मकवानपुर । राप्रपा नेपालका केन्द्रीय अध्यक्ष कमल थापा अन्ततः मकवानपुरको प्रतिनिधि सभा क्षेत्र नम्बर १ बाट सुर्य चिन्ह लिएर चुनावमा जाने पक्का भएको छ ।
गत स्थानीय तहको निर्वाचनमा हेटौंडा उपमहानगरपालिकाको मेयरको चर्चामा रहेको एमाले नेता रामेश्वर रानालाई संघीय निर्वाचनमा टिकट कन्फ्रम गरी ब्याक हुन लगाइएको थियो । एमालेका सन्त नेता मानिने रानाले खासै बिरोध नगरेपनि उनका समर्थकहरुले संघीय निर्वाचनमा पार्टीबाट घात हुनसक्ने भन्दै व्यापक बिरोध गरेका थिए । अन्तत त्यो सत्य सावित भएको छ ।
असोज २१ गते एमालेले मकवानपुरबाट ६ जना उम्मेरदारहरुमा आफ्नै पार्टीको नेताहरुको नाम सार्वजनिक ग-यो । तर, ति नामको मसि सुक्न नपाउँदै केही घण्टामै केन्द्रीय कमिटीको बैठकले मकवानपुर १ बाट रानाको नाम हटाइ, राप्रपा नेपालका अध्यक्ष थापाको नाम राखिएपछि मकवानपुरे एमालेजनहरुले सामाजिक सञ्जालमा आक्रोश पोखेका छन् ।
स्थानीय चुनावमा रानालाई ब्याक गराइएकै कारण हेटौंडा उपमहानगरपालिकामा एमालेको हार व्यहोर्नु परेको विश्लेषण गर्ने गरिएको छ । त्यस पछि प्रतिनिधि सभाको निर्वाचनमा मकवानपुर १ बाट रानालाई उम्मेदवार बनाउने तयारी हुँदै आएको थियो ।
दशैंताका राप्रपा नेपालका केन्द्रीय अध्यक्ष कमल थापाले केन्द्रमा एमाले अध्यक्ष केपी शर्मा ओलीसँग आफ्नो सहमति भैसकेको भन्दै गृह जिल्ला मकवानपुरमा एमालेको गुणगान गाउन थालेपछि एमालेजनमा शंका उब्जिएको थियो ।
दशैंमा एमाले मकवानपुरले आयोजना गरेको शुभकामना आदनप्रदान कार्यक्रममा राप्रपा अध्यक्ष थापा उनका भाई गणेश थापालगायत दर्जनौ कार्यकर्तासँगै पार्टी कार्यालय पुगेपछि एमालेजनमा झनै शंका बढेको थियो ।
नेकपा एमालेका केन्द्रीय सदस्य तथा मकवानपुर इन्चार्ज रानाको टिकट खोसेर थापालाई सूर्य चिन्हबाट चुनाव लड्ले एमाले अध्यक्ष केपी शर्मा ओलीसंग सहमती भएपछी रानाको टिकट खोसीएको हो ।
थापा शाही शासनका अन्तिम गृहमन्त्री हुन् । नेकपा एमालेको बागमती प्रदेश इन्चार्ज काशीनाथ अधिकारीले थापा सूर्य चिह्न लिएर चुनाव लड्ने निश्चित भएको बताए ।
एमाले मकवानपुरले थापाको जनमत नभएको भन्दै उहाँलाई उम्मेदवार बनाउन नहुने टिप्पणी गर्दै आएको छ । यस सम्बन्धमा एमाले कार्यकर्ताहरु यसअघि पार्टी अध्यक्ष ओलीकहाँ डेलिगेसन नै गएको थियो । तैपनि अन्तिम समयमा ओलीले थापालाई आफ्नो पार्टीबाट उम्मेदवार नबनाउने बचन दिएको बताइएको थियो । अन्ततः थापा एमाले चिन्हबाट उम्मेदवार पक्का भएपछि कार्यकर्ताहरु उनलाई जिताउनको लागि नलाग्ने बताइरहेको छन् ।
