‘उद्योग वाणिज्य महासंघ मार्फत हाम्राे मुद्दा सुनुवाइ नभएकाेले सरकारसँग हामी आफैं लड्छाै’ उनले भने ।
पुस्ता हस्तान्तरण हुनु नै विकासकाे प्रमुख आधार रहेकाे बताउँदै उनले भने ‘व्यवसायकाे धर्म भनेकाे पैसा कमाउनु हाे, मैले समाजमा के योगदान गरेकाे छु? गरेकाे लगानी प्रभावबारी छ छैन लगानी गरेन भने समाजले खाेजी गर्छ कि गर्दैन ? भन्दे प्रश्न हरेक दिन मनन गर्नुपर्छ ।’ कार्यक्रममा संस्थाको भवन निर्माणमा सहयोग गर्ने दाताहरुलाई सम्मान गरिएको थियो ।
एशाेशियसनका जिल्ला अध्यक्ष ऋषि कुमार ढकालकाे सभाध्यक्षता तथा नाडा अटाेमाेबाइल्स एशाेसियन अफ नेपालका अध्यक्ष करण कुमार चाैधरीकाे प्रमुख आतिथ्यता भएकाे २४ ओैँ बार्षिक साधारण सभामा हेटाैडा उपमहानगरपालिका ११ नम्बर वडाध्यक्ष जुना दहाल, उद्योग वाणिज्य संघ मकवानपुर अध्यक्ष कृष्ण कुमार गुप्ता, निवर्तमान अध्यक्ष दामाेदर प्रसाद अटल, वरिष्ठ उपाध्यक्ष धर्मराज धिमाल, पुर्व अध्यक्षहरु सागर सापकाेटा र सुदेश कुमार श्रेष्ठ लगायतकाे उपस्थिति रहेकाे थियाे ।