मकवानपुर। नेपाल यातायात स्वतन्त्र मजदुर संगठनको ट्रक चालक कमिटीले देशभर रहेका मालवाह ट्रक चालकहरुलाई भदौ १ गते देखि अनावश्यक कुनै पनि शुल्क नतिर्न आग्रह गरेको छ ।
आज नेपालमा पत्रकार सम्मेलन गर्दै कमिटीका मकवानपुर अध्यक्ष नवराज कार्कीले मालवाह ट्रकहरुमा व्यवसायीहरुले सामान लोड अनलोड गर्दा अनावश्यक विभिन्न नामका शुल्क लिने गरेको भन्दै उक्त शुल्क नतिर्न आग्रह गरेको हो । उनले देशको विभिन्न शहरहरुमा सामान लोड अपलोड गर्दा व्यसायीहरुले विना रसिद ढाला खर्च,चलानी खर्च,गद्दी खर्च,मुन्सी खर्च लिने गरेको भन्दै उक्त नतिर्न आग्रह गरे । उनले सामान लोड ढुवानी गर्दा लाग्ने भाडाको टिडिएस काट्दा बिल नपाईएको भन्दै उक्त बिल पाउनुपर्ने माग समेत गरे ।
‘ट्रकमा सामान ढुवानी गर्दा लाग्ने ढुवानी शूल्कबाट २.५ प्रतिशत टिडिएस बापत कर भनेर लिने गरिएको भएपनि रकम बुझाएबापत भुक्तानी रसिद समेत नदिँदा वर्षौदेखि अनियमितता भएको छ । अध्यक्ष कार्कीले भने व्यवसायी, स्वारोजगार श्रमिक तथा श्रमिकहरुमाथि आर्थिक शोषण हुँदै आईरहेकाले त्यस्ता कार्य तत्काल रोक्न सरकारसंग अपिल गर्दछौँ ।’
अध्यक्ष कार्कीले स्वरोजगार व्यवसायी,चालक,सहचालहहरुलाई विभिन्न कल कारखाना तथा उद्योगहरुमा अनावश्यक कामहरु लगाउने गरेको र तुच्छ व्यवहार हुने गरेको भन्दै उक्त कार्य बन्द गर्न पनि अनुरोध गरे । उनले यात्राका क्रममा मालबाहक ट्रक चालक तथा सहचालकहरुसंग आर्थिक असुल गर्ने, डर, धम्कि दिने, कुटपिट गर्ने, ट्राफिक प्रहरी तथा प्रशासनबाट अनावश्यक झमेला गर्ने कामहरु भईरहेको भन्दै त्यस्तो कार्य तत्काल अन्त्य गर्न माग गरेका छन् ।
ट्रक चालक कमिटीले मालवाहक सवारीसाधनमा काम गर्ने चालक, सहचालक तथा प्रालीहरुमा काम गर्ने कर्मचारीहरुलाई योगदानमा आधारित सामाजिक सुरक्षा कोषमा सुचिकरण गर्न पनि सरकार संग माग गरेको छ । अध्यक्ष कार्कीले श्रमिकहरुबाट विभिन्न शिर्षकमा खुलेआम आर्थिक शोषण हुने गरेको बताउँदै श्रमिक र स्वारोजगार श्रमिक तथा लगानीकर्ताहरुको भविष्य अनिश्चित बनेको बताए ।
उनले भारतबाट नेपाल आयात गरिने समानहरु नेपाली भूभागका कुनाकुनास्थानसम्म भारतीय ट्रकहरुले निर्वाध रुपमा ढुवानी गरिरहेकाले नेपालका मालबाहक ट्रक व्यवसायी, स्वरोजगार र श्रमिकहरुलाई गम्भिर असर पुगेको समेत बताए । उनले यसलाई पूर्ण रुपमा नियन्त्रण नगरिए नेपाली लगानी विस्थापित हुने र श्रमिकहरुको रोजगारीमा गम्भिर असर पर्ने बताए ।
