मकवानपुर । मकवानपुरकाे भीमफेदी गाउँपालिका ९ स्थित त्रिभुवन राजपथ अन्तरगत लामिडाँडाकाे छैसठ्ठी माेडमा गाडी दुर्घटना हुँदा १४ जना घाइते भएकाे छन् ।
मंगलबार मकवानपुरकाे चित्लाङबाट सर्लाहीकाे लालबन्दी जादै गरेको प्रदेश २-०३-००१ ज ०१४७ नं. को विङ्गर गाडी सडकबाट करिब २० मिटर तल खसेर दुर्घटना हुँदा १४ जना घाइते भएकाे जिल्ला प्रहरी कार्यालय मकवानपुरले जनाएकाे छ । घाइते मध्ये मध्ये ३ जनाकाे अवस्था गम्भिर रहेकाे बताइएकाे छ । त्रिभुवन राजपथ सडक खण्डको छैसठ्टी मोडबाट उक्त गाडी खस्दा सल्लाको रूखले अड्काएकाे अवस्थामा रहेकाे प्रहरीले जनाएकाे छ ।
दुर्घटनास्थलमा प्रहरी चौकी भैसे र सिमभन्ज्याङ्गबाट खटिएको प्रहरी टोलीले घाइतेको उद्दार गरि हेटौडा अस्पतालमा ल्याइएकाे छ । प्रहरीका अनुसार उक्त गाडीमा चालक सहित १४ जना सवार थिए । बेक्र फेलभई गाडी दुर्घटना भएको उद्दारमा खटिएको टोलीले जानकारी दिएकाे प्रहरीले जानकारी दिएकाे छ ।

