मकवानपुर । मकवानपुर प्रहरीले बागमती गाउँपालिकाबाट सालको चिरान काठ बरामद गरेको छ । प्रहरीले बागमती वडा नं.२ भुर्कुसबाट २१७.४२ क्यूफिट चिरान सालको काठ बरामद गरेकाे हाे ।
जिल्ला प्रहरी कार्यालय मकवानपुरका अनुसार आइतबार मध्यराति भुर्कुस टोलबाट बा.५ ख ५४०० नम्बरको टिपरमा लोड गर्दै गरेको अवस्थामा १८७ पिस अर्थात २१७.४२ क्यूफिट चिरान सालको काठ बरामद गरिएकाे हो । उक्त परिमाणकाे काठसहित ट्रिपर र चालक मकवानपुरगढी गाउँपालिका वडा नं. २ बस्ने बर्ष २५ को आईत सिङ मोक्तानलाई नियन्त्रणमा लिएको प्रहरीले जनाएको छ ।
चालक माेक्तान तथा उक्त टिपरलाई काठसहित अनुसन्धान तथा कारवाहीको लागि आइतबार डिभिजन वन कार्यालय मकवानपुरलाई बुझाएको प्रहरीले जनाएको छ ।

