मकवानपुर । तेस्रो अन्तराष्ट्रिय सामाजिक अर्वाड दुबईमा हुने भएको छ । क्रियटिभ मिडिया एण्ड ईभेन्ट म्यानेजमेन्ट प्रालीको आयोजनामा हुने कार्यक्रममा मकवानपुर जिल्लाका सहित २५ जनालाई अन्तराष्ट्रिय अर्वाडले सम्मानित गरिने भएकाे छ ।
यस अघि सन्देश ईन्टरनेशनल अर्वाडकाे नाममा सम्मानित गरिदै आइएकाेमा यस पटक नाम परिवर्तन गरी अन्तराष्ट्रिय सामाजिक अर्वाड बनाईएको साेमबार हेटौंडामा आयोजित पत्रकार सम्मेलनमा जानकारी दिईएको छ । अर्वाडका विधा र प्रकृति उस्तैं रहेपनि अझैं बृहत र धेरै बिधा समेट्ने उद्येश्यले अर्वाडको नाम र आयोजक परिवर्तन गरिएको क्रियटिभ मिडिया एण्ड ईभेन्ट म्यानेजमेन्ट प्रालीका अध्यक्ष सुनिल खड्काले जानकारी दिए ।
मंसिर २८ गते अर्थात १४ डिसेम्बर २०२१ देखी २०७८ पुस ३ अर्थात १८ डिसेम्बर २०२१ सम्म दुबई भ्रमण र अर्वाड कार्यक्रम हुने खड्काले बताए । मुख्य कार्यक्रम भने २०७८ पुस ०२ गते अर्थात १७ डिसेम्बर २०२१ दिन दुबईमा हुने छ । कार्यक्रम पछि दुबईको महत्वपुर्ण ठाँउहरुको भ्रमण हुने पत्रकार सम्मेलनमा जानकारी दिईएको छ । कार्यक्रममा बिभिन्न २५ विधामामा २५ जना व्यक्तित्वलाई तेस्रो अन्तराष्ट्रिय सामाजिक अर्वाड र राष्ट्रिय सम्मानबाट सम्मान गरिने खड्काले जानकारी दिए । कार्यक्रममा दुबईको विकास र नेपालले सिक्नुपर्ने बिषयमा महत्वपुर्ण अन्तक्रिया, नेपालको पर्यटकिय स्थलहरुको प्रचारप्रसार गर्न डकुमेन्ट्री प्रदर्शन र “देश फर्किउ, देश बनाऔं” सन्देशमुलक डकुमेन्ट्री प्रदर्शन गरिने पत्रकार सम्मेलनमा बताइएकाे हाे ।
पहिलो पटक रेडियो सन्देश १०६.९ मेगाहर्ज र बिगत १८ बर्षदेिख मकवानपुर जिल्लाबाट नियमित प्रकाशित हुँदैं आएको निकास साप्ताहिकको १५ औं बार्षिकउत्सवको अवसरमा थाईल्याण्डकाे बैंककमा सन्देश ईन्टरनेशनल अर्वाड कार्यक्रम आयोजना गरेको र दोस्रो सन्देश ईन्टरनेशनल अर्वाड मलेसिया/ सिङ्गापुरमा भव्यताका साथ सम्पन्न गरिसकेको खड्काले पत्रकार सम्मेलनमा जानकारी दिए ।
दुबईमा रहेको अन्तराष्ट्रिय नेपाली कलाकार समाज, नेपाल पत्रकार महासंघ दुबई शाखा र गैर आवासिय नेपाली संघ दुबई लगायतका बिभिन्न संघ/संस्थासंगको सहकार्यमा सयुक्त रुपमा अर्वाड कार्यक्रम आयोजना गरिएको उनले बताए । कार्यक्रमको मिडिया पार्टनर थाहा नेपाल डटकम, रेडियो सन्देश १०६.९ मेगाहर्ज, निकास साप्ताहिक, रेडियो सिद्धबाबा, सुनकोसी एफएम र सिद्धबाबा टेलिभिजन लगायतका रहेका छन् ।
