- आर.सी रिजाल, व्याङ्ग्यकार
देशभक्त शर्माको निधनपछि उनको छोरा पितृभक्त शर्माले कसरी पिताको १३ दिने कर्म गर्छ्न् भन्ने बिषयमा घाटबाटै खुलदुली सुरु भयो। कारण अरुलाई आशौच बार्नुपर्दा उनी -” हाम्रो पुरातन संस्कारमा समयानुकूल परिवर्तन गर्नु पर्ने ” कुराको पक्षमा वकालत गर्थे।
घाटबाट फर्केपछि आफन्त र छरछिमेकीबिच उनले पिताको काजकिरिया पाँच दिनमा टुग्याउने कुरा सुनाए । धेरैले परम्परा नतोड्नुस् भनेर सम्झाए । एकदुई जना नजिकैका नातेदारले त त्यस्तो कर्म गरेमा हामी तिम्रो आगनमा पाइलो टेक्दैनौसमेत भने।
शर्माले -“हेर्नुस् जन्म र मृत्युु प्रकृतिको नियम हो भने संस्कार,परम्परा मानव निर्मित हुन् ।मानवले बनाएका परम्परामा मानवलेनै सुधार गर्न सक्छ।”भने।उनको विचारको सधैं समर्थन गर्ने हुकुमबहादुरले -“हामीले बाबुबाजेले सुनाएको कुरामा पनि ख्याल राख्नु पर्छ। यो संस्कार सुरुमा १३ बर्ष,१३ महिना,६ महिना,४५ दिन हुँदै जुध्दशमशेरको पालाबाट १३ दिनमा झारेको भनी सुन्दै आएका हौं । त्यसैले दिन घटाएर सुधारको बाट अपनाउन समसामयिक ठहर्छ” भने ।
शर्माको काकाले-“सुनेको थियो रे ! जस्ता कुराको पछि नलागौँ। हाम्रो खलकबाट यस्तो उट्पट्याङ कार्यको थालनी गर्ने पक्षमा म समर्थन जनाउदिन ” भने।
शर्माले -“पण्डित माधवराज जोशी ,सहिद शुक्रराज सास्त्रीसहितको आर्य समाजले वैधिक विधि अनुसार ३ दिनमा शुध्दि गर्ने अभियान चलाएका थिए । केही बर्ष अगाडि प्रज्ञाप्रतिष्ठानको संस्कृत समितिले वैदिक बिधिका आधारमा तिनदिने मृत्युसंस्कारलाई उपयुक्त हुने सुझाव दिएको थियो ।त्यस्तै पण्डित रुद्रप्रसाद आचार्य र पारशमणी पोखरेलले पास्कर गृहसुत्रको आधारमा पाँचदिने अन्त्यपद्द्ती अनुसार पहिलो ३ दिनमा १० पिण्ड ,चौथो दिनमा ११ दिनको काम र पाँचौ दिनमा १२ र १३ दिनमा गर्ने कार्य सम्पन्न गर्न सकिन्छ भन्नुभएको छ।” भने।
काका चाहिँले -” दुईचार हावादारीका लठुवाका उदाहरण दिएर समाज भाँडने कुरा अगाडि सारेर आशोच छोट्याउने कुरा नगर”भनी हकारे। ” सुन्नुस् काका – एकदुई बर्षभित्रको कुरा गर्छु।डाक्टर उपेन्द्र देवकोटाको ७ दिनमा आशोच कर्म गरियो। हास्यकलाकार मदनकृष्ण श्रेष्ठले पत्नी यसोदा सुवेदीको पाँच दिनमा कार्य सिध्याए । यस्तो बाटो पछ्याउने धेरै छ्न् । त्यसैले कुरा काट्ने काटी रहन्छन् । उहि कुकुर घुक्दै गर्छ,हात्ती अगाडि बढ्दै जान्छ भनेझैँ। म त पाँचौं दिनमा कर्म टुङ्याउछु।”
” मलाई कुकुर भनिस् “भन्दै काका रिसाएर हिँडेपछि त्यहा उपस्थित प्रायः बुढापाकाहरु लाखापाखा लागे । युवाहरुले – “शर्मा दाइ तपाईंले सुधारसहितको राम्रो संस्कारको कुरा उठाउन भयो। दुईचार अक्षर पढेका हामी शिक्षित भनाउदाले नै हो संस्कारमा सुधार गर्दै लाने हो।हामीहरु तपाईंको साथमा छौँ ” भन्दै शर्माको हौसला बढाए।
हेटाैडा, मकवानपुर
