मकवानपुर । बागमती प्रदेश सरकारले आर्थिक बर्ष ०७९/०८० को लागि प्रस्तावित गरेको नीति तथा कार्यक्रम बहुमतले स्विकृत भएको छ ।
प्रदेशसभामा नीति तथा कार्यक्रमलाई निणयार्थ प्रस्तुत गर्दा बहुमतले स्विकृत भएको सभामुख सानुकुमार श्रेष्ठले बताए । नेकपा एमालेसहितका प्रतिपक्षी दलले नीति तथा कार्यक्रमको विपक्षमा ध्वनी मत दिएपछि सरकारले ल्याएको नीति तथा कार्यक्रम बहुमतले पारित भएको हो ।
यस अघि सांसदहरुले राखेको संशोधन प्रस्ताव बहुमतले अस्विकृत भएको थियो । बागमती प्रदेशसभाको आज बिहान स्थगित भएको बैठक पुनः दिउँसो बसेको थियो । नेकपा (एमाले)को अवरोधपछि प्रदेशका मुख्यमन्त्री राजेन्द्रप्रसाद पाण्डेले सदनमा जवाफ दिने र मुख्य सचिवको संयोजकत्वमा छानबिन समिति गठन गर्न सहमति जुटेपछि दिउँसो बैठक बसेको थियो ।
सरकारको नीति तथा कार्यक्रममाथि छलफलको लागि आज बिहान ८ बजे आह्वान गरिएको बैठक सुरु भएलगत्तै एमालेले अवरोध गरेपछि १० मिनेटको लागि स्थगित गरिएको थियो । १० मिनेटकोलागि स्थागित भनिएको बैठक २ घण्टापछि सबेको थियो ।
सरकारले प्रस्तुत गरेको आगामी आर्थिक वर्ष २०७९/८० को नीति तथा कार्यक्रममाथि छलफल गर्न बसेको बैठक सुरु भएलगत्तै एमालेका सांसदहरुले उठेर अवरोध गरेका थिए ।
त्यसपछि सभामुख सानुकुमार श्रेष्ठले एमालेका मुख्य सचेतक दीपक निरौलालाई आफ्ना भनाइ राख्न समय उपलब्ध गराएका थिए । निरौलाले पशुपक्षी तथा मत्स्य विकास निर्देशनालयका तीन जना निजामती कर्मचारीलाई वर्तमान सरकारले आफू अनुकूल नभएकाले सरुवा गरेको भन्दै विरोध जनाएका थिए ।
उनले त्यसको सत्यतथ्य छानबिन गर्न सर्वपक्षीय छानबिन समिति गठनको प्रक्रिया अघि नबढाउञ्जेल संसद्मा अवरोध कायम राख्ने बताएपछि बैठक स्थगित गरिएको थियो । प्रदेश सभा बैठक ३१ जेठको २ बजे बस्ने गरि स्थगित भएको छ ।
मकवानपुर । स्थानीय तह शहीद स्मृति अन्तर्राष्ट्रिय गोल्डकपको आजबाट हेटौंडामा हुने भएको छ । आज दिउँसो हुने उद्घाटन खेलमा सर्लाहीको बागमती युवा क्लब र सिमराको नव जनजागृति क्लब भिड्ने छन् ।
मकवानपुर फुटबल संघको आयोजनामा हुने स्थानीय तह शहीद स्मृति अन्तर्राष्ट्रिय गोल्डकप प्रतियोगिता ३० गतेसम्म सञ्चालन हुनेछ । प्रतियोगितामा १२ वटा क्लबले सहभागिता जनाउने छन् ।
मकवानपुरको हेटौंडा–५ स्थित पिप्ले–क्याम्पा रंगशालामा हुने प्रतियोगितामा विभागीय क्लबहरु नेपाल आर्मी क्लब, नेपाल पुलिस क्लब, सशस्त्र प्रहरीको (एपीएफ) क्लब, मनाङ मस्र्याङ्दी क्लब, फ्रेण्डस्, खुमलटार युथ क्लब, सिमरा, सर्लाहीको बागमती युवा क्लब, विजय युथ क्लब हेटौंडा, चितवन–११, चर्च ब्वाइज क्लब र क्यामरुनको एभिनियर एफसी सहभागी रहने आयोजकले बताएको छ ।
प्रतियोगिताको विजेताले १५ लाख र उपविजेताले १० लाख रुपैयाासहित ट्रफी प्राप्त गर्नेछन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । आगामी १९ जेठबाट सुरुहुने स्थानीय तह शहीद स्मृति अन्तर्राष्ट्रिय गोल्डकपको तयारी तिव्र पारिएको छ ।
मकवानपुर फुटबल संघको आयोजनामा हुने स्थानीय तह शहीद स्मृति अन्तर्राष्ट्रिय गोल्डकप प्रतियोगिता २०७९ को तयारी अन्तिम चरणमा पुगेको आज आयोजित पत्रकार सम्मेलनमा जानकारी गराईएको हो । ३० गतेसम्म सञ्चालन हुने प्रतियोगितामा १२ वटा क्लबले सहभागिता जनाउने छन् ।
