मकवानपुर । मकवानपुर प्रहरीले अबैध काठ ओसारपसार र बिक्रीबितरण मुद्दामा फरार प्रतिवादी १ जना पक्राउ गरेकाे छ ।
मकवानपुर जिल्ला अदालत हेटौडाको २०७० साल पुष २४ गतेको फैसलाले अबैध साल काठ ओसारपसार बिक्रीबितरण मुद्दामा १ महिना १७ दिन कैद सजाय तोकिएका फरार
प्रतिवादी हेटाैडा ९ का ४१ बर्षीय राजकुमार थापामगरलाई प्रहरीले पक्राउ गरेकाे जिल्ला प्रहरी कार्यालय मकवानपुरले जनाएकाे छ ।
जिल्ला प्रहरी कार्यालय मकवानपुरबाट खटिएको प्रहरी टोलीले असार १५ गते फरार प्रतिवादी थापामगरलाई हेटाैडा ९ बाट पक्राउ गरी आवश्यक कारवाहीको लागि जिल्ला अदालत मकवानपुरमा उपस्थित गराईएकोमा उक्त कैद भुक्तानको लागी कारागार कार्यालय भिमफेदी पठाईएको प्रहरी निरीक्षक देवेन्द्र दासले जानकारी दिए ।
मकवानपुर । प्रदेश संचार नीतिमा मंगलबार हेटौंडामा संवाद कार्यक्रम भएको छ । संवाद कार्यक्रममा बागमती प्रदेश सरकारले संचार संस्था खाेले त्यसलाई खारेज गर्ने कांग्रेस बागमती प्रदेशको संसदीय दलको नेता इन्द्र बानियाँले बताए । प्रदेश सरकारले संचार माध्यम खोल्न आवश्यक छैन बानियाले भने आवश्यकता अनुसार रेडियो वा सञ्चार माध्यम स्थापनामा सहयाेग गरेर संचार प्रवर्दन गर्नु राम्राे हुनेछ ।
बागमती प्रदेश सरकारले आगामी वर्षमा प्रेस स्थापना गर्न १० करोड बजेट विनियोजन गरेको छ । यसबारे उनले सदनमा सशक्त आवाज उठाउने तथा जबरजस्ती संचार माध्यम खोलेमा कांग्रेसको सरकारले त्यसलाई खारेज गर्ने बताए । सरकारले आफ्नो गलत कामको ढाकछोप गर्न संचारगृह खोल्नु लोकतन्त्र विरोधी गतिविधि भएको बानियाल बताए ।
यसको विरोधमा बागमती प्रदेश पत्रकार महासंघ लगायत प्रदेशको १३ जिल्लाका पत्रकार महासंघहरु विरोधमा उत्रिएका छन् । पत्रकार महासंघ बागमती प्रदेशका अध्यक्ष शिव देवकोटाले प्रदेशको आन्तरिक मामिला तथा कानुन मन्त्रालयले बजेट आउनु अघि संचार माध्यमलाई समेटेर बजेट ल्याएको भनेर ढुक्क हुन भनेर झुटो आश्वासन दिएको बताए । उनले मुख्यमन्त्री डोरमणि पौडेलले भेट्न समेत समय नदिएको भन्दै आपत्ति पनि जनाए ।
कार्यक्रममा सहभागी सञ्चारकर्मी तथा मिडिया उद्यमीहरुले बागमती प्रदेश सरकारले सञ्चार क्षेत्रलाई उपेक्षा गरेको र त्यसका बिरुद्धमा आन्दोलनमा रहेको वताएका छन् ।
