मकवानपुर । मकवानपुरकाे हेटौंडा १० स्थित टिसिएन चौरमा माघ ११ गतेदेखि जारी महोत्सवमा राष्ट्रिय कलाकारको प्रस्तुतीमा दर्शकहरु उत्साह पुर्वक झुमेका छन् । महोत्सवको पाँचौ दिन माघ १५ गते आइतबार समेत अवलोकन गर्न आएका दर्शक गीतसंगीतमा झुमेका हुन् । यस अघी समेत राष्ट्रिय तथा स्थानीय कलाकारकाे प्रस्तुतीमा दर्शकले भरपुर साथ दिएका थिए ।
आइतबार दर्शकदीर्घामा नाच्दै कम्मर मर्काउँदै गायक रमेशराज भट्टराई र गायिका सहिमा श्रेष्ठको गीतमा दर्शकहरु रमाएका हुन् । गायक भट्टराईले बेहुला बनाउँछु भन्थी बहुला बनाएर गई…, तिमी लास्टै क्यूटि छौ र म फिदा भाको छु…,आखिर सिन्दुरपोते अर्कैको सजाएर गई…, टन्न पैसा कमाउला भन्थेउ भन्ने गीत लगायत विभिन्न गीत प्रस्तुत गर्दै हेटौंडेली दर्शकलाई नचाएका थिए ।
गीतमा रमाउँदै गरेका हेटौंडेलीहरु स्याण्टअप कमेडीमा चर्चित रहेकी कमेडियन सीता न्यौपानेले सबैलाई हसाउँन सफल भएकी छिन् । व्यङ्ग्यात्मक रुपमा प्रस्तुत भएकी न्यौपानेले युवापुस्तालाई व्यङ्ग्य गर्दै सबैलाई हसाएकी थिइन् । शनिबार राष्ट्रिय कलाकार गायिका टिका प्रसाई र गायक किरण भुजेल, कमेडियन राजा राजेन्द्र पोखरेलले आफ्नो प्रस्तुती दिएका थिए ।
सोमबार चर्चित बाल गायक अशोक दर्जी, गायक÷संगीतकार टंक बुढाथोकी, गायिका मञ्जु पौडेल, हेटौंडेली कलाकार सुलेमान शंकर ईकु, गायक प्रदीप त्रिपाटी आउने महोत्सवका कलाकार मनोञ्जन समितिका संयोजक एवम् संघका उपाध्यक्ष उज्वल चौलागाईले बताए ।
महोत्सवमा हेटौंडा आइडलगायन प्रतियोगिता र हेटौंडा डान्सिङ स्टार प्रतियोगिता पनि भइरहेको छ ।हेटौंडा आइडल र हेटौंडा डान्सिङ स्टारमा मकवानपुरका विभिन्ननवप्रतिभाहरुले प्रतिस्पर्धा गरिरहेका छन् । महोत्सवलाई हेटौंडाको उत्पादन शिवम सिमेन्टले प्रायोजन गरेको छ भने सह—प्रायोजकमा युनिलिभर नेपाल लिमिटेड, नेपाल ब्रुअरिज र लक्ष्मी ग्रुप (हुण्डाई) रहेको महोत्सवका मुल संयोजक एवम् मउवा संघका अध्यक्ष कृष्ण कुमार गुप्ताले बताए ।

मेला सम्पन्न गर्न जिल्ला समन्वय समिति मकवानपुर र हेटौंडा उपमहानगरपालिका प्रवर्द्धकको रुपमा रहेका छन् भने महोत्सवको सह—आयोजकमा बागमती प्रदेश सरकारको उद्योग वाणिज्य तथा आपूर्ति मन्त्रालय, संस्कृति तथा पर्यटन मन्त्रालय र कृषि तथा पशुपन्छी विकास मन्त्रालय रहेको मकवानपुर उद्योग वाणिज्य संघले जनाएकाे छ । महोत्सवको टिकट प्रायोजकमा शौर्य सिमेन्ट, रिद्धिसिद्धी सिमेन्ट रहेको छ । महोत्सवको आधिकारिक विमा कम्पनीको रुपमा एनएलजी विमा कम्पनी रहनुका साथै लोगो प्रायोजकमा राष्ट्रिय वाणिज्य बैंक र नेपाल ईकरात रहेको मुख्य आयोजक संघले जानकारी दिएकाे छ ।
