मकवानपुर /बागमती प्रदेशको मुख्यमन्त्रीमा राजेन्द्र पाण्डे नियुक्त भएका छन् । नवनियुक्त मुख्यमन्त्री पाण्डे सहित ३ जना मन्त्रीहरुले विहीबार पद तथा गोपनीयताको सपथ ग्रहण गरेका छन्।
नेकपा (एकीकृत समाजवादी)को संसदीय दलका नेता राजेन्द्र पाण्डेले आज पद तथा गोपनीयताको सपथ ग्रहण गरेसँगै ३ जान मन्त्रीहरुलाई पनि सपथ गराएका हुन् । यस पटकको मन्त्री मण्डलमा मकवानपुरले अर्की नेतृले पनि मन्त्री बन्ने अवसर पाएकी छिन् ।
अष्टलक्ष्मी शाक्यले १० कात्तिकमा राजीनामा दिएपछि विपक्षी गठबन्धनका तर्फबाट पाण्डेले मुख्यमन्त्रीका लागि दाबी पेश गरेका थिए । बागमती प्रदेश प्रमुख यादवचन्द्र शर्माले मुख्यमन्त्री पाण्डेलाई र पाण्डेले मन्त्रीहरु कुमारी मोक्तान, कृष्ण खनाल र कृष्ण भडेललाई सपथ खुवाएका हुन्। कांग्रेसका तर्फबाट भँडेल, माओवादीका तर्फबाट मोक्तान र एकीकृत समाजवादीका तर्फबाट खनाल मन्त्री हुने भएका हुन् ।

भडेललाई भौतिक पूर्वाधार मन्त्रालय, मोक्तान सामाजिक विकास मन्त्रालय र खनाललाई आन्तरिक मामिला तथा कानुन मन्त्रालयको जिम्मेवारी दिइएको छ। कांग्रेसका भँडेल भक्तपुर १ ‘क’ बाट प्रदेश सभामा निर्वाचित भएका हुन्। त्यस्तै, माओवादीकी मोक्तान मकवानपुर २ ‘ख’ बाट र एकीकृत समाजवादीका खनाल चितवन २ ‘ख’ बाट बागमती प्रदेश सभामा निर्वाचित भएका हुन् ।
यसअघि खनाल शाक्य नेतृत्वको सरकारमा सामाजिक विकास मन्त्री थिए। उनले मन्त्रीबाट राजीनामा दिएर एकीकृत समाजवादी रोजेका थिए ।
एकीकृत समाजवादी, नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा) का तर्फबाट ५९ सांसदको हस्ताक्षर सहित पाण्डेले बुधबार नै दाबी पेश गरिसकेका थिए ।
सिक्किममा रहेर साहित्यकाे क्षेत्रमा क्रियाशील साहित्यकार गीताश्री शर्मा साहित्यसँग सम्बन्धित प्रकाशन गृह समेतमा आबद्ध छिन् । अमृतवाणी, विश्व प्रसिद्ध व्यक्तिहरूका महान् वाणीहरूको
सङ्कलन तथा स्कूस्ले पाठ्यपुस्तकहरू सम्पादन गरी प्रकाशन गरेका उनले हालै ‘मुक्ता’ मुक्तक संग्रह प्रकाशनमा ल्याएकी छिन् । काेराेना कहर बीच मुक्तालाई फरक ढंगले विमाेचन गरिएकाे छ । आफ्नी आमाकाे हातबाट मुक्ता विमाेचन गराइएकाे हाे । सिक्किमकाे लिङ्माे भारतमा वि.सं. २०३० फागुन १८ गते ( सन् १९७४ मार्च ६) जन्मनु भएकी शर्माकाे बास्तविक नाम गीता शर्मा उपाध्याय न्याैपाने हाे । लेखन, सम्पादन र प्रकाशन कार्यमा समेत संलग्न उनी सिक्किममा जनपक्ष प्रकाशन संचालन गरी रहेकी छिन् । स्कुल अध्ययनकाे समयमा प्रकाशित हुने म्यागेजिनमा फुटकर साहित्य लेखनमा लागेकी उनी विगत ४–५ बर्षदेखि पुनः निरन्तर कलम चलाउने गरेकी बताउँछिन् । उनकाे वर्षा – कवितासङ्ग्रह (प्रकाशोन्मुख) समयका रेखाहरू कथासङ्ग्रह (प्रकाशोन्मुख) रहेकाे छ । अहिलेकाे परिवेशमा रहेर नेपाली साहित्य सन्दर्भमा साहित्यकार गीताश्री शर्मासँग सहीखबरकाे लागि आरपी गुरागाँईंले गरेकाे कुराकानीको सम्पादित अंशः
साहित्य लेखनमा लाग्नु भएकाे कति भयो ?
