मकवानपुर । मकवानपुर प्रहरीले ३८ किलो गाजाको धुलो सहित दुई जनालाई पक्राउ गरेको छ । पक्राउ पर्नेमा मनहरी गाउँ पालिका ७ का ३५ बर्षिय हरि कृष्ण अधिकारी र ३५ बर्षिय कृष्ण राई रहेको प्रहरीले जनाएको छ ।
मसिर २२ गते विहीबार मनहरी स्थित राष्ट्रिय निकुञ्ज सुरक्षाको लागि खटिएको नेपाली सेनाको गस्तिले निकुञ्ज क्षेत्रमा अधिकारी र राईलाई सामान बोकी शंकास्पदरुपमा हिडिरहेका देखि प्रहरीलाई खबर गरेको थियो ।
सेनाको खबर पछि ईलाका प्रहरी कार्यालय मनहरीका प्रहरी निरिक्षक कृणराज ढकाल सहितको टोलीले प्लास्टिकको ३ वटा बोरामा शंकास्पद सामान बोकी हिडेका अधिकारी र राईलाई पक्राउ गरेको हो ।
उनिहरुले ल्याएको बोरामा ३८ किलो गाँजाको धुलो फेला परेकोमा निजहरुको सम्बन्धमा आबश्यक अनुसन्धान भईरहेको इलाका प्रहरी कार्यालय मनहरीले जानकारी दिएको छ ।

