मकवानपुर । नेपाल समाजवादी पार्टी निकट पत्रकाहरुको संस्था प्रेस नेपालको अध्यक्षमा मकवानपुरका मनोज शर्मा ढोडारी चयन भएका छन् । काठमाण्डौंमा सम्पन्न बौद्धिककर्मी महासंघका घटकहरुको पुनर्गठन भेलाले तत्कालिन प्रेस मन्चका उपाध्यक्ष रहेका शर्मालाई अध्यक्ष चयन गरेको हो । हेटौंडा २ निवासी ढोडारी दुई दशकदेखि पत्रकारिता क्षेत्रमा सक्रिय छन् ।
वाणिज्य संकायमा स्नातकोत्तर मनोज दुई दशक अघिदेखि पत्रकारितामा सक्रिय छन् । पत्रकार शर्मा नेपाल पत्रकार महासंघ मकवानपुरका पूर्व कार्य समिति सदस्य हुन् । हाल निरन्तर न्युजडटकमका वरिष्ठ सम्पादक जिम्मेवारीमा रहेका शर्मासंग विभिन्न सञ्चारमाध्यममा काम गरेको अनुभव छ ।
पूर्बप्रधानमन्त्री डाक्टर बाबुराम भट्टराईको सचिवालय बसेर कार्य गरिसकेका पत्रकार शर्मासँग कुटनैतिक र राजनितिक रिपोर्टिङको समेत अनुभव रहेको छ । विभिन्न सञ्चारमाध्यममा आबद्ध भएर आफूले भोगेको अनुभव तथा पत्रकारलाई दक्ष र समृद्धिमुखी बनाउन लागि आफू सक्रियतापूर्वक लाग्ने उनको भनाई छ ।
त्यस्तै संगठनको उपाध्यक्षहरुमा बिरेन्द्र साह हिटलर, राम बिनय साह, सत्य प्रकाश यादव चयन भएका छन् । महासचिवमा बिदुर ढुगेल उपमहासचिवमा उज्वल पौडेल सचिवमा रमेश पोखरेल र कोषाध्यक्षमा गणेश आचार्य चयन भएका छन् ।
त्यस्तै सदस्यहरुमा यज्ञ कार्की, मन्जु शाही, सुमित्रा घिमिरे, ललन चौरासिया, सन्जय महर्जन, सन्तोष गौतम, रियाज पौडेल, रामचन्द्र तिम्सेना, लोकश कुमार अधिकारीलगायत रहेका छन् ।
जिम्मेवारी पाएका पदाधिकारीहरुलाई नेपाल समाजवादी पार्टीका अध्यक्ष डाक्टर बाबुराम भट्टराईले बधाई तथा शुभकामना दिएका थिए । सातौं संविधानन दिवसको अवसरमा भएको कार्यक्रममा डाक्टर भट्टराईले संघीयता, शासकीय स्वरुप र निर्वाचन प्रणालीतर्फ संविधान अधुरो रहेको भन्दै संशोधनमार्फत अघि बढ्न समेत अपिल गरेका हुन् ।
मकवानपुर । थारू महिलाको महान् पर्व जितियाको अवसरमा हेटौंडामा तीन दिन विविध कार्यक्रम गरि मनाईएको छ ।
थारु कल्याणकारीणी सभा, थारु महिला सभा, थारु युवा सभा र थारु विद्यार्थी सभा मकवानपुरले संयुक्त रुपमा कार्यक्रम आयोजना गरेको हो ।
शनिवार सामुहिक स्नान, पुजापाठ र भोजन, आईतबार जीतवहान भगवानको ब्रत तथा जितिया कथा बाचन र सोमबार साँस्कृतिक सहित विशेष कार्यक्रम आयोजना गरिएको थारु कल्याणकारीणी सभा मकवानपुरका सचिव चन्द्रकान्त चौधरीले बताए । कार्यक्रम थारु कल्याणकारीणी सभाकी केन्द्रीय सदस्य जानकी चौधरीको प्रमुख आतिथ्य तथा थारु महिला सभा मकवानपुरकी सभापती द्रौपती चौधरीको अध्यक्षतामा भएको थियो ।