मकवानपुरको हेटौंडा–५ स्थित पिप्ले–क्याम्पा रंगशालामा हुने प्रतियोगितामा विभागीय क्लबहरु नेपाल आर्मी क्लब, नेपाल पुलिस क्लब, सशस्त्र प्रहरीको (एपीएफ) क्लब, मनाङ मस्र्याङ्दी क्लब, फ्रेण्डस्, खुमलटार युथ क्लब, सिमरा, सर्लाहीको बागमती युवा क्लब, विजय युथ क्लब हेटौंडा, चितवन–११, चर्च ब्वाइज क्लब र क्यामरुनको एभिनियर एफसी सहभागी रहने आयोजकले बताएको छ ।
प्रतियोगिताको विजेताले १५ लाख र उपविजेताले १० लाख रुपैयाासहित ट्रफी प्राप्त गर्नेछन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । दैनिक उपभोग्य सामग्रीमा गरिएको मुल्यबृद्वि विरुद्ध र सामाजिक न्यायको माग गर्दै अखिल नेपाल महिला संघ मकवानपुरले मकवानपुर जिल्लाका प्रमुख जिल्ला अधिकारी भरतमणि पाण्डेलाई ज्ञापन बुझाएको छ ।
देशको आर्थिक अस्तव्यस्तताको अवस्थामा सुधार हुनुको सट्टा दिनप्रतिदिन भष्ट्राचार र अनियमितता बढिरहेको भन्दै अनेमसंघले यसको बिरोध गरेको छ । “अन्तर्राष्ट्रियस्तरमा पेट्रोलियम पदार्थको मूल्य बढेको बहानामा सत्ता गठबन्धनले पेट्रोल, डिजेल र खाना पकाउने ग्यासको मूल्य दोब्बर बढाएको छ” ज्ञापन पत्रमा भनिएको छ ।
दैनिक उपभोग गर्ने अति आवश्यक खाध्य पदार्थको मूल्य बढदा सर्वसाधारण जनताको जीवन अस्तव्यस्त भएको र स्थानीय निर्वाचन सकिदा नसकिदै गठबन्धन सरकारले जनतालाई महंगीको मारमा पारेको विषयमा अनेमसंघको गम्भिर ध्यानाकर्षण भएको अनेमसंघ मकवानपुर अध्यक्ष सुमित्र काफ्लेले बताइन् ।
महिला अधिकार हनन, महिला विरुद्धको हिंसा, शैक्षिक क्षेत्र जस्तो संवेदनशिल क्षेत्र तथा अन्य कार्यक्षेत्रमा भएका श्रीङ्खलाबद्ध यौनजन्य दुर्व्यवहार, बलात्कारपछि हत्या जस्ता गम्भिर प्रकृतिका घटनाहरु दिनप्रतिदिन उजागर भइरहेका उल्लेख गर्दै बालिका किशोरी र महिलाहरुको जीवनको सुरक्षामा ठूलो प्रश्नचिन्ह खडा भएको संघले जनाएको छ।
हालै सम्पन्न स्थानीय निर्वाचनमा सत्ता गठबन्धन पालिकाहरुमा प्रमुख र उपप्रमुखको उमेदवारी दिदा पुरुषलाई मात्र प्राथमिकतामा राख्दा प्राय पालिकाहरुमा प्रमुख,उपप्रमुख तथा अध्यक्ष,उपाध्यक्षमा पुरुषहरु नै विजयी हुनुमा पनि अनेमसंघले ध्यानाकर्षण जनाएको छ ।
चौथो राष्ट्रिय महिला अधिकार दिवसका सन्दर्भमा महिला अधिकारको क्षेत्रमा देखिएका जटिल चुनौतिहरु र राष्ट्रिय सरोकार र जनताको जनजीवनको सवालमा विशेष ध्यान केन्द्रित गर्नुपर्ने आवश्यकता रहेको ज्ञापन पत्रमा भनिएको छ ।
पछिल्लो समयमा सञ्चार माध्यमबाट सार्वजनिक भएका हिंसाका घटनाहरुप्रति गम्भिर र समवेदनशिल भएको भन्दै आठवर्ष अघि सुन्दरी प्रतियोगिता (मिस टिनको नाममा प्रतियोगिता आयोजकले नै गरेको बलात्कार यौन हिंसाको श्रीङ्खलाबद्व अपराधका गतिविधिमा विद्यालय तथा घरायसी बाताबरण पनि बिग्रेको प्रति चिन्ता प्रकट गरिएको छ ।
जनता चौतर्फि समस्यामा परेको बेला गठबन्धन सरकार भने निर्वाचनमा गरिएका अनियमितता र भ्रष्टाचारलाई लुकाउन जनतामाथि महंगी र अव्यवस्था थोपर्न उद्धृत रहेको, भएका कानूनको प्रभावकारी कार्यान्वय नगर्ने होइन, आफ्नो अनुकुलतामा कानुन संशोधन गर्ने कुरामा व्यस्त रहेको र यसबाट समाजमा विकृति, विसंगती र हिंसाको शृंखला बढिरहेका काफ्लेले बताइन् ।
