मकवानपुर । नेपालमा पछिल्लो २४ घण्टामा थप ७ हजार १ सय ३५ जना कोरोना संक्रमित संक्रमणमुक्त भएकाे स्वास्थ्य तथा जनसंख्या मन्त्रालयले जनाएकाे छ । देशभरका विभिन्न अस्पतालमा उपचाररत संस्थनगत अाइसाेलेसन तथा घरमै रहेका उनीहरु संक्रमणमुक्त भएकाे मन्त्रालयले जनाकारी दिएकाे हाे । योसँगै कोरोना संक्रमणमुक्त हुनेको संख्या ३ लाख ९८ हजार ४ सय ८३ पुगेको छ।
यस्तै पछिल्लो २४ घण्टामा ७ हजार ४ सय २५ जना कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १९ हजार ८ सय ४६ जनाको पीसीआर परीक्षणमा ७ हजार २ सय २० र ६ सय ७ जनाको एन्टिजेन विधिबाट गरिएको परीक्षणमा २ सय ५ जनामा कोरोना पुष्टि भएको हाे । यो सँगै नेपालमा कोरोना संक्रमितको संख्या ५ लाख २० हजार ४ सय ६१ पुगेको छ।
पछिल्लो २४ घण्टामा थप १ सय ८५ जना कोरोना संक्रमितको मृत्यु भएको छ। हालसम्म संक्रमित भएका मध्य ६ हजार ५ सय ३१ जनाको मृत्यु भएको मन्त्रालयले जनाएकाे छ ।