कार्यक्रममा कलाकारहरु ईन्द्र सिन्चुरी, दिनेश काफ्ले, राजु बराल, मिरा गिरी, सनम रसाईली लगायतका राष्ट्रिय स्तरका कलाकाहरुबाट बेजोड सास्कृतिक कार्यक्रम हुनेपनि बताईएको छ । कार्यक्रममा नेपाल बाहेक जापान, अमेरिका, थाईल्याण्ड, कतार, मलेसिया, सिङ्गापुर, चाईना सहित बिभिन्न देशबाट सहभागिता हुने जानकारी दिईएको छ । कार्यक्रममा दुबईको बिभिन्न संघ/संस्था, सामाजिक व्यक्तित्व, उद्योगी/व्यवसायी गरी करिब ४ सय जनाको सहभागिता हुने पत्रकार सम्मेलनमा जानकारी दिईएको छ । कार्यक्रममा नेपालबाट अर्वाड पाउने व्यक्ति, बिज्ञापनदाता, सञ्चारकर्मीहरु, राजनैतिक दलका नेता, जनप्रतिनिधिहरु, सांसद, बिभिन्न संघ/संस्था, सामाजिक व्यक्तित्व, उद्योगी/व्यवसायी लगायत सहभागी हुने भएका छन् ।
कार्यक्रममा सहभागी हुन ईच्छुकहरुले यही मंसिर १० गतेभित्र आवश्यक डकुमेन्ट दिनुपर्ने अध्यक्ष खड्काले बताए । क्रियटिभ मिडिया एण्ड ईभेन्ट म्यानेजमेन्ट प्राली सञ्चार, स्वास्थ्य, शिक्षा, पर्यटन लगायतका क्षेत्रमा काम गरिरहेको संस्था हो ।
मकवानपुर । नेपाली कांग्रेस मकवानपुरले ४ वटै प्रदेश निर्वाचन क्षेत्रमा मंशिर ३ गते शुक्रबार प्रदेश अधिवेशन गरेको छ । अधिवेशनले प्रदेशका ४ वटै क्षेत्रमा नयाँ नेतृत्व चयन गरेको छ । केही पदमा सहमतिबाटै नेतृत्व चुनिएका छन् भने केहीमा निर्वाचन गरिएको कांग्रेस मकवानपुरले जनाएको छ ।
प्रतिनिधिसभा क्षेत्र नम्वर १ को प्रदेशसभा (क) मा सभापति पदमा जिल्ला सुशान्तकुमार श्रेष्ठ निर्विरोध चयन भएका छन् । प्रदेशसभा (क) काे सभापतिमा श्रेष्ठको मात्रै उम्मेदवारी दर्ता भएपछि उनी निर्विरोध निर्वाचित भएका हुन् । त्यस्तै सचिव पदमा भूमिनन्द गौतम र शंकर पराजुली निर्विरोध भएका छन् । सहसचिवमा दीपक ढकाल र अमर सोराइली पनि निर्विरोध भएका हुन् । सदस्य खुला महिला तर्फ जानुका ठकुरी, समिक्षा विक र छायाँ अधिकारी निर्विरोध भएका छन् । त्यस्तै, खस आर्यतर्फ बालकृष्ण सापकोटा, आदिबासी जनजातिको महिला महिलातर्फको सदस्यमा कृति ग्लान र भानुमाया सोराइली, पुरुषमा दीपक सिं घलान, भक्तबहादुर राई र शुक्रराज पाख्रिन निर्विरोध भएका हुन् । दलिततर्फको सदस्यमा अनिल विक र मधेसी, अल्पसंख्यक, मुस्मिल, अपाङ्गतातर्फ रामशरण माझी निर्विरोध भएका छन् ।
खुल्लातर्फ भने १३ जनाको उम्मेदवारी परेकोमा ७ जना निर्वाचित भएका छन् । निर्वाचित हुनेहरुमा पंकज थापा, उद्धव सत्याल, नवराज खतिवडा, तेजप्रसाद घिमिरे, मोहन प्रसाद ढकाल, ध्रुवप्रसाद दुलाल र सचित थापा मत प्राप्त गरी निर्वाचित भएको कांग्रेस मकवानपुरले जनाएकाे छ ।
यस्तै प्रतिनिधिसभा क्षेत्र १ को (ख) को सभापतिमा राजेश बानियाँ निर्वाचित भएका छन् । बानियाँ सभापतिका अर्का उम्मेदवार रमेशध्वज कार्कीलाई पराजित गर्दै विजयी भएका हुन । उपसभापति पदमा विनोद शर्मा र शुक्रराज जोशी निर्वाचित भएका छन् । त्यस्तै सचिव पदमा गोकर्ण सुवेदी र प्रदीप कंडेल निर्वाचित भएका हुन् । सह–सचिव पदमा केदार प्रसाद ढोडारी र सानुकान्छा दोङ निर्वाचित भएका छन् ।