स्कूल म्यागेजिनका निम्ति फुटकर रचनाहरू विद्यार्थी छँदैदेखि लेखियो । त्यसपछि घरेलु व्यस्तताले लेख्न भ्याइएन, लेखिएका पनि पत्रपत्रिकामा प्रकाशित गराउन सकिएन । विगत चार-पाँच वर्षदेखि पुनः केही लेख्न थालेकी छु।
मुक्तक बाहेक साहित्यकाे कुन विधामा कलम चलाउनुहुन्छ ?
मुक्तक बाहेक कविता, कथा, लघुकथा र भर्खरै सुसेली पनि लेख्न थालेकी छु। केही किताबहरूको सम्पादन पनि गरेर प्रकाशन गरेकी छु ।
आजका हाम्रा युवाहरू समाज, देश र भविष्यका कर्णधार हुन् । यिनीहरूलाई समयसापेक्ष बनाउने र युवाहरूलाई दिशा निर्देश गर्ने काम पनि साहित्यले गर्दछ यसैले ‘साहित्य समाजको दर्पण भनिन्छ, मेराे रचनाले पनि यस्तै काममा केही इट्टा थपेकाे छ भन्ने लाग्छ ।
साहित्य लेखनमा कस्काे प्रेरणाले लाग्नु भएकाे हाे ?
” जनपक्ष प्रकाशन” संस्थासँग आबद्ध छु । जसले स्थापित साहित्यकारका धेरै कृतिको प्रकाशनसँगै नवोदित कवि, कथाकार, उपन्यासकार तथा साहित्यकारहरूकाे समेत कृति प्रकाशन गरी स्थापित गराएकाे छ।
प्रकाशनका निम्ति आएका कतिपय पाण्डुलिपिका लेखाइ हेर्दा नै पढुँपढुँ लाग्ने हुन्छन् , कतिपय टाइपसेटिङ गरिरहेको समय चासो राखेर पनि पढ्ने अवसर पाएँ । विशेष गरेर पसलमा बिक्री वितरणका निम्ति राखिएका हजारौं लेखकहरूका कृतिहरू त पढेर सकिने होइन, त्यसमा पनि चुनिएका, गनिएका र धेरै नाम चलेका कृतिहरू साथै पारिजातका कथा, उपन्यास, अच्छा राई रसिक, रूपनारायण सिन्हा, शिवकुमार राईका कथा , उपन्यास , सानु लामा, भीम दाहाल , झमक घिमिरे, इन्द्रबहादुर राई,बीपी कोइराला, सुवास घिसिङ, प्रकाश कोविद आदि धेरै विद्वान् लेखकहरूका कृतिहरूबाट प्रभावित भएकी छु । मेरा आदरणीय जेठाजु श्री शिवराज शर्मा नै धुरन्धर विद्वान् लेखक हुनुहुन्थ्यो , घरमा आधारातदेखि उठेर लेखेको देख्दा जीवनमा केही बन्न र समाजमा केही छाडिराखेर जानलाई साहित्य महत्त्वपूर्ण विषय हो, पढ्नु पर्छ अनि केही लेखेर समाजलाई केही दिनुपर्छ भन्ने लागेको छ । उहाँहरूबाट धेरै प्रभावित भएकी थिएँ । मेरो त घरै साहित्यमय थियो र छ । मेरा श्रीमान पनि लेखक, अनुवादक तथा सफल सम्पादक हुनुहुन्छ । उहाँसँगको सामिप्य र जीवन जोडिनुमा पनि मेरो साहित्यमा प्रेरणाको स्रोत बनेको छ।
यी बाहेक पनि समय, परिस्थिति, गाउँ-बस्ती, शहर-बजार, छरछिमेक, परिवेश र घटनाहरूले मलाई प्रभाव पारेको छ, विशेष लेख्ने प्रेरणा मिलेको छ ।

साहित्य लेखन बाहेक अरु कुन पेशामा आवद्ध हुनुहुन्छ ? साहित्य लेखनमा समय कसरी मिलाउनु हुन्छ ?