मकवानपुर । प्रधानमन्त्री केपी शर्मा ओलीले शुक्रबार राष्ट्रका नाममा सम्बोधन गरेका छन्। प्रधानमन्त्री ओलीले निर्वाचनका लागि सबै दललाई सरकारमा सहभागी हुन आग्रह गरेका छन् । जनतामा जाने कुरा लोकतन्त्रको विरुद्ध हुनै नसक्ने सम्बाेधनका क्रममा प्रधानमन्त्री ओलीले भनेका छन् । प्रधानमन्त्री ओलीले निर्वाचनमा जानुलाई प्रतिगमन भन्न नमिल्ने भन्दै ताजा जनादेशलाई अस्वीकार नगर्न आग्रहसमेत गरे ।
हेर्नुहोस् प्रधानमन्त्री केपी शर्मा ओलीले राष्ट्रका नाममा गरेको सम्बोधनको पूर्ण पाठ
मकवानपुर । शुक्रबार विहानबाट मकवानपुर सहित देशका अन्य भूभागमा सामान्य देखि पूर्ण वदली भइ वर्षा भईरहेको छ । धेरै स्थानहरूमा मेघगर्जन / चट्याङ /हावाहुरी सहित हल्का देखि मध्यम वर्षा भइरहेकाे जल तथा माैसम विज्ञान विभाग माैसम पूर्वानुमान महाशाखाले जनाएकाे छ ।
मौसम पुर्वानुमान महाशाखाका अनुसार हाल देशमा चक्रवात ‘यास’ पश्चिम उत्तर-पश्चिम सर्ने क्रममा कमजोर भई बनेको न्यून चापीय क्षेत्रको प्रभाव रहेकोले सामान्य तथा पूर्ण वर्षा भएकाे हाे ।
प्रदेश १, प्रदेश २, बाग्मती, गण्डकी, लुम्बिनी र कर्णाली प्रदेशका धेरै स्थानहरूमा र बाँकी प्रदेशको एक वा दुइ स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको महाशाखाले जनाएकाे छ ।
प्रदेश १, प्रदेश २, बाग्मती, गण्डकी र लुम्बिनी प्रदेशका केहि स्थानहरूमा भारी वर्षा, उच्च बेगको हावाहुरि र १/२ स्थानमा अति भारी वर्षाको सम्भावना रहेको छ।गण्डकी, बागमती प्रदेश र प्रदेश १ का उच्च हिमाली/पहाडी भूभागका केहि स्थानहरुमा हल्का देखि मध्यम हिमपात/वर्षा को सम्भावना रहेकाले आवश्यक सतर्कता अपनाउन समेत महाशाखाले अनुरोध गरेकाे छ।
३ दिनको मौसम पूर्वानुमान
जेठ १४ गते शुक्रबार देशभर सामान्य देखि पूर्ण बदलि रहि धेरै स्थानहरूमा मेघगर्जन / चट्याङ /हावाहुरी सहित हल्का देखि मध्यम वर्षा को सम्भावना रहेको छ। प्रदेश १, प्रदेश २, बाग्मती, गण्डकी र लुम्बिनी प्रदेशका केहि स्थानहरूमा भारी / अति भारी वर्षा र उच्च बेगको हावाहुरिको सम्भावना रहेको माैशम पूर्वानुमान महाशाखाले जनाएकाे छ। उच्च हिमाली/पहाडी भूभागका धेरै स्थानहरुमा हल्का देखि मध्यम हिमपात/वर्षा र गण्डकी प्रदेशका केहि स्थानहरूमा बागमती प्रदेश, प्रदेश १ तथा सुदुर-पश्चिम प्रदेशका उच्च हिमाली/पहाडी भूभागका १/२ स्थानमा भारी हिमपातको सम्भावना रहेको छ।
जेठ १५ गते शनिबार देशभर आंशिक देखि सामान्य बदलि रहि केहि स्थानहरूमा मेघगर्जन / चट्याङ /हावाहुरी सहित हल्का देखि मध्यम वर्षा को सम्भावना रहेको छ।प्रदेश १,गण्डकी र लुम्बिनी प्रदेशका केहि स्थानहरुमा भारी वर्षाको समेत सम्भावना रहेको छ।
जेठ १६ गते आइतबार देशभर आंशिक देखि सामान्य बदलि रहि बाग्मती र लुम्बिनी प्रदेशका थोरै स्थानहरूमा मेघगर्जन / चट्याङ /हावाहुरी सहित हल्का देखि मध्यम वर्षा को सम्भावना रहेको छ।बाग्मती र लुम्बिनी प्रदेशका १/२ स्थानहरुमा भारी वर्षाको समेत सम्भावना रहेको छ।
