मकवानपुर । नगरवासीलाई सर्वसुलभ स्वास्थ्य सेवा उपलव्ध गराउने उद्देश्यले हेटौंडा उपमहानगरले मंगलबार हेटौंडा अस्पताल व्यवस्थापन तथा विकास समितिसँग मातृशिशु सेवा सञ्चालनका लागि भवन निर्माण सम्झौता गरेको छ ।
उपमहानगरले अस्पतालको नयाँ भवनको माथिल्लो तल्लामा मातृशिशु कक्ष निर्माण गर्न औपचारीक सम्झौता गरेको उपमहानगरका नगर प्रमुख मीनाकुमारी लामाले बताइन् । सम्झौता अनुसार उपहानगरले अस्पताल विकास समितिलाई ८० लाख रुपियाँ उपलब्ध गराउनेछ । तीन किस्तामा प्रदान गरिने उक्त रकमबाट अस्पताल व्यवस्थापनले ठेक्का मार्फत आउँदो चैत्रसम्ममा भवन निर्माण सम्पन्न गर्नुपर्ने छ ।
मदन भण्डारी स्वास्थ्य बिज्ञान प्रतिष्ठान मार्फत हेटौंडा अस्पताल सञ्चालन भए पश्चात स्वास्थ सेवा प्रवाहमा सुधार हुँदै गएको र सेवा लिनेहरुको संख्या अघिल्लो बर्षहरुको तुलनामा दोब्बर बढिले स्वास्थ्य सेवा लिएको बताए । चालु आर्थिक बर्षमा एक तल्ला पुर्वाधार निर्माणका लागि रकम विनियोजन गरे बमोजिम हेटौंडा उपमहानगरपालिकाले जनाएको छ ।
नगर प्रमुख लामा, उपप्रमुख राजेश बानियाँ, प्रमुख प्रशासकिय अधिकृत शिवराज चौंलागाईको उपस्थितीमा हेटौंडा अस्पताल व्यवस्थापन तथा विकास समितिका अध्यक्ष राजेश प्रशाईँ र उपमहानगरपालिकाको पुर्वाधार विकास महाशाखा प्रमुख सत्यनारायण शाहबीच सम्झौता पत्रमा हस्ताक्षर गरिएको हो ।
कार्यक्रममा हेटौंडा उपमहानगरका विभिन्न वडाहरुका अध्यक्षहरु, अस्पतालका निमित्त मेडिकल सुपरिटेण्डेण्ट डाक्टर हरीबहादुर खड्का, विकास समितिका सदस्य उत्सव चौलागाई सहितको उपस्थिती रहेको थियो । कार्यक्रममा हेटौंडा उपमहानगरपालिका नगर प्रमुख लामाले व्यवस्थित अस्पताल सञ्चालन गर्नसके उपचारका लागि बाहिर जिल्ला जानुपर्ने अवस्थाको अन्त्य हुने बताइन् ।
हेटौंडामा मात्रृशिशु अस्पताल सञ्चालन गर्न पहिलो चरणको काम सुरु गरेको लामाले बताइन् । सम्झौता अनुसारको भवन तल्ला निर्माण अस्पताल विकास समितिले बोलपत्र आह्वान गरी ठेक्का मार्फत निर्माण गर्नेछ । निर्मित संरचनामा मदन भण्डारी स्वास्थ्य बिज्ञान प्रतिष्ठानको शिक्षण एवम् अभ्यास कक्षको रुपमा समेत प्रयोग हुने सम्झौतामा उल्लेख गरीएको छ ।
मकवानपुर । नेकपा एमाले भातृ संगठन राष्ट्रिय युवा संघ नेपाल मकवानपुर (युथ फोर्स विभाग) ले एक युवा पाँच बिरुवा अभियान अन्तरगत मकवानपुरको विभिन्न स्थानमा वृक्ष रोपण कार्यक्रम गरेको छ ।
युवा संघ नेपाल मकवानपुरले १ महिने वृक्ष रोपण अभियान अन्तरगत हेटौंडा उपमहानगरपालिका वडा नं.१३ स्थित गुम्बा पार्क परिसरमा विभिन्न प्रजातीको विरुवा रोपेको छ । यसअघि मकवानपुर जिल्लाको मनहरी र भिमफेदि गाउंपालिकामा पनि बिरुवा रोपेकोमा आइतबार गुम्बा पार्कमा बिरुवा रोपिएको हो ।