नेपाल पत्रकार महासंघ केन्द्रीय समितिको आयोजना एवं मकवानपुर शाखाको संयोजनमा भएकाे गरिएकाे कार्यक्रममा बागमती प्रदेश सांसद प्रेम पुलामी, प्रदेश सञ्चार रजिष्ट्रार रेवती सापकोटा, जिल्ला समन्वय समिति मकवानपुरका उपप्रमुख भगवती पूडासैनी, नेपाल पत्रकार महासंघको केन्द्रिय सचिव सिर्जना अर्याल, पत्रकार महासंघ बागमती प्रदेश अध्यक्ष शिव देवकोटा, संस्थापक अध्यक्ष प्रताप बिष्ट, केन्द्रीय सदस्य सुनिल खड्का र ध्रुव रावल, ब्रोडकाष्टिङ एशोसियसनका कार्यवाहक अध्यक्ष उज्ज्वल चौलागाईं, आन्तरिक मामिला मन्त्रालयका उपसचिव नारनप्रसाद पोखरेल, प्रेस रजिष्टार रेवती सापकोटा लगायतको उपस्थिति रहेको थियो ।
मकवानपुर । हेटौंडामा रहेको मदन भण्डारी स्वास्थ्य विज्ञान प्रतिष्ठानको शैक्षिक कार्यक्रमको शुभारम्भ भएकाे छ । प्रधानमन्त्री केपी शर्मा ओलीले भर्चुअल माध्यमबाट बागमती प्रदेश सरकारको महत्वपूर्ण योजना प्रतिष्ठानको शैक्षिक कार्यक्रमको शुभारम्भ गरेका हुन् ।
शैक्षिक कार्यक्रमको शुभारम्भ गर्दै प्रधानमन्त्री ओलीले प्रतिष्ठानले दक्ष जनशक्ति उत्पादन गर्ने र भरपर्दो सेवा दिनेमा विस्वस्त रहेको बताए । संघीय सरकार कोरोना महामारी परास्त गर्न क्रियाशिल रहेकोमा प्रदेश सरकारको प्रतिष्ठानले अहिलेकाे काेराेना महामारीमा राम्रो सुरुवात गरेको बताए ।
बाग्मती प्रदेशका मुख्यमन्त्री डोरमणि पौडेलको अध्यक्षता हेटौंडा भएकाे शुभारम्भ कार्यक्रम जननेता मदनको ७० औँ जन्मजयन्तीका अवसरमा गरिएककाे हाे ।
बागमती प्रदेश सरकारले स्थापना गरेको स्वास्थ्य विज्ञान प्रतिष्ठानले स्वास्थ्य सम्बन्धी विभिन्न विषयमा स्नातक तहसम्म अध्यापन गराउन अघिल्लो महिना अनुमति प्राप्त गरेको छ । चिकित्सा शिक्षा आयोगले प्रतिष्ठानलाई तीन विधामा अध्यापन गराउन अनुमति दिएको र पढाइ पनि सुरु गर्न लागिएको प्रतिष्ठनाका रजिष्टार राजेश प्रसाईले बताए । उनका अनुसार आयोगले जनस्वास्थ्यमा २० जना, फार्मेसीमा ३० जना र मेडिकल ल्याब टेक्नोलोजीमा ३० जनालाई अध्यापन गराउन अनुमति प्रदान गरेको छ ।
स्वास्थ्य विज्ञानको क्षेत्रमा अध्ययन, अध्यापन र अनुसन्धानको व्यवस्था गरी गुणस्तरीय र अन्तराष्ट्रिय मान्यता प्राप्त दक्ष जनशक्ति उत्पादन गर्न र आम नागरिकलाई सर्वसुलभरुपमा गुणस्तरीय स्वास्थ्य सेवा उपलव्ध गराउन प्रदेश सरकारले प्रदेश राजधानी हेटाैडामा २०७६ असोज २ मा प्रतिष्ठानको स्थापना गरेको हो ।

कानूनीरुपमा प्रतिष्ठान स्थापना ऐन, २०७६ को साथै, पदाधिकारी व्यवस्थापन तथा सेवा सुविधा संवन्धि नियमावली, २०७७, आर्थिक प्रशासन नियमावली, २०७७, कर्मचारी सेवा, शर्त र सुविधासम्बन्धी नियमावली २०७७, अस्पताल सञ्चालन तथा व्यवस्थापन नियमावली, २०७७ र शिक्षक सेवा, शर्त र सुविधा सम्बन्धी नियमावली २०७७ जारी भई कार्यान्वयनमा आईसकेको छ ।