प्रदेश अधिवेशनको महिलातर्फ प्रमिला कुमारी खतिवडा, लक्ष्मी श्रेष्ठ र शर्मिला श्रेष्ठ विजयी भएका हुन् । खुला प्रत्यक्षतर्फ अभय श्रेष्ठ, ऋषिराज बानियाँ, गुरुप्रसाद दाहाल, घनश्याम नेपाल, चदीपक तिवारी, भवनाथ अधिकारी र सुनिल गिरी विजयी भएका छन् ।
त्यस्तै, खसआर्य महिलातर्फ गिताकुमारी न्यौपाने बिजयी भएकी छिन् । खसआर्य खुलातर्फ भरतराज न्यौपाने र रामहरि आचार्य विजयी भएका छन् । आदिबासी जनजातिको महिलातर्फ विमला थिङ विजयी भइन् । खुला तर्फ भने अर्जुनकुमार थिङ महारत्न लामा विजयी भएका छन् ।
यसैगरी क्षेत्र नम्वर २ प्रदेशसभा (क) को सभापतिमा खड्गबहादुर गोपाली निर्वाचित भएका छन् । उनले अर्का उम्मेदवार सुजन गोपाली निर्वाचनमा पराजित गरेका हुन् । उपसभापतिमा इश्वरी शाही ठकुरी र रन्जन कठायत विजयी भएका छन् ।
त्यस्तै सचिवमा भने नरहरी गोपाली र राजेशबाबु सापकोटा विजयी हुदाँ सहसचिवमा रामशरण गोपाली, समिता रसाइली विजयी भएका छन् । प्रदेश अधिवेशनको महिलातर्फ कुसुम सुवेदी बानियाँ, बुनुकुमारी आचार्य, राधिका सुनार निर्विरोध चयन भएका छन् । खुला प्रत्यक्षतर्फ अच्युत अधिकारी, दिनेश शिवाकोटी, प्रविण हुमागाई, मिलन पुडासैनी, रामकृष्ण लामिछाने, रुपक बानियाँ, विकेशलाल श्रेष्ठ विजयी भएका छन् ।
त्यस्तै, खस आर्यतर्फ सन्तोष चौँलागाई निर्वाचित भएकाेमा महिलातर्फ जानकी गिरी निर्विरोध भइन् । आदिबासी जनजाति पुरुषतर्फ नेत्रमान प्रधान र विकास बलामी विजयी भएका छन् । महिलातर्फ भवानी प्रधान र सञ्जिता घलान निर्विरोध भएका हुन् । दलित तर्फभने पुरुषोत्तम विश्वकर्मा र अपाङ्गतातर्फ राजाराम नेपाल निर्विरोध चयन भएका हुन् ।
यस्तै प्रतिनिधिसभा क्षेत्र २ को प्रदेशसभा (ख) को सभापतिमा रञ्जन कालाखेती निर्वाचित भएका छन् । कालाखेतीले सभापतिका अर्का उम्मेदवार रामकृष्ण प्रजालाई पराजित गरेका हुन् । उपसभापतिमा भुवन नेगी र रामकुमार वाल्पा थिङ विजयी भएका छन् । त्यस्तै सचिवमा नवराज पौडेल र कृष्ण योन्जन विजयी भएका हुन् । सहसचिवमा गोपिलाल थिङ र शालिकराम अधिकारी निर्वाचित भएका छन् ।
प्रदेश अधिवेशनको महिला तर्फ भने देवकी उप्रेती, पद्मादेवी श्रेष्ठ र यासिका घिसिङ विजयी भएका हुन् । खुला प्रत्यक्षतर्फ रत्नबहादुर ब्लोन, निराजन बर्तौला, कृष्णहरि कालाखेती, निरशंकर लामा, कविता बर्तौला, वेलबहादुर मुक्तान, कान्छाराम रुम्बा विजयी भएका हुन् ।
