मकवानपुर । रास्वपाको बागमती प्रदेश सभापतिमा मकवानपुरका उत्सव अर्याल निर्वाचित हुनु भएकाे छ । यसअघि सभापति रहेका डा. अच्युत लामिछाने सहित ३ जना उम्मेदवारलाई पराजित गर्दै अर्याल निर्वाचित हुनु भएकाे हाे ।
निर्वाचित अर्यालले ४१६ र डा. लामिछानेले ४१४ मत प्राप्त गरे पाए । अर्याल निवर्तमान समितिमा प्रवक्ता हुनुहुन्थ्यो । सभापति पदमा अर्याल र लामिछाने सहित हरिबहादुर खत्री र कृष्णमान श्रेष्ठ पनि प्रतिस्पर्धामा थिए ।
रास्वपाको बागमती प्रदेश अधिवेशन जेठ २६ गते हेटौंडामा उद्घाटन भएको थियो । निर्वाचन प्रक्रिया भने शनिबार काठमाडौंको धुम्बाराहीस्थित स्मार्ट पार्टी प्यालेसमा भएको थियो । नेतृत्वमा सहमतिको प्रयास सफल नभएपछि निर्वाचनबाट नेतृत्व चयन गरिएको हाे ।