आफू स्वयं प्रकाशनसँग आवद्ध छु। लगभग चार दशकदेखि निरन्तर चलिरहेको प्रकाशन हो, ” जनपक्ष प्रकाशन” । स्थापित तथा नवोदित लेखक, साहित्यकारहरूको कृतिहरू प्रकाशन, ग्राहकहरूको सुविधा र समयोचित बिक्रीवितरण हाम्रो मुख्य उद्देश्य हो । यस बाहेक पाहुनापात, पूजा-आजा, मरौपरौ, छरछिमेक, बिहे-बटुलो आदिबाट उब्रिएको समय म लेखनकलामा लगाउँछु , शायद यसैले भनेको होला ! ‘ जहाँ इच्छा त्यहाँ उपाय ।’
साहित्य समाजकाे ऐना भनिन्छ ! तपाइकाे साहित्य लेखनबाट समाजमा परेकाे प्रभावलाइ कसरी मुल्याङ्कन गर्नुहुन्छ ?
साहित्यले समाज, गाउँ, शहर, बजारदेखि देशलाई सचेत गराउँछ , साहित्यले नै अन्योलमा परेका हाम्रा विद्यार्थी, युवा र पीछडिएको समाजलाई अग्रगति दिन्छ । आजका हाम्रा युवाहरू समाज, देश र भविष्यका कर्णधार हुन् । यिनीहरूलाई समयसापेक्ष बनाउने र युवाहरूलाई दिशा निर्देश गर्ने काम पनि साहित्यले गर्दछ यसैले ‘साहित्य समाजको दर्पण भनिन्छ, मेराे रचनाले पनि यस्तै काममा केही इट्टा थपेकाे छ भन्ने लाग्छ ।
साहित्य लेखनबाट के पाए भन्ने लाग्छ ?
समाजलाई मैले जानेको र गर्न सक्ने काम गरेर केही दिन सकें र पाठकहरूले पनि मैले गरेको काम र मैले सिर्जना गरेको वा लेखेको साहित्य पढेर सन्तोष व्यक्त गरिदिए, केही चर्चा- परिचर्चा गरिदिए भने मलाई आत्मसन्तुष्टि मिल्दछ, मैले पाउने भन्दा समाजकाे लागि दिनसक्ने कुरा दिउँ भन्ने साेच हाे, मेराे लेखाइबाट सन्तुष्टि पाएकाे छु । यही नै हाे ।
पछिल्लाे समय साहित्यका पाठक कतिका छन् जस्ताे लाग्छ ? नेपाली भाषी रहेकाे सिक्किम, दार्जीलिङ एवं गुवाहटी क्षेत्र साहित्य कलाकाे क्षेत्रमा उर्वर मानिन्छ त्यहाँ अहिले कतिकाे सक्रियता छ साहित्यमा ?
नेपाली साहित्यमा पाठक प्रशस्त छन् तर पाठकहरूले चाहेको , आशा गरेको अथवा रुचाएका कृतिहरूको रचना हुनुपर्दछ, कृति प्रकाशित हुनुपर्दछ वा सीधै भनौं भने लोककल्याणका निम्ति लेखिएको साहित्य हुनुपर्दछ । जसकाे अभाव संधै देखिन्छ । समाजमा नयाँ नयाँ पुस्ताहरू पनि थपिदै जाने र पुस्ता अनुसारकाे साहित्यकाे राेजाइ हुने भएकाेले साहित्यमा नयाँ विषय बस्तुकाे खाेजी र अभाव रहने हुन्छ ।
सिक्किम, दार्जीलिङ र डुवर्स नेपाली भाषा-भाषीहरूको बहुल क्षेत्र हो । आसाम क्षेत्रमा नेपालीहरू अल्पसङ्ख्यक छन् यी सबै क्षेत्रलाई जनसङ्ख्याको आधारमा हेर्दा नेपाली भाषा,साहित्य,कला र संस्कृतिले ठूलो फाँट जमाएको छ । नेपाली साहित्यिक गतिविधि तीव्र रूपले अघिबढिरहेको छ र भविष्य पनि उज्ज्वल छ भन्ने लाग्दछ ।
आजको साहित्य पाठक, विद्यार्थी, समाज र युगसापेक्ष होस् । विज्ञानमूलक लेखियोस् । साहित्यले समाजकाे मर्म बाेकेर समाज बुझ्न सक्याे भने मात्रै यसकाे कर्मकाे अर्थ रहन्छ । समाजलाई बुझेकाे साहित्यले मात्रै समाजलाई देखाउन सक्छ ।
सिक्किम र दार्जीलिङमा नेपाली भाषा बोल्ने र लेख्नेहरू सय प्रतिशत नै छन् यसर्थ नेपाली साहित्यले ठूलो फाँट पाएको छ । गोर्खाल्याण्ड अथवा छुट्टै राज्यको आन्दोलनले दार्जीलिङमा भाषा-साहित्यको अग्रगतिमा केही बाधा-अड्चन आएको देखिए तापनि सिक्किम धेरै नै अगाडि बढिरहेको थियो, सयौंका सङ्ख्यामा प्रतिमहिना साहित्यिक कृतिहरू प्रकाशित भएर पाठकसमक्ष आइरहेका थिए , वर्तमानमा शिथिलता देखिन थालेको अनुभव सर्जकहरूले गर्न थालेका छन्। तर हामीलाई लाग्छ सिक्किम साहित्यको लागि भूमि उर्वर छ , गति अवश्य पाउने छ ।
पछिल्लाे समय साहित्यका विधाहरूमा कलम चलाउने धेरै नव सर्जक छन् यसलाइ कसरी लिनु भएकाे छ ?
