मकवानपुर । आज विहानै देखि मकवानपुर सहित देशका विभिन्न स्थानमा वर्षा भइरहेको छ । स्थानीय वायु र पश्चिमी वायुको प्रभावका कारण प्रदेश २, बागमती प्रदेश, कर्णाली प्रदेश, गण्डकी प्रदेश र सुदूर पश्चिम प्रदेशमा सामान्यदेखि पूर्ण बदली र अन्य प्रदेशहरूमा आंशिकदेखि सामान्य बदली रहेको जल तथा मौसम विज्ञान विभाग मौसम पूर्वानुमान महाशाखाले जनाएकाे छ ।
विहीबार दिउँसो देशभर आंशिकदेखि सामान्य बदली रही सुदूरपश्चिम प्रदेश, कर्णाली प्रदेश, गण्डकी प्रदेश र बागमती प्रदेशका केही स्थानहरू तथा अन्य प्रदेशका पहाडी भू–भागका थोरै स्थानमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेको छ । देशका केही स्थानहरूमा तुवाँलोको सम्भावना पनि रहेको महाशाखाले जनाएकाे छ।
यसै गरी आज राति देशभर पहाडी भू–भागहरूमा आंशिकदेखि सामान्य बदली रही पहाडी भू–भागका थोरै स्थानहरूमा मेघगर्जन/चट्याङ्ग/हावाहुरीसहित क्षणिक हल्का वर्षाको सम्भावना रहेको छ ।
चैत १० गते शुक्रवार दिउँसो देशको सुदूरपश्चिम प्रदेश, कर्णाली प्रदेश तथा गण्डकी प्रदेशका भू–भागमा आंशिकदेखि सामान्य बदली र अन्य पहाडी भू–भागहरूमा आंशिक बदली रहनेछ । सुदूरपश्चिम प्रदेश, कर्णाली तथा गण्डकी प्रदेशका पहाडी भू–भागहरूका थोरै स्थानहरूमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेको छ ।
शुक्रवार राती देशको सुदूरपश्चिम प्रदेश र कर्णाली प्रदेशका भूभागहरूमा आंशिकदेखि सामान्य बदली तथा बाँकी प्रदेशका पहाडी भूभागहरूमा आंशिक बदली रही थोरै स्थानहरूमा मेघगर्जन/चट्याङ्ग/हावाहुरीसहित हल्का वर्षाको सम्भावना रहेको महाशाखाले जारी गरेकाे माैसम पूर्वानुमान वुलेटिनमा जनाएकाे छ ।
चैत ११ गते शनिवार बिहान देशभर आंशिकदेखि सामान्य बदली रही बागमती प्रदेश, सुदूरपश्चिम प्रदेश, कर्णाली प्रदेश र गण्डकी प्रदेशका केही र बाँकी प्रदेशहरूका थोरै स्थानहरूमा मेघगर्जन/चट्याङ्ग/हावाहुरीसहित हल्का वर्षाको सम्भावना रहेको छ । यस्तै राती देशका पहाडी भू-भागमा आंशिकदेखि सामान्य बदली रही अन्य भू-भागमा आंशिक बदली रहनेछ।
जल तथा मौसम विज्ञान विभागको मौसम पूर्वानुमान महाशाखाले आगामी २४ घण्टामा प्रदेश २, बागमती प्रदेश, कर्णाली प्रदेश, गण्डकी प्रदेश र सुदूरपश्चिम प्रदेशका केही र बाँकी प्रदेशहरूका थोरै स्थानहरूमा मेघगर्जन/चट्याङ्ग/हावाहुरीसहित क्षणिक वर्षाको सम्भावना रहेकोले आवश्यक सतर्कता अपनाउन आग्रह गरेको छ ।
आगामी तीन दिनको मौसम पूर्वानुमान (२०७८/०१/०९ देखि २०७८/०१/११)
नेपाल सरकार
ऊर्जा, जलस्रोत तथा सिंचाई मन्त्रालय
जल तथा मौसम विज्ञान विभाग
मौसम पूर्वानुमान महाशाखा
मौसम पूर्वानुमान बुलेटिन (Weather Forecast Bulletin)
(जारी मिति: २०७८/०१/०९ बिहान ६:०० बजे)
मौसम विश्लेषण (Meteorological Analysis):
हाल देशमा स्थानीय वायु र पश्चिमी वायुको प्रभाव रहको छ ।
हाल मौसमको अवस्था (Present Weather Status):
