मकवानपुर । बागमती प्रदेशका मुख्यमन्त्री डोरमणि पौडेलविरुद्ध दर्ता भएकाे अविश्वास प्रस्तावमा हस्ताक्षर गरेका नेपाल पक्षका सांसदले नाम फिर्ता लिएका छन् । मगलबार नेपाल पक्षका २२ जना सांसदले बागमती प्रदेश सभा सचिवालयलाई पत्र लेखेर अविश्वास प्रस्तावबाट नाम फिर्ता लिएकाे प्रदेश सभाले जनाएकाे छ ।
तत्कालिन नेकपाको दाहाल–माधव नेपाल पक्षका ४५ प्रदेश सांसदले मुख्यमन्त्री पौडेल विरुद्ध अविश्वास प्रस्ताव हस्ताक्षर गरेर स्थायी कमिटी सदस्य एवं प्रदेश सांसद अष्टलक्ष्मी शाक्यलाई मुख्यमन्त्री बनाउने प्रस्ताव सहित मुख्यमन्त्रीविरुद्ध पुस १० गते अविश्वास प्रस्ताव दर्ता गराएका थिए । सो प्रस्ताव गत माघ ९ गते प्रदेशसभामा टेबुल भएको थियो ।
सर्वोच्च अदालतले नेकपाको पार्टी एकीकरणलाई खारेज गरेसंगै नेकपा एमाले र माओवादी केन्द्र ब्युतिएसंगै नेपाल पक्षका प्रदेश सांसदले मुख्यमन्त्री पौडेल विरुद्धको अविश्वास प्रस्ताव हस्ताक्षर फिर्ता लिएका हुन् । अविश्वास प्रस्तावकाे फिर्ता लिएपछि पौडेल नेतृत्वको सरकारको आयु लम्बिएको छ ।सरकार गठनका लागि ५६ मत आवश्यक पर्ने बागमती प्रदेशमा ५७ सांसद रहेको एमालेको एकल बहुमत रहेकाे छ ।
यसंगरी नेकपा माओबादी केन्द्रले भने अविस्वासको प्रस्ताब फिर्ता लिएका छैनन् । २३ जना सांसद रहेको माओवादी केन्द्रले प्रदेश सरकारलाई दिएको समर्थन फिर्ता भने लिने भएको छ । प्रदेश पार्टी कार्यालय बबरमहलमा बसेको संसदीय दलको बैठकले समर्थन फिर्ता लिने निर्णय गरेको हो ।
‘तत्कालिन अवस्थामा अविश्वास प्रस्ताव अगाडि बढ्न सक्दैन । त्यसकारण सरकारलाई दिएको समर्थन तत्काल फिर्ता लिने निर्णय गरेका हौं,’ माओवादी केन्द्रको प्रदेश संसदीय दलका नेता शालिकराम जम्मकट्टेलले भने ।
यसैगरी प्रदेश १ का मुख्यमन्त्री शेरधन राईविरुद्ध दर्ता गराइएको अविश्वासकाे प्रस्ताव पनि फिर्ता भएकाे छ । मुख्यमन्त्री शेरधन राईविरुद्ध अविश्वास प्रस्तावमा हस्ताक्षर गरेका नेकपा एमालेका १६ जना सांसदले नाम फिर्ता लिएका छन् ।
उनीहरुले मंगलबार प्रदेशसभा सचिवालयलाई पत्र लेखी अविश्वास प्रस्तावबाट नाम फिर्ता लिएका हुन् । यसअघि गत पुस १२ गते तत्कालिन नेपाल कम्युनिस्ट पार्टीको प्रचण्ड–माधव समूहले मुख्यमन्त्री राईविरुद्ध अविश्वास प्रस्ताव दर्ता गरेका थिए ।
एमाले सांसदहरुले अविश्वास प्रस्तावबाट नाम फिर्ता लिएपछि तत्काललाइ मुख्यमन्त्री शेरधन राईको पद जोगिने भएको छ । प्रदेश १ प्रदेशसभामा एमालेको ५१ सांसद छन् । ९३ सदस्य रहेको प्रदेशसभामा सरकार निर्माणका लागि ४६ सांसद भए बहुमत पुग्नेछ ।
- दिव्या प्रियंवदा
१.