कार्यक्रममा थारु भेषभुषा लगाएर भेला भएका थारु युवक-युवतीहरुले थारु, नेपाली, हिन्दी गीतमा नृत्य प्रस्तुत गरेका थिए । कार्यक्रममा नेपाल आदिवासी जनजाती महासंघ मकवानपुरका अध्यक्ष जंगबहादुर गुरुङ, नेपाल आदिवासी जनजाती पत्रकार महासंघ मकवानपुरका अध्यक्ष अशोकसुजन श्रेष्ठ लगायतको विशेष आतिथ्य रहेको थियो ।
कार्यक्रममा थारु कल्याणकारीणी सभा मकवानपुरका सभापती हरिलाल चौधरी, उपसभापती अमिता चौधरी, थारु विद्यार्थी सभा मकवानपुरका सभापती राजेश चौधरी लगायतले मन्तब्य ब्यक्त गरेका थिए ।
मकवानपुर । बागमती प्रदेशको राजधानी हेटौंडा र आसपासमा डेंग संक्रमित बढेपछि अस्पतालहरुमा बिरामीहरुको भीड बढेको छ ।
अस्पतालमा संक्रमितको दर बढेसँगै डेंगु परिक्षण किटको अभाव भएपछि हेटौंडा उपमहानगरपालिकाले आज किट उपलब्ध गराएको छ । हेटौडा उपमहानगरपालीकाले हेटौडा अस्पताललाई थप एक हजार थान डेंगु परीक्षण गर्ने किट सहयोग गरेको हो।
उपमहानगरका उपमेयर राजेश बानियाँले अस्पतालका मेडीकल सुपरीटेण्डेट डाक्टर रामचन्द्र सापकोटालाई किट हस्तान्तरण गरेका हुन् । यस अघि पनि उपमहानगरपालीकाले हेटौडा अस्पताललाई एक हजार थान किट सहयोग गरेको थियो ।
अस्पतालमा दैनिक बिरामीको चाप बढेपछि दैनिक १ हजार ५ सयदेखि २ हजारसम्म किटको अवश्यक पर्ने मदन भण्डारी स्वास्थ्य विज्ञान प्रतिष्ठानका रजिष्टार राजेश प्रसाइले बताए ।
किट हस्तान्तरण गर्दै उपमेयर बानियाँले हेटौडा अस्पतालबाट माग भै आए अनुसार आवश्यक पर्ने अन्य स्वस्थ्य सामग्री तथा डेंगु परिक्षण गर्ने किट उपलब्ध गराउन उपमहानगरपालीका तयार रहेको बताए ।
उनले हेटौडाको सानका रुपमा रहेको हेटौडा अस्पतालमा पछिल्लो समय मकवानपुरवासीले उपचारमा सहज पाएको र सानातिना समस्याहरु बिस्तारै समाधान हुदै आएकोमा खुसी व्यक्त गरे ।
सबैको सहयोगमा अस्पताल सुधार हुने बताउदै अस्पतालमा आम नागरीकले सेवाबाट बन्चित हुनु नपर्ने उनले बताए । अहिले डेगु महामारीका रुपमा रहेकाले आम नागरीकलाई परिक्षण गराउन सहज होस् भनेर उपमहानगरपालिका लागि परेको उनले बताए ।
किट बुझदै अस्पतालका मेसु डा सापकोटाले हेटौडा अस्पताल पहिलेको भन्दा धेरै व्यवस्थित हुदै आएको बताए ।
“नयाँ भवनमा सरेपछि सेवालाई अझै प्रभावकारी बनाउन लागिपरेका छौं” सापकोटाले भने “सबैको सकारात्मक सहयोगले मात्रै हामी सफल हुने छौं ।” किट हस्तानतरणमा अस्पताल समिति सदस्य हिरा लामा, उपमहानगरपालीकाका बरिष्ठ जनस्वास्थ्य निरिक्षक,उपमेयर बानियाँका सचिबालय सदस्य बिजय पुडासैनीलगायतको सहभागीता रहेको थियो ।
मकवानपुर । संविधान जारी भएको दिनको अवसरमा बागमती प्रदेश सरकारले आयोजना गरेको विशेष कार्यक्रमको उपस्थिती हेर्दा यो कुनै एक मन्त्रालयको निजी कार्यक्रम जस्तो भान हुन्थ्यो ।