उनले भारतबाट नेपाल आयात गरिने समानहरु नेपाली भूभागका कुनाकुनास्थानसम्म भारतीय ट्रकहरुले निर्वाध रुपमा ढुवानी गरिरहेकाले नेपालका मालबाहक ट्रक व्यवसायी, स्वरोजगार र श्रमिकहरुलाई गम्भिर असर पुगेको समेत बताए । उनले यसलाई पूर्ण रुपमा नियन्त्रण नगरिए नेपाली लगानी विस्थापित हुने र श्रमिकहरुको रोजगारीमा गम्भिर असर पर्ने बताए । उनले श्रमिक चालकहरुका साझा समस्याहरुलाई सम्बोधनका लागि सरकारसंग आग्रह गर्दै मागहरुलाई सम्बोधन नगरि देशभरका श्रमिकहरु चरणबद्ध रुपमा संघर्षमा जाने चेतावनी समेत दिएका छन् ।
मकवानपुर – नेकपा एमाले मकवानपुरले ४ मंसिरमा हुने चुनावमा ‘हेभिवेट नेता’ भन्दै पुरानालाई नै टिकट दिने सम्भावना बढेसँगै युवा नेताहरूको दौडधुप बढेको छ । एमालेले हेभीवेट उम्मेवदार छान्ने कसरत गरेपछि युवाहरूले दाबी गर्न थालेका हुन् । युवालाई प्राथमिकता दिनुपर्ने माग उठिरहेको बेला पार्टी भने गठबन्धनसँग जित्नुपर्ने भन्दै हेभिवेट नेताको पक्षमा रहेको देखिन्छ।
जिल्लाको प्रतिनिधिसभा क्षेत्र १ मा एमालेको तर्फबाट तीन जनाले उम्मेदवारी दिने चर्चा सुरु भएको छ । वर्तमान सांसद कृष्णप्रसाद दाहाल, निवर्तमान जिल्ला समन्वय समितिका प्रमुख रघुनाथ खुलाल र एमालेका जिल्ला सचिवालय सदस्य मदन कुमार दाहालले उम्मेदवार बन्ने चर्चा सुरु भएको हो ।
सचिवालय सदस्य दाहाल स्थानीय तहको निर्वाचनमा हेटौंडाको मेयरको लागि इच्छुक थिए । पार्टीले अनन्त पौडेललाई टिकट दिएपछि दाहाल ब्याक भएका थिए ।
नेकपा एमालेका केन्द्रीय सदस्य समेत रहेका कृष्ण दाहाल, एमाले प्रदेश कमिटीका सदस्य खुलाल र मकवानपुरका चर्चित अधिवक्ता समेत रहेका मदन दाहालले प्रतिनिधि सभामा चुनावमा उम्मेदवारी रहने मनसाय बनाएपछि गठबन्धनमा पनि सोही अनुरुपको तयारी सुरु भएको छ ।
मकवानपुरमा प्रतिनिधि सभाको लागि दुई वटा मात्रै निर्वाचन क्षेत्र रहेकोले पार्टीमा लामो समयदेखि काम गरिरहेका पाका नेताहरू र युवा पुस्ताहरू उत्तिकै जोसिएर लागेका छन् ।
नेकपा एमालेका तर्फबाट क्षेत्र १ मा पटक-पटक चुनाव जितेका कृष्ण दाहाल संघीय अर्थ समितिको सभापति समेत हुन् । उनी यो पटकको चुनावमा आफू विजयी हुने दाबीका साथ चुनावी मैदानमा उत्रिन लागेका हुन् । त्यस क्षेत्रको प्रत्येक वडा र टोल टोलसम्म पुगेका दाहाल गठबन्धनबाट जो चुनाव लड्न आए पनि आफूले जित्ने बताउँछन् ।
यसैगरी जिल्ला समन्वय समितिको प्रमुख भएर मकवानपुरको हेटौंडा र पूर्वी क्षेत्रमा समेत राम्रो काम गरेको अनुभवी खुलाल पार्टीले टिकट दिएमा प्रतिनिधि सभामानै चुनाव लड्ने तयारीमा छन् । पार्टीमा जिल्लाको नेतृत्व पनि गरिसकेको र जनताकै माझमा रहेर निरन्तर काम गरिरहेकाले फेरि पनि जनभावना अनुसार काम गर्ने तयारीका साथ चुनाव लड्ने बताउँछन् ।