मन त लाग्छ मलाई पनि अरू जस्तै प्रसन्न हुन
कसैको कमी सहन सक्दिन बाध्य हुनु पर्छ रुन
कसैले नसम्झे पनि रहदैन अधेरो निशा सधैँ भरी
किरणले हिमाल रङ्ग्याउँदै छाड्दैन सूर्य उदाउन।
२.
न काम लाग्ने गरी पैसा दिने मान्छे हुन सकें
न त शीतल मायाले मन छुने गरी रुन सकें
विहानै फूल छोएको वतास चल्दा थाहा पाएँ
त्यसै बितेछ रात न कुनै उज्यालो जून छुन सकें।
३.
भेटेर के गर्नु मन कच्याककुचुक पार्ने सित
केवल एउटा हात दिँदा सिङ्गै मुटु दार्ने सित
जूनले सित्तल दिएको हुन्छ रातभरि नै तर
विहानै लालि देखेर सूर्यतिरै माया सार्ने सित।
४.
एकचोटि प्रेमसागरमा डुबेपछि उत्रिन सकिदैन
अमर प्रेमकहानी वियोगमा नै हुन्छ नत्र पढिदैन
पाएपछि महत्त्व घट्छ तड्पिनुको मजा छुट्टै छ
टाढाबाट पहाड सुन्दर लाग्छ सजिलै चढिदैन।
५.
विस्तारै ‘जान’ भन्यौ र ‘वेजान’ बनायौ
मुटु भरिको मीठो नाम बेनाम बनायौ
इमान पढें जीवनभर तर कागज गनेर
मेटिदियौ क्षणभरमा बेइमान बनायौ।
६.
अमूल्य ठान्थें माया, बेचिने बनाएर गयौ
अनेकौं कागजका टुक्रामा टुक्राएर गयौ
बेच्ने किन्ने मायाको पसल रहेछ सम्बन्ध
जति नाफा कमायौ घाटा लगाएर गयौ।
७.
कसैले नराम्ररी ठेस लागाएको थियो
तेसैले खुट्टा उचाल्न सिकाएको थियो
ताराहरूको मलाई पनि पर्वाह थिएन
एउटै जूनले उज्यालो फिजाएको थियो।
८.
माया न लाग भन्छु लागिरहन्छ
किन होला यो भोक जागिरहन्छ
बत्तीमा पसेको पुतली जस्तो मन
पोले पनि बत्तितिरै भागिरहन्छ।
९.
बोल्न सक्दिन फोन नगर मन दुखेको बेला
गालामा नुनिलो पानीले बेस्सरी चुमेको बेला
पुरानै हो आँखाको पानी र दु:ख पोख्ने तरिका
तर पनि गारो नै हुन्छ त्यो पानी नसुकेको बेला।
१०.
किन शिर यसरी झुकाएर बस्छौ
पहिले नै सौभाग्य सुकाएर बस्छौ
आफ्ना पाखुरा नचलाउने अनि
अरुको देखेर मन दुखाएर बस्छौ ।
११.
न काम लाग्ने गरी पैसा दिने मान्छे हुन सकें
न त शीतल मायाले मन छुने गरी रुन सकें
विहानै फूल छोएको वतास चल्दा थाहा पाएँ
त्यसै बितेछ रात न कुनै उज्यालो जून छुन सकें।
१२.
आफन्त ती हुन् जसलाई भेटेर आनन्द हुन्छ
कसैको कुराले त मुटुको धडकन बन्द हुन्छ
संसार रङ्गीन देखिन्छ चङ्गा मनले नियाल्दा
बुझ्नेलाई चराको प्रत्येक चिरबिरमा छन्द हुन्छ।
१३.
आजभोलि पराइसित बोल्न मन लाग्दैन
भ्रमको आगोमा मन पोल्न मन लाग्दैन
आफ्नो लागि सबै प्रिय हुने यो संसारमा
कसैसित भित्री कुरा खोल्न मन लाग्दैन।
१४.
सुतें भने पनि सपनाले उठाइदिन्छ
उठें भने पनि सम्झनाले रुवाइदिन्छ
अपराध गर्दैछन् यादहरू सधैँ जसो
थाहा छैन यो मन कस्ले बुझाइदिन्छ।
१५.
