मकवानपुर । हिंसा र हिंसाको प्रकार, लैगिंक हिंसाको परिभाषाले समेटेको विषयवस्तुहुरु, महिला तथा घरेलु हिंसा, किशोरिहरुको महिनावारीका बेलामा बिद्यलयमा भएको हाजिरको अबस्था र समस्याको समाधानमा अभिभाबकको भूमिका बारे चर्च गरिएको छ ।
लैङ्गिक हिंसा बिरुद्ध १६ दिने अभियान अन्तरगत शिक्षाको लागि राष्ट्रिय अभियान नेपाल जिल्ला संजाल मकवानपुरको आयोजनामा साथै एस्थर बेन्जामिन स्मृती संस्था, बाल कल्याण समाजमकबानपुर र मेन र्ईगेज एलायन्स नेपाल मकवानपुरको समन्वयमा मकवानपुर जिल्लाको मनहरी गाउपालिका ६ को डिपाटमा लैङ्गिक समानताको लागी शिक्षाको भुमिका बिषयक अन्तरकृया कार्यक्रममा यस्तो चर्चा गरिएको हो ।
कार्यक्रममा बालबालिकाको शिक्षा को अधिकार, हिंसाका कारण र निबारणको उपायहरु, बिपदको समयमाबालिकामाहुन सक्ने हिंसाको संबोधन कसरी गर्ने, हिंसा अन्त्यका लागि शिक्षाको महत्व, शिक्षामा बन्चितिकरणमा पर्नुको कारण बारे पनि चर्चा गरिएको थियो ।
यसैगरी नेपालको संबिधानमा महिलाको अधिकार र शिक्षाको अधिकार, दिगो विकास लक्ष्य ४ र ५ का बारेमा प्रस्ट्याएको थिए । घरैबाट सुरु गरौ, महिला हिंसा अन्त्य गरौ भन्ने मुल नाराका साथ संचालन भएको छलफल तथा अन्तरक्रिया कार्यक्रममा शिक्षाको लागि राष्ट्रिय अभियान नेपालका बागमती प्रदेश संयोजक प्रकाश खतिवडाको प्रमुख आतिथ्य र शिक्षाको लागि राष्ट्रिय अभियान नेपाल जिल्ला संजाल मकवनपुर का संयोजक बुद्ध बिर लामाको सभाध्यक्षतामा कार्यक्रम भएको थियो ।
कार्यक्रममा जनजाती उत्थान प्रा।बि।का प्रधानाध्यापक देबराज प्रजा, शिक्षि बिष्णु मुक्तान, डिपाट सामुदायिक बन उपभोक्ता समिती अध्यक्ष डम्बर बहादुर मुक्तान, सामाजिक अभियन्ता हरि बहादुर लोप्चन, स्थानीय महिला अधिकारकर्मी उर्मिला लो, ईश्वरि माया प्रजा, तथा अभियन्ताहरु राजन प्रजा, अनु प्रजा, को समेत उपस्थिती रहेको थियो ।
कार्यक्रममा मनहरि गाउपालिकाको लैगिंक हिंसा बढि भएका क्षेत्रका, शिक्षाबाट बन्चितीकरणमा परेका समुदाय र चेपागं, जनजाती तथा सिमान्तकृत समुदायका अगुवा ब्यक्तित्वहरुको समेत उपस्थिती रहेको थियो ।
कार्यक्रममा शिक्षाको लागि राष्ट्रिय अभियान नेपालका बागमती प्रदेश संयोजक तथा मेन ईंगेज एलायन्स मकवनपुरका संयोजक प्रकाश खतिवडाले सहजिकरण गरेका थिए ।
बालबालिकालाई बिधालय भर्ना को लागि अभिभाबकको भुमिका, बिधालयमा बालबालिकाको पढाई छोड्ने दर घटाउन अभिभाबकको भुमिका, महिला हिंसा अन्त्य गर्न र महिलालाई सम्मानित जीवन यापन गराउन पुरुषको भुमिका बारेमा समुह कार्य समेत गरिएको थियो ।
