मकवानपुर । माइती नेपाल मकवानपुरले सन् २०२२ मा सञ्चालन गरेको मानव बेचविखन रोकथाम परियोजना सम्पन्न गरिएको छ । आगामी वर्षमा पनि यो परियोजनालाई निरन्तरता दिन स्वीकृती प्रदान गरिएको छ ।
बेचविखनमा परेका वा बेचविखनको जोखिममा रहेका, विद्यालय छाडेर बसेका वा छाड्ने अवस्थाका जवरजस्ती श्रम गर्न बाध्य तथा यौन हिंसा र दुव्र्यवहारमा परेका महिला, किशोरीहरुलाई उद्धार गरी आवधिक सेल्टरको सहयोग तथा सिपमुलक कार्यक्रम तालिम प्रदान गर्दै आएको कार्यक्रम समापन गरिएको छ ।
मंगलबार हेटौंडा उपमहानगरपालिकामा परियोजनको एनप्याक कार्यक्रम गरिएको छ । कार्यक्रममा नगरपरियोजना परामर्श समिति सदस्य सचिव भीमप्रसाद तिमल्सेनाले चालु आर्थिक वर्षमा पनि यो परियोजनालाई निरन्तरताको लागि स्वीकृति प्रदान गरिने जानकारी गराए ।
लक्ष्यित वर्गका महिला, किशोरीहरुलाई उनीहरुको बौद्धिक क्षमता अभिवृद्धि गर्दै सबै खाले हिंसाको बिरुद्धमा महिला अभियानकर्ताको रुपमा स्थापित हुन परीयोजना सञ्चालनको क्रममा सहयोग गरेको कार्यक्रम संयोजक माया तामाङले बताइन् ।
कार्यक्रम अन्तरगत विद्यालय तहमा मानव बेचविखन, जवरजस्ती श्रम, यौन हिंसा, दुव्र्यवहार र बालमैत्री वातारण सिर्जना गर्न अभिमुखिकरण, सचेतनामुलक कार्यक्रमहरु संचालन गरिएको थियो ।
परियोजनाको लागि २०७८ फाल्गुण १६ गते माइती नेपाल रोकथाम गृह मकवानपुरको आयोजनामा मानव बेचविखन रोकथाम परियोजना २०२२ संचालनको पूर्व स्वीकृति योजनाबोरमा नगरपालिका स्तरीय परामर्श समितिको बैठक बसी छलफल गरेपछि परियोजनालाई नगरभित्र सञ्चालनको लागि स्वीकृत दिइएको थियो ।
माईती नेपाल रोकथाम गृह मकवानपुरले मानव बेचविखन, यौन हिंसा, आर्थिक अवस्था कमजोर भएका, शिक्षालाई निरन्तर दिन नसकेका तथा बेचविखनबात फर्किएका विषेश गरी किशोरी र महिलाहरुको आवसिय र आयमुलक तालिम प्रदान गरी जीवनपयोगी सिप प्रदान गर्दै आएको छ ।
यसैगरी सिप र तालिमसँगै जनचेतनामुलक कार्यक्रमहरु, बेचविखनमा परेकाहरुको उद्धार तथा रोकथाम गृहमा छोटो समयको लागी आवासको व्यावस्था गर्दै आएको छ । संस्थाले विदेशमा अलपत्र परेकाहरुलाई नेपाल सरकारको समन्वयमा उद्धारमा सहयोग गरिरहेको माइती नेपाल मकवानपुर कार्यक्रम संयोजक तामाङ बताइन् ।
माइती नेपालले लैंगिक समानता सामाजिक समावेशिकरण नीति बिषयक अन्तरक्रिया कार्यक्रम, दिवसिय कार्यक्रम अन्तरगत प्रभातफेरी तथा कोणसभा कार्यक्रम, सचेतना तथा अभिमुखिकरण कार्यक्रमहरु, सचेतनाको लागि घरदैलो कार्यक्र सम्पन्न गरेको तामाङले बताइन् । यसबाट लक्ष्यित वर्गमा लाभ पुगेको उनले बताइन् ।
यसैगरी मानव बेचविखन तथा ओसारपसार विरुद्ध विद्यालय स्तरिय अभिमुखिकरण कार्यक्रम, शैक्षिक भ्रमण, सिलाइ सिपमुलक तालिम प्रदान गरेर यस वर्ष ३९ जनालाई सिप प्रदान गरेको सहजकर्ता मन लामाले बताइन् । मानव बेचविखन तथा ओसारपसार विरुद्ध यातायात व्यवसायी तथा होटेल व्यवसायी विच अन्तरक्रिया कार्यक्रम, आन्तरिक मानव बेचविखन तथा व्यवसायिक यौन शोषण विरुद्ध होटल अनुगमन गरिएको सहजकर्ता लामाले बताइन् ।