यता कमल थापाले आफ्नो जीवन कालमा अन्तिम पटक चुनावी मैदानमा आएको भन्दै सहानुभूतिको मत माग्दै हिडेका छन् । एमाले मकवानपुरले पार्टीको निर्णयलाई स्वीकार गरेर चुनावी मैदानमा जाने बताएको छ ।
मकवानपुर । सत्तारुढ दलको गठबन्धनसँग चुनावी प्रतिष्पर्धामा उत्रन नेपाल कम्युनिष्ट पार्टी एमालेले राप्रपा नेपालसँग तालमेल गर्ने भन्ने हल्लालाई पार्टीले निराधार सावित गरेको छ ।
यसअघि एमालेका जिम्मेवार पदका नेता तथा कार्यकर्ता र राप्रपा नेपालका केन्द्रीय अध्यक्ष कमल थापाले नै पार्टीभित्र आपसी तालमेल हुने निश्चित भएको भन्दै सार्वजनिक कार्यक्रमहरुमा बोल्दै आएका थिए । अन्तत एमाले बागमती प्रदेशले प्रदेशको सबै स्थानमा उम्मेदवारीको अन्तिम नामावली सार्वजनिक गरेको छ ।
विशेष गरी राप्रपा नेपालमा केन्द्री अध्यक्ष कमल थापालाई एमालेले थापाको गृह जिल्लामा सघाउने बारे अन्तरीक तयारी फेल खाएको हो । एक साताअघि एमाले मकवानपुरले पार्टी कार्यालयमा दशैको अवसरमा आयोजना गरेको चियापान कार्यक्रममा राप्रपा नेपालका अध्यक्ष थापा कार्यकर्ताको दलबल सहित उपस्थित थिए ।
यो माहोल देखेका एमालेजनले मकवानपुरको क्षेत्र न १ बाट प्रतिनिधि सभामा कमल थापा सूर्य चिन्ह लिएर मैदानमा आउने बारे स्पष्ट भएका थिए ।
तर पार्टी बागमती प्रदेश कमिटीले असोज २१ गने सार्वजनिक गरेको सूचिमा थापाको नाम छैन । यस अघि चर्चामा आएका रामेश्वर रानालाई मकवानपुरबाट प्रतिनिधि सभा क्षत्र न १ को उम्मेदावर फाइनल गरिएको हो । राना एमालेका पुराना नेता हुन् । गत स्थानीय तहको निर्वाचनमा हेटौंडा उपमहानगरपालिकाको मेयरको उम्मेदवारमा चर्चा भएका रानालाई अन्तिम समयमा हटाइएको थियो ।
नेकपा एमालेले बागमती प्रदेशमा प्रत्यक्षतर्फ प्रतिनिधि सभा र प्रदेश सभामा प्रत्यक्षतर्फ ९६ जनाको नाम टुङ्ग्याउँदा २ जनामात्रै महिलाको नाम परेको छ । रसुवा जिल्लाको नामावली टुङ्ग्याउन बाँकी रहेको पार्टीले जनाएको छ । हालसम्मको टुङ्ग्याएको नामहरुमा काठमाडौ ८ मा प्रतिनिधि सभाको लागि अष्टलक्ष्मी शाक्य र चितवन ३ प्रदेश सभा ख को लागि सरस्वती विष्टको नाम टुङ्ग्याइएको हो ।
यस्तै काठमाडौ ७ र १० को प्रतिनिधि सभा, भक्तपुर १ प्रदेश सभा ख, चितवन ३ प्रतिनिधि सभा र नुवाकोट १ प्रदशे सभा क मा उम्मेदवार टुङ्ग्याउन बाँकी रहेको छ ।
हालसम्म अन्तिम टुङगो लगाइएको नामावली यस्तो छ ।
काठमाडौं १ प्रतिनिधिसभाः किरण पौडेल
प्रदेशसभाः आत्मराम शर्मा र गणेश दुलाल
काठमाडौं २ प्रतिनिधिसभाः मणिराम फुयाँल
प्रदेशसभाः सानु श्रेष्ठ र सुवर्ण श्रेष्ठ
काठमाडौं ३ प्रतिनिधिसभाः कृष्ण राई
प्रदेश सभाः रामेश्वर फुयाल र चन्द्रमान लामा
काठमाडौं ४ प्रतिनिधिसभाः डाक्टर राजन भट्टराई
प्रदेशसभाः तेज ढकाल र जयराम थापा