मकवानपुर । मंसिर १८ गते शनिबार सम्पन्न नेपाली कांग्रेस बागमती प्रदेशको पदाधिकारीको निर्वाचनको नतिजा सार्वजनिक भएको छ । सोमबार राति सम्पन्न मतगणनाअनुसार कांग्रेस बागमती प्रदेश उप–सभापतिमा मोहन बस्नेत र चन्द्र महर्जन विजयी भएका छन् । बस्नेत र महर्जन क्रमशः १ हजार ५९ र १ हजार ३७ मतसहित उपसभापतिमा विजयी भएका हुन् ।
उक्त पदका लागि चार जनाको उम्मेदवारी परेको थियो । उम्मेदवारी परेकामध्ये धर्मराम गौतम १ हजार ४ र राजेन्द्रप्रसाद बुर्लाकोटी ८३९ मत प्राप्त गरी पराजित भएका छन् । यसैगरी, महामन्त्रीमा कन्चन चन्द्र बादे ९ सय ९५ र राजु श्रेष्ठ ९सय १० मतसहित विजयी भएका छन् । सो पदका लागि ६ जनाको उम्मेदवारी परेको थियो । जसमा माइकल रामचन्द्र अर्याल ८ सय ९९, तिलकप्रसाद रुवारी ७ सय ६०, गौरीप्रसाद दवाडी १ सय ८८ र सुरेश श्रेष्ठ १ सय ६३ मतसहित पराजित भएका छन् ।
यस्तै, महिलातर्फकोे सह–महामन्त्रीमा जीवन डंगोल विजयी भएका छन् । उनी ९ सय ४९ मतसहित महामन्त्रीमा विजयी भएका हुन् । सो पदका लागि ३ जनाको उम्मेदवारी परेको थियो । जसमा निर्मला वस्तकोटी (निरु खड्का) ७ सय ८६ र मोतिमाया तामाङ २ सय १८ मतसहित पराजित भएका छन् । यसैगरी, खुल्लातर्फको सह–महामन्त्रीमा ऋषिराम घिमिरे र हरिशरण श्रेष्ठ विजयी भएका छन् । उनीहरु क्रमशः ९ सय १६ र ८ सय ३९ मतसहित विजयी भएका हुन् ।
उक्त पदका लागि ७ जनाको उम्मेदवारी परेको थियो । जसमा बिरबहादुर तामाङ ८ सय ३५, महेन्द्र थिङ ८ सय १, राजकुमार पाठक २सय १७, जगन्नाथ धिमाल १ सय ५४ र जयनारायण सापकोटा ८५ मतसहित पराजित भएका छन् । कांग्रेस बागमतीको सभापतिमा भने इन्द्रबहादुर बानियाँ जगदिश नरसिंह केसीलाई हराउदै विजयी भएका छन् ।
मकवानपुर / नेपाली कांग्रेसको बागमती प्रदेशको सभापतिमा इन्द्रबहादुर बानियाँलाई सिटौला समूहका उम्मेदवार भीमसेन दास प्रधानले समर्थन गरेका छन् ।
सभापतिको उम्मेदवार प्रधानले आफ्नो समर्थन बानियाँलाई दिएका हुन् । हिजो भएको मतदानमा उनले तेस्रो स्थानमा नतिजा ल्याएका थिए । दोस्रो चरणको निर्वाचनमा उनले बानियाँलाई साथ दिनेबारे पत्रकार सम्मेलन गरेर बताएका हुन् ।
पत्रकार सम्मेलन गर्दै प्रधानले लोकतान्त्रिक प्रक्रियामा आफु पराजित भएता पनि अबको साथ सहयोग बानियाँलाई रहने बताए ।
आफुलाई अमुल्य मतदान गर्ने साथीहरुलाई धन्यवाद दिदैं अब बानियाँलाई सबैले मतदान गरी विजयी गराउन आग्रह समेत गरे । “एकता र सहमतिको लागि सन्देश दिन मेरो समर्थन बानियाँ रहेको छ” उनले भने । उनले विपीको सिन्द्धातमा रहने आफु जहिले पनि लोकतन्त्रमा विश्वास रहेको बताए ।
पत्रकार सम्मेलनमा केन्द्रीय सहमहामन्त्री प्रकाशशरण महत, केन्द्रीय सदस्य महालक्ष्मी डिना उपाध्याय, बहादुर सिं तामाङ लगायतका नेता तथा प्रनिनिधिहरुको उपस्थिती रहेको थियो ।
