मकवानपुर । मकवानपुरको हेटौंडा उपमहानगरपालिका ८ कमानेमा जारी ८ ए साइड फुटबल प्रतियोगितामा बुधबार भएको खेलबाट सेमिफाइनल समीकरण पूरा भएको छ ।
प्रतियोगिता अन्तरगत बुधबार भएको क्वाटरफाइनलको खेलबाट रामनगर युवा क्लब र फायरलाइन एफसी बिजय हुँदै सेमिफाइनल प्रवेश गरे ।
हेटौडा ८ कमाने स्थित चन्द्रोदय स्कुलको खेलमैदानमा जारी (U-60Kg) ८ ए साइड नक आउट फुटबल प्रतियोगिता अन्तरगत समाज कल्याण र राम नगर युवा क्लब बिच भएको क्वाटरफाइनल खेलको निर्धारित समय १-१ गोल बराबरी पछि ट्राइब्रेकरमा धकेलिएको थियो । ट्राइब्रेकरमा राम नगर युवा क्लबले समाज कल्याणलाई ३-२ गोल अन्तरले पराजित गर्दै सेमिफाइनल यात्रा तय गरेको छ ।
यसैगरि बुधबार भएको दोश्रो क्वाटरफाइनल खेलमा फायरलाइन एफसीले मर्निङ एफसीलाई ३-० गोल अन्तरले पराजित गर्दै सेमिफाइनलमा स्थान पक्का गरेको छ ।
यस अघि मंगलबारको भएको क्वाटरफाइनल खेलमा जीत निकाल्दै हुप्रा र कर्णावती सेमिफाइनल प्रवेश गरेका थिए । हुप्रा सिटीले देवनगरलाई १-० गोल अन्तरले हराउदै सेमिफाइनल यात्रा तय गरेको हो भने आयोजक कर्णावतीले कालिकामाईलाई १-० गोल अन्तरले पाखा लगाउदै सेमिफाइनलमा स्थान पक्का गरेको थियो ।
प्रतियोगिता अन्तरगत विहीबारबाट सेमिफाइनल खेल हुने आयोजकले जनाएको छ । विहीबार हुने सेमिफाइनलको पहिलो खेल दिउँसो १ बजे हुप्रा सिटी र फायरलाइन एफसी बिच हुने छ भने दोस्रो खेल दिउँसो ३ बजे कर्णावती र राम नगर युवा क्लब बिच हुनेछ ।
कर्णावती युवा क्लबको आयोजना भएको (U-60Kg) ८ ए साइड नक आउट फुटबल प्रतियोगितामा १५ वटा टोलीको सहभागिता रहेको छ ।
प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
मकवानपुर । मकवानपुरको हेटौंडा उपमहानगरपालिका ८ कमानेमा जारी ८ ए साइड फुटबल प्रतियोगितामा मंगलबार भएको खेलबाट हुप्रा सेटी र कर्णावती सेमिफाइनल प्रवेश गरेको छ ।
हेटौडा ८ कमानेस्थित चन्द्रोदय माविको खेलमैदानमा माघ २ गते भएको क्वाटरफाइनल खेलमा जीत निकाल्दै हुप्रा र कर्णावती सेमिफाइनल प्रवेश गरे । आज भएको पहिलो खेलमा हुप्रा सिटीले देवनगर एफसीलाई र आयोजक कर्णावतीले कालिकामाईलाई पराजित गरेका हुन् ।
हुप्रा सिटीले देवनगरलाई १-० गोल अन्तरले हराउदै सेमिफाइनल यात्रा तय गरेको हो भने कर्णावतीले कालिकामाईलाई १-० गोल अन्तरले पाखा लगाउदै सेमिफाइनलमा स्थान पक्का गरेको हो ।

यसैगरी माघ ३ गते बुधबार पनि क्वाटरफाइनल अन्तरगत २ खेल हुने भएको छ । प्रतियोगिता अन्तरगत बुधबारको पहिलो क्वाटरफाइनल दिउँसो १ बजे समाज कल्याण र राम नगर युवा क्लब बिच हुनेछ भने दोस्रो खेल दिउँसो ३ बजे फायरलाइन एफसी र मर्निङ स्टार बिच हुने आयोजकले जानकारी दिएको छ ।