जसबाट यसवर्ष तालिम प्राप्त किशोरीहरु मध्ये ८ जनाले सिलाई व्यवसाय संचालन गरिरहेका छन् । जिल्ला प्रहरी कार्यालय, अन्य संघ‐संस्था,सेफ हाउस, ओसिएमसीबाट संरक्षणको लागी यस गृहमा पठाएका १५ जना मध्ये १४ जनालाई पारिवारिक पुनरमिलन गराएको लामाले बताइन् ।
घरेलु हिंसा तथा लैंगिक हिंसाको १५५ वटा निवेदन परेकोमा ३२ वटामा मिलापत्र गरिएको र अन्यलाई सम्बन्धित निकायमा रिफर गरिएको उनले बताइन् । जवरजस्ती करणी, यौन दुव्र्यवहार, जबरजस्तीकरणीको उद्योग गरी ३४ वटा मुद्धा जिल्ला प्रहरी कार्यालयको समन्वयमा मुद्धा दर्ता गर्न सफल भएको तामाङले बताइन् ।
मंगलबार सम्पन्न एनप्याक कार्यक्रममा उपमहानगरपालिका सामाजिक विकास समिति संयोजक रामकृष्ण कोइराला, नगरपरियोजना परामर्श समिति सदस्य सचिव भीमप्रसाद तिमल्सेनालगायत सरोकारवालाहरुको उपस्थिती रहेको थियो ।
संस्थाले सम्पन्न गरेको कार्यक्रमको केही तस्बिरहरुः



मकवानपुर । मकवानपुर जिल्लामा रुखबाट लडेर एक जनाको ज्यान गएको छ ।
मकवानपुरको हेटौंडा उपमहानगरपालिका वडा नम्बर–३ को चौतारा जंगलमा घाँस काट्न जाँदा रुखबाट लडेर एक जना महिलाको मृत्यु भएको छ ।
स्थानीय ३८ वर्षकी राजलक्ष्मी गोले जंगलमा घाँस काट्न जाँदा लडेर मृत्यु भएको प्रदेश प्रहरी कार्यालय हेटौंडाले जनाएको छ । सामुदायिक वनमा घास काट्न गएकोमा रुखबाट लडि स्थलमै मृत्यु भएको प्रहरीले जनाएको छ ।
मकवानपुर । हेटौंडा उपमहानगरपालिका उपप्रमुख राजेश बानियाँले टोल विकास संस्था स्थानीय विकासको बाहक भएको बताएका छन् ।
हेटौंडा ५ मा रहेको मनकामना पार्क टोल विकास संस्थाको २१ औ बार्षिक साधारण सभामा उपप्रमुख बानियाँले यस्तो बताएका हुन् । साधारण सभाले पुन जानुका संजेलको अध्यक्षतामा नयाँ कार्य समिति चयन गरिएको छ । समितिको उपाध्यक्षमा ध्रुबप्रसाद देवकोटा, सचिव भिमादेवी गुरागाईं, सहसचिव बालकुमारी डल्लाकोटी, कोषध्यक्ष विश्वप्रसाद गौतम चयन भएका छन् ।
यसैगरी भिमसेन तिमल्सेना, अप्सरा ढकाल, रमिता दाहाल र अमिता सुनार सदस्यमा चयन भएका छन् ।
साधारण सभामा टोल विकास संस्था नगर समन्वय समितिको महासचिव शिवहरी दाहालले आर्थिक पाटो र सामाजिक सशक्तीकरणको पाटोमा लागिपर्नु पर्ने बताए ।
यसैगरी मकवानपुर बहुमुखी क्याम्पस प्रमुख डाक्टर शंकर उपाध्याय, मनकामना खानेपानी उपभोक्ता समितिको अध्यक्ष कृष्णप्रसाद देवकोटालगायतले मन्तव्य व्यक्त गरेका थिए ।
संस्थाले साधारणसभाको क्रममा संस्थाका सदस्य तथा प्रभा अनुज शैक्षिक पुरस्कार अक्षयकोषका संस्थापक कृष्ण धिताललाई सम्मान गरेको थियो । उक्त कोषबाट यसबर्ष ३ जना पुरस्कृत भएका छन् । संस्थागत र सामुदायिक विद्यालयबाट शैक्षिक सत्र २०७८/ ०८९ मा उत्कृष्ट अंक ल्याएको आधारमा उनीहरूलाई पुरस्कृत गरिएको हो ।