देशको प्रदेश २, बागमती प्रदेश, कर्णाली प्रदेश, गण्डकी प्रदेश र सुदुर पश्चिम प्रदेशमा सामान्य देखि पूर्ण बदली र अन्य प्रदेशहरुमा आशिक देखि सामान्य बदली रहेको छ ।
आगामी तीन दिनको मौसम पूर्वानुमान
२०७८ बैशाख ९ गते (बिहीबार)
दिउँसो: देशभर आँशिक देखि सामान्य बदली रही सुदुर पश्चिम प्रदेश, कर्णाली प्रदेश, गण्डकी प्रदेश र बागमती प्रदेशका केही स्थानहरु तथा अन्य प्रदेशका पहाडी भू-भागका थोरै स्थानमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ । देशका केही स्थानहरुमा तुवाँलोको सम्भावना छ।
राती: देशभर पहाडी भू-भागहरुमा आँशिक देखि सामान्य बदली रही पहाडी भू-भागका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
२०७८ बैशाख १० गते (शुक्रबार)
दिउँसोः देशको सुदुरपश्चिम प्रदेश, कर्णाली प्रदेश तथा गण्डकी प्रदेशका भू-भागमा आशिक देखि सामान्य बदली र अन्य पहाडी भू-भागहरुमा आंशिक बदली रहनेछ । सुदुरपश्चिम प्रदेश, कर्णाली तथा गण्डकी प्रदेशका पहाडी भू-भागहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
राती: देशको सुदुरपश्चिम प्रदेश र कर्णाली प्रदेशका भूभागहरुमा आँशिक देखि सामान्य बदली तथा बाँकी प्रदेशका पहाडी भूभागहरुमा आँशिक बदली रही थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
२०७८ बैशाख ११ गते (शनिबार)
बिहान: देशभर आँशिक देखि सामान्य बदली रही बागमती प्रदेश , सुदुर पश्चिम प्रदेश, कर्णाली प्रदेश र गण्डकी प्रदेशका केही र बाँकि प्रदेशहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको छ ।
राति: देशका पहाडी भू-भागमा आँशिक देखि सामान्य बदली रही अन्य भू-भागमा आंशिक बदली रहनेछ।
आगामी २४ घण्टाका लागि चेतावनी तथा परामर्श (Warning/Advisory for next 24 hours)
प्रदेश २, बागमती प्रदेश, कर्णाली प्रदेश, गण्डकी प्रदेश र सुदुर पश्चिम प्रदेशका केही र बाँकि प्रदेशहरुका थोरै स्थानहरुमा मेघगर्जन/चट्टयाङ्ग/हावाहुरी सहित क्षणिक/हल्का वर्षाको सम्भावना रहेको हुनाले आवश्यक सतर्कता अपनाउन हुन अनुरोध छ ।
मकवानपुर । नेपालमा पछिल्लो २४ घण्टामा थप २ हजार ३ सय ५१ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पीसीआर विधिबाट २ हजार २ सय २० जना र एन्टिजेन विधिबाट १ सय ३१ जनामा संक्रमण पुष्टि भएको हो ।
काेराेना पुष्टि भएका मध्य १ हजार ५१ जना काठमाडौँ उपत्यकाका रहेका छन्। पछिल्लो २४ घण्टामा ८ हजार ८ सय ४४ परीक्षणको पीसीआर र ८ सय ३ जनाको एन्टिजेन परीक्षण भएको छ । हाल देशभर सक्रिय संक्रमितको संख्या १० हजार ५ सय ८२ रहेकाे छ ।
मकवानपुरमा बुधबार २५ जनामा कोरोना संक्रमण
मकवानपुर जिल्लामा बुधबार थप २५ जनामा कोरोना भाइरस संक्रमण पुष्टि भएको छ । संक्रमित मध्यमा एक जना ५ वर्षिय वालक समेत रहेका छन् ।
कोरोना संक्रमित मध्य २४ जना हेटौंडा उपमहानगरपालिका क्षेत्रका र एक जना कैलाश गाउँपालिकाको रहेको उपमहानगरपालिकाका जनस्वास्थ्य निरिक्षक भोला चौलागाईले वताए ।