युथ फोर्स विभाग मकवानपुरका प्रमुख प्रकाश सुवेदीको सभाध्यक्षता तथा नेकपा एमालेका पोलिटब्युरो सदस्य देवी ज्ञावलीको प्रमुख आथित्यतामा बिरुवा रोपिएको हो । बृक्षरोपण कार्यक्रमलाई सम्बोधन गर्दै ज्ञावलीले विरुवा रोपेर युवाहरुलाई रचनात्मक र प्रभावकारी काममा लाग्नु पर्ने बताए ।
अन्य पार्टीका भातृसंगठनहरुले सुन प्रकरणमा मोतिहारहरुलाई बचाउन लागि परिहरहेका अवस्थामा एमालेको युवा संघ नेपालले रचनात्मक कार्य गर्दै वृक्षरोपण कार्यक्रममा लागेर उदाहरणीय काम थालेको दाबी गरे । समाजमा यसले राम्रो सन्देश दिने उनले बताए ।
यसैगरी पार्टीको मकवानपुर इन्चार्ज रामेश्वर राना, नेकपा एमाले बागमती प्रदेशका सदस्य श्रीधर पोखरेल,नेकपा एमाले मकवानपुरका सचिव नविन सिग्देल,उपसचिव हिदम लामा, नगर कमिटिका अध्यक्ष शालिकराम पुडासैनी, युवा नेता सानु लामा, युवा संघ नेपालकी केन्द्रिय सदस्यद्धय दिलु घर्ती मगर, प्रकाश लामालगायत कबिर ३ सय युवाहरुको पार्क परिसरमा विभिन्न प्रजातिका ३ बढी बिरुवा रोपिएको प्रकाश लामाले बताए ।
संगठनले एक महिनाभर यो अभियान जारी राख्ने बताएको छ ।
मकवानपुर । गजल मञ्च मकवानपुरले २ सय ५ ओैँ गजल यात्रा गरेकाे छ । गजल यात्रामा २ दर्जन गजलकारकाे गजल सुनिएका थिए । साहित्यमा श्रृगारिक विधामा लेखिने गजलमा पछिल्लाे समय राजनीतिक, व्यङ्ग्य, विकृति, विसंगतिमा समेत लेखिने गरिएकाे छ । २ सय ५ औं गजल यात्रमा गजलकाहरुले माया प्रेमदेखि समाजका विविध विकृति विसंगति र राजनीतिक असङ्गतिहरु गजलकाहरुले गजलमार्फत प्रस्तुत गरेका थिए ।
गजल यात्रामा वरिष्ठ साहित्यकार तुलसी घिमिरे, सर्जक सञ्जाल मकवानपुरका संयाेजक निमेष निखिल, साहित्यकार ओम रिजाल, मञ्चका पूर्वअध्यक्ष दीपक गाैतम, वातावरणविद् श्रवण शर्मा, साहित्य सङ्गम मकवानपुरकी अध्यक्ष अनिता न्याैपानेलगायतले भनाईका साथै गजल सुनाएका थिए । यस्तै कार्यक्रममा मञ्चका पूर्व अध्यक्ष यश लामा, निवर्तमान अध्यक्ष देवराज तिवारी, सल्लाहकार पुरुषाेत्तम आचार्य, गजलकारहरु विष्णु गाैतम, सानू खनाल, ऋषि केबि, विशाल अधिकारी ‘आशुताेष’, रजनी पाैडेल, सुवास सजल, सुनिल गाैतम, अनिल काेइराला, प्रेरक गाैतमलगायतले गजल वाचन गरेका थिए ।
गजल मञ्च मकवानपुरका अध्यक्ष केशव समर्पणकाे अध्यक्षता तथा साहित्यकार/ महाकाव्यकार डा. नवराज लम्सालकाे प्रमुख आतिथ्यतामा गजल यात्रा कार्यक्रम भएकाे हाे । गजल विधाकाे उन्नयन र प्रवर्द्धनमा काम गर्दै आएकाे गजल मञ्च मकवानपुरले हरेक महिनाकाे पहिलाे शनिबार नियमित गजल यात्राकाे आयाेजना गर्दै आएकाे छ ।
हेटौंडामा दरबार एग्राे मार्ट संचालनमा
Tags: No Comments
मकवानपुर । मकवानपुरकाे हेटौडा उपमहानगरपालिकामा दरबार एग्राे मार्ट संचालनमा आएकाे छ । हेटौंडा–४ काे वडा कार्यालय नजिकै शितलमहलचोकमा दरबार मार्ट सञ्चालनमा आएको हाे ।