पछिल्लो भन्नाले धेरै पछि पनि जान पर्ने हुन्छ। तर प्रायः अघिल्ला वा वर्तमान सर्जकहरूबाट सिर्जना भएका कृतिहरू समयसापेक्ष छन् , युग सुहाउँदो पाइन्छ । पाठकहरूका मनमा बिझ्ने खालका पनि छन् । युगले चाहेका भनौं कि आजको सभ्यसमाजले रुचाएका कृतिहरू हाम्रा सर्जकहरूको चासोको विषय बनेको छ, शायद यसलाई नै भनिन्छ ‘साहित्यमा सहकाल ।’ यहाँ सबै साहित्यकारहरूको नाम लिन सकिंदैन अनि केही साहित्यकारहरूको मात्र नाम लिएर पूरै साहित्य संसारलाई कनाह पार्न चाहँदिन ।
प्रथम प्रकाशित मुक्तक सङ्ग्रहकाे विमाेचन आमाबाट नै किन गराउनु भएकाे हाे ?
‘आमा’ अथवा ‘माता’ विश्वमा सबैभन्दा ठूली गुरुमाता हुन्, आदिगुरु हुन् , गुरुकी पनि गुरु , जननी हुन् । आमाबिना जीवन मात्र होइन शिक्षा पनि अधूरो हुनजान्छ । यसैले संसारमा सबैभन्दा ठूलो गुरुमाताका करकमलबाट मेरो कृति लोकार्पण हुनपाउनु आफैलाई सबैभन्दा भाग्यशाली ठान्दछु । विद्वान् साहित्यकारहरूसँग पनि भेटघाट गरेर भाषा-साहित्य र लेखन विषय छलफल गर्ने जमर्को पनि गरिएको थियो तर यो अदृश्य वैश्विक महामारीलाई मध्यनजर राखेर ‘मानिसको स्वास्थ्यभन्दा ठूलो साहित्य होइन ! ‘ ‘जीउ रहे घिउ पिउँला’ भन्ने अठोट ग-यौं ।
प्रकाशित र प्रकाशाेन्मुख साहित्य कृति ‘मुक्ता’ र ‘वर्षा’काे नामाकरणमा कुनै रहस्य छ की ?
मेरा दुइ छोरीहरू मेरो जीवनका प्रेरणाका स्रोत हुन् । मेरा मार्ग दर्शक हुन् र गुरु पनि हुन्। उनै दुई चेलीहरू समान मैले मेरा कृतिहरूलाई पनि जन्माएर, बढाएर, पढाएर यहाँसम्म ल्याइपु-याएर प्रकाशित गर्न सक्षम भएकी छु , यसर्थ यी दुवै कृतिहरू दुब छोरीहरूलाई सुम्पेकी छु र छोरीको नाममा मुक्ता र वर्षा राख्ने विचार गरेकी हुँ। अरू खास रहस्य छैन । छाेरीहरू पनि छाेरा सरह हाम्राे प्यारा सम्पत्ति हुन् भन्ने अर्थ दिन खाेजेकाे हुँ ।
अरु कुनै विधामा पुस्तक प्रकाशनकाे तयारी गरिरहनु भएकाे छ कि ?