यसैगरी एमालेका जिल्ला सचिवालय सदस्य समेत रहेका अधिवक्ता मदन दाहाल अहिले देशैभरी जस्तै मकवानपुरका नागरिकले पनि परिवर्तन चाहेको र युवा उम्मेदवारको माग बढेकाले उम्मेदवारी दिने तयारीमा छन् । आमनागरिकले परिवर्तन चाहने अनि पार्टीले उम्मेदवार सधैँ पुराना अनुहारलाई मात्र बनाउने परिपाटीको अन्त्य गर्नुपर्ने उनको दबाब छ । ‘अहिले आम नागरिकले युवा उम्मेदवारमा आशा र भरोसा राख्न थालेका छन्’ दाहाल भन्छन्, ‘पार्टीले विश्वास गरेर टिकट दिएमा चुनाव लड्न म तयार छु ।’ दाहाल नेकपा एमाले मकवानपुरको सचिवालय सदस्यका रुपमा तेस्रो कार्यकालमा रहेर काम गर्दै छन् ।
यता जिल्लाको प्रतिनिधिसभा क्षेत्र नम्बर-२ मा पनि हेभिवेट भन्दै बागमती प्रदेशको पहिलो मुख्यमन्त्री डोरमणि पौडेलसहित पुरानै नेताको चर्चा रहेको छ । यो क्षेत्रमा एमालेबाट पाका नेता पौडेलसहित युवा नेता महेश बर्तौला, र रामेश्वर रानाको उम्मेदवारी रहने उनीहरू निकट स्रोतले जनाएको छ ।
मकवानपुर । मकवानपुर जिल्ला कैलाश गाउँपालिका ५ की सजिना दर्लामी मगर आगामी दिनमा सिलाई सिपबाट आत्मा निर्भर बन्न सक्नेमा ढुक्क छिन् ।
२९ वर्षिया सजिनालाई आफ्नै गाउँठाउँमा बसेर आफ्नै पसिनामा जिउने रहर थियो तर, सिपको अभावमा थिइन् उनी । माइती नेपालबाट ४ महिने सिलाई सिप सिकेपछि आफूमा आत्माबल बढेको बताउँछिन् उनी । “माइती नेपालले तालिमपछि फिल्ड भिजिट गरायो, लगाबले काम गरे मनग्गे कमाइ गर्न सकिन्छ भन्ने लाग्यो” उनले भनिन् ।
माइती नेपाल मकवानपुरमा सिलाई सीप सिकेका ४५ औ व्याजका किशोरी र महिलालाई फिल्ड भिजिट गराएको थियो । माइती नेपालबाटै सिप सिकेर लामो समयदेखि आफ्नै व्यवसाय सञ्चालन गरिरहेकी हेटौंडा १८ हटियाकी शुसिला घिमीरेसँग भेटेपछि व्यवसाय सञ्चालन गर्ने जोश बढेको कैलाश गाउँपालिका १ कि गोरी तामाङले बताइन् ।

सिलाई प्रशिक्षणपछि जीवनपयोगी सीप समेत सिकेर फर्केन लागेका किशोरीहरूलाई यसरी फिल्ड भिजिट गराउँदा उनीहरुलाई प्रेरणा हुने माइती नेपाल मकवानपुर प्रमुख माया लामाले बताइन् । “अग्रजको व्यवसायिकता देखेर आफूहरूले पनि त्यसैगरी व्यवसाय सन्चालन गर्ने हिम्मत जाग्ने लामाले बताइन् ।
फिल्ड भिजिटमा जांदा आफूहरूलाई काम गरेर आत्मनिर्भर बन्ने हौसला मिलेको सहभागीहरुले बताए । पढाइ छुटे पनि सिपलाई व्यवहारमा ल्याउन सकेमा जीवनमा परनिर्भर रहन नपर्ने उनीहरुले बताए । फिल्ड भिजिटमा माइती नेपाल मकवानपुर प्रमुख माया लामा, फिल्ड सुपरभाईजर मन लामालगायत २० जना किशोरीहरू सहभागी थिए । तालिममा सिकेको सिपलाई व्यवहारमा उतारेर किशोरीहरू आत्म निर्भर हुंदा बैदेशिक रोजगारको चाह कम हुने र बेचबिखनमा पर्ने जोखिम पनि घट्ने प्रमुख लामाले बताइन् ।