सम्बन्धमा बाँधिएको प्रेम निरस हुँदोरहेछ
सम्बन्धमा नबाँधिएको प्रेम विवश हुँदोरहेछ
प्रणय निवेदनका कलाहरू मुस्कुराए पनि
निवेदन नै नगरिएको प्रेम सरस हुँदोरहेछ।
काठमाडाै
मकवानपुर । मकवानपुरको बागमतीमा जारी चौथो बागमती गोल्डकप फुटबल प्रतियोगितामा मंगलबार भएको खेलमा बागमती युवा क्लब सर्लाहीले हिमालयन शेर्पा क्लब काठमाडाैंलाई ३–२ गाेल अन्तरले पराजित गर्दै सेमिफाइनलको स्थान सुरक्षित गरेको हो ।
जनता माबिको खेल मैदानमा भएको खेलको २७ औं मिनेटमा सर्लाहीका तर्फबाट जर्सी नम्बर १२ का म्याक्सकोलले गोल गर्दै सर्लाहीलाई सुरुआती अग्रता दिलाएका थिए।
त्यसपछि जर्सी नम्बर १३ का बिमल घिसिङले धेरै पटक गोल गर्ने प्रयास गर्दा समेत घिसिङले गरेको प्रहार गोलरक्षकले बचाएका थिए। पुन खेलको ३२औं मिनेटमा घिसिङले १ गोल गर्दै टिमलाई अगाडि बढाएका थिए ।।
खेलको दोस्रो हाफको पहिलो गोल हिमालयन शेर्पाका जर्सी नम्बर १७ का रबि रानाले एक गोल गरेका थिए । त्यस लगतै सर्लाहीका तर्फबाट ११ औं मिनेटमा जर्सी नम्बर २३ का मास कोइलले थप एक गोल गर्दै ३:१ गोलले अगाडि बढाएका थिए । पुनः जर्सी नम्बर ११ का बन्तमान राईले १५ औं मिनेटमा गरेको थप १ गोल नै हिमालयनको लागि अन्तिम गोल रह्यो ।
खेलमा उत्कृष्ट प्रदर्शन गरेका सर्लाहीका बिमल घिसिङ म्यान अफ दी म्याच घोषित भए। उनले ५ हजार रुपैयाँ प्राप्त गरे। अब सर्लाहीले एपीएफ र थ्रीस्टारको बिजेता सङ्ग सेमिफाइनलमा सामना गर्नेछ ।
प्रतियोगिता अन्तरगत १८ गते बुधबार जाबलाखेल युथ क्लब, ललितपुर र नव जनजागृति युवा क्लब सिमरा बारा बीच खेल हुने आयोजकले जनाएको छ ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ । प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।
प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।
यस अघी भएकाे पहिलो बागमती गोल्ड कप को उपाधी हरिहरपुर गाउँपालिका, सिन्धुली तथा दोस्रो र तेस्रो बागमती गोल्ड कपको उपाधी सरस्वती क्लब काठमाडौं ले पोल्टामा पारेका थिए ।
मकवानपुर । मेगा बैंक नेपाल लिमिटेडले अटो रिक्सा खरिद गरी आफै सञ्चालन गर्ने चालकहरुका लागि विशेष सुविधा ल्याएको छ ।
मेगा बैंक र हन्सराज हुलासचन्द एण्ड कम्पनीबीच तीन पांग्रे अटो रिक्सा खरिद गरी आफै सञ्चालन गर्ने चालकहरुका लागि रिक्सा नै धितो राखी कर्जा दिने सम्झौता भएको हो । सम्झौतामा मेगा बैंककी प्रमुख कार्यकारी अधिकृत अनुपमा खुञ्जेली र हन्सराज हुलासचन्द एण्ड कम्पनी प्राइभेट लिमिटेडका सञ्चालक अभिमन्यू गोल्छाले हस्ताक्षर गरेका छन्।
विपन्न तथा न्यून आय भएका रिक्सा चालकहरुलाई उद्यमी बनाउने उद्देश्यले सम्झौता गरिएको हो । रिक्सा चालकहरुले आफ्नै स्वामित्वमा तीन पाङग्रे अटो रिक्सा खरिद गरी आफै सञ्चालन गर्नुपर्नेछ । कर्जाकाे लागि रिक्सा धितो राखे पुग्ने मेगा बैकले जनाएकाे छ । मेगा बैंककी सिइओ खुञ्जेलीले अटो रिक्सा खरिद गरी आर्थिक उपार्जन गर्न चाहने न्यून आय भएका धेरै भन्दा धेरै व्यक्तिहरुलाई देशभरका शाखा कार्यालयबाट छिटोछरितो ढंगले सर्वसुलभ व्याजदरमा कर्जा उपलब्ध गराइने बताइन् ।
नेपाल राष्ट्र बैंकको विपन्न वर्ग कर्जा निर्देशिका तथा बैंकको सरल कर्जा एवं सहुलियतपूर्ण ब्याज अनुदान कर्जा कार्यविधिको अधिनमा रही अटो रिक्सा खरिद गरी सञ्चालन गर्न चाहने चालकहरुलाई मेगा बैंकले यो कर्जा प्रदान गर्नेछ भएकाे हाे ।
- प्रसुन घिमिरे
१.