एउटा कथासङ्ग्रह र कवितासङ्ग्रह प्रकाशोन्मुख छ । काेराेनाकाे कारणले केही ढिलाे भएकाे हाे प्रकाशनकाे चरणमा छ यथाशीघ्र पाठककाे हातमा पुर्याउने लक्ष्य छ । केही समयकाे अन्तरालमा त्याे पनि पाठकलाई सुम्पने छु ।
अन्त्यमा केही ….. ?
आजको साहित्य पाठक, विद्यार्थी, समाज र युगसापेक्ष होस् । विज्ञानमूलक लेखियोस् । साहित्यले समाजकाे मर्म बाेकेर समाज बुझ्न सक्याे भने मात्रै यसकाे कर्मकाे अर्थ रहन्छ । समाजलाइ बुझेकाे साहित्यले मात्रै समाजलाइ देखाउन सक्छ । यस्तै रचनाहरू नेपाली साहित्यमा पढ्न र लेख्न सकियाे बस् यत्ति हाे । मलाई मेराे अन्तरमनकाे कुराहरू पाठकबिच राख्ने अवसरकाे लागि अनलाइन परिवारलाई हार्दिक धन्यवाद ।
मकवानपुर । मकवानपुरे साहित्यकार तथा गीतकार बाबुराम न्याैपानेले रचना गरेकाे ‘म रोएर के भो र’ बाेल गीतकाे म्युजिक भिडियाे युबटुवमा हेर्न सकिन्छ । रेकर्ड भएर साँचाे एल्बममा समेटिएकाे गीत करिब १ बर्ष पहिले युबटुबमा सार्वजनिक भएकाे हाे ।
पेशाले ट्याक्सी चालक न्याैपानेले लेखेकाे तथा एल्बम साँचाेमा समेटिएकाे गीतलाइ सन्जय तुम्रोकले गायक छन् । गीतमा संगीत चोक गुरूङले दिएका छन् । संगीत संयोजक उदयराज पौड्याल रहेकाे गीतकाे म्युजिक भिडियाे सगीतकार गुरुङकाे अफिसियत युवटुव च्यानलबाट सार्वजनिक भएकाे हाे । गीत सार्वजनिक पश्चात खासै चर्चामा नआएकाे न्याैपाने बताउँछन् ।
न्याैपाने हाल पेशाले ट्याक्सी चालक हुन् । विगत १८ बर्ष देखि काठमाडाैमा बसाेबास गर्दै आएका न्याैपाने सुरुका २/३ बर्ष त्रीचन्द्र कलेजमा अध्ययन गर्थे । अध्ययन पुरा गर्न सँगसँगै लेवर काम गरेकाे न्यापाने बताउँछन् । त्याे पेशामा परिश्रम बढी गर्नु पर्ने भएकाेले सामान्य चिया नास्ता खाना होटेल चलाएका उनले साथी माधव भण्डारीसँग मिलेर प्राइभेट कम्पनी खोलेर चलाउने प्रयास गरेकाे बताउँछन् । तर सफल नभए पछी बिदेश जाने एक प्रयास गरेका उनले त्याे समेत बिफल हुँदा ट्याक्सी चालककाे पेशा सुरु गरेकाे बताए ।
काम गर्दा गर्दै देखे सुनेका,अनुभव गरेका र मनमा खेलिरहेको कुरालाइ सम्झना गरेर कामबाट फुर्सद पाउने बित्तिकै तुरुन्तै टिपिराख्ने र पछि करेक्सन गर्ने गरेकाे उनले ३/४ गित लेखिराखेको तर आर्थिक अभावमा रेकर्ड गर्न नसकेको सुनाए । साहित्यकाे अरु विधा मुक्तक तथा गजलमा पनि कलम चलाउने न्याैपाने मकवानपुरकाे हर्नामाडी एक्लेखेतमा जन्मिएर ज्याेति माविमा अध्ययन गरी धेरै संघर्ष पश्चात् हाल राजधानी काठमाडाै मै स्थायी बसोवास गर्न सफल न्याैपानेका रचनाहरु रेडियाे एफ एमहरुका कार्यक्रममा पहिले सुन्न सकिए पनि हाल समय नहुँदा राेकिएकाे उनले बताए ।