स्वास्थ्य बिमा कार्यक्रम मार्फत जनतालाई स्वास्थ्य सेवामा जोड्ने, दक्ष चिकित्सक तथा स्वास्थ्यकर्मी तयार गर्ने, जनस्वास्थ्य कार्यक्रमलाई योजनावद्ध ढङ्गले जनताको घर दैलोमा पु¥याउने, आयुर्वेद तथा वैकल्पिक चिकित्सालाई स्थापना गर्ने, अनुसन्धानको कार्यलाई व्यवस्थित गर्दै अनुसन्धानको क्षेत्र फराकिलो बनाउने जस्ता नीतिहरुलाई लिएर प्रतिष्ठानले कार्य गरिरहेकाे छ ।

प्रसाइका अनुसार प्रतिष्ठान स्थापना भएको करिब २ सय ९८ दिनमै प्रतिष्ठानलाई आवश्यक पर्ने ऐन, नियमावलीहरु, पूर्वाधारहरु तयार गर्न आवश्यक जमीनको बन्दोवस्त, अनुसन्धान केन्द्रको स्थापना र सञ्चालन, तोकिएको सबै मापदण्ड पूरा गरी यसै शैक्षिक सत्रवाट तीनवटा स्नातक तहका विषयका बीपीएच, बीफार्मेसी र बीएमएलटीको कक्षा सञ्चालनको लागि चिकित्सा शिक्षा आयोगबाट अनुमति तथा सीट संख्या समेत निर्धारण भई शैक्षिक कार्यक्रम सञ्चालन गर्ने अवसरहरु प्रतिष्ठानलाई प्राप्त भएको छ ।
मकवानपुर । हेटौंडामा करेन्ट लागेर १ जनाको ज्यान गएको छ । हेटाैडा १३ चुच्चेपानीका ३५ वर्षीय राजकुमार माेक्तानले मिटर बक्स सफा गर्न खाेल्दा करेन्ट लागेर मृत्यु भएकाे मकवानपुर प्रहरीले जनाएकाे छ ।
आज दिउँसो ३ बजे आफ्नै घरको मिटर बक्स सफा गर्न खोल्ने क्रममा करेन्ट लागेर गम्भिर घाईते भएका मोक्तानको उपचारको क्रममा चुरेहिल अस्पतालमा मृत्यु भएको जिल्ला प्रहरी कार्यलय मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले जानकारी दिए ।
मकवानपुर । जेसीआई हेटौडा लेडिको आयोजनामा हार्दिक वधाई एवं शुभकामना कार्यक्रम भएको छ। जेसीआई हेटौडा लेडिले कार्यक्रममा वागमती प्रदेश प्रदेश युवा परिषद उपाध्यक्षमा नियुक्त भएका सन्तोष चौलागाईंलाई वधाई एवं शुभकामना दिएकाे हाे ।
आई हेटौडा लेडिले समग्र युवाहरुको क्षेत्रमा युवालाई समेटेर सीप प्रवर्दनमा उद्यमशिलता लगायतका कार्यमा युवाको प्रत्यक्ष सहभागीतामा छलफल गर्ने कार्यन्वयन गराउने, युवा शक्ती वैदेशिक स्वरोजगारमा जाँदा विज्ञको रुपमा जान सकिनेसम्मका युवा जनशक्ती तयार गर्न सक्षम भएकाेले कार्यक्रममा जेसीज परिवार लाई उपाध्यक्ष चौलागाईंले धन्यवाद दिए ।
शाखा अध्यक्ष जेसी प्रतिमा श्रेष्ठ को सभाध्यक्षमा तथा यशोदा गौतमको संयोजकत्वमा भएको कार्यक्रममा पूर्व अध्यक्ष जेसी रश्मी वस्नेत, नगर खेलकुद विकास समिति अध्यक्ष चन्द्र शाही, मकवानपुर उधोग वाणिज्य संघ सदस्य नरेन्द्र भण्डारी, कृष्ण लामिछाने, किशन घिसिङ, लेडी जेसीजका पदाधिकारी एवं सदस्यहरुको उपस्थिति रहेको थियो।