हाल मकवानपुरमा ७७ जना सक्रिय संक्रमित रहेका छन । मकवानपुरमा हालसम्म ३ हजार ९ सय १२ जना संक्रमित भएका छन् । बुधबार विहान हेटाैडामा १ जना पुरूषकाे काेराेना संक्रमणका कारण निधन भएकाे छ । मकवानपुरमा संक्रमित मध्ये ३३ जनाको ज्यान गएको छ ।
मकवानपुर । मेगा बैंक नेपाल लिमटेड र भोटेवहाल तयारी पोशाक उत्पादन तथा बिक्रेता संघबीच सम्झौता भएकाे छ । मेगा बैंकले विपन्न बर्ग, लघु, घरेलु, साना तथा मझौला उद्यमीहरुकाे ब्यवसाय प्रबर्धन गर्ने उद्धेश्यले भोटबहाल तयारी पोशाक उत्पादन तथा विक्रेता संघसँग सम्झौता गरेको हाे ।
मेगा बैंकले संघ आबद्ध उद्यमीहरुलाई आफ्नो ब्यवसाय विस्तार गर्नको लागि साना तथा मझौला कर्जा एवम् नेपाल राष्ट्र बैंकको सहुलियतपूर्ण ब्याज अनुदान कर्जा निर्देशिका र बैंकको सहुलियतपूर्ण ब्याज अनुदान कर्जा कार्यविधिको अधिनमा रही सहुलियतपूर्ण कर्जा प्रदान गर्नेछ । उद्यमीहरुलाई बैंकको सम्पूर्ण सुविधाहरुका साथै क्युआर कोड पनि वितरण गर्नेछ बैंकले जनाएकाे छ । जसबाट बैंकिङ्ग कारोवार गर्न सहज र सरल हुने बैंकको विश्वास रहेको छ ।
सम्झौता पत्रमा बैंकको नायव प्रमुख कार्यकारी अधिकृत रवीना देशराज श्रेष्ठ र भोटेबहाल तयारी पोशाक उत्पादन तथा बिक्रेता संघका तर्फबाट वरिष्ठ उपाध्यक्ष शान्तामणि रेग्मीले हस्ताक्षर गरेका छन् । मेगा बैंककी नायव प्रमुख कार्यकारी अधिकृत श्रेष्ठले भोटेबहाल वजारका उद्यमीहरुलाई बैंकको नजिकैको शाखा कार्यालयहरुमार्फत छिटो छरितो ढंगले सहुलियतपूर्ण कर्जा प्रदान गर्ने प्रतिबद्धता ब्यक्त गरिन् । संघका वरिष्ठ उपाध्यक्ष रेग्मीले मेगा बैंकले बिनाधितो सहुलियपूर्ण व्याज अनुदान कर्जालाई प्राथमिकताका साथ प्रवाह गर्दै आएकोले मेगासँग सहकार्य गरेको बताए ।
मकवानपुर/ नेकपा माओवादी केन्द्रका हेटौंडा नगर सचिवालय सदस्य विशाल तितुङ्ग नेपाल कम्युनिस्ट पार्टी (एमाले) मा प्रबेश गरेका छन् । हेटौंडा १५ का नेता तितुङ्ग जनयुद्ध कालदेखि माओवादी केन्द्रमा सक्रिय रुपमा काम गर्दै आइरहेका थिए ।
नेता तितुङ्गलाई नेकपा एमाले मकवानपुरका अध्यक्ष एकलाल श्रेष्ठले एमाले पार्टी कार्यालय सानोपोखरामा टीका र माला लगाएर स्वागत गरेका छन् । स्वागत कार्यक्रममा नेकपा एमाले मकवानपुरका सचिवालय सदस्य सुनिल मोक्तान, नवीन सिग्देल, जिल्ला कमिटी सदस्य तथा युवा संघका स्थायी कमिटी सदस्य सन्तोष चौलागाईं, एमाले जिल्ला कमिटि सदस्य शिबहरि दाहाल, युवा संघ मकवानपुर अध्यक्ष लक्ष्मण उप्रेती, एमाले जिल्ला कमिटी सद्स्यहरु इन्द्रमान लामा, बिश्व राइ, सानू लामा, चन्द्र शाही, कृष्ण लामिछाने, एमाले नगर अध्यक्ष शालिकराम पुडासैनी, सचिन लामा, प्रेस चौतारी नेपाल मकवानपुरका सहसंयोजक पुष्पराज अधिकारी लगायतका नेता कार्यकर्ताहरुको उपस्थिति रहेको थियो ।

एमाले प्रवेश गरेका तितुङले आफूले माओवादी परित्याग गरि पार्टीको मुलधारमा आएको बताए । उनले कम्युनिस्ट आन्दोलनलाई अझ बलियो बनाउन नेकपा एमालेमा प्रवेश गरेको र एमालेको विचार र सिद्धान्तलाई आत्मसाथ गर्दै अगाडि बढ्ने बताए ।