काठमाडौं ५ प्रतिनिधिसभाः ईश्वर पोखरेल
प्रदेशसभाः दिपक निरौला र नारायण सिलवाल
काठमाडौं ६ प्रतिनिधिसभाः सर्वेन्द्र खनाल
प्रदेशसभाः अमन मास्के र निरेशलाल सिंह
काठमाडौं ७ प्रतिनिधिसभाः टुंगिन बाँकी
प्रदेशसभाः जीवन मानन्धर र श्याम घिमिरे
काठमाडौं ८ प्रतिनिधिसभाः अष्टलक्ष्मी शाक्य
प्रदेशसभाः राजेश शाक्य र नाम्गेल लामा
काठमाडौं ९ प्रतिनिधिसभाः कृष्णगोपाल श्रेष्ठ
प्रदेशसभाः हरिकृष्ण डंगोल र केशव पोखरेल
काठमाडौं १० प्रतिनिधि सभाः टुंगिन बाँकी
ललितपुर १ प्रतिनिधिसभाः नवराज सिलवाल
प्रदेशसभाः मधुसुदन पौडेल र चेतनाथ सन्जेल
ललितपुर २ प्रतिनिधिसभाः प्रेम महर्जन
प्रदेशसभाः रामेश्वर श्रेष्ठ र ज्ञानेन्द्र शाक्य
ललितपुर ३ प्रतिनिधिसभाः अमृत खड्का
प्रदेशसभाः प्रेमभक्त महर्जन र रघुनाथ महर्जन
भक्तपुर १ प्रतिनिधिसभाः नवराज गेलाल
प्रदेशसभाः मोहन श्रेष्ठ र क्षेत्र ख मा टुङ्ग्याउन बाँकी
भक्तपुर २ प्रतिनिधि सभाः महेश बस्नेत
प्रदेशसभाः किरण थापा र नन्दनकृष्ण प्रधान
चितवन २ प्रतिनिधिसभाः कृष्णभक्त पोखरेल
प्रदेशसभाः कृष्ण सिलवाल र देवी ज्ञवाली
चितवन ३ प्रतिनिधिसभाः टुङ्ग्याउन बाँकी
प्रदेशसभाः कृष्ण भुर्तेल र सरस्वती विष्ट
नुवाकोट १ प्रतिनिधि सभाः बद्री मैनाली
प्रदेशसभाः क मा टुंगो लाग्न बाँकी र खा मा पुर्णलाल श्रेष्ठ
नुवाकोट २ प्रतिनिधिसभाः नारायण खतिवडा
प्रदेशसभाः केशव पाण्डे र बिजय लोप्चन
धादिङ १ प्रतिनिधिसभाः भूमि त्रिपाठी
प्रदेशसभाः गजेन्द्र थपलिया र रमेश आचार्य
धादिङ २ प्रतिनिधिसभाः खेम लोहनी
प्रदेशसभाः डाक्टर रामकुमार अधिकारी र धनबहादुर घले
रामेछाप प्रतिनिधिसभाः कैलाश ढुंगेल
प्रदेशसभाः शान्ति प्रसाद पौडेल र मिलन घिसिङ
सिन्धुपाल्चोक १ प्रतिनिधि सभाः सरेश नेपाल
प्रदेशसभाः कमल नेपाल र होमनारायण श्रेष्ठ
सिन्धुपाल्चोक २ प्रतिनिधि सभाः शेरबहादुर तामाङ
प्रदेशसभाः अमानसिंह तामाङ र हस्त पण्डित
काभ्रे १ प्रतिनिधिसभाः रेशम लामा
प्रदेशसभाः दिल बहादुर लामा ९दिलीप० र चन्द्र लामा
काभ्रे २ प्रतिनिधिसभाः गोकुल बास्कोटा
प्रदेशसभाः कुमार खकुरेल र कुमार थापा
मकवानपुर १ प्रतिनिधिसभाः रामेश्वर राना
प्रदेशसभाः कमल विष्ट र एकालाल श्रेष्ठ
मकवानपुर २ प्रतिनिधिसभाः महेश बर्तौला
प्रदेशसभाः विष्णु ढकाल र लालबहादुर थापा
सिन्धुली १ प्रतिनिधिसभाः प्रदीप कटुवाल
प्रदेशसभाः सुवास देवकोटा र रामकुमार कार्की
सिन्धुली २ प्रतिनिधिसभाः मनोजजंग थापा
प्रदेशसभाः विनोद खड्का र रामकुमार पौडेल
दोलखा प्रतिनिधिसभाः बालकृष्ण शिवाकोटी
प्रदेश सभाः नरबहादुर श्रेष्ठ र भरत केसी
