मकवानपुर । मकवानपुरकाे हेटौंडा उपमहानगरपालिकामा नम्बर नखुलेको सवारीको ठक्करबाट १ जनाकाे मृत्यु भएको छ । पूर्व पश्चिम सडक खण्ड अन्तर्गत हेटौंडा उपमहानगरपालिका वडा नम्बर –४ नारायणी पेट्रोल पम्प नजिक नम्बर नखुलेको सवारीको ठक्करबाट १ जनाको मृत्यु भएको बागमती प्रदेश प्रहरीले जनाएकाे छ ।
प्रदेश प्रहरीका अनुसार शनाखत हुन नसकेको मागी खादै हिड्ने ४५ वर्षीय १ पुरुषको सवारीकाे ठक्करबाट ज्यान गएको हो । ठक्करबाट गम्भीर घाईते ती पुरुषको उपचारको क्रममा हेटौंडा अस्पताल मृत्यु भएको हो । शव हेटौंडा अस्पतालमा राखिएको छ भने ठक्कर दिने सवारीको खोजी भइरहेको प्रदेश प्रहरीले जानकारी दिएकाे छ ।
