मकवानपुर । नेपालमा पछिल्लो २४ घण्टामा थप २ हजार ५ सय ५९ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्रत्रालयले जनाएकाे छ । ९ हजार ६ सय ६४ नमूना परीक्षणमा पीसीआरबाट ८ हजार ७ सय ९८ जना र एन्टीजेनबाट ८ सय ६६ जना गरी २ हजार ५ सय ५९ जनामा कोरोना संक्रमण पुष्टि भएको हो ।
योसँगै नेपालमा कूल संक्रमितको संख्या २ लाख ९४ हजार ६ सय १ पुगेको छ । पछिल्लो २४ घण्टामा ४ सय १० जना काेराेना संक्रमणमुक्त भएकाे मन्त्रालयले जानकारी दिएकाे छ । याे समेत हालसम्म संक्रमणमुक्त हुनेको संख्या २ लाख ७६ हजार ७ सय ५५ जना पुगेको छ ।
स्वास्थ्य मन्त्रालयका अनुसार पछिल्लो २४ घण्टामा कोरोनाबाट ५ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या ३ हजार १ सय २२ पुगेको छ । हाल नेपालमा सक्रिय संक्रमितको संख्या १४ हजार ७ सय २४ जना रहेको छ ।