मकवानपुर । पाँचौ राजर्षि जनक कप फुटबल प्रतियोगिता–२०७७ काे उपाधी पिप्ले युवा क्लब हेटौंडाले जीतेकाे छ । चैत ३० गते भएकाे फाइनलमा आयाेजक बागमती युवा क्लबलाइ सडनडेथमा ५–४ गाेल अन्तरले हराउँदै उपाधीमा कब्जा जमाएकाे हाे ।
प्रतियोगिताको विजेता बन्दै पिप्लेले १० लाख १ हजार नगर, प्रमाण पत्र शिल्ड प्राप्त गरेकाे छ । आयाेजक बागमतीले उपविजेतामा चित्त बुझाउँदै ५ लाख ५ सय नगद प्रमाण पत्र प्राप्त गरेकाे छ ।
निकै प्रतिस्पर्धात्मक भएकाे खेलकाे पहिलाे हाफमा दुबै टाेलीबाट २ –२ गाेल भएकाे थियाे । खेलकाे दाेस्राे हाफकाे अन्तिम समयमा बागमतीले १ गाेल गर्दै खेलमा अग्रता लिएकाे थियाे । दाेस्राे हाफकाे इन्जुरी समयमा पिप्लेकाे तर्फबाट जवाफी गाेल प्रहार भए पछी खेल टाइबेकरमा धकेलिएकाे थियो । टाइबेकरमा समेत अंक बराबरी भएपछि सडेन डेथमा पिप्ले बिजयी भएकाे हाे ।
पिप्ले युवा क्लब हेटौंडाका समिराज थोकरले खेलको ५ औँ मिनेटमा गोल गर्दै अग्रता दिलाएका थिए । आयोजकका स्टेफनले ११ औँ मिनेटमा गोल गर्दै खेल बराबरीमा ल्याए । यस्तै, स्टेफनले १६औँ मिनेटमा ब्यक्तिगत दोस्रो गोल गर्दै आयोजकलाई अग्रता दिलाए । पिप्लेका ग्लोरीले खेलको २६औँ मिनेटमा गोल गोल गर्दै बराबरीमा फर्काए । आयोजकका रित्तिक खड्काले खेलको ८९औँ मिनेटमा गोल गर्दै अग्रता दिलाए पनि हेटौंडाका ग्लोरीले इन्जुरी समयमा गोल गर्दै खेल बराबरीमा फर्किएकाे थियाे ।
फाइनल खेलमा म्यान अफ द म्याच पिप्ले युवा क्लव जर्सी नं. १९ नं.का ग्लाेरी भए । उनले नगद १० हजार प्राप्त गरेका छन् । प्रतियोगिताको बिधागत तर्फ पिप्ले हेटौंडाका प्रशिक्षक सुविन घिमिरे उत्कृष्ट प्रशिक्षक, हेटौंडाकै राजेन्द्र रावल उत्कृष्ट मिडफिल्ड, आयोजक बागमतीका गोलरक्षक अरुण ब्लोन उत्कृष्ट गोलरक्षक र सर्वाधिक गोलकर्ता आयोजककै स्टेफन घोषित भएका थिए । उनीहरुले जनही २०–२० हजार प्राप्त गरेका छन् । प्रतियोगिताको उत्कृष्ट खेलाडी आयोजकका कप्तान विजय घलान घोषित भए । उनले नगद ५१ हजार हातपारेका छन् । राइजिङ प्लेयर आयोजकका गोलरक्षक अरुण ब्लोन घोषित भए । उनले एक थान पल्सर मोटरसाइकल जित्न सफल भए ।
बागमती नगरपालिका सर्लाही र बागमती युवा क्लबकाे आयाेजनामा चैत २१ गते शनिबारबाट सुरू भएकाे प्रतियाेगितामा पिप्ले युवा क्लब अफ्रिकन रुट्स एसोसिएसन क्यामरुनलाई २–१ गाेल अन्तरले हराउँदै फाइनल प्रवेश गरेकाे हाे । त्यस्तै शसस्त्र प्रहरीकाे एपीएफ क्लबलाइ ४–० गाेल अन्तरले पराजीत गर्दै आयाेजक बागमती युवा क्लब फाइनल प्रवेश गरेकाे थियाे ।
पछिल्लो समय पिप्ले युवा क्लबले खेलकुदकाे गतिविधीबाट मकवानपुर जिल्लाकाे चिनारी गराउन र खेलकुद क्षेत्रको विकासमा आक्रामक ढङ्गले गतिविधि गर्दै आएको छ । मोफसलकै प्रतिष्ठित राजर्षि जनक कप फुटबल प्रतियगितामा उत्कृष्ट प्रदर्शन गर्दै उपाधी जितेर फुटबलमा आफ्नो बलियो दाबेदारी पनि पेस गरेको छ ।