निर्वाचन समितिका अनुसार दोस्रो चरणको सभापतिको मतदान साढे ११ बजेबाट सुरूहुने तालिका रहेता पनि १ बजेबाट सुरु भएको छ ।
मकवानपुर / सभापतिको हुनको लागि बिधानत: खसेको मतको ५१ प्रतिशत मत प्राप्त हुनुपर्नेमा त्यसो नभएपछि नेपाली काँग्रेस बागमतीको सभापतिको लागि आज आइतबार पुन: मतदान हुने भएको छ ।
शनिबार मध्यरातमा सकिएको मतदान र त्यसपछिको मतपरिणाम अनुसार नेपाली कांग्रेस बागमती प्रदेश सभापतिमा ईन्द्रबहादुर बानियाँले बढि मत ल्याएका छन् । तर उनको मतले पनि कुल खसेको मतको ५१ प्रतिशत भ्याएन ।
सभापतिमा पहिलो हुने बानियाँले ९९२ मत ल्याएका छन् भने दोस्रो हुने जगदिश्वर नरसिंह केसीले ८७२ मत ल्याएका छन् । तेस्रो हुने भीमसेन दास प्रधानले १९७ मत ल्याए ।
सबैभन्दा बढि मत ल्याएका बानियाँले ४७.६२ प्रतिशत मत ल्याए । कांग्रेसको विधानमा सभापतिमा खसेको मतको ५१ प्रतिशत मत ल्याउनुपर्ने प्रावधान अनुसार सभापतिमा पुन: मतदान हुने भएको हो ।
पुनः मतदान आइतबार हुने निर्वाचन अधिकृतको कार्यालयले जनाएको छ । कुल २ हजार १ सय ५१ मतमध्ये २०८३ मत खसेको थियाे । (तस्बिर:हिमालखबर)
मकवानपुर/हेटौंडा भेन्ट्रान्स क्लबको आयोजनामा ८ ए साइड भेट्रान्स कप फुटबल प्रतियोगिता मंसिर २७ गतेबाट सुरु हुने भएको छ ।
शुक्रबार पत्रकार सम्मेलन गरी भेट्रान्स कपको सातौँ संस्करण मंसिर २७ गतेबाट हेटौंडा–५ पिप्ले स्थित क्याम्पा रंगशालामा हुने क्लबले जनाएको छ । प्रतियोगितामा २० टिमले प्रतिस्पर्धा गर्ने भएको प्रतियोगिताका संयोजक मणिराज गौतमले जानकारी दिए ।
प्रतियोगिता लागि करिब १२ लाख रुपैयाँ खर्च लाग्ने अनुमान गरिएको छ। प्रतियोगिताका लागि हेटौंडा उपमहानगरपालिका, हेटौंडा स्कुल अफ म्यानेजमेन्ट, रोटरी क्लब अफ मकवानपुरलगायत अन्य संघसस्थाहरुले सहयोग गरेका छन् । खेल अवधिभर स्वास्थ्य मापदण्डको पालना गर्न खेलाडी, दर्शकहरुलाई निशुल्क मास्क र स्यानिटाइजरको पनि व्यवस्था गरिने संयोजक गौतमले बताए ।
प्रतियोगितामा प्रथम हुने टिमले नगद १ लाख ११ हजार १ सय ११ रुपैयाँसहित शिल्ड, मेडल र प्रमाणपत्र प्राप्त गर्नेछ । यस्तै द्वितीय हुने टिमले नगद ५५ हजार ५ सय ५५ रुपैयाँसहित शिल्ड, मेडल र प्रमाणपत्र प्राप्त गर्ने जनाइएको छ । उत्कृष्ट विधा अन्रतरगत कोच, फरवार्ड, गोलकिपर, डिफेन्स र मिडफिल्डरले समान ५–५ हजार रुपैयाँ पुरस्कार प्राप्त गर्ने आयोजकले जनाएको छ ।
हेटौंडा भेट्राक्स क्लबका उपाध्यक्ष नवराज बज्राचार्यको अध्यक्षतामा कार्यक्रम भएको हो । कार्यक्रममा छैठौँ भेट्रान्स कपका संयोजक कविन संगामी, सदस्यहरु सञ्जय थापा, कृष्ण महर्जन, सुदीप शिवाकोटी लगायतको आतिथ्यता रहेको थियो ।