मकवानपुर । प्रदेश राजधानी हेटौंडाबाट संघीय राजधानी काठमाडौं जाने छोटो दुरीको कान्ति लोकपथ आजबाट ४ दिन बन्द हुने भएकाे छ ।
कान्तिलोकपथ अन्तर्गत पर्ने मकवानपुर र ललितपुरकाे सिमानामा पर्ने बगुबा–बागमती खोलामा निर्माणाधीन बेलीब्रिज निर्माण कार्यका आज बुधबारबाट ४ दिन सवारी आवागमन पूर्ण रूपमा बन्द गरिने जिल्ला प्रशासन कार्यालय मकवानपुरले जनाएको छ।
२१ जेठ २०८२ देखि २४ गतेसम्म सडकखण्डमा सवारी साधन सञ्चालनमा रोक लगाइएको हो। पुल निर्माणको क्रममा यात्रु तथा सवारीको सुरक्षालाई मध्यनजर गर्दै सो निर्णय लिइएको बताइएको छ।
उक्त अवधिमा हेटौंडा–काठमाडौं आउजाउ गर्ने यात्रु तथा सवारी साधनहरूलाई वैकल्पिक मार्गको प्रयोग गर्न समेत आग्रह गरिएको छ।

