मकवानपुर । मकवानपुर जिल्ला ईन्द्रशरोवर गाउपालिका २ सल्ले स्थित भिमफेदी कुलेखानी फाखेल काठमाण्डौ सडक खण्डमा हेटौडाबाट काठमाण्डौ तर्फ जादै गरेको ना १ ज ४४६६ नम्बरको सुमो आफै अनियन्त्रित भई सडकबाट अन्दाजी २००मिटर तल खस्न एक जनाको मृत्युु भएको छ ।
दुर्घटना हुदाँ सुमोमा चालक सहित १० जना सवार रहेकोमा, ३ जना सामन्य, अन्य घाईतेहरुको उद्धर कार्य भई रहेको मकवानपुर प्रहरीले जनाएको छ ।
मृतकको नाम पहिचान खुलेको छैन ।
मकवानपुर । कर दिवसको अवसरमा १४ उत्कृष्ट करदाता तथा संघ संस्थालाई सम्मानित भएका छन् । आन्तरिक राजश्व विभागले कर दिवसमा उत्कृष्ट व्यावसायिक संघ–संस्था करदातालाई सम्मान गरेको हो । सरकारलाई धेरै आयकर तिर्नेमा नेपाल दूरसञ्चार कम्पनीकाे नेपाल टेलिकम सबैभन्दा धेरै आयकर बुझाउने कम्पनी बनेको हाे ।
आन्तरिक राजस्व विभागले सूर्य नेपाल प्रालिलाई सबैभन्दा धेरै कर बुझाउने कम्पनीका रुपमा सम्मान गरेको छ । सबैभन्दा धेरै भ्याट बुझाउनेमा गोर्खा ब्रुअरी सम्मानित भएका छन् भने जावलाखेल डिस्टिलरीका अध्यक्ष विजयकुमार शाह व्यक्तिगत आयतर्फ सबैभन्दा धेरै आयकर तिर्ने करदाताका रुपमा सम्मानीत भएका छन् ।
यस्तै शिवशक्ति निर्यातमा र विशेष विधाअन्तर्गत राजेश मेटल क्राफ्ट सम्मानित भएका छन्। कृषि क्षेत्रमा ओसिबी फिड्स एन्ड फुड उत्कृष्ट भएका छन्। बीमा क्षेत्रबाट नेपाल पुनर्बीमा कम्पनीले सबैभन्दा धेरै कर तिरेको छ भने लघुवित्ततर्फ छिमेक लघुबित्त र बैंकहरुमा नबिल बैँकले सबैभन्दा बढी कर तिरेको छ ।
ऊर्जामूलक उद्योगतर्फ चिलिमे जलविद्युत लिमिटेडले सबैभन्दा बढी कर तिरेर सम्मानित भएको छ । स्वास्थ्यतर्फ नोबेल मेडिकल कलेज टिचिङ हस्पिटलले सबैभन्दा बढी कर तिरेको छ भने पर्यटनतर्फ मनकामना केबुल कारले सबैभन्दा धेरै कर तिरेको छ । स्वास्थ्य क्षेत्रमा नोबेल टिचिङ हस्पिटल र पर्यटनतर्फ मनकामना केबुलकार प्रालि सम्मानित भएका छन्। वस्तु व्यापार हंशराज हुलास प्रालि, ऊर्जामा चिलिमे जलविद्युत् कम्पनी सम्मानित गरिएको छ । मध्यम स्तरीय करदातामा नेपाल धितोपत्र विनिमय बजार र रेमिट्यान्स कम्पनीमा आईएमई रहेका छन्।
गत वर्ष सर्वाधिक कर बुझाउनेमा सरकार स्वामित्वको नेपाल टेलिकम भएको थियो। निर्यात उद्योगतर्फ भारतीय लगानीको डाबर नेपाल, व्यक्तिगतततर्फ सर्वाधिक आय कर तिर्नेमा तारा म्यानेजम्यान्टका अध्यक्ष सिद्धार्थ राणा भएका थिए।
उनी हरेक वर्ष सबैभन्दा बढी आय कर तिरेर सम्मानित हुँदै आएका थिए। गत वर्ष राणा दोस्रोमा थिए भने जावलाखेल डिस्ट्रिलरीका विजयबहादुर साह सर्वाधिक आयकर बुझाउनेको सूचीमा परेका थिए।
आन्तरिक राजश्व विभागले मूल्य अभिवृद्धि कर (भ्याट) लागू भएको दिन १ मंसिरलाई राष्ट्रिय कर दिवसका रूपमा मनाउँदै आएको छ। २०५४ मंसिर १ गतेदेखि सरकारले भ्याट लागू गरेको हो।‘स्वेच्छिक सहभागितासहितको फराकिलो करधारः दिगो र उत्पादनमुखी अर्थतन्त्रको आधार’ यस वर्षको नारा तय गरिएको थियो।
