मकवानपुर । मकवानपुरकाे हेटाैंडामा भएकाे नि:शुल्क शिविरमा ९४१ विद्यार्थीकाे आँखा जाँच गरिएकाे छ ।
पूर्व विद्यार्थीहरूको संस्था भुटनदेवी एल्मुनाई एशोसिएसन, रोटरी क्लब अफ हेटाैंडा, भुटनदेवी मावि र हेटौंडा सामुदायिक आँखा अस्पतालको संयुक्त आयोजनामा निःशुल्क आँखा परीक्षण गरिएकाे हाे ।
शिविरमा आँखा परिक्षण गरिएकाे मध्ये ७९ जनाको आँखामा समस्या देखिएको शिविरमा सहभागी हेटौंडा आँखा अस्पतालका डाक्टर शुसिल कुमार सिंहले जानकारी दिए । उनीहरुकाे आँखामा थप उपचार गर्नु पर्ने भएकाेले सामुदायिक आँखा अस्पताल रिफर गरिएकाे भुटनदेवी अल्मुनाई एशोसिएसन महासचिव राजेन्द्र पोखरेलले बताए।

शिविरमा भुटनदेवी माविका प्रअ माधवप्रसाद दाहाल, भुटनदेवी मावि पूर्व विद्यालय व्यवस्थापन समितिका अध्यक्ष पूर्वा दोर्जे लामा, रोटरी क्लब हेटौंडाका अध्यक्ष स्वागतराज प्याकुरेल, पूर्व प्रअ विशाल शर्मा बिडारी, एल्मुनाई एशाेसियनका सल्लाहकार विजेन्द्र अग्रवाल, हेटौडा २ का वडा अध्यक्ष अध्यक्ष विष्णु गोपाल महर्जनकाे उपस्थिति रहेकाे कार्यक्रम संयोजक सुदर्शन ढकालले बताए ।