बागमती प्रदेश सरकारले हेटौंडाको भुटनदेवी माध्यमिक विद्यालयबाट मुख्यमन्त्री तथा मन्त्री परिषदको कार्यालयसम्म -याली आयोजना गरी मुख्यमन्त्रीको कार्यालय परिसरमा विशेष कार्यक्रम ग-यो । कार्यक्रममा सहभागी थिए, मन्त्रालयका सिमित मन्त्रीहरु, मकवानपुरबाट प्रदेश सभामा प्रतिनिधित्व गरेका सिमित सांसदहरु, केही सचिव र शाखा अधिकृत कर्मचारीहरु तथा सुरक्षाकर्मीहरु ।
संविधानले बोकेको मर्म अनुसार व्यवहारीक कार्यान्वयन भएको हुँदो हो त यो दिवसको रौनक नै बेग्लै हुने थियो । तर दिवसको दिन सरकारले आयोजना गर्ने कार्यक्रममा बाध्यकारी उपस्थिती मात्रै हुनुले यो संविधान आम नागरिकको लागि हैन रहेछ भन्ने भान भएको छ ।
कार्यक्रममा कुनै सर्वसाधारणको उपस्थिती नै देखिएन । संविधान जारी भएपछिको पहिलो दिवस मनाउँदा यही परिसर खचाखच भरिएको थियो । “साधारण जनताको लागि पनि केही त होला भन्ने आशा थियो, अब आशा बाँकी रहेन” स्थानीय ६५ वर्षीय भरतलाल श्रेष्ठले भने “संविधान के हो त्यसको फाइदा के छ टाठाबाठालाई नै होला, हामीलाई क्यै न क्यै ।” संविधान दिवस कागलाई बेल पाक्यो हर्ष न विस्मात भने झै भएको उनले बताए ।
प्रदेश सरकारले आयोजना गरेको कार्यक्रममा मुख्यमन्त्रीको कार्यालय र केही मन्त्रालयमा सिमित कर्मचारीहरु मात्रै सहभागी थिए । उनीहरुलाई पनि कार्यक्रममा सहभागी हुन बाध्य भनिएकोले मात्रै सहभागी भएको बुझिएको छ ।
यसो त सर्वसाधारणहरु मात्रै हैन दलका नेताहरु पनि संविधान दिवसको रौनकता नहुनु स्वभाविका मान्न थालेका छन् । “सातौ संविधान दिवस मनाउँने संघारमा आइपुग्दा पनि संविधानको मर्म पालन नभएको, व्यवहारीक कार्यान्वन नभएको गुनासो गर्नु परेपछि यो पर्व कसरी उल्लाषमय बन्न बन्छ रु” एक जना प्रदेश सभा सदस्यले भने “आफैं सरकारमा हुँदा हामीले यस्तो भन्न नमिल्ला तर, संविधान दिवसको औचित्य नै छैन ।”
प्रदेश सरकारले आयोजना गरेको कार्यक्रममा प्रदेशका मुख्यमन्त्री राजेन्द्र पाण्डेले नै संवैधानिक अधिकार व्यवस्थित नभएको गुनासो गरे । कानुन त बन्नै बाँकी छ, संविधानमा उल्लेख भएको कुरा समेत पाईएन” पाण्डेले भने । संविधानको कार्यान्वयन गर्न संघीय सरकार बाधक बनेको उनको गुनासो छ ।
संविधानले संरक्षित क्षेत्र, बिषेश क्षेत्र जस्ता विभिन्न बाटाहरु बनाएर सबै जनताको न्याय र समावेशी सहभागीता परिकल्पना गरेको तर जनताले यस्तो आभाष गर्न नपाएको मुख्यमन्त्री पाण्डेले बताए ।
कार्यक्रममा प्रदेश सरकारका प्रवक्ता तथा तथा प्रदेशको आन्तरिक मामिला तथा कानुन मन्त्री कृष्ण शर्मा खनालले संविधानको समिक्षा गरेर अघि बढ्नेपर्ने आवश्यकता औल्याए ।
“संविधान दिवसको सन्दर्भमा नेताहरूले बक्तब्य व्यक्त गर्ने, बन्दीलाई रिहा गर्ने र केहि थान सम्मान दिएर मात्रै संविधानको मर्म पुरा हुन्छर ?” शर्माले प्रश्न गरे । संविधानको रक्षक गर्छौ भन्ने राजनीति दल नै अधिकार केन्द्रितकरण गरेको उनको गुनासो थियो ।