कर्णावती युवा क्लबको आयोजना भएको (U-60Kg) ८ ए साइड नक आउट फुटबल प्रतियोगितामा १५ वटा टोलीको सहभागिता रहेको छ । प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
थाहानगर । मकवानपुरको थाहानगरको चित्लाङमा सञ्चालित २७ औं जिल्लास्तरीय भलिबल प्रतियोगिताको उपाधि विनयबाबु स्मृति प्रतिष्ठानकाे पाेल्टामा परेको छ । थाहानगरको विनयबाबु स्मृति प्रतिष्ठानले हेटौंडाको छहारी युवा समाजलाई २५–१९, २५–२२ र २७–२५को सोझो सेटमा पराजित गर्दे उपाधी हात पारेकाे हो ।
स्वच्छन्द भैरव युवा क्लब चित्लाङकाे आयोजनामा भएकाे प्रतियोगिताकाे विजयी बन्दै प्रतिष्ठानले नगद ६० हजार १ रुपियाँँसहित शिल्ड मेडल तथा प्रमाणपत्र प्राप्त गरेको छ भने उपविजेता चित्त बुझाएकाे समाज हेटौंडाले नगद ३० हजार रुपियाँसहित शिल्ड, मेडल तथा प्रमाणपत्र प्राप्त गरेको छ । यस्तै प्रतियोगितामा तृतीय स्थानमा रहेकाे खेलकुद विकास समिति चित्लाङले नगद २० हजार रुपैयाँसहित शिल्ड, मेडल र प्रमाणपत्र प्राप्त गरेको छ ।
यसैगरी प्रतियोगिताको बिधागत पुरस्कार तर्फ वेस्ट स्पाइकर छहारीका निश्चल रानामगर, वेस्ट सेटर छहारीकै निश्चल काउचा घोषित भए । त्यस्तै वेस्ट लिबेरो विनयबाबुका उज्वल लामा, बेस्ट ब्लकर विनयबाबुका उपास विष्ट र वेस्ट प्लेयर निराजन गुरुङ र वेस्ट कोच विनयबाबुकै शंकर कार्की घोषित भएका थिए ।
प्रतियोगितामा मकवानपुर जिल्लाका १५ वटा टिमले सहभागिता जनाएका थिए ।
मकवानपुर । लुम्बिनी प्रदेशका शहरी विकास मन्त्री कृष्णा केसी (नमुना)ले भालुबाङ बस दुर्घटनाका घाइतेहरूको उपचारमा कुनै कमी हुन नदिन निर्देशन दिएकी छिन् ।
नेपालगन्ज मेडिकल कलेज शिक्षण अस्पताल कोहलपुरमा पुगेर उपचाररत दुर्घटनाका घाइतेको स्वास्थ्य अवस्था बुझ्दै उनले उपचारमा कुनै कमी हुन नदिन निर्देशन दिएकी हुन् । दुर्घटनामा घाइते भएकाहरूको शीघ्र स्वास्थ्य लाभको कामना गर्दै मन्त्री केसीले उपचारमा गम्भीर बन्न र उपचारमा कुनै कमी हुन नदिन सम्बन्धित निकायलाई निर्देशन समेत दिइन् ।
‘बस समितिले घाइतेहरूको उपचार गर्छ र अहिले गरिरहेको पनि छ’ उनले भनिन्, ‘तपाईहरू (चिकित्सक) ले पनि उपचारमा कुनै कमी हुन नदिनुहोला ।’ आर्थिक अभावकै कारण घाइतेहरूको उपचारमा समस्या आउन नदिन समेत मन्त्री केसीले निर्देशन दिइन् ।
शिक्षण अस्पताल कोहलपुरमा उपचारत १३ जना घाइतेहरूमध्ये एक जना डिस्चार्ज गरिएको अस्पताल प्रशासनले जनाएको छ । हाल उपचारत १२ जना घाइतेमध्ये एक जनाको अवस्था गम्भीर रहेको छ ।