महोत्सव माघ २३ गतेसम्म सञ्चालन हुनेछ १० औं राष्ट्रिय औद्योगिक व्यापार महोत्सवमा हेटौंडा आइडल डान्सिङ स्टार, जुम्लाको मार्सी चामल, केराको मःम, रैथाने बाली कोदोको पिठो बाटकोदोको विष्कुट, निमकिन, पोखराको खुवा, नेपाल टेलिकमको फ्री सिमकार्ड, हिमाली भीरमौरीको मह, भोजपुरे खुकुरी, प्राचिन हस्तकलाको झ्याल, ढोका, पुस्तक प्रदर्शनी, आइसगोला र मकवानपुरे आइसक्रिम, ल्यापटप एवम् मोवाइलको फ्रि सर्भिससिङ रहेकाे संघका महासचिव दिपक उप्रेतीले बताए ।
यस्तै मोडुलर किचेन,टाटा, सिजीका विभिन्न किसिमका इलेक्ट्रिक गाडीहरु,बालबालिकाको लागि फन पार्क,स्थानीय एवम् राष्ट्रिय कलाकारहरुको दैनिक प्रस्तुती, हेटौंडा र अन्य अस्पतालका डाक्टरहरुबाट निःशुल्क स्वास्थ्य शिविर,क्यारियर काउन्सिलिङ र दैनिक उपभोग्य वस्तुहरुसमेत विक्री वितरण भइरहेको उप्रेतीले जानकारी दिए ।
मकवानपुर । रवि लामिछानेले नेपाली नागरिकता पुनः लिएका छन् । लामिछानेले आइतबार जिल्ला प्रशासन कार्यालय काठमाडौंमा अमेरिकी नागरिकता त्याग गरेको निस्सा बुझाएपछि नेपाली नागरिकता पुनः प्राप्ति गरेका हुन् ।
लामिछानेले २०५० सालमै जिल्ला प्रशासन कार्यालय काठमाडौंबाट वंशजका आधारमा नेपाली नागरिकताको प्रमाणपत्र लिएका थिए । लामिछानेलाई प्रशासनले पुनः प्राप्तिको प्रक्रिया पूरा गरी पुरानै विवरण र जारी मिति रहेको नागरिकता दिएको हो ।
अमेरिकाको नागरिकता त्यागेपछि पुनः नेपाली नागरिकताको प्रमाणपत्र नलिइएको भन्दै गत शुक्रबार सर्वोच्च अदालतको संवैधानिक इजलासको आदेशअनुसार लामिछाने विरुद्ध फैसला गरेकाे थियाे । सर्वाेच्चकाे फैसला पछि लामिछानेकाे संघीय सांसद, उपप्रधान तथा गृहमन्त्री, राष्ट्रिय स्वतन्त्र पार्टीको सभापति पद तथा सदस्य समेत गुमेकाे थियाे ।
सर्वाेच्चकाे फैसलालाई स्वागत गर्ने बताएका उनी आइतबार समर्थकसहित पुनः नेपाली नागरिकताको प्रमाणपत्र लिन प्रशासन कार्यालय काठमाडौंमा पुगेका थिए ।
मकवानपुर । २०७९ सालकाे माध्यमिक शिक्षा परीक्षा (एसईई) चैत १७ गते संचालन हुने भएकाे छ । यस वर्षकाे एसईई चैत १७ गतेबाट २९ गतेसम्म संचालन हुने राष्ट्रिय परीक्षा बाेर्डले जनाएकाे छ ।
राष्ट्रिय परीक्षा बोर्डले परीक्षाले एसईईकाे नियमित तथा ग्रेडवृद्धि समेतकाे समय तालिका सार्वजनिक शनिबार प्रकाशित गरेकाे छ ।
समय तालिका अनुसार चैत १७ गते शुक्रवार अनिवार्य अङ्ग्रेजी विषयको परीक्षा हुने छ भने साेही दिन वेदविद्याश्रमतर्फ अनिवार्य संस्कृत भाषा र साहित्यको परीक्षा हुनेछ । चैत १९ गते अनिवार्य गणित र २० गते अनिवार्य नेपालीको परीक्षा हुने गरी तालिका सार्वजनिक गरेकाे बाेर्डले अन्तिम दिन २९ गते प्राविधिक धारतर्फको परीक्षा हुने जनाएकाे छ ।