मकवानपुर । बागमती प्रदेशका मुख्यमन्त्री राजेन्द्र पाण्डेले संविधानको मर्म अनुसार संघीय सरकारले फराकिलो मन नगरेको गुनासो गरेका छन् । “संविधानको अक्षर र भावनामा समेटिएको कुरा कार्यान्वयन हुन बाँकी छ, त्यो नहुन्जेल संविधानको मर्म पालना हुदैन” उनले भने “ शहिदले छाडेको सपना पुरा गर्ने जिम्मेवारी राज्यको हो, राज्यले यो जिम्मेवारी पुरा गर्न नसकुन्जेल कालो बादल मडारिरहन्छ।”
संविधान दिवसको अवसरमा बागमती प्रदेश सरकारले आज हेटौंडामा आयोजना गरिएको कार्यक्रममा बोल्दै मुख्यमन्त्री पाण्डले यस्तो बताएका हुन् । “संविधानले दिएको साझा अधिकार अझै व्यवस्थित भएनन्, कानुन त बन्नै बाँकी छ, संविधानमा उल्लेख भएको कुरा समेत पाईन” पाण्डेले भने “संविधानको कार्यान्वयन गर्न संघीय सरकार नै बाधक बनेको छ ।”
नेपालको संविधानले समाबेशी सहभागिता सुनिश्चित गर्दै देशको विभिन्न संरचनामा २९४ जना महिला प्रतिनिधित्व गरिएर संसारको उदाहरणीय देश नेपाल र संविधान बनेको उनले बताए ।
“संविधानले संरक्षित क्षेत्र, बिषेश क्षेत्र बनाएर प्रतिनिधित्व गराएका छौ, भाषाको संरक्षण गर्ने,प्रदेसको कामकाजि भाषाको रूपमा कार्यान्वयन गर्न लागिपरेका छौ” उनले भने “बागमती प्रदेश संविधानलाई व्यवहारमा देखाउन खोज्छ, संघले अड्को लगाइरहन्छ ।”
उनले बागमती प्रदेश सरकारले प्रदेश सरकार छ भन्ने देखिने गरि काम गरेको दाबि गर्दै संरचना बलियो बनाउने कसरतमा लागेको उनले बताए ।
“साझा अधिकार सूचिमा रहेको कानुन निर्माणमा किन संघीयको सरकारले फराकिलो दिल गरेन, हामी छक्क छौ” उनले भने ।
कार्यक्रममा प्रदेश सरकारका प्रवक्ता तथा प्रदेशको आन्तरिक मामिला तथा कानुन मन्त्री कृष्ण शर्मा खनालले नेपाल सरकारको बैधानिक कानुन २००४ देखि हालसम्मको संविधानको समिक्षा आवश्यक भएको बताए ।
“संविधान दिवसको सन्दर्भमा नेताहरूले बक्तब्य व्यक्त गर्ने, बन्दीलाई रिहा गर्ने र केहि थान सम्मान दिने मात्रै कामले संविधानको मर्म बोक्छ कि बोक्दैन” मन्त्री खनालले भने “संविधानको व्यवहारिक कार्यान्वयनको पाटो कहाँ पुग्यो, हक अधिकार धारामा रहेर मात्रै हुन्न, व्यवहारीक हिसाबले पुष्टि हुनुपर्छ ।”
संविधानको रक्षक गर्छौ भन्ने राजनीति दल नै यसबारे समिक्षा गर्नुपर्ने बेला आएको उनले बताए । अधिकार केन्द्रितकरण हैन बिकेन्दिकरण हुनुपर्छ भन्ने मान्यता संविधानले बोकेको तर संघीय सरकारले साझा अधिकार सूचिमा रहेका कानून नबनाउदा विकेन्द्रीकरण लागु नभएएको उनले बताए ।
“दलका नेताकै कारण संबिधानमा परिभाषित भए बमोजिम संघीयताको कार्यान्वयन नभएको उनले बताए । “संघीय सरकार र नेताहरूले संविधान कार्यान्वयन पालन गरेनन्, संघीय सरकारले अंकुस लगाउंदा लगांदै पनि बागमती प्रदेशले धेरै काम गरेको छ” उनले भने ।