मकवानपुर । मकवानपुरको हेटौंडा उपमहानगरपालिकामा करेन्ट लागेर एक जनाको मृत्यु भएको छ ।
बुधबार दिउँसो हेटौंडा–१९ नेवारपानीस्थित तारा फाइभर उद्योगका हेड अपरेटर ४० वर्षीय भुषण वैठाको करेन्ट लागेर मृत्यु भएको हो ।
भारतको बिहार राज्यको पूर्वी चम्पारणका भुषणको उद्योग नजिकै रहेको खोल्सामा मोटर लगाएर पानी तान्ने क्रममा करेन्ट लाग्दा मृत्यु भएको जिल्ला प्रहरी कार्यालय मकवानपुरले जनाएको छ ।
मृतकको शब हेटौंडा अस्पतालमा रहेको तथा घटनाको अनुसन्धान भइरहेको प्रहरीले जनाएको छ ।