मकवानपुर । प्रतिनिधि सभा तथा प्रदेश सभा सदस्य निर्वाचन २०७९ को मतगणना जारी छ । हालसम्म बागमती प्रदेशमा प्रदेश सभा सदस्यतर्फ ७ सिटको अन्तिम टुङगो लागेको छ ।
जसमा नेपाली काँग्रेसले ४ सिट, एमाले, हाम्रो नेपाली पार्टी र नेकपा मओवादीले १/१ सिट प्राप्त गरेको छ ।
हेर्नुहोस् पुरा विवरण
नेपाली काँग्रेस
काठमाण्डौ प्रतिनिधि सभा क्षेत्र ३ को प्रदेश सभा १, छिरीङ दोर्जे लामा
रसुवा प्रतिनिधि सभा क्षेत्र १ को प्रदेश सभा १, प्रभात तामाङ
सिन्धुपाल्चोक प्रतिनिधि सभा क्षेत्र १ को प्रदेश सभा १, मसिना खड्का
ललितपुर प्रतिनिधि सभा क्षेत्र २ को प्रदेश सभा २, रामकृष्ण चित्रकार
हाम्रो नेपाली पार्टी
काठमाण्डौ प्रतिनिधि सभा क्षेत्र ८ को प्रदेश सभा १, शैलेन्द्र बज्रचार्य
नेपाल कम्युनिष्ट पार्टी एमाले
ललितपुर प्रतिनिधि सभा क्षेत्र २ को प्रदेश सभा १, रामेश्वर श्रेष्ठ
नेकपा माओवादी
रसुवा प्रतिनिधि सभा क्षेत्र १ को प्रदेश सभा २, इन्द्रप्रसाद गोतामे
मकवानपुर । बागमती प्रदेश अन्तरगत रसुवा जिल्लाको प्रतिनिधि सभा र प्रदेश सभा सबैको नतिजा सार्वजनिक भएको छ ।
प्रतिनिधि सभा सदस्य निर्वाचन अन्तरगत एक मात्र क्षेत्र रहेको रसुवामा प्रतिनिधि सभा सदस्यको लागि माेहन आचार्य बिजयी भएका हुन् । नेपाली कांग्रेसका आचार्यले १८ हजार २३५ मत सहित जित निकालेका हुन् ।
उनका निकटतम प्रतिस्पर्धी नेकपा एमालेका छाेवाङ तामाङले ८ हजार ६१४ मत प्राप्त गएका थिए ।
प्रदेश सभातर्फ रसुवा १ बाट नेपाली कांग्रेसका प्रभात तामाङ बिजयी भएका छन् । उनले ८ हजार १८६ मत ल्याएका थिए । उनका निकटतम प्रतिस्पर्धी कुल प्रसाद भट्टले जम्मा ४ हजार ७७२ मत प्राप्त गरे । भट्ट नेकपा एमालेका उम्मेदवार थिए ।

यसैगरी रसुवाबाट प्रदेश २ को लागि इन्द्र गौतम ८ हजार ५३३ मत विजयी भएका छन् । माओवादीका उनका निकटतम प्रतिस्पर्धी एमालेका तेम्ब्रेल तामाङले ४ हजार ८४४ मत प्राप्त गरे ।

यहाँ अब समानुपातिक तर्फको मत गन्न बाँकी रहेको रसुवा जिल्लाबाट पत्रकार हेमनाथ खतिवडाले जानकारी दिए ।
मकवानपुर । प्रतिनिधि सभा सदस्य निर्वाचन अन्तरगत मकवानपुर १ मा सक्ता गठबन्धनको उम्मेदवार नेपाली कांग्रेस सह महामन्त्री महालक्ष्मी उपाध्याय डिनाले अग्रता कायमै राखेकी छिन् ।
यो क्षेत्रमा कुल १९ हजार १९४ गन्दा डिनाले ८ हजार १६० मत सहित अग्रता कायम राखेकी हुन् ।
डिनालाई एमालेका उम्मेदवार राप्रपा नेपालका अध्यक्ष कमल थापाले पछ्याउँदै आएका छन् । थापाले डिनालाई ५ हजार ८६५ मत सहित पछ्याउँदै आएका छन् ।
यहाँ राप्रपाका दिपक बहादुर सिंहले ३ हजार १२७ मत पाएका छन् ।
यो क्षेत्रमा जम्मा मतदाता १ लाख ५० हजार १५५ रहेकोमा ९१ हजार ५८३ अर्थात् ६० प्रतिशत मत खसेको मतको थियो । यो क्षेत्रमा अब ७२ हजार ३८९ अर्थात् ८० प्रतिशत मत गन्न बाकी छ ।