फिल्ड भिजिटपछि किशोरी तथा माइती नेपालको टोली हेटौंडा १८ मा घरदैलो कार्यक्रम समेत गरेका छन् । घरदैलो कार्यक्रममा माइती नेपालद्वारा प्रकाशित ब्रुसरहरु प्रदान गरिएको लामाले बताइन् । बेचबिखनबाट बच्नको लागि सचेत रहन अनुरोध गर्दै टोलीले पर्चा पब्लेट पनि वितरण गरेको थियो।
टोलीले हेटौंडा १८ गुम्बा डाँडाको पर्यटकीय पार्कको समेत अनुगमन तथा अवलोकन गरेको थिए ।
मकवानपुर । बागमती प्रदेशमा पछिल्लो २४ घण्टामा दुर्घटनामा परी ७ जनाको मृत्यु भएको छ । बागमती प्रदेश प्रहरीका अनुसार २४ साउन विहान ६ बजेदेखि २५ साउन विहान ६ बजेसम्म प्रदेशको विभिन्न १२ जिल्लामा भएको दुर्घटनमा परी ७ जनाको मृत्यु भएको छ भने ५ जना घाइते भएका छन् ।
काभ्रेपलाञ्चोक जिल्ला धुलिखेलबाट चौकटजादैँ गरेको बा ३४ प ५४७५ नम्बरको मोटरसाइकल र विपरित दिशाबाट आउँदै गरेको बा ९२ प ३२०३ नम्बरको मोटरसाइकल आपसमा ठोकिंदा बा ३४ प ५४७५ नम्बरको मोटरसाइकल चालक रामेछाप दोरम्बा गाउँपालिका ४ घर भएका २७ वर्षिय बिरेन्द्र तामाङको मृत्यु भएको छ ।
घटनाबाट बा ९२ प ३२०३ नम्बरको मोटरसाइक चालक काभ्रे पनौती नगरपालिका ५ बस्ने १९ वर्षिय बिबेक महत सामान्य घाईते भएका छन् । गम्भिर घाइते भएका बिरेन्द्र तामाङलाई अन्नपुर्ण न्युरो अस्पताल काठमाडौं लगिएकोमा डाक्टरले मृत घोषणा गरेको प्रहरीले जनाएको छ ।
यसैगरी बनेपा नगरपालिका ९ नयाँबस्ति बस्ने रामसिहं बलको ४ वर्षीया छोरी खुसी बल खेल्ने क्रम्मा लडि गम्भिर घाईते भई उपचारको क्रममा अन्नपुर्ण नियुरो अस्पतालमा मृत्यु भएको छ ।
यसैगरी काभ्रे जिल्लाकै बेथानचोक गाउँपालिका ६ टावरीमा ३५ वर्षीया रमिला थापा मगरले झुण्डीएर आत्महत्या गरेकी छिन् । यता मकवानपुर जिल्ला मनहरी गाउँपालिका–६ सुनाचुरीमा पुष्प राईको १२ वर्षिय छोरा क्षितिज राईले आफ्नै घरमा झुण्डिएर आत्महत्या प्रयास गरेको र उद्धार गरी उपचारार्थ चितवन मेडिकल कलेज लगिएकोमा डाक्टरले मृत घोषणा गरेका थिए ।
यसैगरी सिन्धुली जिल्लाको हरिहरपुर गाउँपालिका मरिण खोलामा एक पुरुषको शव फेला परेको प्रहरीले जनाएको छ । यसैगरी भरतपुर नगरपालिका १२ बस्ने ५६ बषिर्य टिकाराम बि.कको घरैमा लडेर मृत्यु भएको प्रदेश प्रहरीले जनाएको छ । यसैगरी प्रहरीका अनुसार भरतपुर १७ नारायणी नदीमा एक पुरुषको शव फेला परेको छ । शवको पहिचान भएको छैन ।