निराशाको हुरी मनमा चल्न थाले पछि
पिडाको अागो मनमा बल्न थाले पछि
सम्बन्धहरु सबै फिक्का हुँदा रै छन
अवसर खोजी खोजी नुनचुक दल्न थाले पछि ।
२.
मन पर्ने र पराउनेको बजार छ यहाँ
तिमीलाई मन पराउने हजार छ यहाँ
तिम्रो मन मन्दिरको पुजारी म हुन
तिम्रो पाइलै पिच्छे मेरो नजर छ यहाँ ।
३.
यो दिलमा तिम्रो नाम लेखुँ लेखुँ भा’छ
सपनीमा पनि तिमीलाई देखुँ देखुँ भा’छ
सपनीमा बिपनिमा तिम्रै झल्को आउँछ
हातमा फुल लिइ बाटो छेकौं छेकौं भा’छ ।
४.
जिन्दावाद र मुर्दावादको नारा अति भो
वाक्क दिक्क भइसके सारा अति भो
हानथाप र लुछाचुँडी कतिन्जेल हो यस्तो
बङ्ग्याउने कोही नङ्गयाउने पारा अति भो ।
५.
सुवास चाहिँदैन महामहिम आवास भए पुग्छ
आश नबाँड महामहिम दुई छाक गाँस भए पुग्छ
शान्ति र अमन चयन आउने आश मर्यो अब
मलमल गद्द्दा चाहिँदैन महामहिम कपास भए पुग्छ ।
६.
तिमीले दियौ खाएँ,खा’को नुन तिर्नु छ मैले
जीवन कि मरण हुँदा पा’को खुन तिर्नु छ मैले
हरेक कठिनाइमा हातमा हात दिन त नसकुँला
दु:खमा पर्दा तिमीले ला’को गुन तिर्नु छ मैले ।
७.
मुटुनै चुँडिए झैं घाउमा छन् कोही
किनारा नभेटिने नाउमा छन् कोही
आफु रहे देश न हो अरुकाे के मतलब
घर भत्काई गोठ बनाउने दाउमा छन् कोही ।
८.
धन जोख्ने तुलो त किनें हजारमा
मन जोख्ने तुलो किन्न पाईंन बजारमा
धन ठुलो कि मन ठुलो सकिन ठम्याउन ?
भन्न त मनै ठुलो भन्छन् प्रचारमा ।
९.
बाहाना बद्लिएछ थाहा भयो आज
चाहना बद्लिएछ थाहा भयो आज
हिजो सम्म गुन्द्रुक र ढिंडो भए ठिक्थ्यो
जमाना बद्लिएछ थाहा भयो आज ।
१०.
जुनी जुनी अमर हुने माया लाए पछि
सँगै बाच्ने सँगै मर्ने कसम खाए पछि
म त यसै दङ्ग छु खुशीको त के कुरा
आयु बढोस् भन्दै तिमीले मन्दिर धाए पछि ।
हर्नामाडी हेटाैडा १८, मकवानपुर