मकवानपुर । मकवानपुरको बकैयामा भएको निःशुल्क आँखा शिविरमा ८० जनाको आँखा परीक्षण गरिएको छ ।
शनिबार बकैया गाउँपालिका वडा नम्बर ५ ले राजदमार स्वास्थ्य सेवा केन्द्रमा गरेको आँखा शिविरमा ८० जनाको आँखा परीक्षण गरिएको हो । बकैया ४ का ३ जना, बकैया ७ का ४ जना र बकैया ५ का ७२ जनाको आँखा परीक्षण गरिएको वडा सचिव देवराज लामिछानेले जानकारी दिए ।सफल फार्मेसी तथा आँखा क्लिनिक, आँखा अस्पतालका डा. रमेश अधिकारी सहितको टिमले आँखा परीक्षण गरेका थिए ।
शिविरमा आँखा परीक्षण गरिएको मध्य १६ जनाको शल्यक्रिया गर्नुपर्ने देखिएको लामिछानेले बताए ।उनीहरूको आँखाको अप्रेसन एकहप्तापछि राजदमार स्वास्थ्य सेवा केन्द्रमा हुने बताइएको छ ।