महिला विरुद्ध भएका बनात्कार र यौनजन्य अपराधमा उजुरीका लागि राखिएको हदम्यादका कारण त्यस्ता जघन्य अपराधहरु बाहिर आउन नसकेको कारण अपराधीहरुले खुलेआम एकपछि अर्को यौनजन्य हिंसा गरिरहेकोले यसमा अनेमसंघले आपत्ति जनाएको छ ।
बलात्कार र यौनजन्य हिंसाको सम्बन्धमा राखिएको हदम्यादका प्रावधान हटाउन, कानुन संसोधन गर्न र हिंसा पीडितको संरक्षणका साथै प्रभावितलाई तत्काल क्षतिपूर्ति सहितको छिटो न्याय (फास्ट ट्र्याक प्रणाली मार्फत दोषीलाई कडा का दायरामा ल्याउन माग गर्दै ज्ञापनपत्र बुझाईएको हो ।
संघ सबै प्रकारका महिला हिंसा अन्त्यका लागि कानुनको संशोधन, आवश्यक कानुन निर्माण गरी त्यसको प्रभावकारी कार्यान्वयनका लागि जोडदार माग गरेको छ । “घटनामा सलग्न अपराधीहरुलाई कानुनी दायरामा ल्याई कार्वाही गर्न र पीडितलाई न्याय र क्षतिपूर्तिको लागि जोडदार माग गर्दछ” ज्ञापनपत्रमा भनिएको छ ।
मकवानपुर ।विश्व वातावरण दिवसको अवसरमा हेटौंडामा सप्ताहव्यापी कार्यक्रम गरिने भएको छ ।
५० औँ विश्व वातावरण दिवसको अवसरमा टोल विकास संस्था नगर समन्वय समिति हेटौंडा उपमहानगरपालिकाले आजबाट २२ जेठसम्म सप्ताहव्यापी कार्यक्रम गर्ने भएको हो ।
‘सबैको साझा पृथ्वी’ भन्ने मूल नाराका साथ यस वर्षको वातावरण दिवस मनाउन लागिएको टोल विकास संस्था नगर समन्वय समितिका अध्यक्ष एवम् विश्व वातावरण दिवस मूल आयोजक समारोह समितिका संयोजक ध्रुवप्रसाद अधिकारीले जानकारी दिए ।
सप्ताहव्यापी कार्यक्रम अन्तर्गत् आज रक्तदान कार्यक्रमको आयोजना हुने संयोजक अधिकारीले जानकारी दिए । टोल विकास संस्था वडा समन्वय समिति, हेटौंडा–११ को संयोजनमा बिहान ७ बजेबाट हेटौंडा–११ स्थित सामूदायिक प्रहरी सेवा केन्द्रमा रक्तदान कार्यक्रम गरिने अधिकारीले बताए ।
जेठ १७ गते खानेपानी व्यवस्थापन बोर्डको संयोजनमा खानेपाी सरसफाई स्वच्छता सम्बन्धि अन्तरक्रिया कार्यक्रम गरिनेछ । अन्तरक्रिया हेटौंडास्थित रोयल प्यालेसमा आयोजना गरिने जनाइएको छ ।
कार्यक्रम तालिका अनुसार १८ गते हेटौंडा–८ राजपानीमा वडा समन्वय समितिको संयोजनमा वृक्षारोपण कार्यक्रम हुनेछ । यसैगरी १८ र १९ गते सामूदायिक वन उपभोक्ता महासंघको संयोजनमा राप्ती खोला विशेष सरसफाई कार्यक्रम, १९ गते ४० माइक्रोन तलको प्लाष्टिक झोलामा लगाइएको प्रतिबन्ध सम्बन्धित सरोकारवालाहरुसँग अन्तरक्रिया २० गते बजार क्षेत्र विशेष सरसफाई, मावि स्तरीय वक्तृत्वकला प्रतियोगिता, २१ गते वातावरण सचेतनामूलक साईकल र्याली र मावि स्तरीय वक्तृत्वकला प्रतियोगिता र रानी सामूदायिक वनको कार्यालयमा वक्तृत्वकला प्रतियोगिता तथा जेठ २२ गते ( जुन ५) ५० औं विश्व वातावरण दिवसको दिन बिहान ७ हुप्रचौरबाट बाजागाजा झाँकीसहितको वृहत वातावरणीय सचेतना र्याली निकालिने छ । हुप्रचौरबाट बजार परिक्रमा गर्दै रोयल प्यालेसमा समापन कार्यक्रम आयोजना हुनेछ ।
उक्त कार्यक्रममा उत्कृष्ट सन्देशमुलक झाँकीसहित सहभागिता जनाउने टोल विकास संस्था, सामूदायिक संघ संस्था र विद्यालयहरुलाई प्रोत्साहन स्वरुप पुरस्कृत गरिने अधिकारीले जानकारी दिए ।