बाँकेको नेपालगञ्जबाट काठमाडौं आउँदै गरेको भे१ख ३९१२ नम्बरको बस शुक्रबार राति साढे १० बजेतिर पुलबाट तल राप्ती नदीमा खस्दा १२ जनाको मृत्यु भएको थियो भने २२ जना घाइते भएका थिए । दाङ देउखुरीको राप्ती गाउँपालिका-१ भालुबाङस्थित राप्ती नदीको पुलबाट बस खस्दा मृत्यु भएका ८ जनाको सनाखत भएको छ ।
दुर्घटनामा एक महिला सहित १२ जनाको मृत्यु भएको थियाे भने २२ जना घाइते भएका थिए । मृतक १२ जनामध्ये २ भारतीय नागरिकसहित ८ जनाको सनाखत भएको छ । बाँकी ४ जनाको सनाखत भएको छैन । सनाखत नभएका चार जना मृतक भएकाे प्रहरीले जनाकारी दिएकाे छ ।
मृत्यु हुनेमा मकवानपुर हेटौंडा १७ हटियाका ३९ वर्षीय सौरभ बिष्ट, नेपालगञ्जका ६० वर्षीया कुसम बस्नेत, जुम्लाको चन्दननाथ-९ का ४० वर्षीय मुनबहादुर रावत, बाँकेका ३० वर्षीय रामवरण हरिजन, रुकुम गोतामकोट-९ का २५ वर्षीय दीपक डाँगी, काठमाडौं चन्द्रागिरि नगरपालिका-१५ का ६५ वर्षीय ताराकान्त पाण्डे, भारत पूर्वी चम्पाटनमलाहीका ६७ वर्षीय योगेन्द्र राम र भारत उत्तरप्रदेश अतिकुल्ला खैरे बस्ने ३१ वर्षीय मुनेको खनाखत भएको छ ।
शिक्षण अस्पताल कोहलपुरमा उपचारत १३ जना घाइतेहरूमध्ये १ जना डिस्चार्ज गरिएको अस्पताल प्रशासनले जनाएको छ । हाल उपचारत १२ जना घाइतेमध्ये एक जनाको अवस्था गम्भीर रहेको छ । प्रहरीका अनुसार बसका चालक सल्यान घर भएका २८ वर्षिय लालबहादुर नेपालीलाई नियन्त्रणमा लिएको छ । घाइतेहरूमध्ये ७ जना बुटवल, २ जनाको भालुबाङ अस्पतालमा उपचार भइरहेको बताइएकाे छ ।
मकवानपुर । नेपालमा अहिले उल्लेखनीय मौसमी प्रणाली नरहेकाे मौशम विज्ञान विभागले जनाएकाे छ । हाल कोशी र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहेको छ।
तराई भू-भागका अधिकांश स्थानहरूमा हुस्सु/कुहिरो लागेकोले दैनिक जनजीवन, स्वास्थ्य, यातायात तथा हवाई यातायातमा प्रभावित भएका छन् । देशका भित्री मधेशहरु र अन्य केही स्थानमा समेत हुस्सु र कुहिराे लागेकाे छ ।
पुस २७ गते शुक्रबार दिउँसो कोशी, बागमती र गण्डकी प्रदेशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहनेछ भने राती कर्णाली र सुदूरपश्चिम प्रदेश लगायत गण्डकी र कोशी प्रदेशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहनेछ।
तराई भू-भागका अधिकांश स्थानहरूमा हुस्सु/कुहिरो लाग्दा दैनिक जनजीवन प्रभावित हुन सक्ने भएकाेले त्यसकाे असरबाट साथै चिसोबाट समेत बच्न आवश्यक उपायहरू तथा सतर्कता अपनाउन समेत महाशाखले अनुरोध गरेकाे छ।