मकवानपुर । साहित्यकार अन्जना पौडेल उपन्यास प्रकाशन गर्ने तयारीमा छन । बिशेषत कथा, कविता, हाइकु, मुक्तक र गीत लेखनमा सकृय श्रष्टा पौडेलको उपन्यास कृति चरीमई बजारमा आउने भएको हो ।
उपन्यास चरीमईको पाण्डुलिपि अन्तिम चरणमा रहेको र प्रकाशन गृह छनौट भएपछि यो वर्ष भित्रै पुस्तक बिमोचन गरिने पौडेलले बताइन । चरीमई उनको चौथो कृति हो।
हाल शताब्दी साहित्य प्रतिष्ठानको अध्यक्ष पौडेलको यस अघि कथा सग्रह जव वेदना फूल बन्यो २०६०, हाइकू संग्रह हिउँ खस्ने पर्वत,२०६३ र आरु बारीको फूल,२०७० प्रकाशित छन ।
तीज, दोहोरी र आधुनिक गीत लेखनमा समेत सकृय पौडेलको सबै बिधाका गरेर एक दर्जन गीत रेकर्ड भएका छन । उनको गत पुसमा मनको मान्छे बोलको आधुनिक गीत आनन्द कार्कीको स्वरमा युटुवमा सार्वजनिक भएको थियो ।
मकवानपुर । राष्ट्रिय स्वतन्त्र पार्टका अध्यक्ष समेत रहेका उपप्रधानमन्त्री तथा गृहमन्त्री रवि लामिछानेकाे सांसद तथा मन्त्री पद खारेज भएकाे छ । सर्वाेच्च अदालतले नागरिकता मुद्दामा शुक्रबार लामिछाने विरूद्ध फैसला गरेपछी पछि सांसद र मन्त्री पद गुमेकाे हाे ।
सर्वोच्च अदालतको संवैधानिक इजलासले लामिछानेले कानूनबमोजिम नेपालको नागरिकता पुनः प्राप्त नगरेको ठहर सुनाएको छ । याे सँगै उनी रास्वपा सभापति बन्न समेत अयोग्य भएका छन् । अमेरिकी नागरिकता त्यागेपछि नेपालको नागरिकता पुनः प्राप्ति नगरी खारेज भइसकेको नागरिकता प्रयोग गरेको भन्दै अदालतले रविले नेपाली नागरिकका रुपमा गरेका सबै कार्य अवैध हुने भनेको छ ।
कामू प्रधानन्यायाधीश हरिकृष्ण कार्की सहितकाे सर्वोच्च अदालतको संवैधानिक इजलासले लामिछानेको सांसद पद खारेज गरेको हाे । संवैधानिक इजलासको यो फैसलासँग गृहमन्त्री लामिछानेको चितवन–२ को सांसद पद समेत रिक्त भएको छ ।
सर्वोच्च फैसला विरूद्ध अदालत परिसर बाहिर लामिछानेको समर्थन नारावाजी भएको थियाे । नारावाजी गर्नेहरुलाई प्रहरीले नियन्त्रणमा लिएको छ ।
लामिछानेले सर्वोच्च अदालतको फैसलालाई स्वागत गर्ने बताए । अरू कुनै प्रश्नको जवाफ अहिले आफूसँग नभएको उनले प्रतिक्रिया दिएका छन् ।
लामिछानेले दिए राजिनामा
रवि लामिछानेले प्रधानमन्त्री पुष्पकमल दाहाल ‘प्रचण्ड’ समक्ष राजीनामा दिएका छन् ।
सर्वोच्च अदालतको फैसलापछि लामिछानेले शुक्रबार साँझ बालुवाटार पुगेर राजीनामा बुझाएका हुन् । लामिछाने पुस ११ मा प्रधानमन्त्री पुष्पकमल दाहाल प्रचण्ड नेतृत्वको सरकारमा उपप्रधानसहित गृहमन्त्री बनेका थिए ।
सर्वोच्च अदालतले लामिछाने सांसद हुन योग्य नभएको भन्दै उनको सांसद पद खारेज गरेको छ । उनले अमेरिकी नागरिकता त्यागेपछि नेपाली नागरिकता पुनः प्राप्तिका लागि प्रक्रिया नै नथालेको भन्दै सर्वोच्चले सांसदको उम्मेदवार हुन अयोग्य भएको आदेश दिएको छ ।
हेर्नुहाेस सर्वाेच्चकाे अादेश