त्यस्तै, खस आर्यतर्फ जयन्ती पाठक विजयी भएका हुन् । आदिबासी जनजातिको महिलातर्फ संगीता थिङ र सीता बल विजयी भएका छन् । खुला तर्फभने निजन घलान, ठुलोकान्छा लामा र सागर जिम्बा विजयी भएका छन् । दलित तर्फभने लोकबहादुर नेपाली निर्विरोध भएका छन भने
अल्पसख्ंयकतर्फ विनोदकुमार प्रजा विजयी भएका छन्।
मकवानपुर/बागमती प्रदेशको सामाजिक विकास मन्त्री कुमारी मोक्तानले किशोरी तथा महिलामाथि हुने सबैखाले हिंसाको खुलेर प्रतिकार गर्न युवाहरुलाई आग्रह गरेकी छन् ।
प्रदेश युवा परिषदले हेटौंडामा आयोजना गरेको आत्मरक्षासम्बन्धि दुइदिने तालिमलाई सम्बोधन गर्दै मन्त्री मोक्तानले किशोरीहरुले हिंसा सहने होइन हिंसाको प्रतिकार गर्ने बानिको विकास गर्नुपर्ने बताइन् ।
वर्तमान समयमा बलात्कार, हिंसालगायतको घटनाहरु बढ्दै गएको प्रति उनले चिन्ता प्रकट गरिन् । महिला तथा किशोरीमाथी हुने त्यस्ता घटना न्युनिकरणमा महिला आत्मरक्षा तालिमले पनि केही हदसम्म सहयोग गर्ने बताउदै प्रदेश सरकारले स्थानियतहरुसंग समवन्य गरि सबै पालिकामा तालिम संचालन गर्ने जानकारी गराइन् । महिलाहरु अझै पनि पुरुषहरुको तुलनामा पछाडि परेकोले उनीहरुको क्षमता अभिवृद्धी गदै नेतुत्वदायी भूमिकामा ल्याउन सबै मिलेर अघि बढ्नुपर्ने बताइन् ।

कार्यक्रममा प्रदेश युवा परिषदका कार्यकारी उपाध्यक्ष सन्तोष चौलागाईले युवा परिषद ५० प्रतिशत महिला सहभागिता सुनुश्चितता गराउने एकमात्र कार्यालय भएकाले कार्यालयले पहिलो कार्यक्रम नै महिला किशोरी लक्ष्यित गरि आयोजना गरेको बताए ।
राज्यले युवाहरुको निम्ती हरेक बर्ष राम्रा कार्यक्रमहरु ल्याउने गरेता पनि युवा र सरकारबीच समवन्यको अभाव हुदाँ सोचे अनुसार कामहरु हुन नसकेको उपाध्यक्ष चौलागाईंले बताए । त्यस्ता समस्याहरुलाई चिर्दे अघि बढ्न र युवाहरुको क्षमताको पहिचान सहित युवालाई उत्पादनसंग जोड्नको निम्ती प्रदेश युवा परिषद गठन भईसकेकाले अब प्रदेश युवा परिषद युवाहरुको विकासको लागी विषेश कार्यक्रममा साथ योजनावद्ध किसिमले अघि बढने बताए ।

यसैगरी जिल्ला युवा समितीका अध्यक्ष शिवहरि दहालले युवाहरु देश मेरुदण्डको रुपमा रहेको हुनाले युवाहरुको लागी सरकारले विशेष कार्यक्रमहरु ल्याएको बताए । कार्यक्रममा जिल्लाका १० वटा स्थानिय तहका २२ जना किशोरीहरुको सहभागिता रहेको छ । उनीहरुलाई नेपाल सेल्फ डिफेन्स मार्सलआर्ट्स अर्गनाइजेसनका प्रशिक्षकहरु भगवती अधिकारी र राधिका हमालले आत्मरक्षा उपायबारे प्रयोगात्मक विधिहरु सिकाउने छन् ।
मकवानपुर/बागमती प्रदेश सामाजिक विकास मन्त्री कुमारी मोक्तानले लक्ष्यित बर्गको सशक्तीकरणमा सबैले सहकार्य गर्नुपर्ने बताएकी छन् ।