मकवानपुर । बागमती प्रदेशको विभिन्न जिल्लामा फरक फरक घटनामा परेर ६ जनाको मृत्यु भएको छ । प्रदेशको नुवाकोट, धादिङ, मकवानपुर, चितवन र सिन्धुली जिल्लामा भएको घटनाबाट ६ जनाको मृत्यु भएको बागमती प्रदेश प्रहरीले जनाएको हो ।
नुवाकोट जिल्लाको शिवपुरी गाउँपालिका ६ का ६५ वर्षिय ईन्द्र बहादुर पाठक आफ्नै घर पोत्ने क्रममा करेन्ट लागी घाइते भएकोमा उपचारको क्रममा काठमाडौ स्थित विपि हस्पिटल बसुन्धारामा मृत्यु भएको छ । नुवाकोटकै विदुर नगरपालिका १३ का ५४ को कृष्ण दमाईले आफ्नै झुण्डिएर आत्माहत्या गरेका छन् ।
यता धादिङ जिल्ला थाक्रे गाउँपालिका ४ लितीमा १ जानको मृत्यु भएको छ । आग्रखोला नजिकै फुटबल चौर बनाउनको लागी माटो निकाल्दा भएको खाल्डोमा जमेको पानीमा परेर सन्त गोलेको छोरा अन्दाजी १४ वर्षको संजय गोलेको डुवेर मृत्यु भएको छ ।
पौडी खेल्ने क्रममा डुबेर बेहोस भएका उनको उपचारको लागी काठमाडौ टिचिङ हस्पिटल लगिएकोमा अस्पतालमा मृत्यु भएको प्रहरीले जनाएको छ । धादिङ जिल्लाकै बेनिघाट रोराङ गाउँपालिका ५ कृष्णभीरमा सवारी दुर्घटनामा परी १ जना घाइते भएका छन् । पृथ्वी लोकमार्गमा काठमाडौबाट बर्दिया जादै गरेको बा.प्र ०२-०३१ प ०८३५ नम्बरको मोटरसाइकल आफै अनियन्त्रित भई दुर्घटना हुदां बर्दिया जिल्ला बाराबर्दिया गाउँपालिका ७ बस्ने २९ वर्षिय बसन्ती पोखरेल मध्यम घाईते भएको प्रहरीले जनाएको छ ।
यसैगरी सिन्धुली जिल्ला घ्याङखेल ४ मा चट्याङ लागेर १ जनाको मृत्यु भएको छ । स्थानीय ६८ वर्षिय जित बहादुर आलेको फ्नै घरमा राखेको मिलमा धान कुट्ने मिल चलाई रहेको अबस्थामा चट्याङले हानेर मृत्यु भएको हो ।
यसैगरी चितवन जिल्ला रत्ननगर नगरपालिका २ मा सवारी दुर्घटना हुँदा १ जनाको मृत्यु भएको छ । टांडीबाट सुब्बाचोक तर्फ जांदै गरेको ना ४८ प ४५८४ नम्बरको मोटरसाइकल र जयमंगलाबाट खानेपानी ट्याङ्की तर्फ बाटो क्रस गर्दै गरेको बा १७ च ७७७७ नम्बरको को कार एकापसमा ठोक्कीदा मोटरसाइकल चालक चितवन रत्ननगर १४ लौरीघोल बस्ने ५१ वर्षिय रामबहादुर गुरुङ घाइते भएका छन् ।
मोटरसाइकल पछाडी सवार गुरुङकी श्रीमती ४० वर्षिय सुमित्राको टाउकोमा चोट लागि गम्भिर घाईते भई नयां मेडिकल कलेज भरतपुरमा उपचारको क्रममा मृत्यु प्रदेश प्रहरीले जनाएको छ ।
यता मकवानपुर जिल्लाको बकैया गाउँपालिकाको धरानचतरा सडकखण्डमा हेटौडाबाट जुरेली तर्फ आउदै गरेको ना ७ त ५०७२ नम्बरको खाली ट्याक्टरमा सवार लेवर काम गर्ने अन्दाजी २३ को सुमन लो गुडिरहेको ट्याक्टरबाट खसेर घाइते भएकोमा उपचारको क्रममा हेटौडा अस्पतालमा मृत्यु भएको प्रहरीले जनाएको छ ।
मकवानपुर । आगामी ४ मंसिरमा हुने प्रतिनिधि सभा र प्रदेश सभाको निर्वाचनको लागि मकवानपुरमा मुख्य निर्वाचन अधिकृत र निर्वाचन अधिकृको कार्यालय स्थापना गरिएको छ ।