शनिबार बागमती प्रदेश सामाजिक विकास मन्त्री कुमारी मोक्तानले मार्टको औपचारिक उद्घाटन गरेकी हुन् । विगत ६ वर्षदेखि कृषि मुख्य पेशाकाे रुपमा अंगाल्दै ड्रागन फ्रुट, मेवा, खरबुजा लगायतका फलफूल खेतीको काम गरिरहेका पदमपोखरीका सुरज थिङले मार्ट सञ्चालनमा ल्याउन ल्याएका हुन् ।
५० लाख रुपिँया लगानीमा सञ्चालन गरिएको एग्राे मार्ट फलफुल र गेडागुडी लगायत स्थानीयस्तरमा उत्पादित कृषि उपजलाई प्राथामिकता दिने योजनाले सञ्चालनमा ल्याइएको थिङले बताए । एग्रो मार्ट संचालनमा आए पछि स्थानीय ६ जनाले प्रत्यक्ष रोजगारीकाे अवसर पाएका छन् ।
मकवानपुर । समाजमा हुने अपराधिक गवितिधि नियन्त्रण तथा नियमनको लागि प्रहरी, प्रशासन र अभियानकर्मीहरु लागि परिरहेको दाबि गरिए पनि अपराधको तथ्याङ्ख्या भने घट्न सकेको छैन ।
स्वयम व्यक्ति वा संस्थाको सानातिना त्रुटीका कारण समेत ठुला ठुला अपराधिक गतिविधिहरु हुने गरेको छ । बागमती प्रदेशमा अपराधिक घटना बढ्दो क्रममा रहेको प्रदेश प्रहरीको तथ्याङ्कले देखाएको छ। प्रदेश प्रहरी कार्यालय हेटौंडाका अनुसार आर्थिक वर्ष २०७८/७९ को तुलनामा २०७९/८० मा ६ दशमलव २२ प्रतिशतले अपराध बढेको हो । प्रदेश प्रहरी कार्यालयका अनुसार २०७८/७९ मा ४ हजार ४०५ वटा अपराधिक मुद्दा दर्ता भएकोमा २०७९/८० मा बढेर ४ हजार ६७९ वटा पुगेको छ। २०७८/७९ मा प्रदेशभर कर्तव्य ज्यान सम्बन्धि ५८ वटा मुद्दा दर्ता हुँदा अघिल्लो आर्थिक वर्ष ४३ वटा भएको छ ।
तथ्याङ्क अनुसार ज्यान मार्ने उद्योग सम्बन्धी अपराध आर्थिक वर्ष २०७८/७९ मा ११३ वटा दर्ता भएका छन् । यो शिर्षकमा अघिल्लो आर्थिक वर्षमा ६८ वटा दर्ता भएका थिए । बागमती प्रदेश प्रहरी कार्यालयका प्रवक्ता प्रहरी वरिष्ठ उपरीक्षक दीपक रेग्मीका अनुसार २०७८/७९ मा प्रदेशमा लागूऔषध सम्बन्धी ३४३ वटा मुद्दा दर्ता भएको छ । आथिएक वर्ष २०७९/०८ मा ३६३ वटा मुद्दा दर्ता भएका थिए । बागमती प्रदेशमा आर्थिक वर्ष २०७८/७९ मा जबरजस्ती करणी सम्बन्धी मुद्दा २६५ वटा र करणी उद्योग सम्बन्धी ६८ वटा मुद्दा दर्ता भएको देखिन्छ ।
यि शिर्षकमा आर्थिक वर्ष ०७९/०८० मा क्रमशः जबरजस्ती करणी सम्बन्धी २६४ वटा र करणी उद्योग सम्बन्धी ६३ वटा मुद्दा दर्ता भएको थियो। आर्थिक वर्ष २०७८/७९ मा ९०२ वटा आत्महत्याको मुद्दा दर्ता हुँदा अघिल्लो आर्थिक वर्ष बढेर ९४० वटा पुगेको छ।