यसैगरी भरतपुर २९ चौधकिलो भन्ने स्थानमा सवारी दुर्घटना हुँदा १ जनाको मृत्यु भएको छ ।
मुग्लिङबाट नारायणगढ तर्फ आउदै गरेको प्रदेश २–०१००१ क ०२०२ नं. को ट्रकले बिपरीत दिशाबाट जादै गरेको प्रदेश २–०३००१ प १८१४ नं. को मोटरसाइकललाई ठक्कर दिदा मोटरसाइकल चालक र साथमा दुबै जना गम्भिर घाईते भई उपचारको क्रममा १ जनाको मृत्यु भएको हो । भरतपुर स्थित पुरानो मेडिकल कलेजमा उपचारको क्रममा पर्सा जिल्ला बिरगंज उपमहानगरपालिका बस्ने २८ वर्षिय जगतप्रसाद चौरासियाको मृत्यु भएको छ भने पर्सा पोखरिया नगरपालिका बस्ने ३८ वर्षिय सोनलाल पण्डितको उपचार भैरहेको छ । उनको पनि अवस्था गम्भिर रहेको प्रहरीले जनाएको छ ।
सांसदहरुले आगामी प्रदेश तथा सङ्घीय निर्वाचनमा प्रत्यक्षतर्फ ५० प्रतिशत महिला उम्मेदवारीको सुनिश्चितता हुनुपर्नेमा जोड दिए । प्रतिनिधिसभाको आजको बैठकमा प्रस्तुत भएको आगामी निर्वाचनमा समानुपातिक समावेशी सहभागिताको सुनिश्चितता गराउने विषयको जरुरी सार्वजनिक महत्वको प्रस्तावमाथिको छलफलमा बोल्दै उनीहरुले संविधानले सम्बोधन गरेको समानुपातिक समावेशी सहभागिताको सुनिश्चितता हुनुपर्ने बताए ।
सांसद लक्ष्मी परियारले संविधानले व्यवस्था गरेको राज्यका हरेक निकायमा महिलालाई समानुपातिक समावेशी सहभागितालाई व्यावहारिक कार्यान्वयन गराउन निर्वाचनका दुवै प्रणालीमा ५० प्रतिशत महिला प्रतिनिधित्व हुनुपर्ने धारणा राखे । उनले प्रत्यक्ष निर्वाचन र समानुपातिक निर्वाचन प्रणालीमा महिला र पुरुष दुवैको समान प्रतिनिधित्व हुनुपर्नेमा जोड दिए ।
सांसद लक्ष्मीकुमारी चौधरीले आगामी प्रदेश तथा सङ्घीय निर्वाचनमा समानुपातिक समावेशी प्रतिनिधित्वको सुनिश्चित गर्दै प्रत्यक्षतर्फ महिलाको सहभागिता बढाउन ध्यानाकर्षण गराए ।
सांसद चन्दा चौधरीले राजनीतिक दलले विभिन्न निर्वाचनमा महिलाको कम प्रतिनिधित्व गराउने गरेको बताउँदै अब हुने निर्वाचनमा प्रत्यक्षतर्फ कम्तीमा ५० प्रतिशत महिला सहभागिता सुनिश्चित गराउन माग गरे ।
सांसद रेखा शर्माले संविधानमा महिला सहभागिताको बाध्यकारी व्यवस्था हुँदाहुँदै पनि व्यवहारमा कार्यान्वयनका लागि दलहरु उदासीन रहेको बताइन । सांसद रङ्गमति शाहीले महिला समावेशिताको मुद्दामा राजनीतिक दलहरुको व्यवहार विभेदकारी देखिएको बताइन । सांसदहरु विनादेवी बुढाथोकी, लीलादेवी सिटौला, यशोदा गुरुङ सुवेदी, रेणुका गुरुङ, प्रमिला राई र पार्वतीकुमारी बिसङ्खेले आगामी निर्वाचनमा महिला र पुरुषलाई समान सहभागिता गराइनुपर्नेमा जोड दिइन । राजधानीडेली डटकमबाट