मुख्य निर्वाचन अधिकृत ऋषिराम निरौला र प्रमुख जिल्ला अधिकारी प्रमुख जिल्ला अधिकारी राजेन्द्र देव पाण्डेले कार्यालय उद्घाटन गरेका हुन् ।
कार्यालय स्थापन गर्दै प्रमुख जिल्ला अधिकारी राजेन्द्र देव पाण्डेले सबै दल, प्रतिनिधि, आमसन्चार सबैले आचारसंहिता पालनामा ध्यान दिन आग्रह गरे । निष्पक्ष र भय रहित तरिकाले निर्वाचन हुनेमा ढुक्क हुन प्रजिअ पाण्डेले आग्रह समेत गरे ।
मुख्य निर्वाचन अधिकृत ऋषिराम निरौलाले स्वतन्त्रत निष्पक्ष र भयरहित ढंगबाट निर्वाचन हुनेमा ढुक्क हुन आग्रह गरे । कार्यालय निर्वाचन कार्यतालिका समेत आजै प्रकाशन गरेको छ । कार्यतालिका अनुसार काम गर्न सबैपक्षबाट सहयोग गरिदिन मकवानपुरको निर्वाचन क्षेत्र २ को निर्वाचन अधिकृत मुकुन्दहरी पौडेल आग्रह गरे ।
कार्यक्रम मकवानपुर जिल्लाका जिसस सभापति ललित घलानले कुनै व्यक्ति तथा दल आचारसंहिताभन्दा बाहिर जान खोज्दा रोक्ने सबैको दायित्व भएको बताए । “सबैले आआफ्नो भूमिका पुरा गरेमात्रै निर्वाचन सफल हुनेछ”घलानले भने ।
मकवानपुर । चाडपर्व नजिकिएसंगै सडकमा सवारी साधनको अत्याधिक चाप बढ्ने, तिब्र गतिमा सवारी साधन चलाउने तथा सवारी नियमको उलंघन हुन थालेपछि टाइमकार्ड लागु गरिएको छ ।
सवारी दुर्घटनालाई न्युनीकरण गर्न तथा सवारीको गति नियन्त्रण गर्न बागमती प्रदेश अन्तर्गतका प्रमुख राजमार्गहरुमा टायम कार्ड लागु गरिएको छ । सिन्धुली जिल्ला हुँदै जाने विपि राजमार्ग स्थित भिमानदेखि नेपालथोक दुम्जासम्ममा पहिलेदेखिनै टायमकार्ड लागु भएको छ । चाडपर्वलाई लक्षित गरी थप मकवानपुर, चितवन, धादिङ र काभ्रे जिल्लाका प्रमुख राजमार्गमा सम्बन्धित जिल्लाको जिल्ला सुरक्षा समितिको निर्णय गराई आजदेखी लागु भएको हो ।
थप टायमकार्ड लागु भएका राजमार्गहरुमा मुग्लिङ नारायणगढ खण्ड, पुर्व पश्चिम राजमार्गको चुरियामाई हेटौंडादेखि चितवनसम्म, त्यसैगरी पृथ्वी राजमार्गको खानीखोला धादिङदेखि मझिमटारसम्म, अरनिको राजमार्गको धुलिखेल दोलालघाटसम्म र विपि राजमार्गको मंगलटार देखि काभ्रेमञ्ज्याङ सम्म थप गरिएको हो । टायमकार्ड लागु गरिएका उल्लेखित राजमार्गमा निश्चित दुरी र समय मिलाई सवारी आवागमनको व्यवस्था मिलाईएको बागमती प्रदेश प्रहरी प्रवक्ता प्रहरी वरिष्ठ उपरीक्षक दिपक रेग्मीले बताए ।
यसैगरी जिल्ला प्रहरी कार्यालय मकवानपुर र जिल्ला ट्राफिक प्रहरी कार्यालय मकवानपुरको संयुक्त प्रहरी टोलीले हेटौंडा १५ चुरियामाई पिपलचौतारा र मनहरी गाउँपालिका ७ मनहरीबाट पूर्व पश्चिम राजमार्ग रुटमा चल्ने यात्रुबाहक बसहरुमा पनि टाइम कार्ड लागु गरिएक छ ।