फाइनल प्रतिस्पर्धामा उपाधि जित्दै मकवानपुरबासी लाई गौरवान्वित बनाएकाे प्रशिक्षक सुविन घिमिरेले बताए । उनले ‘विदेशी र नेपालका चर्चित खेलाडीको समिश्रण रहेको पिप्ले क्लबकाे खेलाडीको मेहेनतका कारण जीत सम्भव भएको बताए ।
प्रतियोगितामा कञ्चनजंघा एफसी सिलगुढी, बागमती युवा क्लब सर्लाही, अफ्रिकन रुट्स एसोसिएसन क्यामरुन, सेन्ट्रल कलेज बीएफसी चितवन, एपीएफ क्लब, नवजनजागृति युवा क्लब सिमरा, सुदुरपश्चिम ११ र बागमती नगरपालिका सर्लाहीले सहभागिता जनाएका थिए ।
मकवानपुर । मकवानपुरकाे हेटाैंडामा भएकाे शहीद स्मृति गाेल्डकप फुटबल प्रतियोगिताकाे उपाधि त्रिभुवन आर्मी क्लबले जितेकाे छ । त्रिभुवन आर्मी क्लबले आज शनिबार भएकाे फाइनल खेलमा आयाेजक मकवानपुर ११ लाइ १-० काे अन्तरले जित हात पारेकाे हाे ।
खेलको ३९ औ मिनेटमा आर्मीका टेक बहादुर बुढाथोकीले गरेको गोलनै खेलमा निर्णायक रहयो । बिजयी आर्मी क्लबले नगद १० लाख रुपैयाँ, शिल्ड, मेडल र प्रमाणपत्र हात पारेको छ । बिजयी टिमलाई अखिल नेपाल फुटबलसंघका अध्यक्ष कर्माछिरीङ शेर्पा, नेपाली काग्रेश बागमती प्रदेश संसदीय दलका नेता इन्द्र बहादुर बानियाँ, हेटौंडा उपमहानगरपालिकाका मेयर हरि बहादुर महत लगायतकाले पुरस्कृत गरे ।
उपबिजेतामा मकवानपुर ११ ले नगद ५ लाख, शिल्ड, मेडल र प्रमाणपत्र प्राप्त गरेको छ । बिजयी टिमलाई मेयर महत लगायतकाले पुरस्कार हस्तान्तरण गरे ।

आजको खेलमा आर्मीका टेक बहादुर बुढाथोकी म्यान अफ दी म्याच घोषित भइ नगद १० हजार रुपैँया प्राप्त गरेका छन् । आयोजक मकवानपुर–११ का कप्तान अशोक बराल खेल अवधिभरमै सर्वोत्कृष्ट खेलाडी घोषित भए । त्यसैगरी मकवानपुर–११ का अमिर श्रेष्ठले उत्कृष्ट खेलाडी बन्न सफल भए । उनले बुलेट मोटरसाइकल प्राप्त गरे ।

त्यसैगरी लाइफटाइम एचिवमेन्ट अवार्डबाट पुर्व खेलाडी निर्मल बल लामालाई प्रदान गरिएको छ । आर्मीका विवश चौधरी खेलको उत्कृष्ट गोलरक्षक घोषित भए । उनले नगद २५ हजार रुपैँया प्राप्त गरे ।
आर्मीका दीपक गुरुङ उत्कृष्ट डिफेन्डर, आर्मीकै शेशेहङ आङदाम्बे उत्कृष्ट मिडफिल्डर, मकवानपुर–११ का रञ्जन बिष्ट उत्कृष्ट फरवार्ड, आर्मीका प्रशिक्षक नविन न्यौपाने उत्कृष्ट प्रशिक्षक घोषित भए । उत्कृष्ट हुने सवैले जनही नगद २५/२५ हजार रुपैँया प्राप्त गरका छन् । प्रतियाेगितामा आयाेजक सहित माेफसलका ३ र राष्ट्रिय ६ अन्तराष्ट्रिय १ गरी १० टीमकाे सहभागिता रहेकाे थियाे । २०६४ सालमा राष्ट्रिय फुटबल प्रतियोगिताको पहिलो संस्करण आयोजना गरिएको थियो । पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो ।