संघर्षमय यात्रामा आजबाट हामी तेह्रौ वर्षमा प्रवेश गरेका छौं । संघीयताको अभ्यासमा रहेका आमनेपालीले आर्थिक अवस्थामा अनपेक्षित परिस्थितिसँग सामना गरिरहेका छौं । आमसर्वसाधारणको दैनिकी कष्टकर बन्दै आएको छ । नेपालको अर्थतन्त्रमा कसरी सुधार ल्याउने भन्ने बारे ठोक कदम जरुरी छ । राजनीतिक रुपमा विषम परिस्थिति हुँदाको पल हामीले सहीखबर साप्ताहिकको प्रकाशन सुरु गरेका थियौ । आर्थिक तथा सामाजिक विकासलाई राजनीतिले नेतृत्व गर्न नसेकेकोले राजनीतिक स्थिरताको लागि हामीले दबाब दिंदै आयौ । संगसंगै महिलालगायत सिमान्तकृत समुदायको अग्रसरताको लागि हामीले आफ्नो मार्गदर्शन छाडेनौ । यसधर्तीमा सबैले समान रुपमा बाँच्न र आफ्नो अस्तित्वलाई मर्यादीत र जिवन्त राख्न पाउनु पर्छ भन्ने फराकिलो सोच हाम्रो मुख्य एजेण्डाको रुपमा रह्यो र रहनेछ । १२ वर्षको यात्रा पुरा गर्दै गर्दा हामीले धेरै तिता र मिठा अनुभुतिहरुमा खेलेका छौ, ति अनुभुतिहरुलाई सम्हालेर राखेका छौ ।
स्थानीय, प्रदेश तथा संघीय सरकारको उपस्थिति उनीहरुको जिम्मेवारी र कर्तव्यलाई पनि हामीले नजिकैबाट नियाल्दै आएका छौ । राजनीतिक विषम परिस्थितिमा जन्मेको सहीखबर साप्ताहिक यहाँहरुको माया ममतामा पुलोकित हुँदै आजको यात्रासम्म आएको हो । चाहाना र रहरभन्दा आवश्यकताको पाटोमा सरकारले आफ्नो जिम्मेवारी पुरा गर्नुपर्छ भन्ने हाम्रो एजेण्डा हो । आमनागरिकको सूचनाको हकलाई व्यवहारीक बनाउने प्रयत्न जारी छ । जस्तोसुकै विषय परिस्थितिमा पनि सहीखबर साप्ताहिकले आफूलाई ज्युँदो राख्न सफल भएको छ, र जिम्मेवारी पूर्णरुपमा निर्वाह गर्दै आएको छ । कोभिड जस्तो महामारीमा पनि हामीले कुनै पनि अंक बन्द गरेनौ, निरन्तर पत्रिका प्रकाशन तथा अनलाइन सञ्चालन जारी राख्यौ। यो पत्रिकालाई आजको अवस्थासम्म आईपुग्न धेरै प्रियजनको हात छ, अथाह योगदान छ । जनु सदा स्मरणीय छ,रहनेछ ।
प्रकाशन सुरु गरेदेखि नै राजनीतिक विषय वस्तुलाई भन्दा सामाजिक विषय वस्तुलाई प्राथमिकतामा राख्दै आएका छौं। यो नै सहीखबरको आफ्नो पहिचान हो । समतामुलक समाज निर्माण, महिला सशक्तिकरण, महिला अधिकार, सामाजिक न्याय, मानव अधिकार, बाल अधिकार, समाजको सकारात्मक रुपान्तरणमा जस्ता क्षेत्रमा आम सञ्चारको तर्फबाट झकझक्याउने हाम्रो अभियान जारी छ ।
प्रविधिको युगलाई अनुसरण गर्दै पछिल्लो ४ वर्षबाट हामीले www.saheekhabar.com अनलाईन संस्करण पनि सुरु गरेका छौं । साप्ताहिक रुपमा मात्रै नभई हरपल यहाँहरुलाई अनलाई मार्फत पनि सूचना,
जानकारी अनलाइनमार्फत पस्कदै आएका छौ । यो सुखद अवसरमा हामी हाम्रा आदरणीय सहयोगी मनहरु, हाम्रा स्तम्भकारहरु, विज्ञापन दाताहरु, पाठक वर्गहरु, हामीसँग प्रत्यक्ष/परोक्ष रुपमा जोडिनु भएका असाध्यै प्रिय शुभचिन्तकहरु, हाम्रो यात्राको होस्टेमा हैसें गरी सहयोग गर्नुहुने अग्रज तथा समकक्षि सञ्चारकर्मीहरु सबैप्रति हार्दिक आभार । आगामी यात्रामा पनि यहाँहरुको यस्तै अमिट सहयोगको अपेक्षा राख्दछौ । धर्तीका सबैको अस्तित्वलाई बचाउँन फराकिलो सोचको विकास गर्न हाम्रो खबरदारी जारी छ ।
मकवानपुर । मकवानपुरबाट प्रतिनिधि सभामा निर्वाचित सांसद महेश कुमार बर्तौला नेकपा एमालेकाे तर्फबाट मुख्य सचेतकमा नियुक्त भएका छन् । बर्तौला बुधबार सत्तारुढ दलको मुख्य सचेतक नियुक्त भएका हुन् ।
एमालेबाट मकवानपुरको क्षेत्र नम्बर–२ बाट निर्वाचित बर्तौलालाई प्रधानमन्त्री तथा एमाले अध्यक्ष केपी शर्मा ओलीले बर्तौलालाई बुधबार मुख्य सचेतक पदमा मनोनित गरेकाे हुन् । संसदीय दलका नेता समेत रहेकाे ओलीले नेकपा एमाले संसदीय दलको विधान २०७७ तथा संघीय संसद्का पदाधिकारी तथा सदस्यहरुको पारिश्रमिक र सुविधा ऐन २०७३ अनुसार बर्तौलालाई मुख्य सचेतकमा नियुक्त गरेका थिए ।
बर्तौलालाई प्रतिनिधि सभा मुख्य सचेतक पदमा साउन २ गतेबाट लागू हुनेगरी मनोनयन गरेको हो । सांसद बर्तौलाले पदाधिकारी तथा सदस्यहरुको पारिश्रमिक र सुविधा ऐन २०७३ ले निर्धारण गरे अनुसारको सेवा सुविधा पाउने छन् । मुख्य सचेतकलाई सत्तारुढ दलबाट नियुक्त गर्ने तथा सत्तारुढ दलकाे समेत प्रमुख सचेतकको समेत नेतृत्व गर्ने व्यवस्था छ ।
बर्तौला यसअघि एमालेको सचेतक र प्रमुख सचेतकको जिम्मेवारी सम्हालेका थिए । एमालेका तत्कालिन प्रमुख सचेतक पदम गिरी मन्त्री भएपछि बर्तौलालाई प्रमुख सचेतक नियुक्त गरिएको थियो ।

मकवानपुर । नेपाल आयल निगमले पेट्रोलियम पदार्थको मूल्य बढाएको छ। निगमले सोमबार राति १२ बजेबाट लागु हुनेगरी पेट्रोल डिजेल र मट्टितेलकाे मुल्य बढाएको हो ।
निगमले पेट्रोलमा ४ रुपैयाँ तथा डिजेल र मट्टितेलमा ३ रुपैयाँ मुल्य बढाएको हो । इण्डियन आयल कर्पोरेसनले सोमबार निगमलाई पठाएको मूल्यसुची अनुसार पेट्रोल ४ रुपैयाँ ४८ पैसा तथा डिजेल र मट्टितेल २ रुपैयाँ ८३ पैसा बढेको आएको भन्दै आयल निगमले राति १२ बजेपछि लागु हुने गरी मुल्य बढाएकाे हाे ।
निगम सञ्चालक समितिको सोमबार बसेको बैठकले पेट्रोलियम पदार्थको मूल्य बढाउने निर्णय गरेको निगमले जनाएको छ । खाना पकाउने ग्यासको मूल्यमा भने यथावत् रहेको जनाएको छ ।

मकवानपुर । बागमतीका मुख्यमन्त्री शालिकराम जमकट्टेलले साउन ६ गते विश्वासको मत लिने भएका छन् । मुख्यमन्त्री जमकट्टेलले विश्वास मत लिन प्रदेश संसद् सचिवालयमा पत्र पठाएका छन् ।
मुख्यमन्त्रीले विश्वासको मत लिने प्रकृयाको लागि साउन ६ गते अपराह्न १ बजे प्रदेश सभाको बैठक आह्वान गर्ने तयारीमा प्रदेश सभा सचिवालयकाे रहेकाे छ । नेकपा एमालेबाट सरकारमा सहभागी पाँच जना मन्त्रीले असार २४ गते सामूहिक राजिनामा दिएपछि जम्कट्टेल नेतृत्वको सरकार अल्पमतमा परेका थिए ।
एमाले सरकारबाट बाहिरिए पछि जम्कट्टेलकाे मन्त्रिमण्डलमाहाल नेकपा माओवादीको तर्फबाट ४ जना, नेकपा एकीकृत समाजवादीको तर्फबाट ३ जना र हाम्रो नेपाली पार्टीका एक जना मन्त्री छन् । केन्द्रीय सरकार गठनकाे अवस्था हेरेर राजिनामा वा विश्वासकाे मत रोज्ने बताउँदै आएका उनले प्रदेश सभाकाे फेस गर्ने भएका हुन् ।
मुख्यमन्त्री जम्कट्टेलको सत्ता यात्रा
मुख्यमन्त्री जम्कट्टेल २०७४ सालकाे प्रदेशकाे निर्वाचनपछिका अधिकांश समय सत्ताको केन्द्रमा रहँदै आए । प्रदेश सरकार गठनदेखि हालसम्म ६ वर्ष उनी सत्तामा रहे । २०७४ सालमा २३ प्रदेश सभा सदस्य हुँदा पनि सरकार निर्माण र सञ्चालनमा महत्त्वपूर्ण भूमिका निर्वाह गरेका उनले २०७९ सालकाे निर्वाचनबाट २१ प्रदेश सभा सदस्यमा झर्दा समेत उत्तिकै सशक्त रहे । प्रदेशकाे २ कार्यकालको संसदमा १० महिनामात्र माओवादी केन्द्र प्रतिपक्षमा रहेकाे छ ।
१० महिनाकाे प्रतिपक्ष भूमिका बाहेक अधिकांश समय उनी सरकारको नेतृत्व र मन्त्रीको भूमिकामा छन् ।बहालवाला मन्त्री भइरहेका बखत २०७९ को निर्वाचनपछि गठन भएकाे प्रदेश सरकारको नेतृत्व गर्ने अवसर पाएका थिए । उनले तत्कालीन मुख्यमन्त्री राजेन्द्र पाण्डे संघीय संसदमा निर्वाचित भएपछि २०७९ पुस २५ मा एमाले, राप्रपा र माओवादी केन्द्रको गठबन्धनबाट उनी मुख्यमन्त्री बनेका थिए ।
प्रदेश सरकार गठन हुँदा प्रदेशकाे आन्तरिक मामिला तथा कानुन मन्त्रीबाट सत्ता यात्रा सुरु गरेका जम्कट्टेलले आर्थिक मामिला तथा योजना मन्त्री हुँदै मुख्यमन्त्रीसम्मकाे जिम्मेवारीमा रहेर काम गरे । १७ महिनादेखि मुख्यमन्त्रीको जिम्मेवारीमा रहेका उनले यसअघि आन्तरिक मामिला तथा कानून मन्त्री ३ वर्ष र आर्थिक मामिला तथा योजना मन्त्री १४ महिना रहे ।
माओवादी प्रतिपक्षी भूमिकामा
६ वर्षदेखि सत्तामा रहेको माओवादी केन्द्र साउन ६ पछि प्रतिपक्षको भूमिकामा रहने निश्चित छ । केन्द्रीय तहमा सत्ता परिवर्तनसँगै माओवादी केन्द्र प्रतिपक्षमा रहेकाे अवस्थामा बागमतीमा समेत उ प्रतिपक्षमा पुग्ने निश्चित भएको हो ।
जम्कट्टेल नेतृत्वको सरकारबाट एमाले बाहिरिएपछि सरकार टिकाउन आगामी साउन २२ गतेभित्र विश्वासको मत लिनुपर्ने संवैधानिक व्यवस्था भएकाेले उनले साउन ६ गते विश्वासकाे मत लिदै छन् । तर प्रदेशकाे अंक गणित अनुसार उनकाे पक्षमा बहुमत नपुग्ने परिस्थिति छ ।
०७९ माघ ३ गते, चैत १० मा र ०८० चैत १९ गते गरी ३ पटक विश्वासको मत लिएर सरकार टिकाएका जम्कट्टेल यसपटक केन्द्रीय सत्ता समिकरणका कारण सङ्कट छन् । चैत १९ गते विश्वासकाे मत लिदा उनले ५६ सांसदकाे मात्रै समर्थन पाएका थिए ।
प्रदेश सभाकाे अङ्कगणित अनुसार ११० सदस्यीय बागमती प्रदेश सभामा सरकार गठनका लागि ५६ सांसदको समर्थन आवश्यक रहन्छ । मुख्यमन्त्री जम्कट्टेललाई हाल २९ सांसदको समर्थन छ । उनले विश्वासकाे मत प्राप्त गर्न थप २७ सांसदको समर्थन आवश्यक हुन्छ । प्रदेश सभामा पहिलाे र दोस्राे दल रहेकाे कांग्रेस–एमालेको गठबन्धन रहेकाेले सरकारमा रहिरहन सङ्ख्या जुटाउन असम्भव छ ।
बागमती प्रदेश सभाकाे अंकगणित
७ राजनीतिक दलको प्रतिनिधित्व रहेको प्रदेश सभाकाे ठुलो दल कांग्रेसकाे ३७ र दोस्राे ठुलाे दल एमालेकाे २७ सांसद छन् । माओवादी केन्द्रकाे २१ सांसद रहँदा, राप्रपाकाे १३, एकीकृत समाजवादीकाे ७, नेपाल मजदुर किसान पार्टीका ३ र हाम्रो नेपाली पार्टीका २ जना सांसद छन् ।
राप्रपा र नेमकिपाकाे समर्थन रहँदा समेत उनकाे पक्षमा ४५ सांसद रहने छ । यद्यपी यी दुई दलले समेत उनलाई समर्थन गर्ने देखिदैन । राप्रपाले केन्द्रमा समेत माओवादी केन्द्रका पुषपकमल दाहाल प्रचण्डलाई विश्वासकाे मत दिएन् । यसकाे असर प्रदेशमा समेत देखिनेछ । नेमकिपाले हालसम्म कुनै पनि सरकारलाई समर्थन गरेकाे छैन। यो पटक समेत विश्वासकाे मत जम्कट्टेललाई दिने देखिदैन् । उ बरु तटस्थ बस्न सक्छ ।