नागरिकको सुरक्षाको लागि सरकारले लागू गर्दै आएको कार्यक्रममा बैज्ञानिक अवधारणा आवश्यक भएको मन्त्री मोक्तानले बताइन् । सामाजिक सुरक्षा नागरिक समाज सन्जालको आयोजनामा शुक्रबार हेटौंडामा भएको सामाजिक सुरक्षाको नीतिगत अवस्था र सरोकारवालाको भूमिका बिषयक अन्तरक्रियात्मक कार्यक्रममा मन्त्री माेक्तानले यस्ताे बताएकी हुन् ।
कार्यक्रममा राष्ट्रिय परिचयपत्र तथा पन्जिकरण बिभागका पुर्व महानिर्देशक बसन्तराज गौतम सामाजिक सुरक्षाको पाटोमा सरकारले लागू गर्दै आएको कार्यक्रममा आर्थिक दायित्व बढी भएको बताए । हाल नेपालमा ३२ लाखभन्दा बढी जनसंख्याको लागि चालू आवमा १ सय ८९ अर्ब बराबरको भार पुग्ने गौतमले बताए । तर अझै पनि लक्ष्यित बर्गमा रहेका मध्ये ४१ प्रतिशतको पहुँच पुगेको गौतमले बताए । गौतमले नेपालमा सामाजिक सुरक्षा र आर्थिक दायित्व बिषयमा प्रस्तुति गरेका थिए । प्राप्त गर्दै आएकाहरूले पनि राम्रै सहयताको आभाष गरेको गौतमले बताए ।
कार्यक्रममा बागमती प्रदेशको पुर्व सामाजिक विकास तथा राज्यमन्त्री जुनेलीमाया श्रेष्ठले सामाजिक सुरक्षाको भक्ता बितरण गरेर सरकार टाटपल्टने भन्ने धारणा गलत भएको बताइन् । करलगायतको आम्दानीलाई व्यवस्थित गरेमा दायित्वको बोझ घट्ने श्रेष्ठले बताइन् । कार्यक्रममा स्पाइनल कर्ड इन्जुरी नेटवर्क नेपालकी सबिना रानाभाटले अपाङ्गता भएकाहरूलाई सेवा लिने क्रममा दैनिक अफ्ठ्यारा भोग्नु परेको गुनासो गरिन । अपाङ्गता भए पनि शिक्षा आर्जन गरेकालाई रोजगारी व्यवस्था हुनुपर्ने उनले बताइन् । यातायातदेखि सेवा प्रदायक निकायमा शारीरिक अपाङ्गता भएकालाई बढी समस्या हुने गरेको उनले बताइन् ।

सामाजिक सुरक्षा भक्ता बितरणको प्रक्रिया अझै सरलीकरण गर्दै बैज्ञानिक ढंगले बितरण गर्दा पहुँच बढाउन सकिने सहभागीहरूले बताएका थिए । कार्यक्रममा आन्तरिक मामिला तथा कानुन मन्त्रालयका उपसचिव नारायणप्रसाद पोखरेल, सामाजिक बिकास मन्त्रालय अधिकृत चन्द्रकुमारी व्यन्जनकारलगायतले सेवा प्रवाहको क्रममा बाधा फुकाउको लागि गरिदै आएको अनुभव सुनाएका थिए।
यसैगरी जिल्ला प्रहरी कार्यालय मकवानपुरको प्रहरी निरीक्षक चुडाकुमारी खड्काले पीडितलाई सेवा दिने क्रममा सेवामा सहजीकरण गर्न सिकाई भएको बताइन् । कार्यक्रम हेटौंडा उपमहानगरपालिका महिला विकास महाशाखा प्रमुख जगन्नाथ सापकोटा, याेजना बजेट तथ्याङ्क महाशाखा प्रमुख भिमप्रसाद तिमल्सिना तथा माइती नेपाल मकवानपुर, जिल्लाका विभिन्न गैससहरुको उपस्थिति रहेको थियो । कार्यक्रम मानव अधिकार संरक्षण तथा मानव बेचबिखन विरुद्धको जिल्ला सन्जालले स्थानीय संयोजन गरेको सन्जालको सदस्य संस्था हिमराईट्स मकवानपुर प्रमुख कुमारी वाईबाले बताइन् ।