विभिन्न समय र कालखण्डमा फरक पार्टीको आस्थामा थिए होला, अब पार्टीको मुलधार नै यही हो भनेर एमालेमा प्रवेश गरेको छु, अब ढुक्क छु’ तितुङ्गले भने ।
कोरोना संक्रमणबाट मकवानपुरमा एक जनाको मृत्यु
Tags: No Comments
मकवानपुर / कोरोना भाइरस (कोभिड–१९)को संक्रमणबाट मकवानपुर जिल्लाको हेटौंडा उपमहानगरपालिका निवासी एक जना पुरुषको मृत्यु भएको छ।
केहि दिन अघि मात्रै कोरोना संक्रमण भएका हेटौंडा –४ कर्रा निवासी ७४ बर्षीय एक पुरुषको आज मृत्यु भएको हो । उनको शवलाई नेपाली सेनाको टोलीले व्यवस्थापन गर्ने तयारी गरेको जनाइएको छ। पछिल्लो समय कोरोनाको दोस्रो लहर सुरु भएपछि मकवानपुरमा कोरोनाबाट मृत्यु हुनेको संख्या पहिलो हो । हालसम्मको पछिल्लो परीक्षणमा ६९ जनामा कोरोना संक्रमण देखिएको छ ।
मृतक संक्रमित संक्रमण पुष्टिभएपछि पनि होम आईसोलेसनमा रहेर चिकित्सकको सल्लाह र परामर्श लिदै उपचाररत रहेको हेटौंडा उपमहानगरपालिकाका जनस्वास्थ्य अधिकृत भोला चौलागाँईले बताए । संक्रमितको संख्या बढ्दै गएपनि सरकारी तवरबाट उपचार कक्षको व्यवस्थापन नहुदा संक्रमित घरमा नै रहेको बताईएको छ ।
हेटौंडामा पहिलो चरणको कोरोना संक्रमण सुरु भएपछि तयार पारिएका गौरीटार र कर्रा आईसोलेसन बन्द भएपछि अहिले अस्पताल परिसरमै आईसोलेसन कक्ष तयार गर्ने बारे छलफल भइरहेको हेटौंडा अस्पताल विकास समितिका अध्यक्ष प्रकाश पौडेलले बताए ।
पठनपाठन बन्द, परीक्षा कार्यक्रम जारी
हेटौंडा उपमहानगरपालिका भित्र रहेको शैक्षिक संस्थाहरुमा बुधबारबाट पठनपाठन बन्द गरिएको छ । हेटौंडाको शैक्षिक संस्थाहरु बन्द गरेर अनलाईन मार्फत कक्षा संचालन गराउन कोभिड–१९ संक्रमण रोकथाम तथा संकट व्यवस्थापन केन्द्रले मंगलबार निर्णय गरेपछि आजबाट विद्यालयहरुमा पठनपाठन बन्द गरिएको हो । यद्यपि पूर्व निर्धारीत परिक्षा कार्यक्रमहरु भने सुचारु नै रहेको छ ।
कोरोना संक्रमण जोखिमका कारण मकवानपुरको हेटौंडा उपमहानगरपालिका भित्रका सार्वजनिक तथा निजी विद्यालय वैशाखभर बन्द हुने छन् । कोभिड–१९ संक्रमण रोकथाम तथा संकट व्यवस्थापन केन्द्र मकवानपुरको मंगलबार बसेको बैठकले गृह मन्त्रालय, शान्ति सुरक्षा तथा अपराध नियन्त्रण शाखाबाट आएका निर्णयहरूलाई जिल्लामा बैसाख ७ गते देखि लागू हुने गरी कार्यान्वयन गर्ने निर्णय गरे गरेको थियो ।
यससंगै हेटौंडा उपमहानगरपालिका भित्रको सार्वजनिक तथा निजी विद्यालयहरु बन्द गरिएको प्रमुख जिल्ला अधिकारी भरतमणी पाण्डेले बताए । प्रमुख जिल्ला अधिकारी पाण्डेको अध्यक्षतामा बसेको बैठकले हेटौंडा भित्रका शैक्षिक संस्था (विद्यालय, कलेज, ट्युशन सेन्टर, तालिम केन्द्र) मा उपस्थित नभई शैक्षिक गतिविधि २०७८ बैशाख मसान्तसम्म अनलाईन कक्षा संचालन गर्ने निर्णय गरेको गरेको हो ।
यसैगरि जिल्लाका ९ स्थानीय तहहरुले आफ्नो स्थानीय तह अन्तर्गतका विद्यालयहरूमा जनस्वास्थ्यका मापदण्डहरू अनिवार्य पालना गराई पठन पाठन गराउन सक्नेछ ।