आर्थिक वर्ष २०७८/७९ को तुलनामा गत आर्थिक वर्ष २०७९/८० मा ६ दशमलव २२ प्रतिशतले अपराध बढ्नुमा प्रहरी सक्रियताको कारण रहेको प्रदेश प्रहरीको दाबि छ । “अपराधिक घटना हुन नदिन प्रहरीले आफ्नो सक्रियता बढाइरहेकै छ, कतिपय घटनाहरु प्रहरीको सक्रियतापछि तथ्याङ्कमा बढी देखिने र घटना नै बढेको जस्तो लाग्ने हुन्छ” बागमती प्रदेश प्रहरी प्रवक्ता रेग्मीले भने । अपराध बढ्न नदिन प्रहरीसँगै समुदायको पनि उत्तिकै भूमिका रहने गर्दछ। यस्तै बागमती प्रदेश प्रहरी प्रमुख (प्रहरी नायब महानिरीक्षक) किरण राणाले पछिल्लो समय लागूऔषध दुव्र्यसन ठूलो समस्याको रुपमा देखा परेको बताइन् । लागूऔषध उत्पादन, सेवन र विक्रीवितरणमै रोक लगाउन बागमती प्रदेश अघि रहेको छ, उनले भनिन्, “यो हामी सबैका लागि चुनौतीको विषय हो ।”
फरार अपराधी पक्राउ, सबै किसिमको तस्करी नियन्त्रण, लागूऔषध खेति, विक्री वितरण, ओसारपसार र प्रयोग विरुद्ध विशेष अभियान संचालन गर्ने योजना रहेको जानकारी दिइन्। “हामीले गाँजाको विकल्पमा कफी खेतीलाई प्रोत्साहन गर्दै आएका छौ, स्थानीय सरकारको तर्फबाट पनि राम्रो प्रतिक्रिया पाएका छौ” रानाले भनिन् ।
निगरानी गर्न कार्ययाेजना तयार
यसैबीच बागमती प्रदेश प्रहरी कार्यालयले चालु आर्थिक वर्षको लागि सञ्चालन गरिने कार्यक्रमहरुको प्राथमिकीकरण गरेको छ । प्रहरी सेवा प्रवाहलाई प्रभावकारी बनाउन जिल्ला प्रहरी कर्याालय मकवानपुरबाट सुरु गरिएको स्मार्ट कन्ट्रोल रुम अवधारणालाई चालु आर्थिक वर्षमा चितवन, नुवाकोट र काभ्रेमा समेत संचालन गर्ने लक्ष्य लिइएको छ । यसैगरी चालु आव मै जनचेतनामुलक कार्यक्रम संचालनको परम्परागत शैलीलाई परिवर्तन गरी सचेतना आवश्यक पर्ने वर्ग, क्षेत्रको पहिचान गर्न जिल्लागत ५ वर्षको अपराधको गहन विश्लेषण गरी वास्तविक कार्यक्रम संचालनको लागि योजना तयार गरिएको छ ।
चितवन र मकवानपुर जिल्ला स्थित बढ्दो अवैध गाँजा/अफिम खेतिलाई विस्थापित गरी कृषकलाई कृषि/नगदे बाली तर्फ आकर्षित गर्न पहिलो चरणमा चितवनको राप्ती नगरपालिका र मकवानपुर जिल्लाको राक्सिराङ स्थितमा सरोकारवाला निकाय र स्थानीय तहसंगको समन्वयमा ३५ हजार थान कफिका विरुवा वृक्षारोपण गरिएको साथै चालु आवमा थप ५ लाख कफिका विरुवा हस्तान्तरण गर्ने गरी मास्के मल्टिप्रपोज एग्रिकल्चर एण्ड रिसर्च प्रा.ली. चितवन र स्थानीय तहसंग सम्झौताको तयारी भईरहेको डिआइजी रानाले बताइन् ।
यसैगरी फरार अपराधी पक्राउमा तिब्रता दिने, सबै किसिमको तस्करी नियन्त्रणमा प्रहरी फोर्सलाई अझै चुस्त पारिने, गम्भीरर एवं जघन्य पुराना पेण्डिङ मुद्धा सफल अनुसन्धानमा जोड दिने, अवैध प्राकृतिक स्रोतसाधनको दोहनलाई पुर्णरुपमा निषेध गर्ने, लागु औषधको खेति, विक्री वितरण, ओसारपसार र प्रयोग विरुद्धविशेष अभियान संचालन गरिने योजना बनाइएको छ ।
यसैगरी प्रहरी जनशक्ति सुदृढिकरण एवंशुन्य सहनशिलताको नीति अबलम्बन गर्ने, प्रहरी कर्मचारीको आचरण व्यवहारमा सुधार गर्ने, सेवा प्रवाहमा प्रभावकारिता ल्याउन प्रहरी उत्प्रेरणाका गतिविधिहरु संचालन लक्ष्य लिइएको छ ।