मकवानपुर । मकवानपुरको बकैया गाउँपालिकामा ट्रयाक्टर दुर्घटना हुँदा ३ जनाको मृत्यु भएको छ भने १९ जना घाइते भएका छन् ।
मंगलबार बकैया ७ अधेरीमा लु ५ त १७४ नम्बरको ट्रयाक्टर दुर्घटना हुँदा बकैया ७ अधेरी बस्ने ५५ वर्षीय केशव माझी, युवराज माझी, ४५ वर्षीय सन्तलाल माझीको मृत्यु भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार दुर्घटनामा घाइते भएका १९ जनाको हेटौंडा अस्पताल र चुरेहील अस्पतालमा उपचार भइरहेको छ ।

