मकवानपुर । बागमती प्रदेशसभाका १०९ सदस्यहरुको सपथग्रहण गरेका छन् । प्रदेशसभा सचिवालयमा आज दिउसो सपथग्रहण भएको हो । ३ जनाले तामाङ भाषा र १२ जनाले नेवारी भाषा गरी १५ जनाले मातृभाषामा सपथ लिएका थिए ।
बागमती प्रदेशका पूर्व मुख्यमन्त्रीहरु, मन्त्रीहरु, पूर्व सभामुख सहितको उपस्थितीमा सपथग्रहण गरिएको हो । प्रदेशसभा १०९ जना सदस्यहरुलाई बागमती प्रदेशसभाका जेष्ठ सदस्य ७२ वर्षका रामप्रसाद ढुंगानाले सपथग्रहण गराएका हुन् ।
हिजो ढुंगानाले प्रदेश प्रमुख यादवचन्द्र शर्मा समक्ष सपथग्रहण गरेका थिए । आजको सपथग्रहणपछी सभामुख चयन गर्ने, मुख्यमन्त्री चयन गर्ने नयाँ सत्ता गठवन्धनका दलहरुको तयारी रहेको छ ।