मकवानपुर । नेपालमा पछिल्लो २४ घण्टामा थप ७ हजार २ सय २६ जना कोरोना भाइरस संक्रमणमुक्त भएका छन्।
स्वास्थ्य तथा जनसंख्या मन्त्रालयका पछिल्लाे २४ घण्टामा थप ६ हजार ९ सय ३९ जना नयाँ संक्रमित थपिएका छन् । २० हजार ४ सय १४ पीसीआर परीक्षणमा ६ हजार ७ सय ३१ र ५ सय ७८ एन्टिजेन परीक्षणमा २ सय ८ जना नयाँ संक्रमित थपिएका छन् ।
योसँगै नेपालमा कोरोना भाइरस संक्रमितको कुल संख्या ५ लाख ४२ हजार २ सय ५६ पुगेको छ । जसमध्ये १ लाख १६ हजार ४ सय ७६ जना सक्रिय संक्रमित रहेका स्वास्थ्य मन्त्रालयले जानकारी दिएकाे छ ।
पछिल्लो २४ घण्टामा कोरोना भाइरस संक्रमणका कारण १ सय ६ जनाको मृत्यु भएको मन्त्रालयले जनाएको छ । योसँगै नेपालमा कोरोना भाइरस संक्रमणका कारण मृत्यु हुनेको संख्या ६ हजार ९ सय ५१ पुगेको छ ।
मकवानपुरमा १ सय ९९ जना कोरोना मुक्त
पछिल्लो २४ घण्टामा मकवानपुरमा थप १ सय १९ जना काेराेना संक्रमण मुक्त भएका छन् । होम आइसोलेसनबाट १ सय ८२ र आइसोलेसनबाट १८ जना कोरोना संक्रमण मुक्त भएका हुन् । यो संगै मकवानपुरमा कोरोना संक्रमण मुक्त हुनेकाे संख्या ५ हजार ६ सय ८१ जना पुगेको स्वास्थ्य कार्यालयले जनाएकाे छ ।
यस्तै पछिल्लो २४ घण्टामा ३ सय १५ पीसीआर र एन्टीजेन विधिबाट परीक्षण गर्दा जिल्लामा थप १ सय ५१ जनामा कोरोना पुष्टि भएको कार्यालयले जानकारी दिएकाे हाे । यो संगै मकवानपुरमा हालसम्म कोरोना पुष्टि हुनेको संख्या ८ हजार २ सय १३ पुगेको छ । जिल्लामा अहिलेसम्म २ हजार ४ सय ४४ जना सक्रिय संक्रमित छन् । हालसम्म जिल्लामा कोरोना पुष्टि भएका ८४ जनाको मृत्यु भएकाे छ ।
२ जनाकाे मृत्यु
विहीबार मकवानपुरमा कोरोना भाइरस संक्रमण पुष्टि भएका हेटौंडा अस्पतालमा १ पुरुष र मनहरी कोभिड अस्पतालमा १ महिला गरी २ जनाको मृत्यु भएको छ ।
मदन भण्डारी स्वास्थ्य विज्ञान प्रतिष्ठान हेटौंडा अस्पतालमा उपचाररत बाराको निजगढ नगरपालिका वडा नम्बर–९ बस्ने ४९ वर्षका पुरुषको विहान ७ बजे निधन भएको अस्पतालका कोभिड इन्चार्ज डा. सागर काफ्लेले जानकारी दिए ।
त्यस्तै मनहरीको कोभिड अस्पतालमा मनहरी गाउँपालिका वडा नम्बर–७ रमन्टारकी ५० वर्षकी महिलाको मृत्यु भएको गाउँपालिका अध्यक्ष एकराज उप्रेतीले बताए ।
बन्द काेठा भित्रबाट
सबैलाई लेखेकाेछु
बिपनीमा नभेटेनि
सपनिमा देखेकाेछु
बन्दिभई बसेकाे छु
निसास्सिंदै हावाबिना
काेराेनाकाे कहरमा
भाेलि देख्ने दावाबिना
आसागराैं भेटहाेला
प्राणवायु पाएँ भने
काेराेनकाे कालबाट
उम्किएर आएँ भने
मरेकाे त छैन
अझै हिम्मत र आस पनि
तर पनि लाग्दाेरैछ
कताकता त्रास पनि
घरभित्रै बसाैं सबै
काम धेरै भएपनि
बाच्नेले त हाेसगराैं
मर्ने मरी गएपनि
कहीं कतै कसैलाई
लाग्नहुन्न ब्याधीहरु
सुरक्षित भईबसाैं
हटिजान्छ आँधिहरु।।
रचनाकाल २०७८/२/७
हर्नामाडी मकवानपुर हाल काठमाडाै