यस टोल विकास संस्थामा आवद्ध स्नेहा दाहाल (संस्थागत विद्यालयतर्फबाट), रिया संजेल र गगन अधिकारी (सामुदायिक विद्यालयतर्फबाट) उत्कृष्ट अंक ल्याए बापत पुरस्कृत भएका हुन् ।
हेटौंडा वडा ५ मा २८ वटा र नगरभरी ३६५ वटा टोल विकास संस्थाहरू छन् ।
मकवानपुर । हिमराइट्स मकवानपुरले सिमान्तकृत समुदायका लागि शिक्षा तथा नेतृत्व विकास कार्यक्रम अन्तर्गत मकवानपुरको प्राजा आधारभूत विद्यालयमा खाद्यान्न वितरण गरेको छ ।
कोर इन्टरनेशनल क्यानडाको आर्थिक सहयोग तथा हिमराइट्स मकवानपुरको आयोजनामा विद्यालयहरुमा निरन्तर शैक्षिक छात्रावृत्ति सहयोग गर्दै आइरहेको संस्थाले बालबालिकाहरुलाई खाद्यान्न सामग्री वितरण गरिएको हो । हिमराइट्सले विहीबार मनहरीको प्रजा आधारभुत विद्यालय हाडिखोलामा अध्ययनरत विद्यार्थीहरुलाई खाद्यान्न वितरण गरिएको संस्थाकी प्रमुख कुमारी वाइबाले बताइन् ।
विद्यालयका प्रधानाध्यापक तुलबहादुर सुनारको सभाध्यक्षता तथा मनहरी गाउंपालिका वडा नं ३ का वडा कार्यवाहक अध्यक्ष हिराबहादुर प्रजाको प्रमुख आतिथ्यतामा कार्यक्रम गरिएको हो ।

शिक्षण प्रणालीमा सुधार, तथा समसामयिक विषयमा छलपल गर्दै शिक्षक अभिभावकबिच बैठक गरेर खाद्यान्न सामग्री वितरण गरिएको थियो । कार्यक्रममा सिमान्तकृत समुदायका २७ जना विद्यार्थिहरुलाई चामल, दाल, तेल, मसला, नुनलगायतका अत्यावश्यकीय सामग्री वितरण गरिएको वाइबाले बताइन् ।
यसै गरी अन्य तिन वटा विद्यालयहरु सगरमाथा आधारभुत विद्यालय, राक्सीराङ्ग गाउंपालिकाका वडा नं ५ स्थित प्रजा जागृति आधारभुत विद्यालय, सूर्योदय माध्यमिक विद्यालय सरिखेतमा पनि क्रमश शिक्षक अभिभावक बैठक र खाद्यान्न सामग्री वितरण कार्यक्रम संचालन गरिने उनले बताइन् ।
सिमान्तकृत समुदायका बालबालिकाहरु परिक्षका समयमा अभिभावक मजदुरी कामका लागि बाहिर जाने र बालबालिका पनि साथै लैजाने हुनाले पढाइ छाड्ने प्रवृति रहिआएकोले विद्यालय छाड्नु पर्ने बाध्य नहोस भनेर खाद्यान्न वितरण गरिएको उनले बताइन् ।
“बालबालिका नियमित रुपमा परिक्षामा सामेल होस भन्ने हेतुले परिक्षाको पूर्व सन्ध्यामा यसरी खाद्यान्न सामग्री वितरण गरिएको हो” हिमराइट्सकी इन्दु गोलेले भनिन् ।
- गाेपिनी दाहाल
मकवानपुर । विद्युत पोलमा गुजुल्टीएको तारले अशोभनिय बन्दै आएको हेटौंडा बजारको तारको व्यवस्थापन गरिने भएको छ । विद्युत प्राधिकरणसँगको समन्वयमा हेटौंडा उपमहानगरपालिकाले यो कार्य गर्ने भएको हो ।
हेटौंडा उपमहानगरपालिकाले मुख्य बजार क्षेत्रको बाहिर देखिएका तारलाई भूमिगत गर्ने तयारी थालेको हो । जताभावी देखिएका तारका कारण बजार क्षेत्रको शौन्दर्यमा कमि आएको भन्दै उपमहानगरले मुख्य बजार क्षेत्रका तारहरुलाई भूमिगत गर्ने निर्णय गरेको छ ।
