मकवानपुर । बितेको २४ घण्टामा १ हजार ३ सय २९ जना निको भएका छन् । याे सँगै हालसम्म देशभर कोरोना निको हुनेको संख्या ६४ हजार ६९ पुगेको आइतबारको नियमित प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर गौतम जानकारी दिए ।
यसै गरी बितेको २४ घण्टामा देशभर थप २ हजार २ सय ५३ जनामा कोरोना भाइरस संक्रमण पुष्टि भएको छ । हाल कोरोना संक्रमितको कुल संख्या ८६ हजार ८ सय २३ पुगेको छ प्रवक्ता गाैतमले बताए । यसैगरी आजसम्म देशभर सक्रिय संक्रमित २२ हजार २ सय १९ जना रहेका छन् । जसमा संस्थागत आइसोलेसनमा १० हजार ३ सय २६ र होम आइसोलेसनमा ११ हजार ८सय ९३ जना रहेका गाैतमले जानकारी दिए ।
यस्तै बितेको २४ घण्टामा काठमाडौं उपत्यकमा १५९९ जनामा कोरोनाभाइरस संक्रमण पुष्टि भएको छ । काठमाडौंमा १३७३, ललितपुरमा १८७ र भक्तपुरमा ३९ गरी कुल १५९९ जनामा संक्तमण पुष्टि भएको हो।
यसैबीच कोरोनाबाट आज थप ७ जनाको मृत्यु भएको छ। यससँगै कोरोनाबाट मृत्यु हुनेको संख्या ५ सय ३५ पुगेको छ।
