सरस्वती पौडेल
आज किन चिसो भयो सिरानीमा फेरि ।
एउटै पात्र दोहोरियो कहानीमा फेरि ।
सधैं उस्तै बराबरी, उस्तै आगै आगो,
न त नाफा न भो घाटा लगानीमा फेरि ।
पात जस्तै सुकेर जाने हो यो फूलपनि ,
कतिन्जेल अडान लिन्छौ जवानीमा फेरि ।
नियतीले दुनियाँलाई मथिरहन्छ ठेकिभित्र,
एकदिन घुम्दै आउनै पर्छ मदानीमा फेरि ।
बेहिसाब मन दुखाइरहे तिम्रा यादहरु ले,
आइरहन्छ झ झल्को हावा पानीमा फेरि ।
भरतपुर चितवन