बजारको सबैजसो पोलहरुका विभिन्न कम्पनीका केवलका तारहरु जम्मा हुँदा बजारको शोभा नै गुम्दै आएको थियो । यस्ता तारहरु हटाउन स्थानीयवासीहरुबाट लामो समयदेखि आवाज उठ्दै आएको थियो ।
मंगलबार बसेको उपमहानगरको २० औं कार्यपालिका बैठकले हेटौंडाको मुख्य बजार क्षेत्रको रुपमा रहेको १, २, ४, १० र ५ को केहि भागका पोलमा रहेको तारलाई भूमिगत गर्नेनिर्णय भएको हो । तार व्यवस्थापनका लागि नेपाल बिद्युत प्राधिकरणलाई कार्यपालिकाको बैठकको निर्णयसँगै सिफारीस पत्र पठाउँने तयारी भएको उपमहानगरले जनाएको छ ।
बैठकले हेटौंडा उपमहानगरलाई उज्यालो शहरको रुपमा बिकास गर्नका लागि नगरका बिभिन्न ठाउँमा ‘हाइ मास्ट लाइट’ राख्ने निर्णय गरेको छ । उपमहानगरका १९ वटै वडालाई लक्षित गर्दै लाईटको व्यवस्थापनका लागि नेपाल बिद्युत प्राधिकरणसँग छmलफल भैरहेको जनाएको छ ।
बजारसहित नगरका सबै वडालाई समेटेर लाइटको व्यवस्थापनका लाग्ने निर्णय भएको उपमहानगरपालिकाका प्रमुख मीनाकुमारी लामाले बताइन् । उनले भनिन ‘पहिले बजार केन्द्रित व्यवस्थापनको कुरा गरीएको थियो तर अहिले नगरका सबै वडामा आवश्यकता अनुसार लाईट राख्ने तयारी गरेका छौं ।’ उनले भनिन्–लाईट राख्ने ठाउँ र संख्या बारे अध्ययन भैरहेको छ । लाईटका लागि बिधुत प्राधिकरणसँग सामान्य सहमति बनिसकेको बताइएको छ ।
सहमति अनुसार ४० प्रतिशत अनुदान प्राधिकरणले दिने छ भने ६० प्रतिशत लगानी उपमहानगरले गर्ने भएको छ । पहिलो चरणमा उपमहानगरले हाइ मास्ट लाइटका लागि ६० लाख रुपियाँ बजेट छुट्याएको शहरी पुर्वाधार विकास महाशाखाका प्रमुख सत्यनारायण शाहले बताए । पहिलो चरणमा २५ वटा १० देखी १६ मिटर उचाई भएका लाईटको माग गर्ने तयारी उपमहानगरले गरेको उनले बताए ।
त्यस्तै कार्यपालिका बैठकले उपमहानगर प्रवेशको ४ स्थानमा सार्वजनिक शौचालय निर्माण गर्ने निर्णय गरेको छ । बैठकले नगरको पुर्वमा १८, पश्चिममा १९, दक्षिणमा १५ र उत्तरमा १ नम्बर वडा क्षेत्रको पाएक पर्ने स्थानमा आवत जावत गर्नेका लागि सहज हुने गरी शौचालय निर्माण गर्ने निर्णय गरेको हो । त्यस्तै न्यून आय भएका गरीव तथा बिपन्न परिवारका ६६३ जनाको निःशुल्क स्वास्थय बिमा गर्ने निर्णय गरेको छ । नगर स्तरीय स्वास्थ्य विमा लाभग्राही छनौंट समितिले २०७९ फागुन ११ गते गरेको निर्णयबाट भएको सिफारीस अनुसार उनिहरुको स्वास्थ्य बिमा गरीने निर्णय भएको प्रवक्ता सबिन न्यौपानेले बताए ।
बैठकले सार्वजनिक पुर्वाधार सम्पत्ती संरक्षण, उपमहानगरको पाठ्क्रम निर्माण तथा कार्यान्वयन कार्यबिधी २०७७ संसोधन, बाटो सार्वजनिक, घर नक्सा अभिलेखिकरण तथा नियमित गर्ने , अनलाईन नक्सा पास सहित बिभिन्न खेलमैदान निर्माण सम्बन्धी निर्णय प्रबक्ता न्यौपानेले जनकारी दिए ।
नगरपालिकाले हाललाई केही वडाहरुबाट यो काम थालेपनि सबै क्षेत्रको यस्ता तारहरु भूमिगत गर्नुपर्ने हेटौंडावासीको भनाइ छ ।