मकवानपुर । मकवानपुरको हेटौंडा उपमहानगरपालिका १५ रातोमाटेमा सवारी दुर्घटना हुँदा सहचालकको मृत्यु भएको छ ।
असोज ९ गते बिहान हेटौडा १५ रातोमाटेस्थित पुर्व पश्चिम सडक खण्डमा चुरियामाई मन्दिर तर्फबाट हेटौडातर्फ आउदै गरेको ना.१ क ६०५५ नम्बरको हाइड्रा क्रेन आफै अनियन्त्रित भई सडकको छेउमा पल्टिदा चालक र सहचालक घाइते भएकोमा सहचालकको मृत्यु भएको मकवानपुर प्रहरीले जानकारी दिएको छ ।
क्रेन दुर्घटनामा सहचालक बिपिन महतोको उपचारको क्रममा मृत्यु भएको छ भने चालक दशरथ पासवान घाइते भएको मकवानपुर प्रहरी प्रवक्ता लक्ष्मी भण्डारीले बताए ।
उनका अनुसार दुर्घटनामा चालक पर्सा जिल्ला बिरगजं ३० लालपर्सा बस्ने ३० वर्षीय पासवान सामान्य घाईते भएका थिए । साथै सहचालक पर्सा बिश्रामपुर बस्ने १८ वर्षीय महत्तोलाई क्रेनले च्यापिएकोमा उद्धार गरी दुबै जनालाई उपचारको लागि हेटौडा अस्पताल ल्याइएकोमा सहचालक महतोको उपचारको डक्टरले मृत घोषणा गरेका थिए ।
घाइते चालक पासवानको हेटौंडा अस्पताल उपचार भइरहेको तथा दुर्घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
